منتدى يهتم بشؤون المصريين و العرب المهاجرين الى كندا


    اعمال ومشاريع خاصة بالسيدات

    شاطر

    jessika
    المشرف العام
    المشرف العام

    عدد المساهمات : 182
    تاريخ التسجيل : 02/09/2009
    العمر : 36
    الموقع : www.quebecimm.ahladalil.com

    اعمال ومشاريع خاصة بالسيدات

    مُساهمة  jessika في الإثنين 21 سبتمبر - 22:49

    اخواتى وصديقات الحلم الجميل لكندا

    فكرت من فترة فى فتح موضوع جديد بس هو بعيدا شوية عن ما تم طرحة من اخويا عماد

    هو خاص شوية بالاعمال اللى ممكن تعملها اى سيدة مننا ممكن تساعد بسهولة لسرعة الاندماج وعلشان اللغة وكمان كدخل فى بداية الحياة وممكن كمان يستمر علطول

    كل واحدة فينا عندها فن فى شىء معين زى مثلا الكوفير وكل ما يخخص السيدات من اعمال للشعر والمانيكير والباديكير والخ

    فى مننا عندة موهبة فى صنع الحلويات الشرقية والكيك والخ

    فياريت اى واحدة عندها الموهبة دية .......ززاة اخدت فيها كورسات

    تدخل وتشارك وكلنا نفيد بعض

    وصدقونى دى بداية كويسة وهاتفيد كتير خاصتا اللى معندهمش خبرة فى الشغل

    وكمان اللى عندهم اطفال

    دة غير انها ممكن تبتدى باعمال بسيطة فى البيت وتقدرى تدرسيها هناك وتتخصصى فيها باذن اللة

    اتشجعوا وتعالوا وسوا ممكن نفكر ونساعد بعض

    منتظراكم
    avatar
    Admin
    المدير
    المدير

    عدد المساهمات : 184
    تاريخ التسجيل : 27/08/2009
    العمر : 36
    الموقع : www.quebecimm.ahladalil.com

    رد: اعمال ومشاريع خاصة بالسيدات

    مُساهمة  Admin في الثلاثاء 22 سبتمبر - 9:38

    الاخت الفاضلة جيسكا
    فعلا انا اقترحت الموضوع دة و مازلت مصر علية جدا
    لان دور المراة هناك اهم من دور الزوج خاصتا فى تربية الاطفال و الميزانية ...الخ
    عشام كدة تم افتتاح منتدى جديد اسمة

    النساء المصريات و تحديات الهجرة


    و تتشرف ادارة المنتدى بتعينك مشرفة على منتدى المراة دة

    و تمنياتى بالتوفيق

    على فكرة تم حذف الموضوع من باب الهجرة ووضعة هنا

    و شكرا

    jessika
    المشرف العام
    المشرف العام

    عدد المساهمات : 182
    تاريخ التسجيل : 02/09/2009
    العمر : 36
    الموقع : www.quebecimm.ahladalil.com

    رد: اعمال ومشاريع خاصة بالسيدات

    مُساهمة  jessika في الثلاثاء 22 سبتمبر - 10:24

    يا عماد قول بقى تم فتح توبيك جديد ولا موضوع جديد مش منتــــــــــــــــــــــــــــــــــــــدى جديد
    انا عن نفسى اتلخبطت وفكرتة منتدى تانى غير دة
    على فكرة اختيارك لاسم الباب رائــــــــــــــــــــــــــــــــــع
    avatar
    Admin
    المدير
    المدير

    عدد المساهمات : 184
    تاريخ التسجيل : 27/08/2009
    العمر : 36
    الموقع : www.quebecimm.ahladalil.com

    رد: اعمال ومشاريع خاصة بالسيدات

    مُساهمة  Admin في الثلاثاء 22 سبتمبر - 10:37

    jessika كتب:يا عماد قول بقى تم فتح توبيك جديد ولا موضوع جديد مش منتــــــــــــــــــــــــــــــــــــــدى جديد
    انا عن نفسى اتلخبطت وفكرتة منتدى تانى غير دة
    على فكرة اختيارك لاسم الباب رائــــــــــــــــــــــــــــــــــع

