منتدى يهتم بشؤون المصريين و العرب المهاجرين الى كندا


    دور الام المصرية فى الموازنة بين الدراسة الكندية و التربية الدينية للاطفال

    شاطر
    avatar
    Admin
    المدير
    المدير

    عدد المساهمات : 184
    تاريخ التسجيل : 27/08/2009
    العمر : 36
    الموقع : www.quebecimm.ahladalil.com

    دور الام المصرية فى الموازنة بين الدراسة الكندية و التربية الدينية للاطفال

    مُساهمة  Admin في الأربعاء 28 أكتوبر - 8:47

    موضوع يمكن يكون مش جديد و لكن للاسف كلنا عاملين تاجيل لية مع انة من اهم الموضوعات او بمعنى اخر اهم ما فى حياتنا
    تخيلو ان كل الى بنعملة دة عشان الهجرة و فى الاخر الطفل يضيع و يصبح كندى فى تصرفاتة و طبعاة
    طبعا كل ام حتقول لا يمكن انا حربى ابنى / بنتى احسن تربية و طبعا كلنا بنقول كدة
    و لكن كيف ؟؟؟؟؟؟؟؟
    كيف سيكون الطفل فى المدرسة التى يقضى فيها 70% من يومة و يروح بيتة ينسى كل دة و كيف ستكون الام فى هذة الحالة
    يا ترى فى اى ام سالت نفسها السؤال دة ؟؟؟؟؟؟؟

    نرجوا من كل ام الرد و لكن بالعقل و بالمحايدة و الاقناع و خاصتا كلنا عارفين اننا حنكون فى بلد محدش يقدر فيها يزعق او يضرب ابنة و القانون يدى لة الحق انة يسيبك و يعيش لوحدة

    منتظر الردود لان دة اهم حاجة فى حياتنا كلها
    ا

    jessika
    المشرف العام
    المشرف العام

    عدد المساهمات : 182
    تاريخ التسجيل : 02/09/2009
    العمر : 36
    الموقع : www.quebecimm.ahladalil.com

    رد: دور الام المصرية فى الموازنة بين الدراسة الكندية و التربية الدينية للاطفال

    مُساهمة  jessika في الخميس 29 أكتوبر - 14:05

    اكيد هو موضوع مش بس مهم لان الهجرة اصلا علشان ولادنا مش علشانا فى المقام الاول

    واكيد احنا مش رايحيين نضيعهم هناك

    هاقول راييى الشخصى واللى بجد مؤمنة بية جدا وشفت اختى نموذج حى قدامى وعايشة فى اوربا منبع الانحلال فعلا

    لكن ايمانى ان لو ولادى من صغرهم عرفوا طريق ربنا واتزرعوا جوا بيتة (الكنيسة)

    اكيد هياخدوا حصانة جامدة جدا ويقدروا يفرزوا ويختاروا الجيد ويتركوا الشر

    لان كلام ربنا واضح وصريح .......طول مهم ملتزمين مع ربنا ومواظبين ومفيش حاجة اسمها كسل ولا مرحش هتلاقى الطفل شبعان اصلا من جوة ومن غير منت تقلة دة غلط هو هايرفض الغلط دة

    لان تعاليم دينة وعلاقتة بربنا مش هاتبقى متفقة مع الغلط اللى شايفة بصفة عامة سواء مع اصحابة فى المدرسة او سواء حتى اى تصرف ممكن انت كاب او ام تعملة هايبقى قادر يميز

    النقطة التانية واللى هاتبقى مرتبطة باول نقطة طبعا واى كلام هاكتبة هتلاقية تلقائى مرتبط باول نقطة

    هو الالتزام بعادتنا ازاى بقى الام متقلش بقينا فى مجتمع حر تلبس بنتها من صغرها مثلا بلوزة تبين بطنها مهى طفلة !!!!!!!!!

    لالالا لو اتعودت على كدة هاتفضل كدة وصعب تغيريلها دة.

    لازم تفهم دايما انتى مصرية لينا عادات غير الناس اللى جايين نعيش معاهم هنا لازم نكون مختلفين.

    النقطة التالتة اللغة العربية لازم نتكلم معاهم عربى فى البيت علشان دايما يفتكروا انهم مميزين عن الكنديين اللى عايشين معاهم اذا فى اختلاف انا مش زيهم فى اللغة يبقى مش زيهم فى كل تصرفاتهم.

