منتدى يهتم بشؤون المصريين و العرب المهاجرين الى كندا


    اعمال ومشاريع خاصة بالسيدات

    شاطر
    avatar
    Admin
    المدير
    المدير

    عدد المساهمات : 184
    تاريخ التسجيل : 27/08/2009
    العمر : 36
    الموقع : www.quebecimm.ahladalil.com

    رد: اعمال ومشاريع خاصة بالسيدات

    مُساهمة  Admin في الجمعة 25 سبتمبر - 7:54

    jessika كتب:


    اخواتى وصديقاتى


    مش عارفة اقلكم اية انا النهاردة محبطة شوية ومش عارفة هاستمر معاكم ولا لا


    بس انا مش عايزة افضل اكتب عن كندا والاحلام ولسة مش عارفة موقفى ممكن اترفض وساعتها يبقى كابوس


    بنتى كمان النهاردة عمالة تقلى حاسة اننا مش هنسافر يا ماما احبطتنى كدة فجاة دة غير اختنا دعاء اللى اترفضت خلت الواحد مبقاش واثق فى شى


    محتاجة بجد صلواتكم ومتزعلوش لو مستمرتش معاكم بس افضلوا اكتبوا بجد والكل اكيد هيستفاد



    اية يا جيسكا فى اية بس
    اولا بنتك دى انتى عارفاها كويس......غتيتة...هههههههههههههههههه
    ماتقلقيش و سيبيها على اللة و بعدين احنا كلنا فى حالة قلق شديد و انتى كدة اشعلتى فتيل الحرب
    لكن فى كل الاحوال ربنا الى عاوزة حايكون للاحسن و الافضل
    و بلاش القلق الجامد دة لانة سبب لى انا شخصيا متاعب جسدية و بتعالج منة
    ارجوكى انتى و جميع الاخوات بلاش القلق الزيادة
    و ربنا مع الجميع

    avatar
    Admin
    المدير
    المدير

    عدد المساهمات : 184
    تاريخ التسجيل : 27/08/2009
    العمر : 36
    الموقع : www.quebecimm.ahladalil.com

    رد: اعمال ومشاريع خاصة بالسيدات

    مُساهمة  Admin في الجمعة 25 سبتمبر - 7:56

    kouki كتب:انا جالي المديكال يم 17-8 وعملته يوم 22-8 وفى انتظار الفيزا وحاسة انها اتاخرت صلولي
    انا لى تجربة مع الكوافير واتعلمت فى15يوم عن طريق مؤسسة فكر واعمل
    مستعدة لاى استفسار
    ربنا يوفئك يا كوكى
    موضوع الفيزا دة ميزدش عن شهرين ...فا ماتقلقيش
    و بعدين ربنا موجود و سيبيها علية

    و ربنا يوفق الجميع
    avatar
    rere
    عضو قديم
    عضو قديم

    عدد المساهمات : 42
    تاريخ التسجيل : 03/09/2009
    العمر : 40

    مساء الخير

    مُساهمة  rere في الأربعاء 7 أكتوبر - 16:28

    جميل الموضوع اوى ياجيسيكا انا عن نفسى بطرز سواريهات فساتين سهرة وملابس كاجول ومفارش سفرة وصالون
    وانا عارفة انهم هناك بيقدرو الشغل الهاند ميد

    jessika
    المشرف العام
    المشرف العام

    عدد المساهمات : 182
    تاريخ التسجيل : 02/09/2009
    العمر : 35
    الموقع : www.quebecimm.ahladalil.com

    رد: اعمال ومشاريع خاصة بالسيدات

    مُساهمة  jessika في الإثنين 12 أكتوبر - 16:35

    اهلا بيكى يا ريري

    برافو عليكى هم فعلا بيهتموا جدا بالهاند ميد والساعة تقريبا ب 9 دولار تخيلى انتى ممكن تخلصى فستان فى كم ساعة اكيد كتير وبالتالى دخلة كبير

    اكتبلنا اكتر اتعلمتى فين وازاى؟ وياريت تستمرى وتكتبى
    avatar
    rere
    عضو قديم
    عضو قديم