    اللة يخليكى و مبروك عليكى الاشراف على قسم المراة
    و بصراحة انا شايف ان دور المراة هناك اهم من دور الراجل بكتيرررررررررر
    خاصتا فى تربية الاطفال و الحفاظ على دور ربنا و العادات و التقاليد
    دا بالاضافة الى مسك الميزانية و الدراسة و تصبير الزوج على الضغوط الى بيقابلها
    يالا شدى حيلك بقى و ابتدى اتكلمى فى الحضانة و المدارس و الاكل و الشرب ............الخ

    و ربنا يوفق الجميع


    jessika
    المشرف العام
    المشرف العام

    عدد المساهمات : 182
    تاريخ التسجيل : 02/09/2009
    العمر : 36
    الموقع : www.quebecimm.ahladalil.com

    رد: اعمال ومشاريع خاصة بالسيدات

    مُساهمة  jessika في الثلاثاء 22 سبتمبر - 11:17

    شوفوا بقى يا سيدات يا جميلات

    .بناء على طلب المدير العام اللى ممكن يرفدنى هانخلى الموضوع خاص بكل ما يشغل المراة يعنى مش بس الشغل زى ما كتبت الاول ...........هابتدى معاكم باهم الاشياء اللى محتجاها كل واحدة فينا قبل السفر وبعض نصايح عامة من الناس اللى سافرت قبل كدة
    بدايتا بالنسبة للشنط كل شنطة تقدرى تكتبى محتوايتها فى ورقة صغيرة وتحطيها فى جيب الشنطة علشان لما توصلى تقدرى تعرفى محتوايتها بسهولة
    تقدرى تشترى شريط ستان بلون معين وتحطى فى ايد كل شنطة قطعة منة لو معاكى شنط كتير لسهولة التعارف على الشنط لان فى شنط للاسف ضاعت من ناس زى هانى لويس مثلا
    نيجى بقى للاشياء المهمة فى بداية الحياة .....اهم شىء الادوية للاطفال فى بداية اول 3 شهور علشان مفيش تامين صحى طبعا كلنا عارفين
    بالنسبة للمبلاس بالنسبالك اللبس هناك مختلف واشيك بكتير وياريت بلاش تلمى الدولاب كلة معاكى التركيز بس على كم جاكت تقيل وبس لان لسة ناس مسافرة وكانوا اشتروا لبس كتير جديد من مصر واتصدموا لما شافوا الازياء هناك واللبس اترمى
    مهم جدا لجوزك اى نعم احنا مش بنتكلم على اللى يخصهم بس يلا مش مهم خلينا احنا الاحسن الناس قلتلى لابد من شراء انا مكسوفة موت وانا بكتب بس هو مهم الكالسونات القطن الرجالى وللاطفال كمان مش موجودة هناك خالص
    بالنسبة للملايات شكل الملايات هناك مختلف وكمان مفيش مخدات بتبقى اكياس خداديات فقط وليها حجم كبير شوية علشان متاخدوش ملايات كتير
    البطاطين كمان مش مستحبة لان هنا الاستخدام اللحاف الفايبر فقط عملى وبيقضى الغرض
    اخر حاجة تقدرى تاخدى كم حلة وادوات مطبخ بسيطة لاول فترة
    طبعا الاجهزة الكربائية ممنوعة لان الفولت مختلف
    من المهم كمان الكيبورد العربى علشان تكلمى ماما واخواتك بابا لا طبعا لان دة قسم نسائى
    وكدة المرحلة دى خلصت
    اول ما توصلوا وتفضوا الشنط هاننتقل لمرحلة تانى
    بالتوفيق

    jessika
    المشرف العام
    المشرف العام

    عدد المساهمات : 182
    تاريخ التسجيل : 02/09/2009
    العمر : 36
    الموقع : www.quebecimm.ahladalil.com