    عايزة اقلكم حاجة انا من يومين حضرت محاضرة عن التربية وازاى اى واحد فينا بيتصرف

    وبتتكون شخصيتة

    بيقلك ان اى حد فينا فى 3 اجهزة ....جهاز ابوى .....جهاز طفولى.......جهاز ناضج

    الجهاز الابوى اللى وانت كبير بتلاقى نفسك بتتصرف بمخزون اتعلمتة من صغرك من اهلك

    زى العادات والتقاليد والامثلة والعرف واى معلومة بيحشرها بباك او مامتك فى مخك

    اذا اى حاجة هاتعلمها لابنك هاتفضل فى مخة لغاية ما يكبر .

    الجهاز الطفولى مرتبط بكل مشاعر حسها الطفل من وهو صغير وفضلت ماثرة فى نفسة زى ثقتة بنفسة احساسة انى مرفوض او محبوب

    اذا حبوا ولادكوا قوووى قوى بجد هايسمعولكم جدا وهايفضل كلامكم فى ودانهم

    الحب يا جماعة مفتاح سحرى حقيقى بجد.

    الجهاز الناضج بقى هايبتدى يفرز بين كل اللى اتعلمة واللى اثر فى شخصيتة وياخد الحلو منة ويسيب الوحش

    فسواء اللى اتعلمة من بباة ومامتة او اللى اتعلمة من مجتمعة الجديد مع كل الاسلحة اللى فى شخصيتة من علاقتة بربنا احساسة بانة محبوب جدا عند اهلة مهما حصل منة
    انة عايش فى بلد بتحترمة من صغرة هايبتدى يقدر يقيم اى حاجة اتعلمها هياد الالتزام بتاعنا وهايبقى عندة ثقة بنفسة من المجتمع الجديد دة وهايبقى انسان سووووى فعلا

    ملخص كل دة ربنااااااااااااااا يا جماعة قبل اى شىء

    وحبوا ولادكم بجد وخلوهم صحابكم

    وحاجة اخيرة اوعى فى يوم تقول لابنك او بنتك انا مش بحبك علشان غلط عملتة اوعى

    قلة دايما انا بحبك جداااااااااا مهما عملت ولكن بزعل من الشىء الفلانى لانة ممكن يضرك او او او

    وربنا بجد معانا وهو هايدينا الحكمة من عندة بس احنا نمسك فية قوووووووى

    jessika
    المشرف العام
    المشرف العام

    عدد المساهمات : 182
    تاريخ التسجيل : 02/09/2009
    العمر : 36
    الموقع : www.quebecimm.ahladalil.com

    رد: دور الام المصرية فى الموازنة بين الدراسة الكندية و التربية الدينية للاطفال

    مُساهمة  jessika في الخميس 29 أكتوبر - 14:40

    ناخد بالنا بردو اننا نكلمهم دايما عن اهالينا فى مصر

    وعلطول يكون فى اتصال بينهم بتلفون بالنت ولو فى اقارب فى نفس سنهم يتكلموا مع بعض بالنت

    ونشاركمهم كمان اى حدث يحصل فى مصر

    افتكر يوم ما كنت بولد اختى اللى فى اوربا فهمت ولادها انى بولد وطبعا هم عارفين ومتعلمين يعملوا اية فى المواقف دى

    دخلوا صلولى جامد وسجدوا على الارض بيتضرعوا لربنا انى اقوم بالسلامة

    المشاركة دى كمان بتعرفهم بجزورهم

    بالنسبة لموضوع انهم يحسوا انهم محبوبيين جدا ما اهاليهم مش خايفين منهم

    لما ابن اختى نزل مصر من غير مامتة وبباة وهو فى تالتة ابتدائى لقيتة اولا فاهم كل حاجة من المدرسة وبتكلم بجراءة ولكن عارف حدودة وانهم ناس مش كويسين اللى بيشفهم بيتصرفوا تصرف خارج شوية

    كمان لقيتة واثق من نفسة جدا يعنى عايز ياكل شيبسى وانا خايفة جدا ااكلهولة ليتعب قلى بابا قلى كل واعمل اللى انت عايزة فاأد اية واثق ان اى كلمة من بباة هى الصح

    فاتصلت بباة قلتلة فكلمة وقلة ممنوع تاكل شيبسى هايتعبك

    ومن بعدها كل العيال ياكلوا وهو لا يمكن اقناع غريب جدا بصراحة وسرة الحب والثقة فى كلام بباة

    لدرجة كنت اتحايل علية طيب دوق واحدة مش للدرجادى يقلى لا

    بنت اختى فى سن مراهقة وعارفة جدا انهم وحشين ومش زينا ومش ولاد ربنا

    لدرجة بتتمنى تيجى تعيش فى مصر تخيلوا!!!!!!!!!