    عدد المساهمات : 42
    تاريخ التسجيل : 03/09/2009
    العمر : 40

    رد: اعمال ومشاريع خاصة بالسيدات

    مُساهمة  rere في الأحد 18 أكتوبر - 16:55

    Félicitations كوكى

    jessika
    المشرف العام
    المشرف العام

    عدد المساهمات : 182
    تاريخ التسجيل : 02/09/2009
    العمر : 35
    الموقع : www.quebecimm.ahladalil.com

    رد: اعمال ومشاريع خاصة بالسيدات

    مُساهمة  jessika في الإثنين 2 نوفمبر - 10:23

    الوظائف الكاجوال.. او اللي مش عايزة معادلة..للرجال والنساء


    فيه بعض الوظائف اللي بتتعمل في البيت و دي كويسه للسيدات الغير متفرغات علي سبيل المثال بعد الاعمال اليدويه البسيطه .. خطيبتي مثلا كانت بتركب بادجات علي تيشيرتات لصالح مصنع .. تروح تجيب تيشيرتات و بادجات من المصنع و عن طريق جهاز المصنع هو اللي موفره تركب البادجات علي التيشيرتات و الاجر كان كويس يعني قدرت توفر حوالي 2500 دولار في حوالي شهر و نص و طبعا شغل مريح و حسب المزاج و فكره كويسه لربات البيوت لزيادة الدخل .. طبعا فيه حاجات تانيه زي كده لكن مش عارف مدى توافرها في كندا
    بالمناسبه نسيت اقول انها شغاله دلوقتي كاشير تحت التدريب في Canadian tire
    بارت تايم بـ 9 دولار للساعه

    ========================================================
    موضوع هام و هو العمل من البيت و خاصه للزوجات القادمات حديثا و لسه لم تتفاعل مع المجتمع و لكن هنا نقطه لابد أن نحذر منها و هى ان معظم الشركات التى توفر لك عمل من المنزل تتقاضى أتعاب مقابل توفيرها مدخلا لك أما لتسويق منتج لك او توفير مدخل لموقع لتعمل فى ما يسمى بالتسويق الأليكترونى ...لهذا فوجهه نظرى أن العمل بالمنزل أصلح كامتداد لعملك الأساسى فمثلا اذا كنت او كنتى محاسبه و قررت مثلا العمل ك Mortgage Broker و هى وظيفه تسهيل الحصول على القروض من أجل السكن فستجد أن معظم هؤلاء يعملون من المنزل و لاتحتاج لمقابله العميل الا مره واحده عند تقديم المستندات الخاصه بالقرض

    =======================================================

    آدى كمان شغلانه هامه و تنفع للبلان بى و هى ال Pharmacy Assistant ونسبه البطاله بها منخفضه للغايه و عائدها أعلى من متوسط الدخل فى أونتاريو اللى هو 18دولار و سته سنت فى الساعه بقليل يعنى 18 و نصف الى 19و نصف. على فكره الصيدليات هنا ليست المنتشره فى المحلات و السوبر ستورز الكبيره فقط لكن فيه أكتر من مكان اخر فيه صيدليات زى Long Term Care Facilities و المستشفيات و دور المسنين و غيرها .

    =======================================================

    بالنسبه لل Bioinformatics ففيها نقطه هامه لابد تسأل نفسك عليها قبل دخول غمار الدبلوما اللى هى كلها 8 شهور و هى : هل انت لديك الميل لدراسه ال SQL و ال C, Perl, HTML, Java ؟ و كمان الأوركال ....يعنى انا مثلا بأخد كورس فى ال SQL و ده بعد مرحله متقدمه من ال ACCESS و لكن أنت كصيدلى هل لديك ميل للنوعيه دى من الدراسه ؟ ده سؤال مهم جدا خاصه أن متوسط الدخل لها يتساوى مع ال Pharmacy Assistant بالرغم من موادها الأصعب و نسبه البطاله بها 6 فى الميه ...

