منتدى يهتم بشؤون المصريين و العرب المهاجرين الى كندا


    سلبيات الإندماج في المجتمع الكندي- دعوة للنقاش

    شاطر

    تصويت

    هل ستستطيع التغلب علي السلبيات التي سوف تواجهك في كندا

    [ 6 ]
    60% [60%] 
    [ 0 ]
    0% [0%] 
    [ 4 ]
    40% [40%] 

    مجموع عدد الأصوات: 10

    Nassarlink
    عضو
    عضو

    عدد المساهمات : 78
    تاريخ التسجيل : 29/08/2009
    العمر : 45

    سلبيات الإندماج في المجتمع الكندي- دعوة للنقاش

    مُساهمة  Nassarlink في الخميس 3 سبتمبر - 9:05

    لا نستطيع ان ننكر ان كندا بهرتنا جميعا بضوئها الوهّاج

    وان فيها من مباهج الدنيا ما يجعلنا نصنفها انها افضل دوله للعيش في العالم

    هذا ليس رأي شخصي عن كندا

    ولكن هو تصنيف العديد من المنظمات العالميه لكندا

    وان من بين افضل 10 مدن للعيش في العالم

    6 مدن كنديه

    لكن رغم كل هذا فان هناك مجموعه من السلبيات في المجتمع الكندي تجعلنا نفكر

    لا ليس نفكر بأن نلغي مشروع الهجره

    ولكن كيفيه التغلب علي تلك السلبيات

    حتي لا نندم علي هذا القرار

    نصّار

    خالد المسلم
    عضو جديد
    عضو جديد

    عدد المساهمات : 3
    تاريخ التسجيل : 02/09/2009

    رد: سلبيات الإندماج في المجتمع الكندي- دعوة للنقاش

    مُساهمة  خالد المسلم في الخميس 3 سبتمبر - 14:01

    السلام عليكم ورحمه الله وبركاته
    بصراحه فيه عوامل كتير بتواجه المهاجر الجديد ممكن على اثرها يغير رايه ويرجع لبلده او اى بلد عربى خليجى:
    1-معادله الشهاده الجامعيه :كندا فعلا مقبره الشهادات الجامعيه العربيه وغيرها انا لمست ده جدا لمؤهلات عليا كتير
    شغاله فى شغلانات كاجوال وهمه يخصصات مهمه جدا وللاسف عشان معندهمش الخبره الكنديه سوق العمل الكندى لم يستوعبهم
    بعضهم رجع والبعض كمل فى الكاجوال لان دخل الفرد من الكاجوال والاعانه يعتبر ممتاز
    2-اللغه :ده انا واجهته فى مونتريال على الرغم ان الانجليزى بتاعى كويس الحمد لله بس اللغه الرسميه فى موريال الفرنسيه
    هيه مش بتاثر عليك قوى فى التعامل الناس 90% بيرد عليك بالانجليزى لكن فيه نسبه مش بتعرف انجليزى فعلا وده نسبه بسيطه
    فى امورك الحياتيه العاديه البيع والشراء والشغل حتى ممكن تمشى نفسك بالانجليزى بس عشان تندمج integration لازم فرنساوى
    والا هيكون اندماجك مع جاليتك بس لكن عشان تندمج مع المجتمع ككل ويكون ليك معارف كيبكواز لازم اللغه
    3-فيه بقى عوامل دينيه :زى ان البعض يرى ان البقاء فى كندا حرام شرعا وانهم سنه او اتنين هيرجعوا على طول ..حاولت
    اتناقش مع اصحاب هذه الفئه لكن للاسف الموضوع كبير ممكن افتحه فى هدى الاسلام من واقع مشاهدتى
    فيه عوامل تانيه ...
    avatar
    Admin
    المدير
    المدير

    عدد المساهمات : 184
    تاريخ التسجيل : 27/08/2009
    العمر : 36
    الموقع : www.quebecimm.ahladalil.com