    لعلمكم برة الناس بتقرب قوى من ربنا من كتر خوفها على ولادها انا شايفة انهم هايبقوا افضل مش العكس فعلا

    بالتوفيق
    avatar
    Admin
    المدير
    المدير

    عدد المساهمات : 184
    تاريخ التسجيل : 27/08/2009
    العمر : 36
    الموقع : www.quebecimm.ahladalil.com

    رد: دور الام المصرية فى الموازنة بين الدراسة الكندية و التربية الدينية للاطفال

    مُساهمة  Admin في الخميس 29 أكتوبر - 14:45

    كلامك مظبوط يا جيسكا
    طبعا طريق ربنا هو الاساس و بعدها تيجى الحاجات التانية
    بس عارفة بقى المشكلة فين ...المشكلة هى هل الاطفال لما يكونوا عايشين فى بيئة زى دى مش حايحسو انهم مش طبعيين او انهم غرباء
    هى دى المعادلة ... و اكيد فى سن المراهقة افكارهم و اسلوبهم حايختلف ....طبعا دى اعتقد المشكلة او الجزء الصعب بمعنى اصح

    المهم واحد زميلى حكالى قصة بناتة هناك فى تورنتو
    طبعا طول حياتهم فى الكنسية و العربى ف البيت و كدة من صغرهم و لكن فى الثانوى البنات سالت بباهم و مامتهم احنا لية يا بابا مش طبعيين زى بقيت الولاد و البنات
    كان ردة "عشان انتو بنات المسيح" و فعلا الكلمة مؤثرة جدا
    و هما لسة بصراحة هناك و لكن معرفش تفاصيل اكتر عن الموضوع

    النقطة الصعبة التانية ان الحكومة بتفهمهم ان ابويهم دول ما هما الا وسيلة تربية من الحكومة لسن معين ... و دة بردو نقطة صعبة
    الخلاصة ان الموضوع مش سهل و الكلام دة كويس بس اكيد حايكون فى عقبات كتير قدامنا مع ولادنا

    و احنا عاوزين تجارب ناس حقيقية فى الموضوع دة و يفهمونا نقط الضعف و القوة

    و شكراااااااا

    jessika
    المشرف العام
    المشرف العام

    عدد المساهمات : 182
    تاريخ التسجيل : 02/09/2009
    العمر : 36
    الموقع : www.quebecimm.ahladalil.com

    رد: دور الام المصرية فى الموازنة بين الدراسة الكندية و التربية الدينية للاطفال

    مُساهمة  jessika في السبت 31 أكتوبر - 18:31

    مع انك لو ركزت شوية هتلاقى نفسك بتقول كلام خطير

    منين واثق فى ربنا انك لما ترمى ابنك او بنتك فى بيتة كل مخاوفك دى مش هايكون ليها اثر ومنين لسة بتقول اصل البيئة مش عارف اية والمعادلة اية