    =======================================================

    تحديدا فى موضوع التصوير الفوتوغرافى و على وجه العموم فى باقى الأعمال الخاصه فتورنتو و مونتريال مدن تعتبر قديمه نسبيا مقارنتا بباقى المدن فالنوعيه دى من الأعمال الخاصه منتشره جدا فمثلا فى كل wallmart تجد ستوديو , فى كل بلازا تجد ستوديو , الكثير من المينى ستورز يقدم خدمه التصوير للوثائق الحكوميه و الباسبورات لكن كأى بيزنس لو أتجهت للتجمعات الجديده بيكون البيزنس مطلوب خاصه أن الناس بتفضل الخدمه القريبه لمسكنها مش بس الكسل بس كمان أسعار البنزين ...
    ليا صديق يعمل فى مجال البيزنس الخاص بالنقاشه و هو مهندس مدنى و قال لى أن هذا العمل يعتبر من الأعمال الموسميه , يكثر الطلب فى الصيف مع أستعدادات الناس لتطوير بيوتهم و المبانى السكنيه العاليه أيضا تتحرك فيها أعمال الصيانه الخاصه بالدهانات فى هذا الفصل.
    بيحصل ال Painter على حوالى 17 دولار فى الساعه و لكن لها معدل بطاله عالى نظرا لأن التشطيبات الداخليه لحوالى 85 فى الميه من البيوت من الخشب و هذا بيسهل دهان الناس لبيوتها بنفسها و أنتشار مشروعات Do it yourself فى البيوت .

    ======================================================
    اضيف ان فية شهادات في ال bio informatics وشهادة في researcher assestant دي شهادات محترمة جدا واللي بيقدم ليها لازم يكون بكالوؤيوس او ماجستير ومدتها من ثمان شهور الي سنة وبتشغل الواحد بعد كدة شغلانة محترمة جدا وفلوسها كويسة.
    بس فعلا يا ابو اليسر انا عاوز اعرف هل ممكن بداية دراسة الشهادات دية قبل السفر ولا لاء من باب تقليل المدة.
    ====================================================

    فى كل حاره و عطفه حتلاقى مكتبه و أنشطه المكتبه لاتنتهى وممكن تربطك بحاجه تانيه خالص غير أمانه المكتبات زى تبادل تعليم اللغات أو تعليم اللغات بأجر فمثلا تلاقى فى كتير من الفروع معلق أعلانات طلب تعليم اللغه الفارسيه أو التركيه أو العربيه لطلبه فى الجامعه مقابل انه يكلمك باللغه الأنجليزيه لتقويه لغتك أو مقابل أجر مادى و برضه ده شغل بارت تايم . ومنها لشهاده أخرى و هى تعليم الكبار وهى لها شهاده و كورسات ليست مكلفه و لاتأخذ وقتا طويلا و يصبح الدارس بعدها متخصصا فى تعليم الكبار .

    ال Registration Guide for Teachers Educated Outside Ontario أعتقد أهم شرط أنك تكون حاصل على برنامج تدريسى تكون النسب بتاعته :

    Your teacher education program must have included at least:

    * 40 per cent of one year focused on teaching methods – preparation in how to teach students in particular grades or subject areas
    * 20 per cent of one year focused on education foundations – the history, philosophy and psychology of education
    * 20 per cent in any other area of education
    * a minimum of 40 days of practice teaching supervised by the program provider

    ومده الدراسه فى الكولج الخاصه بتخريج المدرسين http://www.oct.ca/ سنه ولكن بعدها حصولك على عمل بيتوقف على أوفر من البورد اللى عددها حوالى 58 بورد فى أونتاريو .
    لكن بما ان الموضوع خاص بالبلان بى فممكن تكون تدريس السوفت وير دراسه بديله لأن معظم مدرسى السوفت وير مش مدرسين حاصلين على رخصه من أونتاريو و لكن بيكونوا متخصيين فى سوفت وير معين و بيدرسوه فى الكولج ...
    وده بيتواجد أيضا لكتير من المهن فمثلا مدرسين ميكانيكا السيارات معظمهم أصحاب ورش و بيعملوا ك instructor و كمان مدرسى ال home inspection بيكونوا مهندسين فى شركات و لامدرسين ولاحاجه و مع ذلك بيدرسوا هذه المواد فى معاهدكثيره .
    فممكن تكون بلان بى هى ماده من المواد فى collage دوام كامل أو نصف دوام لأنه لاتشترط الرخصه ....ينفع الكلام ...و للحديث بقيه
    ========================================================
    سؤالك رغم اهميته لكنه رده مرتبط بأكثر من عامل منها مثلا الحاله فى الوقت اللى أنت جاى فيه يعنى ممكن تيجى فى وقت صعب متلقيش شغل بسرعه و ممكن تيجى فى وقت فيه أقبال شديد على شغلانه معينه و يكون مقابلها مناسب لك فتاخذ كورساتها و بعد ماتشتغل تكمل المعادله , و برضه الموضوع يتوقف على امكانياتك الماديه , فيه ناس عندها أمكانيات تمشى ورا المعادله مهما كلفتها و مهما طال الوقت...فيه ناس أمكانياتها متسمحش .....بتختلف من شخص للتانى ....
    و برضه حكايه تشتغل بعد ايه بعد ما تخلص الكورسات مش مضمونه بتاتا دى كلها محاولات علشان يكون فيه أكثر من بلان ...لكن مفيش أى ضمان ... لكن ممكن تسترشد بس بنسبه البطاله فى المهنه دى ....و متنساش أنه فى النهايه دى أسباب و طرق السعى ...لكن الرزق بيد الله سنحانه و تعالى ....