    رد: سلبيات الإندماج في المجتمع الكندي- دعوة للنقاش

    مُساهمة  Admin في الخميس 3 سبتمبر - 15:36

    خالد المسلم كتب:السلام عليكم ورحمه الله وبركاته
    بصراحه فيه عوامل كتير بتواجه المهاجر الجديد ممكن على اثرها يغير رايه ويرجع لبلده او اى بلد عربى خليجى:
    1-معادله الشهاده الجامعيه :كندا فعلا مقبره الشهادات الجامعيه العربيه وغيرها انا لمست ده جدا لمؤهلات عليا كتير
    شغاله فى شغلانات كاجوال وهمه يخصصات مهمه جدا وللاسف عشان معندهمش الخبره الكنديه سوق العمل الكندى لم يستوعبهم
    بعضهم رجع والبعض كمل فى الكاجوال لان دخل الفرد من الكاجوال والاعانه يعتبر ممتاز
    2-اللغه :ده انا واجهته فى مونتريال على الرغم ان الانجليزى بتاعى كويس الحمد لله بس اللغه الرسميه فى موريال الفرنسيه
    هيه مش بتاثر عليك قوى فى التعامل الناس 90% بيرد عليك بالانجليزى لكن فيه نسبه مش بتعرف انجليزى فعلا وده نسبه بسيطه
    فى امورك الحياتيه العاديه البيع والشراء والشغل حتى ممكن تمشى نفسك بالانجليزى بس عشان تندمج integration لازم فرنساوى
    والا هيكون اندماجك مع جاليتك بس لكن عشان تندمج مع المجتمع ككل ويكون ليك معارف كيبكواز لازم اللغه
    3-فيه بقى عوامل دينيه :زى ان البعض يرى ان البقاء فى كندا حرام شرعا وانهم سنه او اتنين هيرجعوا على طول ..حاولت
    اتناقش مع اصحاب هذه الفئه لكن للاسف الموضوع كبير ممكن افتحه فى هدى الاسلام من واقع مشاهدتى
    فيه عوامل تانيه ...

    كلامك مظبوط طبعا ... دا طبعا بالاضافة الى العادات و التقاليد و المشكلة الاكبر بقى هى تربية الاطفال و سن المراهقة و هى دى انا شايفها من مساوىء الهجرة الاساسية
    و ايضا مشكلة البداية من الصفر.... الواحد هنا عمل اسم فى مكانة و حيروح يبدا من تحت الصفر هناك ...و لازم النقطة دى تتراعى جامد جدا لانها فى الاول حتسبب احباط شديد فى اعتقادى
    و شكرا


    عدل سابقا من قبل Admin في الخميس 3 سبتمبر - 19:15 عدل 1 مرات
    avatar
    Muhammad Zidan
    عضو جديد
    عضو جديد

    عدد المساهمات : 16
    تاريخ التسجيل : 02/09/2009
    العمر : 48

    رد: سلبيات الإندماج في المجتمع الكندي- دعوة للنقاش

    مُساهمة  Muhammad Zidan في الخميس 3 سبتمبر - 18:58

    بيتهيألي والله اعلم إن المصري يمتلك من المقومات والإمكانيات الذهنية والبدنية ما يجعله يواجه أي متغيرات ويتعامل معها بل ويندمج فيها إلى حد التأقلم

    بالنسبة للسلبيات المخيفة في كندا وهي أقصى ما أخشاه هو الحياة الاجتماعية والأسرية وسط بعض القوانين التي تباعد أكثر ما تُقرِب بين أفراد الأسرة .. كسهولة شكوى الأبناء لوالديهم وإنزال عقوبة بشكل ما على الوالد أو الوالدة في حال ثبت الإيذاء للأولاد ..أو حرمان الوالدين أطفالهم ..

    أشياء قليلة مخيفة ولكنها جديرة بالبحث والدراسة

    astrophy
    عضو جديد
    عضو جديد

    عدد المساهمات : 10
    تاريخ التسجيل : 01/09/2009

    رد: سلبيات الإندماج في المجتمع الكندي- دعوة للنقاش

    مُساهمة  astrophy في الجمعة 4 سبتمبر - 16:45

    كلامكم مظبوط طبعا ومعقول بسى احنا مش عندنا اختيار اولا كندا ممتازه لتعليم الاولاد جدا ودا مستقبل ممتاز تعالوا نقارن مصر فى التعليم طبعا صفر