    دى كلها حكمة ارضية

    الغير مستطاع عند الناس مستطاع عند اللة يا اخى العزيز

    وكلام ربنا مفهوش مجال للخوف او الشك .القى على الرب همك وهو يعولك

    ان كان الرب معنا فمن علينا والخخخخ من كلام ربنا لو كتبنا عنة مش هانخلص

    عموما دى درجات ايمان وربنا يديهالنا كلنا

    ومع ذلك اتفضل يا سيدى دى تجربة اهى حقيقية لسيدة بقالها 20 سنة فى مونتريال



    انا ابنى عنده 15 سنه و مولود هنا

    معلش انا حكرر نفسي تانى واقول ان الالتزام ده حاجه نسبيه
    ماعرفش حضرتك تقصد ايه بالالتزام , هل تقصد الصلاه والصوم والحجاب
    والانحراف تقصد المخدرات والboyfreind
    انا ماليش اصدقاء عرب كتير لكن اللى اعرفهم عايشين هنا من زمان واولادهم مولودين هنا
    انا حكلمك عنهم وعن اللى انا شايفاه حوليا
    اولا انا من الناس اللى بيعتقدوا ان الفضيله مش قاصره على المسلمين (انا مسلمه والحمد لله) وان فى اى بلد فى الدنيا فيه الكويس وفيه الوحش (يعنى بصراحه ان بشوف فى مصر بلاوى بتحصل فى المستخبى افظع من اللى بنشوفه هنا)
    احنا محظوظين لان ديننا بيعلمنا الفضيله ومن واجبنا اننا نعلم ولادنا اللى نعرفه لكن اللى يقرر يعيش هنا لازم يتقبل ان ولاده اللى جم هنا صغيرين او اتولدوا هنا حياتهم وشخصيتهم حتتاثر بالحياه هنا وبالاحتكاك مع انواع من الناس ماكانوش حيعرفوهم لو عاشوا فى مصر
    دور الاهل هو ان الاطفال ياخدوا الحاجات الحلوه من الثقافه الغربيه ويحطوها على اللى اتعلموه من اهلهم عشان يطلعوا شباب عندهم تفتح عقلىى وثقه فى النفس
    لو الاهل بيصلوا ويصوموا فى الغالب الاولاد حيصلوا ويصوموا
    الحجاب اصعب شويه لانه بيحدد هويه الانسان ويخليهم عرضه لحكم مسبق من اللى حواليهم
    لكن بشوف بنات كتير مع ابنى فى المدرسه محجبات
    لما ابنى كان صغير كنت بوديه مدرسه يتعلم عربى ودين يوم السبت وماكنتش عايزه ادخله مدرسه اسلاميه بدل المدرسه العاديه لانى خفت يكبر بعيد عن المجتمع اللى حيعيش فيه ويبقى صعب عليه مواجهته وهو كبير
    دلوقتى هو بيعتبر نفسه مصرى(حتى لو مولود هنا) واصدقاءه المقربين عرب مسلمين ولكن ده مش مانعه يبقى له اصحاب من كل الجنسيات والاديان

    ده مش معناه ان انى ضد فكره المدرسه الاسلاميه لو الاطفال قدروا يشتركوا فى الحياه الاجتماعيه ويتعلموا يتعاملوا مع الاختلاف بين العادات والتقاليد والدين فى البيت وبره

    احنا كاهل حنفضل دايما خايفين على اولادنا ولو كنا فى مصر ولا فى كندا. المهم اننا نعلمهم ونخلى عينينا عليهم ونثق انهم حيعرفوا يحافظوا على نفسهم ودينهم
    فى راىي الانحراف بيحصل لو الاصل او البيت وحش , او لو الاولاد عاشوا فى كبت وماكانش فيه صراحه مع اهلهم ودى حاجات ممكن نتجنبها وان شاء الله ربنا يكرمنا فى اولادنا

    ربنا معانا ومعاهم فى مصر او فى كندا

    تحياتى




    jessika
    المشرف العام
    المشرف العام

    عدد المساهمات : 182
    تاريخ التسجيل : 02/09/2009
    العمر : 36
    الموقع : www.quebecimm.ahladalil.com

    رد: دور الام المصرية فى الموازنة بين الدراسة الكندية و التربية الدينية للاطفال

    مُساهمة  jessika في السبت 31 أكتوبر - 18:36

    عجبنى جدا فى موضوع السيدة الفاضلة دى ثلاث نقط

    ربنا والتدين

    اصل البيت وحش او كويس دة فعلا اساس البلاوى كلها

    وثالث حاجة الصراحة مع الاهل ودى معناها الحب والصداقة بين الولاد واهاليهم ودة اللى قلت عنة فى الاول

    الموضوع سهل بس اهم حاجة ناخد بالنا ونجتهد فية واكيد ربنا هيحافظ على ولادنا
    avatar
    Admin
    المدير
    المدير

    عدد المساهمات : 184
    تاريخ التسجيل : 27/08/2009
    العمر : 36
    الموقع : www.quebecimm.ahladalil.com