    ...فيه مواقع كثيره تديلك نسبة البطاله لكل مهنه http://www.jobfutures.ca/en/home.shtml

    ========================================================

    الناس وبتحب العمل التطوعى ده حيفدك حتحسن اللغة عندك وتعمل علاقات وتعرفهم على مصر والمصريين وحتعرف منهم النظام وحاجات كتير وبعد مايعرفوك وتثبت ليهم انك ملتزم بنظام العمل والمواعيد ومندمج مع الحياه ومش بتفرض ارآئك على حد ممكن تاخد جواب من المدير بترشيحك للعمل كمدرس بديل عندهم وتروح تتمتحن الامتحان بتاعهم ......الامتحان بيكون عشان يعرفوا مستوى لغتك ومعلوماتك وال presentation زى اختبار هيئه وبتاخد الترخيص وتدى اسمك وتلفونك لكام مدرسه لما اى مدرس اساسى يتغيب لا ظروف يتصلوا بسعادتك تروح تلاقى المدرس الاساسى عمالك جدول بكل حاجه ايه الدرس وامتى الاسئله وامتى الراحه وكانت بتاخد حوالى 100 $ فى اليوم وكان تقريبا عندها شغل كل ىوم هل المدرس البديل موجود فى كندا؟ بالمناسبه الاخت دى داكتوره فى وزاره الصحه بمصر

    =======================================================================



    شويه المواقع ديه , يارب ميكونوش مكررين و يفيدو حد هنا
    http://www.jobsetc.ca/home.jsp?lang=e
    http://www.workinfonet.ca/
    http://www.canjobs.com/index.cfm
    http://careerclick.com
    http://apps5.oingo.com/
    http://www.careerowl.ca/
    http://www.charityvillage.com/cv/main.asp
    http://landing.trafficz.com/index.php?domain=earnbyhour.com
    http://www.find-a-job-canada.com/
    http://www.headhunter.net/
    http://canada.indeed.com/
    http://jb-ge.hrdc-drhc.gc.ca/

    francois
    عضو
    عضو

    عدد المساهمات : 87
    تاريخ التسجيل : 06/11/2009

    رد: اعمال ومشاريع خاصة بالسيدات

    مُساهمة  francois في الإثنين 9 نوفمبر - 11:28

    jessika كتب:


    اخواتى وصديقاتى


    مش عارفة اقلكم اية انا النهاردة محبطة شوية ومش عارفة هاستمر معاكم ولا لا


    بس انا مش عايزة افضل اكتب عن كندا والاحلام ولسة مش عارفة موقفى ممكن اترفض وساعتها يبقى كابوس


    بنتى كمان النهاردة عمالة تقلى حاسة اننا مش هنسافر يا ماما احبطتنى كدة فجاة دة غير اختنا دعاء اللى اترفضت خلت الواحد مبقاش واثق فى شى


    محتاجة بجد صلواتكم ومتزعلوش لو مستمرتش معاكم بس افضلوا اكتبوا بجد والكل اكيد هيستفاد

    ما اسباب رفض الاخت دعاء
    اسباب غى ظروف العمل ولا اسباب امنية
    احنا شغالين فى الحكومة هل يوجد ما يثير الشك؟؟؟



    ابوفصاد
    عضو جديد
    عضو جديد

    عدد المساهمات : 5
    تاريخ التسجيل : 28/12/2009
    العمر : 73

    رد: اعمال ومشاريع خاصة بالسيدات

    مُساهمة  ابوفصاد في الإثنين 28 ديسمبر - 21:03

    انا عضو جديد
    فهل تقبلوني زميلا لكم
    أم انسحب

    أشكر الابنة جسيكا على دعوتي الى هذا المنتدى
    سأشارك بقدر استطاعتي في كل ما يفيدني ويفيدكم