    بالنسبه لتربيه الوضع اختلف عن الماضى دلوقتى وانت فى مصر ومش فى القاهره كمان عندك اشياء ممكن تاثر على ابنك زى النت والدش دى وسائل سهله تفسد اخلاق الابناء بدون رقابه بالنسبه للعادات اعتقد لماتكون الام مصريه بتكون التربيه اسهل بكتير

    ولما الاب بيركز ان الابناء تروح تتعلم عربى فى المركز الاسلامى دا بيكون كويس

    انا عارف الحياه فى مصر عادت صعبه والسنين القادمه هتكون مستحيله

    الدول العربيه الحياه غير مستقره

    فالما نحسب المزايا والعيوب اعقتد كندا تكسب

    om reham
    عضو جديد
    عضو جديد

    عدد المساهمات : 1
    تاريخ التسجيل : 03/09/2009

    رد: سلبيات الإندماج في المجتمع الكندي- دعوة للنقاش

    مُساهمة  om reham في الإثنين 7 سبتمبر - 20:36

    سلام عليكم, لست أدري لماذا الخوف الزائد علي أولادكم تفاؤلو وإتركو كل شئ علي لله ,أولادكم ستنحرف هنا أوهناك بل علي العكس في كند أكثر أمان أولادك أمام عينيك أكثر الوقت لأنه ممنوع ترك الأطفال وحدهم في البيت أو الشارع وعلي حسب ظني أولادكم صغار بل لكم ميزه أنهم يعرفو عربي و درسوه في المدارس ليس مثل من ولد هنا لم يعرف الحروف أوحتي قواعدها ثم لو قلت لأي طفل سيأخذ أباك وأمك منك سيخاف ويحافظ عليهما أكثر من نفسه لهذاحكاية يبلغ عنك الشرطه أو المدرسه مستبعد إلا لو كنت ظالم ومستبد مع ولدك أو بنتك وهذا لا أظنه مع أباء هذا العصر يعني سسيد أصبح قليل أو معدوم لهذا وما أردت أن أقوله ليس صعب إن شاء الله السيطره علي الأطفال قبل أن يكبر وأعيد أنت محظوضين تقدرو تعود للبلد في الصيف أو حتي في الشتاء في العطل يعني , سيقي الإرتباط مع البلد والقيم العربيه ستبقي والخوف من الخالق موجود بل والله سيزيد عندك أولا ثم ستحوله لأولادك ,الغربه تعلمك الإعتماد علي نفسك و حب الناس وحب بلدك وشوق لها وعائلتك الكبري وتعلمك هدوء الأعصاب بما أنكم ستهاجرو للعيش الكريم وليس لتحويش والجري علي المال والدنياوالله المعين علي كل شئ .عفوا علي الإطاله [b]
    avatar
    Muhammad Zidan
    عضو جديد
    عضو جديد

    عدد المساهمات : 16
    تاريخ التسجيل : 02/09/2009
    العمر : 48

    رد: سلبيات الإندماج في المجتمع الكندي- دعوة للنقاش

    مُساهمة  Muhammad Zidan في الثلاثاء 8 سبتمبر - 1:01

    om reham كتب:سلام عليكم, لست أدري لماذا الخوف الزائد علي أولادكم تفاؤلو وإتركو كل شئ علي لله ,أولادكم ستنحرف هنا أوهناك بل علي العكس في كند أكثر أمان أولادك أمام عينيك أكثر الوقت لأنه ممنوع ترك الأطفال وحدهم في البيت أو الشارع وعلي حسب ظني أولادكم صغار بل لكم ميزه أنهم يعرفو عربي و درسوه في المدارس ليس مثل من ولد هنا لم يعرف الحروف أوحتي قواعدها ثم لو قلت لأي طفل سيأخذ أباك وأمك منك سيخاف ويحافظ عليهما أكثر من نفسه لهذاحكاية يبلغ عنك الشرطه أو المدرسه مستبعد إلا لو كنت ظالم ومستبد مع ولدك أو بنتك وهذا لا أظنه مع أباء هذا العصر يعني سسيد أصبح قليل أو معدوم لهذا وما أردت أن أقوله ليس صعب إن شاء الله السيطره علي الأطفال قبل أن يكبر وأعيد أنت محظوضين تقدرو تعود للبلد في الصيف أو حتي في الشتاء في العطل يعني , سيقي الإرتباط مع البلد والقيم العربيه ستبقي والخوف من الخالق موجود بل والله سيزيد عندك أولا ثم ستحوله لأولادك ,الغربه تعلمك الإعتماد علي نفسك و حب الناس وحب بلدك وشوق لها وعائلتك الكبري وتعلمك هدوء الأعصاب بما أنكم ستهاجرو للعيش الكريم وليس لتحويش والجري علي المال والدنياوالله المعين علي كل شئ .عفوا علي الإطاله [b]