    رد: دور الام المصرية فى الموازنة بين الدراسة الكندية و التربية الدينية للاطفال

    مُساهمة  Admin في الأحد 1 نوفمبر - 12:33

    تجربة هايلة يا جيسكا
    و لكن للاسف انتى مش فاهمة قصدى لحد دلوقتى
    انا عاوز التحديات الى ممكن تواجة الاسرة و كيفية مواجهة هذة التحديات بالحكمة و طبعا كل دة اساسا بعد موضوع التدين
    لانة اكيد الولد او البنت حيسال احنا لية كدة و اسئلة تانية كتير
    فهو الحقيقة الموضوع دة على حالاات عملية بتحكى التحديات دى اية و مين الى نجح و ازاى و الى فشل فشل لية
    لان فعلا فية ناس كتير نجحت و ناس فشلت
    احنا عاوزين الناس الى سافرت تحكى التحديات دى و نشوف رد فعلهم اية و رد فعل الاولاد و المجتمع اية
    ارجو ان فكرة الموضوع تكون اتضحت

    و مشكورة يا جيسكا على المثال الجميل دة و انا متفق معاكى تماما فى ان ربنا فى البيت و المواظبة على الصلاة هى اساس النجاح فى كل شىء و لكن احنا كبشر محتاجين نحس و نسمع المشاكل الى حصلت و نحط نفسنا مكان الاهل و نتخيل الموقف و حانتصرف ازاى و اكيد الناس حاتستفيد من خبرات بعضهم

    و شكرا
    ا

    jessika
    المشرف العام
    المشرف العام

    عدد المساهمات : 182
    تاريخ التسجيل : 02/09/2009
    العمر : 36
    الموقع : www.quebecimm.ahladalil.com

    رد: دور الام المصرية فى الموازنة بين الدراسة الكندية و التربية الدينية للاطفال

    مُساهمة  jessika في الأحد 1 نوفمبر - 12:49

    صدقنى فكرتك وصلالى كويس جدا

    ودة ميمنعش اننا فى انتظار كل تجربة فعلا وانا عايشين علشان نستفاد ونتعلم وخصوصا تربية الولاد فعلا اكتشفت انها محتاجة محاضرات فعلية وناس تكون قارية كويس انك توصل لعقل الطفل وتقدر تجاوبة على اسئلتة وتقدر تبنى شخصيتة الموضوع متاج جهد بجد

    اللى اقصدة واتمنى انت وغيرك يوصلهم ان انت بتبنى اساس سليم لو اتبنى صح مش هتقلق من اى عواقب هتقابلك

    مثال: لما الطفل يتعلم فى كنيستة او لو مسلم واتعلم دينة فى المسجد الخخخخخخخ

    لما يتعلم ان جسدة دة مقدس وهيكل لربنا ومينفعش يستهتر بية واى علاقة جنسية لازم تكون فى اطار علاقة زوجية مقدسة

    تفتر لما يكبر وييجى لسن مراهقة الكلام دة مش هايفتكروا واصلا هايبقى عايش بية وبتردد علية علطول

    بالتالى هايبقى سهل لما تفهمة ان دة غلط واننا مختلفين لاننا ولاد ربنا ومش زيهم هايفهم كويس جداااااااااااا بل وكمان هتلاقية هو رافض دة

    فهمتنى؟

    ياريت منقلش ربنا ربنا ككلمة لازم يكون متعاش الاول يعنى هى خطوات ابدا انت بس وازرع فى ولادك حب ربنا وبيتة واسسهم صح وانا اللى بقلك متخفش

    ربنا معانا
    avatar
    Admin
    المدير
    المدير

    عدد المساهمات : 184
    تاريخ التسجيل : 27/08/2009
    العمر : 36
    الموقع : www.quebecimm.ahladalil.com

    رد: دور الام المصرية فى الموازنة بين الدراسة الكندية و التربية الدينية للاطفال

    مُساهمة  Admin في الأحد 1 نوفمبر - 12:56

    فاهمك يا جيسكا
    و مافيش غير كلمة واحدة بس " ربنا يسترها" و هو فعلا بيسترها و بندعى انة يدينا الحكمة و القوة اننا نتصرف صح سواء هنا او هناك

    متشكر لردودك و تعبك يا جيسك
    ا

    jessika
    المشرف العام
    المشرف العام

    عدد المساهمات : 182
    تاريخ التسجيل : 02/09/2009
    العمر : 36
    الموقع : www.quebecimm.ahladalil.com