    أنادي بتعلم الزوجة خاصة المهاجرة خارج الوطن الى تعلم فن الكوافير الرجالي
    هذا سيفيد كثيرا زوجها أولادها وقد يمتد الى أحفادها
    فهل من مؤيد لهذا الاقتراح

    جدو ابو فصاد
    avatar
    rere
    عضو قديم
    عضو قديم

    عدد المساهمات : 42
    تاريخ التسجيل : 03/09/2009
    العمر : 40

    رد: اعمال ومشاريع خاصة بالسيدات

    مُساهمة  rere في الثلاثاء 29 ديسمبر - 22:03

    منور يا جدو بيتك ومطرحك

    jessika
    المشرف العام
    المشرف العام

    عدد المساهمات : 182
    تاريخ التسجيل : 02/09/2009
    العمر : 35
    الموقع : www.quebecimm.ahladalil.com

    رد: اعمال ومشاريع خاصة بالسيدات

    مُساهمة  jessika في الخميس 21 يناير - 18:42

    بخصوص دراسة صناعة الحلويات والمخبوزات . هل يوجد معاهد متخصصه لها؟

    طبعا



    color=blue]size=18]ادى كذا رابط بالمعلومات

    http://www.ithq.qc.ca/fr/programmes-...tion#block2724

    http://www.ithq.qc.ca/fr/dep-patisserie-professionnelle

    http://www.toutpourreussir.com/fr/me...p?metier_id=44

    http://www2.inforoutefpt.org/guide/d...5270&QRegion=0

    http://www2.inforoutefpt.org/guide/d...5297&QRegion=0

    http://www2.inforoutefpt.org/guide/d...1057&QRegion=0

    http://www.servicecanada.gc.ca/fra/q...ues/6252.shtml










    [/size]
    avatar
    Muhammad Zidan
    عضو جديد
    عضو جديد

    عدد المساهمات : 16
    تاريخ التسجيل : 02/09/2009
    العمر : 48

    رد: اعمال ومشاريع خاصة بالسيدات

    مُساهمة  Muhammad Zidan في الخميس 11 مارس - 18:38

    إيه الحكاية الباب نام ليه ؟!

    كان لي استفسار عن الصناعات الغذائية المنزلية والخدمات الغذائية

    يعني مثلاً عندنا في اسكندرية في واحدة سيدة محترمة بتقوم بأعمال مفيدة جداً للسيدات العاملات

    مثلاً بتقور البتنجان وتعمل خلطات المحاشي كلها وتجهز الحاجات للسيدات لحين رجوعهم من عملهم وتبقى واقفة عل التسوية بس

    ومثلاً بتقشر الكوسه والتوم وتقطع السبانخ وتقور الكوسة كان وتجهز الحاجات كلها للسيدة العاملة .. يا دوبك تحط الحاجة على النار

    وكان في واحدة ست مصرية في برلين بتعمل الحاجات دي للسيدات العربيات هناك وكانت بتوفر لنفسها فلوس كتيير جداً وكانت نظيفة جداً ورائعة وليها نفسها في الحاجات دي

    كمان كانت بتعمل تورتات عيد ميلاد لجيرانها الألمان والمصريين

    مش عارف الكلام ده ينفع هناك واللا ما ينفعش

    betterlife
    عضو جديد
    عضو جديد

    عدد المساهمات : 13
    تاريخ التسجيل : 24/06/2010
    العمر : 37

    رد: اعمال ومشاريع خاصة بالسيدات

    مُساهمة  betterlife في الخميس 24 يونيو - 12:27

    اعتقد انها فكره حلوة ان الواحدة تعمل شغلها من البيت
    وفكرة تجهيز الاكل للناس دى فكرة حلوة اوى
    بس هل ينفع الواحدة تشتغل فيها كده عادى
    مش محتاجة تجهيزات حكومية وكدة؟؟
    شهادات صحةاو عقد ذى كده؟؟
    بس عجبتنى الافكار دى بجد...
    كمان فى فكرة جديدة
    ممكن لو حد بيعرف يعمل اكسسوارات حريماتى وكدة
    بس فى محلات خرز وترتر وكده هناك؟؟
    وللا الواحد يعمل حسابه من هنا؟؟
    Wink