    «عشرة آلاف وردة» لنساء كندا

    مُساهمة  jessika في الثلاثاء 22 سبتمبر - 11:41

    مونتريال (كندا): جاكلين سلام

    «عشرة آلاف وردة» كتاب يؤرخ للحركة النسوية في كندا، للباحثة والناشطة النسوية جودي ريبيك، تلتقي فيه الكاتبة بعدد كبير من الناشطات النسويات اللواتي شكلن الحركة النسوية في كندا وما زلن يناضلن لتحقيق مكاسب أخرى تخص رعاية الأطفال والحد من العنف والفقر والاضطهاد وتحقيق الأجر المتساوي لقاء الأعمال نفسها لكل من الرجل والمرأة.
    لماذا عشرة آلاف وردة؟
    تقول الناشطة النسوية والباحثة الاجتماعية جودي ريبيك في مقدمة كتابها، ان اختيار هذا الاسم كعنوان للكتاب جاء تخليدا لمناسبة استثنائية حدثت في كيبيك ـ كندا، عام 1995، حين قامت النساء بمسيرة من مونتريال الى كيبيك، وذلك من اجل الحد من الفقر، وكان عددهن حوالي ثمانية آلاف امرأة. وحين عبورهن بالقرى والضواحي في كيبيك، كان الناس يخرجون الى الشوارع للتحية والمشاركة، وكانت كذلك أجراس الكنائس تقرع تهليلا ومناصرة لهن. وكان هناك رجل يملك مزرعة خاصة للعناية بالأزهار، وعندما عبرت المسيرة في جواره في منطقة (درومنفيل) تأثر كثيراً وسحره المشهد فحمل «عشرة آلاف وردة» الى مركز مدينة كيبيك، وهناك وزعها على الحضور من الرجال والنساء كتحية ومعاضدة
    .

    sandy
    عضو جديد
    عضو جديد

    عدد المساهمات : 3
    تاريخ التسجيل : 22/09/2009

    رد: اعمال ومشاريع خاصة بالسيدات

    مُساهمة  sandy في الثلاثاء 22 سبتمبر - 21:44

    [[مبروك يا جيسيكا على المنصب الجديد فى المنتدى ودة اول مشاركة

    [على فكرة انا معجبةبفكرة الكوافير[/

    Nassarlink
    عضو
    عضو

    عدد المساهمات : 78
    تاريخ التسجيل : 29/08/2009
    العمر : 45

    رد: اعمال ومشاريع خاصة بالسيدات

    مُساهمة  Nassarlink في الأربعاء 23 سبتمبر - 8:09

    jessika كتب:[b]بدايتا بالنسبة للشنط كل شنطة تقدرى تكتبى محتوايتها فى ورقة صغيرة وتحطيها فى جيب الشنطة علشان لما توصلى تقدرى تعرفى محتوايتها بسهولة
    تقدرى تشترى شريط ستان بلون معين وتحطى فى ايد كل شنطة قطعة منة لو معاكى شنط كتير لسهولة التعارف على الشنط لان فى شنط للاسف ضاعت من ناس زى هانى لويس مثلا


    الله ينور
    الفكرتين دول ممتازين يا جيسكا
    والف مبروك علي الاشراف

    وعقبال الميديكال

    نصّار
    [/b]

    jessika
    المشرف العام
    المشرف العام

    عدد المساهمات : 182
    تاريخ التسجيل : 02/09/2009
    العمر : 36
    الموقع : www.quebecimm.ahladalil.com

    رد: اعمال ومشاريع خاصة بالسيدات

    مُساهمة  jessika في الأربعاء 23 سبتمبر - 10:04

    اهلا بيكى يا ساندى نورتى المنتدى

    يلا مستنية افكارك
    عندك موهبة فى اية بالنسبة للكوفير؟ وهل خدتى كورسات ولا لا؟
    مع العلم انك لو شاطرة فية هاتقدرى تشتغلى وانتى فى البيت دة فى الاول
    بعد كدة تقدرى تدرسى فن الكوافير ودة دراستة تقريبا 6 شهور وتقدرى تتخصصى فية وتفتحى مكان خاص
    يلا مستنية افكارك يا قمر وخبراتك وخبرات صديقاتك كمان لو امكن
    عايزين حماس اكتر
    متشكرة يا استاذ نصار وبعدين احنا عايزين مدام سعاد بعد اذنك ياريت تسيبلها الكمبيوتر شوية علشان تشرفنا وتمتعنا بافكارها انا عارفة انها موهوبة جدا فى الحلويات
    ربنا معانا

    poulaemad
    عضو جديد
    عضو جديد

    عدد المساهمات : 18
    تاريخ التسجيل : 31/08/2009
    العمر : 39

    رد: اعمال ومشاريع خاصة بالسيدات

    مُساهمة  poulaemad في الأربعاء 23 سبتمبر - 11:46

    تحياتى يا جيسيكا
    مبروك الاشراف يا جميل
    وعقبال كده ما اباركلك على الميديكال قريب ان شاء الله
    بالنسبه للشنط والورقه الى فيها محتويات الشنط ده فكره هايله وعجبتنى قوى
    انا كمان عندى اضافه بسيطه كنوع من التنظيم
    يعنى ايه؟؟؟؟