    رد: دور الام المصرية فى الموازنة بين الدراسة الكندية و التربية الدينية للاطفال

    مُساهمة  jessika في السبت 14 نوفمبر - 16:41

    راى دكتور هشام ابراهيم المقيم بكندا منذ سنوات عن تربية الاولاد :-


    ١- من يتصور إن تربية الأبناء أسهل في مصر أو دول الخليج عنها في أي مكان آخر فهو واهم و تطبق عليه المقولة الشهيرة false sense of security ....احساس زائف بالامان ..... الأولاد مسئولية عظيمة و يجب أن يتحملها الاباء و يقوموا بها علي أكمل وجه ممكن ... محاذير التربية قد تختلف في السعودية مثلا عنها في كندا انما الرعاية و المتابعة و التربية الصحيحة المتواصلة لا غني عنها في أي مكان

    ٢- الكثير من قصص الهجرة سواء التي في بدايتها أو في أوجها كان الدافع الأساسي لها هو الابناء ....أري الكثير من التضحيات من الأباء في سبيل ابنائهم و لا أري بأس من بذل مجهود مضاعف مع الأبناء في الغربة لضمان حسن تربيتهم

    ٣- الصورة النمطية عن الغرب إنه مجتمع فاسق و داعر بينما الشرق هو موطن العفة و الطهارة صورة مبالغ فيها إلي حد كبير ...... يوجد الكثير من التدين و القيم المحافظة في الغرب (بالذات في أمريكا الشمالية ربما أكثر من أوروبا ) ...... مجتمعات عديدة سواء مسلمين أو مسيحيين ارثوذكس أو كاثوليك أو يهود ارثوذكس يشتركون في نفس الصفات فيما يخص الأخلاق و الحفاظ علي التقاليد ..... حتي من لا يدينون بأي دين لا يكذبون و لا يغشون زوجاتهم و لا يخونهن حتي من يقيم علاقة خارج اطار الزواج التقليدي فهم لا يخفون علاقتهم عن المجتمع و لا يكذبون ....ما أعنيه إن الفساد و الانحلال أخلاقي موجود في كل المجتمعات بنسبة أو بأخري توجد مجتمعات تتستر عليه و لا تبوح به و توجد مجتمعات فيها من المصارحة و المكاشفة ما لا يحتاجون معه للتستر وراء حجج زائفة مثل الجواز السري الغير معلن (ما يطلق عليه خطأ عرفي )

    ٤ - نقطة مهمة طالما عجبت لها ..... ما هو تعريف المجتمع الشريف ...... و لكي أكون أكثر وضوحا هل الجنس أو فقدان العذرية و العلاقات الأثمة خارج رباط الزواج هي فقط مفاهيم الشرف و التدين عندنا كشرقيين ....ماذا عن اليمين الغموس و الكذب و الرشوة و السرقة و أكل مال اليتيم و الربا و كلها مظاهر تعج بها مجتمعات نحسبها مثال للشرف و الطهارة ......الزنا مثله مثل عقوق الوالدين كبيرة .....اللواط مثله مثل الرشوة كبيرة لماذا نقبل أن يمتلأ المجتمع باللصوص و المرتشين و الساسة الفاسدين و حكام يعيثوا في الارض ظلما و جورا و لا نحرك ساكنا .....لكن نفور و نزوم و لا يسلم الشرف من الأذي حتي يراق الدم إذا تعلق الموضوع بالجنس من قريب أو بعيد .......نعم مجتمعات الغرب بها كبائر و لكن مجتمعات الشرق أيضا مليئة بها إن لم تكن أكثر فلا داعي لادعاء علو ناحية عن الأخري

    ٥ - من يضمن هداية شخص أخر أو عدم هدايته ..... نفعل ما وسعنا لغرز القيم و الأخلاق و التدين في نفوس الأبناء و لكن من يضمن هدايتهم مهما فعلنا ...... حتي الأنبياء و الرسل لم يضمنوا هداية أحد و لا حتي أقرب الأقربين و ما قصة إبن سيدنا نوح بغائبة عن أحد .....لا أعني أن لا نبذل أقصي المستطاع في سبيل هداية الأبناء لكن أولا و أخيرا إنك لا تهدي من أحببت