    أهلاً بيكي Om Reham

    إحنا لا ننكر كل مميزات كندا وخاصة في الناحية الصحية والعلمية

    وبرضه أقل مقارنة بسيطة بينها وبين الأوضاع في مصر ستظهر مساوئ مصر بكل وضوح

    لكن هذه المخاوف لا يمكن إغفالها أو تناسيها

    حتى القانون هنا رغم سوئه إلا أن القضاء والمحاكم العرفية مازالت تتمسك بالتقاليد والأعراف القديمة والتي تضع الولد أو الأولاد موضع الأملاك لوالديه

    لكن زي ما حضرتك قلتي التربية هي الفيصل والارتباط بالوطن عن طريق الزيارات المتتالية تنمي الشعور بالانتماء للأهل والوطن

    وفي النهاية هي قدرات الإنسان المصري على التأقلم والاندماج والبعد على التبدل التحول إلى الكندية الاجتماعية

    تحياتي للجميع

    abdelhalim
    عضو جديد
    عضو جديد

    عدد المساهمات : 23
    تاريخ التسجيل : 01/09/2009
    العمر : 38

    السلام عليكم أول أيام عيد الفطر المبارك

    مُساهمة  abdelhalim في الأحد 20 سبتمبر - 7:26

    بالنسبة للمقارنة بين العيش في كندا والعيشة في مصر أكيد فيه مميزات وفيه عيوب بس المميزات أكتر من العيوب
    أول مايواجه المهاجر الجديدهو ازاي يعمل علاقات مع أبناء الجالية العربيةويتقرب منهم أكتر وأكتر
    ثانيا موضوع اللغة لابد من أن المهاجر يعرف يكتسب اللكنة بأسرع وقت ويكون قوي نفسه بكورسات قبل مايمشي من مصر
    أنا شايف لو المهاجر بيتكلم فرنساوي كويس وناوي يقعد في كيبك يبقي لازم يعرف فرنش كويس ويحاول بكل الوسائل أن يتعرف علي كيبكواه من خلال مواقع للتعارف قبل مايمشي ويعمل له نتورك بقدر المستطاعلان ده ممكن يسهل له عملية الأندماج من قبل مايمشي من مصر
    - لابد للمهاجر قبل مايفكر في الهجرة يعرف المشوار اللي مقبل عليه والموضوع انه رايح يعبي فلوس وخلاص زي مابنسمع من أخوانا اللي سافروا لأوروبا في التمنينات والتسعينات وقدوا يعملوا فلوس في وقت قياسي . الهجرة معناها من وجهة نظري تغيير لمصار الحياة في كل شيء والموضوع لايرتبط بس بالفلوس وخلاص انت مش رايح تزوغ في أوربا وتقعد من غير ورق وفي الأخر هترجع بفلوس .هجرةيعني لازم تاخد الموضوع كله بعيوبه قبل مميزاته
    -الإندماج في المجتمع الكندي مش معناه ان الواحد ينسي اللي اتربي عليه وينسي دينه ومبادئه,في بعض الأحيان الأندماج بشكل كبير ممكن يؤدي بالشخص انه ينسي كل شيء ويفقد هويته ,يعني سلاح ذو حدين,وكمان المهاجر يندمج بالشكل اللي يخليه شخص ناجح وشخصية يحتذي بها وفي نفس الوقت اندماجهميأثرش علي دينه وعاداته وتقاليده,أنا أعرف ناس في أوربا لما انبهروا بالقيم الأوربية دلوقتي مبيفكروش حتي يتصلوا بأهاليهم خلاص مثل هذا الشخص انجرف في التيار ومش عارف ينجو وعلي النقيض فيه ناس ناجحة جدا ومندمجة اندماج بناء مش هدام دول اللي مفروض علينا نحتذي بيهم
    - الشغل ودا موضوع من الموضوعات اللي بتشغل تفكير المهاجر وهل هيلاقي شغل بسرعة ولا هيقعد يستني aide social