    بما اننا كتبنا محتويات كل شنطه وعرفنا فيها ايه ! فممكن ان الشنط تتقسم صيفى وشتوى
    يعنى ان الواحد ساعات بيسافر فى اول الشتاء فبيبقى مش محتاج غير الاشياء الشتوى او العكس
    يعنى
    الملابس الشتويه تتجمع فى شنط وحدها واللبس الصيفى فى شنط لوحده
    وبكده اول اما اوصل مش مطلوب منى انى افضى الشنط كلها مره واحده

    الى محتاجاه بس يا اما الصيفى او الشتوى والباقى بقى يبقى على مهل يعنى بعد ما الواحد يشم نفسه شويه من السفر
    وطبعا انا عارفه الشنط الى حفتحها وممكن كمان احط فيها ادوات المطبخ الاوليه واى اشياء شخصيه ححتاج استعملها فى الاول

    طبعا مش عاوزه اقولكم ارهاق السفر وتغير الوقت وعدم النوم قبل السفر بكذا يوم والنكد والعياط كل اما تيجى تسلمى على حد

    بكده الى حد ما وفرنا المجهود والخناقه المعتاده مع تفضيه الشنط
    وربنامعاكى
    وبالتوفيق
    avatar
    Admin
    المدير
    المدير

    عدد المساهمات : 184
    تاريخ التسجيل : 27/08/2009
    العمر : 36
    الموقع : www.quebecimm.ahladalil.com

    رد: اعمال ومشاريع خاصة بالسيدات

    مُساهمة  Admin في الأربعاء 23 سبتمبر - 11:51

    هايل يا جماعة واللة
    يا ريت بردو تعملو حساب التعامل مع الاولاد سواء الاطفال او المراهق او حتى الشباب و ازاى حتتغلبو على بعض السلبيات الموجودة
    و ازاى حاتكونو حكماء فى بعض التصرفات
    و ازاى تحافظو على ازواجكم من العيون الخضراء و الزرقاء......ههههههههههة
    و دة موقع الحكومة الكيبكواة للمراة العاملة ممكن تستفيدو منة
    http://www.immigration-quebec.gouv.qc.ca/en/choose-quebec/daily-life/family/women-work.html
    بالتوفيق يا جماعة

    jessika
    المشرف العام
    المشرف العام

    عدد المساهمات : 182
    تاريخ التسجيل : 02/09/2009
    العمر : 36
    الموقع : www.quebecimm.ahladalil.com

    رد: اعمال ومشاريع خاصة بالسيدات

    مُساهمة  jessika في الأربعاء 23 سبتمبر - 12:01

    بولا حبيبة قلبى نورتى المنتدى بجد
    اضافة جميلة يا بولا......يلا عايزين ننشط شوية وكل اللى عندة اضافة مش بس الشغل كمان الاطفال الميزانية اى موهبة اى كورسات فى اى مجال
    كلة يكتب ولو شىء بسيط اكيد هايفيد حد وكلنا هانكمل بعض
    وربنا يقوينا ويوفقنا

    jessika
    المشرف العام
    المشرف العام

    عدد المساهمات : 182
    تاريخ التسجيل : 02/09/2009
    العمر : 36
    الموقع : www.quebecimm.ahladalil.com

    رد: اعمال ومشاريع خاصة بالسيدات

    مُساهمة  jessika في الأربعاء 23 سبتمبر - 12:05

    استاذ نصار عمدتنا فى كيبك نورت
    ياريت تسيب شوية الكمبيوتر لمدام سعاد علشان تشاركنا عارفة انها عندها مواهب حلوة وخاصتا الحلويات
    منتظراكى يا سوسو