    ٦- نقطة ثانية متعلقة .....لماذا لا نثق في تربيتنا لابنائنا .....لماذا نتصور انهم سيقعون بسهولة عند أول اغراء ...لماذا نتكلم و كأن ضعف الأبناء أمام الأختبارات واقع لا محالة .... هل هي عدم ثقة في أنفسنا و طريقة التربية أم هي عدم ثقة في الأبناء و قوة إيمانهم ....... هل نتصور إن الأبناء عندما يقضون حياتهم في مصر أو في الخليج خاصة في فترة المراهقة التي يخشاها الجميع هل نتصور انهم لا يخضعون للفتنة مرارا و تكرارا ...... اذا حسنت التربية قاوم الأبناء الوقوع في الخطأ و طلبوا العون من ابائهم ....اذا فسدت التربية لن ينفع معها المكوث في مصر من الهجرة للمريخ حتي ..... هل تربية ابنائنا لا تسمح لهم بالصمود أمام الأغراء المتكرر ...... يبقى فيه حاجة غلط

    ٧ - قصص المهاجرين من الجيل الثاني و الثالث كمان ممن التزموا بقيم الدين و حافظوا علي دينهم بصورة كاملة كثيرة و متعددة ....أعرف أنا منها علي الأقل خمس أسر عربية ما بين سانت كاثرين و تورنتو ممن قضوا في كندا مدد تتراوح ما بين ١٥ و ٣٥ سنة .....مسلمين و مسيحيين .....مصريين و عراقيين و ليبيين كما أعرف اثنتين باكستانيتين مسلميين في أوكفيل و ماركام .....الجميع مثال مشرف في التمسك بالدين و الخلق و أعرف مقابلهم أسرة واحدة ضاع ابنائها و حادوا عن الطريق ...... علي الجانب الأخر في مصر أعرف الكثير من الاسر أيضا ممن نجحوا في تربية الابناء و أعرف الكثير ممن فقد الأبناء الطريق بصورة أو باخري .....الملخص ده موجود و ده موجود سواء هنا أو هناك ......زيارة قصيرة لأي مسجد أو كنيسة في المهجر و سترون مواظبة الاجيال المتعاقبة علي دينهم و صلاتهم ......احقاقا للحق اللغة العربية هي فعلا أكثر ما يتأثر و أكثر ما يفقده الجيل الثاني و الثالث من المهاجرين

    ختاما عذرا للاطالة و لكني أعلم انها قضية شائكة و تهم الجميع و كما قلت من قبل المنتدي طالما ناقشها من قبل و لكن لا بأس من التكرار .......

    jessika
    المشرف العام
    المشرف العام

    عدد المساهمات : 182
    تاريخ التسجيل : 02/09/2009
    العمر : 36
    الموقع : www.quebecimm.ahladalil.com

    رد: دور الام المصرية فى الموازنة بين الدراسة الكندية و التربية الدينية للاطفال

    مُساهمة  jessika في الخميس 3 ديسمبر - 10:34

    الفروق اللى مهم المهاجر المصرى الجديد هنا يعرفها بين المجتمع الكندى(وبالذات فى كيبيك) والمجتمع المصرى هو التالى
    1- المجتمع هنا قايم على الفرديه وفى مصر قايم على الجماعيه يعنى بالعربى كده هنا الفرد اهم من العاءله والمجتمع وفى مصر بالعكس
    فكل واحد حر يعمل اللى يريحه طول ما بيتعداش على حريه فرد تانى ومافيش حاجه اسمها تعمل حاجه انت مش عايزها عشان مايصحش ولا خايف من كلام الناس ولا مش عايز تزعل العاءله
    ده مميزاته ان الناس بتتصرف من غير ضغط ومن غير خوف

    2-هنا مافيش طبقيه خالص
    يعنى الفرق الرهيب بين الوزير والغفير بتاع مصر مش موجود هنا
    كل واحد من حقه الاحترام من اللى حواليه لشخصه ولحقوقه بصرف النظر عن المال والسلطه وغيره
    لذلك هنا الانسان بيعيش محافظ على ادميته حتى لو فقير
    كله بيقف فى طابور وياخد دوره , مافيش وسطه وفته, مافيش قله ادب من اللى معاه فلوس للى ممعاهوش