    ابوفصاد
    عضو جديد
    عضو جديد

    عدد المساهمات : 5
    تاريخ التسجيل : 28/12/2009
    العمر : 73

    رد: اعمال ومشاريع خاصة بالسيدات

    مُساهمة  ابوفصاد في الخميس 24 يونيو - 15:23

    كمان انا عندي اقتراح آخر
    وهو الزراعة
    الموضوع سهل للغاية
    احنا مثلا خصصنا جز من حديقة البيت عندنا وزرعنا فيه الخضروات اللي مش موجودة في السوق هنا
    مثل الملوخية والبامية والرجلة والخيار الصغير جدا
    تقدروا تتخيلوا اننا ناكل كل نهاية اسبوع مرة ملوخية ومرة بامية
    وطبعا اللي بيقوم بعمل الفلاحة هي زوجتي
    فبعد ان طلعت على المعاش اصبحت هي المسئولة عن هذا الجزء من الحديقة
    وبالمناسبة فإن زوجة ابني (الأسبانية) بتموت في حاجة اسمها ملوخية وكمان زوج ابنتي (برضه اسباني) بيعشق حاجة اسمها بامية
    وبالطريقة دي وفرنا استيراد هذه الخضروات مع كل واحد جاي من مصر لأسبانيا
    ما رأيكم
    انا على استعداد لمساعدتكم في بعض التساؤلات
    علما بأني بكالوريوس تجارة (دفعة 1966) وزوجتي ايضا
    يعني ما نعرفش حاجة خالص عن الزراعة
    لكن الحاجة ام الاختراع

    اخيرا تحياتي الى الابنة العزيزة جسيكا
    وتمنياتي لها بدوام الرقي والتقدم

    جدو (بحق وحقيقي) ابو فصاد

    jessika
    المشرف العام
    المشرف العام

    عدد المساهمات : 182
    تاريخ التسجيل : 02/09/2009
    العمر : 35
    الموقع : www.quebecimm.ahladalil.com

    رد: اعمال ومشاريع خاصة بالسيدات

    مُساهمة  jessika في الجمعة 25 يونيو - 13:07

    طبعا فى هنا محلات اكسسوارات كتير جدا

    وشغل الخرز بردو كتير

    مجال هنا ناجح مش وحش لو عندك فكرة بية وتقدر تشتغلة لية لا

    بالتوفيق

    ومتشكرة لدعوتك يا جدو ابو فصاد .....حضرتك اخبارك اية يارب دايما بخير

    وبخصوص الزراعة هنا كل البيوت طبعا فيها جناين ومعظم الشقق فيها جناين والكل هنا بيهتم انة يزرع حضروات وفواكة دة غير الورد بقى بكل اشكالة والوانة

    betterlife
    عضو جديد
    عضو جديد

    عدد المساهمات : 13
    تاريخ التسجيل : 24/06/2010
    العمر : 37

    رد: اعمال ومشاريع خاصة بالسيدات

    مُساهمة  betterlife في الأحد 15 أغسطس - 12:43

    merci Jessika

    madoo
    عضو جديد
    عضو جديد

    عدد المساهمات : 3
    تاريخ التسجيل : 23/10/2010
    الموقع : البلد اللى انا عاوزه اهاجر منها

    رد: اعمال ومشاريع خاصة بالسيدات

    مُساهمة  madoo في السبت 23 أكتوبر - 7:18

    [quote="Muhammad Zidan"][font=Arial][color=blue][size=24]إيه الحكاية الباب نام ليه ؟!