    sandy
    عضو جديد
    عضو جديد

    عدد المساهمات : 3
    تاريخ التسجيل : 22/09/2009

    رد: اعمال ومشاريع خاصة بالسيدات

    مُساهمة  sandy في الأربعاء 23 سبتمبر - 22:22

    ازيك يا

    جسيكا

    اتمنى انك تكونى بخير

    انت شجعتينى ادور على معلومات نستفيد منها كلنا زى مثلا العناية بالأظافر............
    .
    فالوصفات والأعشاب الطبيعية لها تأثيرعلى العناية بالأظافر من حيث أنها
    تساعد على نموها جيدا وتقويتها وبعضها يساعد فى علاج الأمراض التى قد تظهر
    على الأظافر كالأصفرار وتقصف وتشقق الأظافر وضعفها وقابليتها لهشاشة
    والكسر فيمكن عمل وصفات طبيعية لدعك الاظافر او نقعها بها او عمل كريمات
    تدهن بها او توضع بواسطة عود رفيع ملفوف طرفه بقطعة صغيرة من القطن على أن
    تغسل اليدين جيدا قبل وضع اى وصفة او كريم سواء كان طبيعى او مستحضر تجميل
    لكى نضمن اكمل استفادة ...



    لعلاج ضعف الأظافر تتكون من خل التفاح ويدهن به الأظافر لمدة ساعتين في اليوم لمدة 15 يوم

    لأظافر الهشة سهلة الكسر: تغسل اليدين جيد وتغمس الاظافر فى نصف ليمونة لمدة خمس دقائق يوميا لكى تستعيد قوتها وصحتها

    علاج تقصف وتشقق الأظافر: تناول فص من الثوم النيه يوميا كل صباح لمدة شهر
    وصفة لعلاج تقصف وتشقق الأظافر: من
    زيت الزيتون أو زيت السمسم بحيث تنقع أطراف الصوابع في زيت الزيتون أو
    السمسم مع عمل تدليك خفيف للأظافر في الاتجاه من أعلى لأسفل

    لقضاء على اصفرار لون الاظافر: تدعك الأظافرك بنصف ليمونة مرة والمرة الثانية تدعك بقشرة الليمونة وهذا الاصفرار غالبا يكون نتيجة لدخان السجائر
    لتقوية الأظافر: يستخدم زيت الخروع كدهان يوميا قبل النوم بزيت الخروع
    وصفة لتقوية الأظافر: تتكون من زيت الخروع وزيت الزيتون يخلطوا ويوضع الخليط على الأظافر قبل النوم

    لتغذية الأظافر: من
    صفار بيضة و4 ملاعق صغيرة من ملح الطعام و4 ملاعق صغيرة من زيت الخروع
    وملعقة صغيرة من العسل الأبيض ثم تخلط المكونات ويوضع الخليط في زجاجة
    ويستخدم مرتين او ثلاث مرات أسبوعيا على الأقل قبل النوم

    تقوية اليدين والأظافر الضعيفه: توضع اليدين والأظافرفى ماء متدوب بها ملح وليمون لمدة 10 دقائق من 3 إلى 4 أيام أسبوعيا
    خليط مغذي ومنعم:
    يخلط بياض بيضة وملعقة صغيرة جلسرين وملعقة صغيرة عسل بالإضافة إلى نصف
    ملعقة صغيرة دقيق ثم يوضع الخليط على الأظافر ويترك يعمل طوال الليل

    لصحة وجمال الاظافر: وصفة تتكون من عصير البقدونس ويوضع العصير في إناء وتوضع الأظافر في الأناء لمدة ساعة يوميا ويستمر لمدة شهر
    كريم لتقوية وجمال الأظافر: يتم
    عمل وصفة من 3 ملاعق صغيرة زيت زيتون و3 ملاعق صغيرة من خل التفاح وصفار
    بيضة واحدة ثم تخلط المكونات ويوضع الخليط في زجاجة ويستخدم بصفة متكررة
    ككريم للأظافر

    كريم للعناية بالأظافر: يتكون
    من معلقتين كبار من زيت زيتون أو زيت اللوز و معلقتين كبار من عسل نحل
    وبياض بيضة ثم يضرب بياض البيضة ويخلط مع باقي المكونات ويدهن بالخليط
    الأظافرك من جذورها حتى نهايتها مع التدليك خفيف
    كريم لتغذية وترطيب اليدين والأظافر:
    يتكون من صفار بيضة وملعقة صغيرة من زيت عباد الشمس ثم تخلط المكونات جيدا
    لغاية حتى تصيرعجينة وتدلك بيها الإيدين والأظافر جيدا ثم تشطف اليدين
    والأظافر بالماء