    3-معظم الناس هنا صريحه لانهم مش خايفين بعكس مصر للاسف
    4-معاملات الناس هنا دوغرى ومافيهاش لف ولا دوران (مثلا سعر الحاجه واحد لكل الناس مش حسب ماركه عربيه الشارى)
    5-الحياه الاجتماعيه مختلفه عن مصر لان الناس ماعندهاش وقت فاضى كتير ولما يكون عندهم بيفضلوا يقضوه مع ناس عايزين يعرفوهم مش مجرد مجاملات
    6- كل حاجه سهله وبسيطه ومالهاش غير معنى واحد ( يعنى مثلا لو كنت عند حد وعزم عليك تشرب قهوه وقلتله لا شكرا مش حيعزم عليك تانى ويحلفك باللى عايش واللى مات لانتا شارب حيعتبر انك قلت لا لانك مش عايز فعلا)
    7-المظاهر موجوده بس مالهاش مكان مهم زى مصر والناس عمليين(الاطفال فى ابتداءي مثلا مش لازم يكون عندهم احدث موبايل عشان مايبقوش اقل من صحابهم)
    8- فيه هنا عنايه كبيره بالاطفال و احترام لادميتهم وحقوقهم وده عشان يتعلموا يبقوا كده لما يكبروا(نصيحه ان لو عندك اولاد ماتخليش اعصابك تفلت منك فى الشارع مثلا وتروح ضارب الطفل لان ممكن حد يبلغ عنك البوليس)

    لو فكرت فى كل الحاجات دى حتلاقى ان مبدا ممارسه الحريه الفرديه وعدم المساس بحريه الاخرين فى نفس الوقت مع احترام الفرد لغيره(زوج او زوجه واولاد وجيران وزملاء فى الشغل) هما اهم مبادئ لو مشيت عليهم مش ممكن تقع فى خطا وحتى لو ده حصل فالاعتراف بالخطا هو الوسيله المثاليه لتصحيحه
    لو فيه حاجه مش عارف لو عملتها تضايق حد ولا لا, انصحك انك تتكلم بصراحه مع الشخص ده وتساله


    موضوع الشجار والصوت العالى ده مش حلو فى اى مكان فبلاش منه احسن لا فى مصر ولا فى كندا

    sergy
    عضو جديد
    عضو جديد

    عدد المساهمات : 12
    تاريخ التسجيل : 27/01/2010

    رد: دور الام المصرية فى الموازنة بين الدراسة الكندية و التربية الدينية للاطفال

    مُساهمة  sergy في الجمعة 29 يناير - 8:58

    موضوع جامد جدا يا جيسكا

    ابوفصاد
    عضو جديد
    عضو جديد

    عدد المساهمات : 5
    تاريخ التسجيل : 28/12/2009
    العمر : 73

    رد: دور الام المصرية فى الموازنة بين الدراسة الكندية و التربية الدينية للاطفال

    مُساهمة  ابوفصاد في الأربعاء 31 مارس - 20:20

    رسالة الى البنة العزيزة جسيكا
    كيف ادخل الى منتدى محاورات المصريين
    ارجو كتابة الرابط
    كل عام وانتم بخير
    بمناسبة عيد القيامة المجيد

    betterlife
    عضو جديد
    عضو جديد

    عدد المساهمات : 13
    تاريخ التسجيل : 24/06/2010
    العمر : 37

    رد: دور الام المصرية فى الموازنة بين الدراسة الكندية و التربية الدينية للاطفال

    مُساهمة  betterlife في الخميس 24 يونيو - 11:00

    حلو اوى المنتدى الجديد دة
    شكرا ليكوا كتير
    وحلوة المواضيع اللى بتتكلموا فيها يا Jessika
    مهم نعرف عنها قبل ما نسافر
    و كنت عايز افكركم ب يوسف لما كان فى مصر
    مكانش معاه حد يقوله ده صح او غلط
    لكن التربية اللى اترباها من صغره هى اللى قالتله
    ان المواضيع دى مش صح
    وعمل الصح ورفض الغلط
    مع كل الاغرائات اللى كانت قدامه
    وربنا يحافظ علينا
    كلنا Smile

    betterlife
    عضو جديد
    عضو جديد

    عدد المساهمات : 13
    تاريخ التسجيل : 24/06/2010
    العمر : 37

    رد: دور الام المصرية فى الموازنة بين الدراسة الكندية و التربية الدينية للاطفال

    مُساهمة  betterlife في الإثنين 5 يوليو - 9:44

    هو انتوا سكتوا ليه؟؟؟ Rolling Eyes

      الوقت/التاريخ الآن هو الثلاثاء 17 أكتوبر - 20:27