منتدى يهتم بشؤون المصريين و العرب المهاجرين الى كندا


    التعليم فى كيبــــــــــــــــــــــك

    شاطر

    jessika
    المشرف العام
    المشرف العام

    عدد المساهمات : 182
    تاريخ التسجيل : 02/09/2009
    العمر : 35
    الموقع : www.quebecimm.ahladalil.com

    التعليم فى كيبــــــــــــــــــــــك

    مُساهمة  jessika في السبت 31 أكتوبر - 9:07

    كل ما يخص مراحل التعليم هناااااااااااااا

    jessika
    المشرف العام
    المشرف العام

    عدد المساهمات : 182
    تاريخ التسجيل : 02/09/2009
    العمر : 35
    الموقع : www.quebecimm.ahladalil.com

    رد: التعليم فى كيبــــــــــــــــــــــك

    مُساهمة  jessika في السبت 31 أكتوبر - 9:13

    مراحل التعليم كالاتى
    1- ابتداءي 6 سنين primaire
    2-ثانوى 5 سنين secondaire
    Cégep 3-تلات سنين وتخد دبلوم او سنتين تخصص قبل دخول الجامعه
    4- جامعهUnivesité
    تلاته او 4 سنين فى معظم الجامعات

    الكبيبكين اللى اتعلموا هنا فى مدارس فرنساوى ملزمين يودوا اولادهم مدارس ابتداءي حكوميه فرنساوى او لو عايزين يدخلوهم انجليزى لازم يدخلوهم مدارس خاصه
    لو الاب او الام اتعلم فى مدارس انجليزى يبقى من حقه يدخل اولاده مدارس حكوميه انجليزى او فرنساوى
    بصراحه مااعرفش لو المهاجرين الجداد لهم الاختيار ولا لازم يدخلوا ولادهم فرنساوى


    البقيه تاتى

    jessika
    المشرف العام
    المشرف العام

    عدد المساهمات : 182
    تاريخ التسجيل : 02/09/2009
    العمر : 35
    الموقع : www.quebecimm.ahladalil.com

    رد: التعليم فى كيبــــــــــــــــــــــك

    مُساهمة  jessika في السبت 31 أكتوبر - 9:15

    بالنسبه للسيجيب cégep
    فدى مرحله بين الثانوى والكليه
    بما ان الثانوى هنا 5 سنين وبيبدا بعد الابتداءى(مافيش اعدادى) فبيبقى كان الواحد مخلص تانيه ثانوى من بتاعه مصر
    بعد الثانوى بيبدا cégep اللى تعتبر يااما فتره تحضيريه للجامعه وفى الحاله دى بتبقى سنتين فى مواد معينه بتحضر لدخول كليه او ممكن الواحد يدرس فيها technique فى مجاله لمده 3 سنين ويتخرج بدبلوم
    ادى الرابط اللى بيدى كل التفاصيل عن ال cégep
    http://www.fedecegeps.qc.ca/index.php?section=13

    وده رابط فيه مكان كل واحده فيهم
    http://www.fedecegeps.qc.ca/index.php?section=14

    نظام التعليم هنا مرن جدا(مثلا فيه كذا نوع شهاده فى الكليه مش بس البكالريوس و الطالب له الحق فى اختيار بعض المواد الخ) م ولذلك بيبقى اوقات صعب شويه يتفهم للى متعود على نظام التعليم فى مصر

    jessika
    المشرف العام
    المشرف العام

    عدد المساهمات : 182
    تاريخ التسجيل : 02/09/2009
    العمر : 35
    الموقع : www.quebecimm.ahladalil.com