    الى اللقاء المرة القادمة
    sandy




    var addthis_pub="steelbeauty";

    jessika
    المشرف العام
    المشرف العام

    عدد المساهمات : 182
    تاريخ التسجيل : 02/09/2009
    العمر : 36
    الموقع : www.quebecimm.ahladalil.com

    رد: اعمال ومشاريع خاصة بالسيدات

    مُساهمة  jessika في الخميس 24 سبتمبر - 0:27

    جميل يا سندى موضوع جميل وهايفيد اللى ناوى يتخصص فى مجال الكوفير

    بس عايزنك يا قمر تلخصيلنا كل اللى يهم مجال الكوفير من عنياية للاطفار والشعر واماكن للكورسات علشان اللى ناوى يشتغل فية يبقى فاهم

    وربنا يقويكى يا قمر
    avatar
    Admin
    المدير
    المدير

    عدد المساهمات : 184
    تاريخ التسجيل : 27/08/2009
    العمر : 36
    الموقع : www.quebecimm.ahladalil.com

    رد: اعمال ومشاريع خاصة بالسيدات

    مُساهمة  Admin في الخميس 24 سبتمبر - 9:18

    اسف يا جماعة على تدخلى ف الموضوع الستاتى دة
    بس الحقيقة ان مراكز التجميل دى بيكون ليها كورسات و دبلومات و حاجات كدة
    طبعا قليل منها الى فى مصر و لكن فية حاجات كتير ممكن تفيدكو
    على سبيل المثال دة مثال على كيفية الرسم على الاظافر يا اخواتى الستات
    و دة الموقع الى حاتلاقو فية حاجات انشاء اللة تفيدكو كتير

    http://aarabladies.com/559-%D8%B4%D8%B1%D8%AD-%D9%83%D9%8A%D9%81%D9%8A%D8%A9-%D8%AA%D8%AC%D9%85%D9%8A%D9%84-%D8%A7%D9%84%D8%A3%D8%B8%D8%A7%D9%81%D8%B1-%D8%A8%D8%A7%D9%84%D8%B1%D8%B3%D9%85-%D8%B9%D9%84%D9%8A%D9%87%D8%A7.html

    و تمنياتى للجميع بالتوفيق

    jessika
    المشرف العام
    المشرف العام

    عدد المساهمات : 182
    تاريخ التسجيل : 02/09/2009
    العمر : 36
    الموقع : www.quebecimm.ahladalil.com

    رد: اعمال ومشاريع خاصة بالسيدات

    مُساهمة  jessika في الخميس 24 سبتمبر - 14:48



    موقع جميل يا باشمهندس عماد



    بس تصدقوا كدة الرجالة هاتاكل وشنا المفروض الستات تشتغل شوية ويبقى عندها معلومات اكتر



    على فكرة يا ساندى الموقع دة فعلا هاتنبسطى منة فى وصفات كتير حلوة



    صحيح رحبوا معانا بساندى يا جماعة هى اول مرة تشارك هى من الناس القمرات جدا شخصية فعلا عسولة والان بروسيس بتاعها 19\1 يلا ادعولها بقى يكون وشنا حلو عليها



    avatar
    Admin
    المدير
    المدير

    عدد المساهمات : 184
    تاريخ التسجيل : 27/08/2009
    العمر : 36
    الموقع : www.quebecimm.ahladalil.com

    رد: اعمال ومشاريع خاصة بالسيدات

    مُساهمة  Admin في الخميس 24 سبتمبر - 18:42

    اهلا بيكى يا ساندى
    و نورتى المنتدى
    و انشاء اللة الميدكال يكون طلع و تستلمية قبل اخر الشهر دة انشاء اللة

    و تمنياتى بالتوفيق


    jessika
    المشرف العام
    المشرف العام

    عدد المساهمات : 182
    تاريخ التسجيل : 02/09/2009
    العمر : 36
    الموقع : www.quebecimm.ahladalil.com