    ولا يفكريغير لمدينة تانيةلعل وعسي ممكن يلاقي له فرص أكتر في أي مجال من الشغل الكاجوال لان الأزمة الأقتصادية مأثرة علي كل الشغل فربنا يستر علي ان المهاجر يلاقي له فرصة شغل كويسة
    وخصوصا اذا كان المهاجر أعذب فدا لازم يقيسها خطوة خطوة ويعرف هو ماشي ازاي لأنكم زي مانتوا عارفين أن الأسرة الوضع مختلف فلذلك علي المهاجر بشكل فردي مش متجوز يحسبها صح قبل مايمشي
    - ثنائية اللغة دا شيء ممتاز لو كل مهاجر قدر يلم باإنجليزي والفرنساوي في نفس الوقت والموضوع مش صعب
    - الخوف علي الأولاد من المجتمع لازم نقطة تتحط في الحسبان وأنا شايف أن إحواني إستفاضوا في هذه الجزئية وعندهم الحلول
    عايز أحكي قصة بنت كندية هي من أصل جزائري اسمها ياسمينا دا هاجرت مع أبوها وأمها وكان عمرها 15 سنة وبعد ماهاجروا كانت السبب في دخول واليها السجن والترحيل من كندا الي الجزائر ودلوقتي البنت بلا دين ملحدة وأنا عرفت الموضوع ده من سيدة كندية كنت بتناقش معاها وحكت لي هذه القصة
    فياريت تخلوا بالكم من الأولاد لأن دول أهم من أي حاجة تانيةممكن يكونوا سبب سعادة أو شقاء والديهم في الدنيا والأخرة والله المستعان
    -لابد من الأرتباط بالوطن
    - المعادلة والخبرة الكندية دول من الأشياء اللي تخوف وتخلي المهاجر لازم يقلق لان بدون معادلة وبدون جامعة وبدون خبرة كندية يعني الموضوع هيبقي نفسيا صعب وطبعا من خلال كلام دكتور خالد المسلم حبيب قلبي وهو ذكر لنا حكاية المعادلة والخبرة من خلال الحداشر يوم
    برودة الجو في الشتاء وماأدراك لما تكون تحت 40 كما في كالجاري علي سبيل المثال لازم نحط الموضوع ده في الحسبان

    phrma83
    عضو جديد
    عضو جديد

    عدد المساهمات : 25
    تاريخ التسجيل : 31/10/2009
    الموقع : الاسكندرية

    رد: سلبيات الإندماج في المجتمع الكندي- دعوة للنقاش

    مُساهمة  phrma83 في الأحد 1 نوفمبر - 9:20

    مش عارف يا جماعه اقوال ايه على موضوع الاندماج اللى انا شايف انه اصعب من المقابلة والحصول على الفيزا
    لانه بيكون صعب جدا لو انت عملت كل الخطوات دى ومقدرتش تندمج فى المجتمع اللى انت رايح له ودا بيتوقف على حسب طبيعه الشخص المهاجر والبيئة بتاعته فى موطنه الاصلى

    انا لو هتكلم يبقا هتكلم بالنسبة لنفسى يمكن انا شايف ان الموضوع دا سهل بالنسبة لى عشان انا اتغربت عن اهلى وانا عندى 16 سنة وروحت بعيد كان اعتمادى على نفسى فى كل شى
    من اكل للشرب لمذاكرة كل شى والحمد لله ربنا وفقنى . اهم شى عملتى انى اعرف العادات وتقاليد وابدا احترمها وبعدين ابدا امارسها لو هى تتماشى معاى ثانيا اللغة او بالنسبة لى عشان كنت فى نفس الدولة يبقا اللكنة اتقنت اللكنة كويس بحيث اظهر انى ابن بلد لانى مش بحب ابدا اظهر انى غريب لان دا ليه اثار سلبية كتيرة فى المعاملة وثالثا واهم شى هو انك تعرف البلد كويس او الحى اللى انت فيه كويس من ناحية الجهات الخدمية للترفهية لكله بحيث تبقا ملم بلبلد