    كان لي استفسار عن الصناعات الغذائية المنزلية والخدمات الغذائية

    يعني مثلاً عندنا في اسكندرية في واحدة سيدة محترمة بتقوم بأعمال مفيدة جداً للسيدات العاملات

    مثلاً بتقور البتنجان وتعمل خلطات المحاشي كلها وتجهز الحاجات للسيدات لحين رجوعهم من عملهم وتبقى واقفة عل التسوية بس

    ومثلاً بتقشر الكوسه والتوم وتقطع السبانخ وتقور الكوسة كان وتجهز الحاجات كلها للسيدة العاملة .. يا دوبك تحط الحاجة على النار

    وكان في واحدة ست مصرية في برلين بتعمل الحاجات دي للسيدات العربيات هناك وكانت بتوفر لنفسها فلوس كتيير جداً وكانت نظيفة جداً ورائعة وليها نفسها في الحاجات دي

    كمان كانت بتعمل تورتات عيد ميلاد لجيرانها الألمان والمصريين


    اقتراح رائع وعن تجربة
    فانا موهوبة بالطبخ وخاصتا الباربكيو بجميع اصنافه
    وانا عامله المشروع دا فعلا بالبيت بالسعودية

    ولاكن مع اختلاف بسيط انى بسوي الطعام كامل
    والفئة اللتى اتعامل معها هم الدكاترة المصريين - والمدرسات السعوديات
    وكلا منهم بتكلمنى قبلها بيوميين علشان تطلب شيء خاص ولاكن لو في نفس اليوم فبتاخد الصنف الموجود في ذلك اليوم
    وبيحضروا اطقم حوافظهم لاعبئها لاوفر مواد التعبئه واعزز عامل الثقة والنظافة
    لاكن معى في هذا المشروع جارتى وصديقتى وهى تقوم بتحضير الخضار والتنظيف بعد الانتهاء من الطهى
    وتعبئه الطعام

    ولم ينتهى فقط تعاملى مع زبائنى بتحضير وجبة الغذاء فقط ففي اكثر الاحيان يطلب كماله - وعشاء - وعزائم خاصة وولائم

    ولله الحمد فلقد ابهرت الجميع بطعم الاكل سواء كان السعودى او المصري -دا حتى اخونا السعوديين ادمنوا الاكل المصري فاضيلهم 4 صوابع محشي وياخدوا الجنسية المصرية
    يعنى المحاشى بجميع انواعهابيحبوها لاكن الاكثر ورق العنب حتى انهم يطلقون علي هذا الصنف عندى ورق العنب العجيب
    والفته والمعكرونه البشاميل - دا غير المعكرونه الخاصة بي
    دا غير جميع اصناف السمك والقشريات بس دا السعوديين اقبلهم مش قد كدا
    لاكن المصريين والموظفات اللى من شرق اسيا اكثر اقبالا

    فكرت كتير اوسع المشروع واخرجه للنور وانشأ مطعم خاص بالنساء
    لاكن قيود الدوله تحزر على الاجانب مثلنا فتح المشاريع

    ولقد عرضت عليا بعض الزبونات فتح المطعم من الباطن باسمها ولاكن للاسف لمعرفتهم بالربح الوفير الزي سوف ياتى اشترطوا مناصفة الربح
    وطبعا الموضوع هيكون غير مجدى لانه هيكون فيه مصاريف تاسيس وايجار محل ورواتب العاملات بالمطعم فلما تاخد النص الباقي هياخد اية- الطيب احسن

    علشان كدا فكرت بالهجرة علشان ابدا حياتى واتوسع بشكل رسمى واعلم ابنائي واثقل الموهبة والخبرة بالطهى اللى عندى بالدراسه
    بس يارب ربنا يكتبها لنا ولكل من يتمناها
    مش عارفه الكلام ده ينفع هناك ولا هيكون هناك عراقيل
    ربنا يستر

    رانيا
    عضو جديد
    عضو جديد

    عدد المساهمات : 1
    تاريخ التسجيل : 15/03/2011

    مهاجره جديده الى كندا

    مُساهمة  رانيا في الثلاثاء 15 مارس - 13:42

    انا سعيدة جدا بانضمامى لهذا المنتدى الجميل وكل املى انى يكون لى اصدقاء فى هذه المحنه سوف اصل ان شاء الله فى شهر سبتمر وكان عندى بعض الاستفسارات المهمه انا عندى ولد فى سنه 3 ابتدائى صحيح ممكن الحق اقدم له فى المدرسه فى شهر 9 على فكره انا هانزل على تورنتو مش كيبك وبالنسبه لموضوع المواهب الفرديه فانا اتميز بالاكلات المصريه المشهورة وكنت عاملة مشروع شبيه بده فى الكويت وانا حاصلة على بكالرويوس الاقتصاد المنزلى والتربيه

      الوقت/التاريخ الآن هو الثلاثاء 22 أغسطس - 14:50