    رد: اعمال ومشاريع خاصة بالسيدات

    مُساهمة  jessika في الخميس 24 سبتمبر - 20:03

    اخواتى وصديقاتى
    مش عارفة اقلكم اية انا النهاردة محبطة شوية ومش عارفة هاستمر معاكم ولا لا
    بس انا مش عايزة افضل اكتب عن كندا والاحلام ولسة مش عارفة موقفى ممكن اترفض وساعتها يبقى كابوس
    بنتى كمان النهاردة عمالة تقلى حاسة اننا مش هنسافر يا ماما احبطتنى كدة فجاة دة غير اختنا دعاء اللى اترفضت خلت الواحد مبقاش واثق فى شى
    محتاجة بجد صلواتكم ومتزعلوش لو مستمرتش معاكم بس افضلوا اكتبوا بجد والكل اكيد هيستفاد

    Nassarlink
    عضو
    عضو

    عدد المساهمات : 78
    تاريخ التسجيل : 29/08/2009
    العمر : 45

    رد: اعمال ومشاريع خاصة بالسيدات

    مُساهمة  Nassarlink في الخميس 24 سبتمبر - 22:18

    jessika كتب:


    اخواتى وصديقاتى


    مش عارفة اقلكم اية انا النهاردة محبطة شوية ومش عارفة هاستمر معاكم ولا لا


    بس انا مش عايزة افضل اكتب عن كندا والاحلام ولسة مش عارفة موقفى ممكن اترفض وساعتها يبقى كابوس


    بنتى كمان النهاردة عمالة تقلى حاسة اننا مش هنسافر يا ماما احبطتنى كدة فجاة دة غير اختنا دعاء اللى اترفضت خلت الواحد مبقاش واثق فى شى


    محتاجة بجد صلواتكم ومتزعلوش لو مستمرتش معاكم بس افضلوا اكتبوا بجد والكل اكيد هيستفاد



    متقوليش الكلام ده يا جيسكا

    ده انتي الي بترفعي روحنا المعنويه دايما

    ان شاء الله نركب طياره مونتريال سوا

    انتي نسيتي السندوتشات ولا ايه

    ولا عاوزه تهربي من الاتفاق





    kouki
    عضو جديد
    عضو جديد

    عدد المساهمات : 9
    تاريخ التسجيل : 24/09/2009

    رد: اعمال ومشاريع خاصة بالسيدات

    مُساهمة  kouki في الخميس 24 سبتمبر - 23:09

    [b]مساء الخير ممكن اشترك معاكو

    kouki
    عضو جديد
    عضو جديد

    عدد المساهمات : 9
    تاريخ التسجيل : 24/09/2009

    رد: اعمال ومشاريع خاصة بالسيدات

    مُساهمة  kouki في الخميس 24 سبتمبر - 23:19

    انا جالي المديكال يم 17-8 وعملته يوم 22-8 وفى انتظار الفيزا وحاسة انها اتاخرت صلولي
    انا لى تجربة مع الكوافير واتعلمت فى15يوم عن طريق مؤسسة فكر واعمل
    مستعدة لاى استفسار

    sandy
    عضو جديد
    عضو جديد

    عدد المساهمات : 3
    تاريخ التسجيل : 22/09/2009

    رد: اعمال ومشاريع خاصة بالسيدات

    مُساهمة  sandy في الخميس 24 سبتمبر - 23:21


    نورتى
    المنتدى يا كوكى .ياريت تكلمينا عن كورس الكوافير اللى


    اخدتية

    kouki
    عضو جديد
    عضو جديد

    عدد المساهمات : 9
    تاريخ التسجيل : 24/09/2009

    رد: اعمال ومشاريع خاصة بالسيدات

    مُساهمة  kouki في الخميس 24 سبتمبر - 23:35


    ارقام التليفونات
    22387115 - 22329108
    دي تليفونات المؤسسة لو حد عايز اي استفسار
    وفي كمان كورس خياطة وحاجات تانية
    وانا فعلا استافدت وقصيت لناس كتير وعملت سيشوار وهاي لايت وصبغة وحاليا بقص لاولادي وجوزي

    kouki
    عضو جديد
    عضو جديد

    عدد المساهمات : 9
    تاريخ التسجيل : 24/09/2009

    رد: اعمال ومشاريع خاصة بالسيدات

    مُساهمة  kouki في الخميس 24 سبتمبر - 23:49

    علي فكرة مؤسسة فكر واعمل هي مؤسسة تبع الشئون الاجتماعية
    وانا وجوزي اخذنا الكورس ده واخدنا شهادات بس اعتقد انها غير معتمدة من الخارجية

      الوقت/التاريخ الآن هو الثلاثاء 17 أكتوبر - 20:25