    الكلام دا كان فى دراستى من ناحية حياتى العملية برضه اتغربت وعشت بعيد عن اهلى بمسافات كبيرة لكنى قدرت انى برضه اعمل نفس الشى واتكيف تماما فى البلد اللى انا عايش فيها واكون واحد منها ومن جواى محسستش نفسى يوم انى غريب ولكن دايما بقول بلدى هى مكان رزقى ووطنى هو اللى مكان الللى يعطينى ويحافظ على ويحترمنى ودا مبداى سواء بالنسبة لتجربتى فى بلدى من غربة داخلية او بالنسبة لغربتى فى دولة اخرى

    وكمان لما ربنا كرمنى وسافرت لندن وقاعدت هناك فترة عرفت اتعامل وحسيت انى قادر اندمج بسرعه على رغم قصر الفترة لانى انا كنت من جواى حابب الاندماج وعاوز اعرف عن المجتمع دا كل شى لان انت لو حابب شى هتعمله وانت مبسوط.


    . وكمان انا بعتبر ان الدنيا والحياة كلها غربة على وجه الارض ولينا وطن اخر ليس على هذه الارض



    وسلامى من شاب عصامى لكل من اضاء شمعه فى الظلام امامى
    avatar
    Admin
    المدير
    المدير

    عدد المساهمات : 184
    تاريخ التسجيل : 27/08/2009
    العمر : 36
    الموقع : www.quebecimm.ahladalil.com

    رد: سلبيات الإندماج في المجتمع الكندي- دعوة للنقاش

    مُساهمة  Admin في الأحد 1 نوفمبر - 11:44

    و اللة يا جماعة انا رايى مقارب للاستاذ phrma83
    لانى شايف ان موضوع التاقلم بيعتمد فى المقام على الشخصية و طبعا كلما كان الانسان شخصيتة مرنة كلما تاقلم بسرعة ....
    و لكن للاسف غالبية الناس هنا فى مصر معندهاش روح المرونة دى و خاصتا فى العمل فما بالك بقى بالعادات و كدة... و عشان كدة بنلاقى ان الناس الغير مرنة فعلا بتتعب هناك و احيانا بتفشل و دة راجع لان الى ف دماغة فى دماغة و فى الاخر بيلاقى نفسة وحيد
    و اكيد انة كلما كان السن صغير كلما ساعد هذا على سرعة التاقلم و عشان كدة كمان كل السن مايكون صغير كل ما تكون نقطة عالية فى الابليكشن
    الخلاصة فى ان النجاح فى الشخصية القوية الارادة و المرنة فى التعامل مع المشكلات و الناس

    و شكرا

    phrma83
    عضو جديد
    عضو جديد

    عدد المساهمات : 25
    تاريخ التسجيل : 31/10/2009
    الموقع : الاسكندرية

    رد: سلبيات الإندماج في المجتمع الكندي- دعوة للنقاش

    مُساهمة  phrma83 في الأحد 1 نوفمبر - 13:09

    فعلا زاى ما الادمن العزيز قال انهم عشان التاقلم بيعطوا السن درجات اعلى لانه كل ما كان المهاجر صغير كل ما بيكون عنده سرعه على التاقلم والتكيف مع الجو المحيط

    ولازم يا جماعه الواحد قبل ما يفكر يهاجر يشوف هل هو عنده المقدرة على التكيف او مستعد نفسيا انه يتكيف مع ظروف وجو وبيئة مختلفة عليه

    وكمان من النقط المهمة للمهاجر انك متحطش فى دماغك انك مهاجر لكن لازم تعرف وتحس وتعيش انى دى بلدك وبلد اولادك وكمان مستقبلكم مع بعض

    وربنا يوفق كل الناس

    jessika
    المشرف العام
    المشرف العام

    عدد المساهمات : 182
    تاريخ التسجيل : 02/09/2009
    العمر : 36
    الموقع : www.quebecimm.ahladalil.com

    رد: سلبيات الإندماج في المجتمع الكندي- دعوة للنقاش

    مُساهمة  jessika في الأحد 1 نوفمبر - 13:41

    لفت نظرى فى موضوع الاستاذ فارم جزئية اننا نحس انها بلدنا بجد مش اننا مهاجرين!!!