    رد: التعليم فى كيبــــــــــــــــــــــك

    مُساهمة  jessika في السبت 31 أكتوبر - 9:17

    لكل منطقه (ممكن تحتوى على كذا حى) فيه اداره مدرسيه commission scolaire
    فرنساوى واداره انجليزى
    كل اداره من دول مسؤله عن مدارس الحى(ابتاءئ و ثانوى) للغه بتاعتها وهى اللى بتدى لكل مدرسه التمويل الخاص بانشطتها
    الادارات دى بتاخد تمويلها من وزاره التعليم ومن ضريبه المدارسtaxe scolaire اللى بيدفعها اصحاب البيوت للحى
    فكل ما يبقى الحى راقى واتمان البيوت فيه غاليه كل ما تمويل مدارس الحى اعلى وده طبعا بيساعد على ان مستوى المدرسه يبقى احسن وانشطتها اكتر
    العامل التانى بتوقف على المدرسه نفسها والمجهود اللى بيبذله المدير او المديره والمدرسين
    كل ده مالوش دعوه باللغه
    يعنى ممكن تلاقى مدرسه ممتازه انجليزى فى حى ومدرسه ممتازه فرنساوى فى نفس الحى او فى حى تانى
    الفرق فى موضوع اللغه بيبقى فى عدد المدارس الانجليزى اللى اقل طبعا من الفرنساوى


    كل المدارس الحكوميه مافيهاش مصاريف تقريبا(مجرد مبلغ بسيط عشان الكتب)
    ومش ممكن تدفع عشان تدخل طفلك فى مدرسه مالوش الحق يروحها(لانها مثلا فى حى غير اللى ساكن فيه اوبلغه مختلفه)

    فيه كمان فى بعض الاحياء مدارس حكوميه مختلفه زى المدارس اللى بتدى برنامج international او بتدى نظام لغوى مختلطimmerssion linguistique
    فالطفل يدرس كل المواد الفرنساوى نص السنه وبالانجليزى النص التانى

    ده مثلا رابط للاداره بتاعه مدارس مونتريال الفرنساوى
    http://www.csdm.qc.ca/

    ودى كل الادارات فى كيبيك
    http://www.fcsq.qc.ca/RepertoireCS/Internet/liste.asp
    ممكن طبعا تدخل الطفل مدرسه خاصه فى اللغه اللى انت عايزها
    مصاريف المدارس الخاصه بتختلف
    فيه بعض المدارس الخاصه بتاخد مساعدات من الحكومه وفى الحاله دى ممكن تحسب بين 4000 و7000 دولار فى السنه
    اما المدارس الخاصه اللى ما بتاخدش مساعده فالسنه ممكن تبقى 6000 و10000 فى السنه






    jessika
    المشرف العام
    المشرف العام

    عدد المساهمات : 182
    تاريخ التسجيل : 02/09/2009
    العمر : 35
    الموقع : www.quebecimm.ahladalil.com

    رد: التعليم فى كيبــــــــــــــــــــــك

    مُساهمة  jessika في السبت 31 أكتوبر - 9:19

    موضوع الاطفال اللى بيوصلوا مع اهلهم من غير ما يعرفوا فرنساوى موجود كتير هنا
    لذلك فيه مدارس كتيره بتعمل فصول مخصوصه للاطفال اللى لسه واصلين ,بالذات فى مرحله الثانوى لان الصغيرين بيتعلموا بسرعه جدا حتى لو دخلوا على فصل عادى
    فى الاول بتبقى صعب شويه لكن المدارس بتساعدهم(خصوصا المدارس اللى فى احياء فيها مهاجرين كتير) والاولاد كمان ماشاء الله بيتاقلموا وبيتعلموا بسرعه

    وادى الرابط اللى بيتكلم عن الخدمات دى
    http://www.formulaire.gouv.qc.ca/cgi...er=739&table=0

    jessika
    المشرف العام
    المشرف العام

    عدد المساهمات : 182
    تاريخ التسجيل : 02/09/2009
    العمر : 35
    الموقع : www.quebecimm.ahladalil.com

    رد: التعليم فى كيبــــــــــــــــــــــك

    مُساهمة  jessika في السبت 31 أكتوبر - 9:21

    رابط مهم عن نظام التعليم فى كيبيك

    http://www.immigration-quebec.gouv.q...ion/index.html

    المدارس الحكوميه هنا ملهاش صفات دينيه ولكن صفات لغويه (فرنساوى او انجليزى)
    لو عايزه مدرسه راهبات
    فيه طبعا مدارس راهبات خاصه بمصاريف
    للاسف ماعرفهمش كلهم لكن دى مثلا واحده
    http://www.marie-clarac.qc.ca/fr/