    تفتكروا يا جماعة ممكن ييجى يوم احس انها بلدى فعلا زى مصر واحبها بجد زى حبى الفطرى لمصر

    يعنى افرح من قلبى لما يحصل اى انجاز فيها؟

    لو فريق الكورة عندهم لعب ابقى قلقانة وقلبى يظقطط كدة لما يغلب حتى لو مليش فى الكور زى ما بيحصل هنا

    اسئلة كتير!!!!!!

    ياترى حد فيكم فكر قبل كدة فى دة؟

    يعنى ميبقاش مجرد انى ملتزمة علشان لازم التزم او لان دة الصح يعنى اقصد ميبقاش علشان حب يبقى علشان دة الصح ولازم يتعمل

    احساسى هناك هايبقى ازاى وانتوا كمان؟

    phrma83
    عضو جديد
    عضو جديد

    عدد المساهمات : 25
    تاريخ التسجيل : 31/10/2009
    الموقع : الاسكندرية

    رد: سلبيات الإندماج في المجتمع الكندي- دعوة للنقاش

    مُساهمة  phrma83 في الإثنين 2 نوفمبر - 7:10

    ياه يا مدام جسيكا مصر دى زاى ما انتى قولتى حب فطرى طلعنا منه وكبرنا فيه وعاش جوانا . مصر مش وطن عايشين فيه دى وطن عايش فينا

    حب الفطرة شى وحب العوامل المكتسبة شى تانى . احنا لما هنسافروا هنحب الكيببك او اى بلد مهجر لانها قدمت لينا الحياة الكويسة وتعليم الكويس وراحة النفسية والفكرية والبدنية

    بس عارفه انا لما كنت خارج مصر كنت بغمض عينى وانزل بروحى فى شوارعها وامشى فيها وقولها وحشتينى يا بلدى كل شارع فيها ليه معاى ذكرى سواء حزينة او مفرحة اللى لينا فى مصر يا مدام جسيكا عمر وايام وطفولة وشباب دا غير اصحاب وقاريب

    حبنا ليها بيطلع من خلال تشجعينا للكورة او تعليم او ان شخص مصرى ناجح او اى شى يمت بصلة لبدنا ويبين انها كويسة

    لكن بالنسبة لبلد المهجر هيكون نفس الشى بس مش بنفس الدرجة يعنى لو كسبوا فى مطش كورة هفرح لو خسروا هقولهم معلش مش هيكون تاثير جامد قوى ( ودا بيرجع لدرجة التاقلم اللى انت وصلت للها او الانغماس فى مجتمعك الجديد او حسب تجربتك فى وطنك ان كانت مؤلمة او عادية)

    وسلامى من شاب عصامى لكل من اضاء شمعه فى الظلام امامى

    Son of the king
    عضو جديد
    عضو جديد

    عدد المساهمات : 9
    تاريخ التسجيل : 12/03/2010

    رد: سلبيات الإندماج في المجتمع الكندي- دعوة للنقاش

    مُساهمة  Son of the king في السبت 13 مارس - 22:05

    اعتقد ان جميع الاراء جميلة , و ان كنت احب اضيف ان اهم حاجة في موضوع الهجرة هو تحديد الهدف من الهجرة , كما اعتقد ان الامر يختلف من شخص الي اخري مما يضطر اي حد لمحاولة اكتشاف الواقع بنفسه و مراجعة اهدافة من جديد , بكل المقاييس اعتقد ان الموضوع ربحان بس في اي جانب و باي شكل و باي معدل , هذا ما سيختلف من شخص الي اخري و من حالة الي اخري
    احب اضيف ان الصراحة و عدم المجاملة و الحرية في هذة المجتمعات ( حسب ما سمعت ) ستجعل الامر اكثر سهوله من مجتمع يتميز بعدم الصراحة و الالتزام

      الوقت/التاريخ الآن هو الجمعة 24 نوفمبر - 18:24