    لمعرفه الباقى ده رابط عليه المدارس الخاصه فى كيبيك
    http://fr.wikipedia.org/wiki/Liste_d...du_Qu%C3%A9bec

    http://privateschool.about.com/od/to...n_Montreal.htm

    jessika
    المشرف العام
    المشرف العام

    عدد المساهمات : 182
    تاريخ التسجيل : 02/09/2009
    العمر : 35
    الموقع : www.quebecimm.ahladalil.com

    رد: التعليم فى كيبــــــــــــــــــــــك

    مُساهمة  jessika في السبت 31 أكتوبر - 9:23

    بالنسبه للمدارس الحكومى(مدرسه الحى اللى منطقه السكن تابعه لها) اللى بيحتاجوه هو اوراق الهجره للطفل والابوين واعتقد انهم بيدخلوه سنه معينه حسب سنه
    مافيش امتحان الا لو داخل على مدارس معينه (école à projet particulier, école alternative) دول بيبقوا مدارس حكوميه ولكن متخصصه فى الموسيقى مثلا او فى الرياضه او بنظام التعلم بالمشاريع
    فى المدارس دى بيبقى فيه امتحان للدخول
    بالنسبه للمدارس الخاصه فمعظمهم بيعملوا امتحان ويمكن يحتاجوا شهاده الميلاد مع ورق الهجره

    نظام التعليم هنا مختلف جدا عن مصر وخصوصا ان الحكومه غيرته من كام سنه
    بصراحه صعب جدا على انى اشرح النظام الجديد لانه مافيهوش مقاييس ثابته ولكن ححاول

    الفكره فى النظام الجديد هى ان الطفل يتعلم ازاى يدورعلى المعلومات ويجمعها عشان يستخدمها لحل مشكله عمليه بدل ما يحفظ معلومات عشان الامتحان وبعدين ينساهم
    تقييم الطفل بيقوم على مبدا سرعه تقدمه بالنسبه لنفسه مش بالنسبه للاطفال التانيين فى الفصل

    انا عارفه ان اللى يقرا الكلام ده حيقول ياسلام نظام جميييييييييل
    لكن للاسف تطبيقه العملى صعب وده بيسبب مشاكل كتير لاطفال محتاجين اطار محدد للتعليم
    عموما ده موضوع يطول شرحه ولكن ده مش حيغير الواقع وهو ان ده النظام الجديد هنا ولازم الاهل يتابعوا الطفل كويس اوى عشان مايتاخرش
    فى نفس الوقت ميزه النظام ده(لو اتعمل مع متابعه الاهل طبعا) انه بيطلع شباب بيعرف يفكر ويتصرف

    تحياتى


    jessika
    المشرف العام
    المشرف العام

    عدد المساهمات : 182
    تاريخ التسجيل : 02/09/2009
    العمر : 35
    الموقع : www.quebecimm.ahladalil.com

    رد: التعليم فى كيبــــــــــــــــــــــك

    مُساهمة  jessika في السبت 31 أكتوبر - 9:25

    بالنسبه للسن فدخول سنه اولى ابتداءى بيبقى للاطفال اللى كملوا 6 سنين فى سبتمبر

    كل المعلومات عن الورق المطلوب والتقديم تلاقيها على الرابط ده للمدارس الحكوميه الفرنساوى فى مونتريال
    http://www.csdm.qc.ca/PrescolairePri...scription.aspx

    لو الاولاد فى مدرسه فرنساوى فى مصر مش محتاجين حاجه لان لما توصلوا ان شاء الله حيتعودوا بسرعه
    لو عايزين ممكن يتفرجوا على برامج تليفزيون كيبيكى عشان يتعودوا على طريقه النطق وده رابط للتلفزيون
    http://tva.canoe.ca/
    تحت émissions
    avatar
    Admin
    المدير
    المدير

    عدد المساهمات : 184
    تاريخ التسجيل : 27/08/2009
    العمر : 36
    الموقع : www.quebecimm.ahladalil.com

    رد: التعليم فى كيبــــــــــــــــــــــك

    مُساهمة  Admin في السبت 31 أكتوبر - 10:05

    اية يا جيسكا الحلاوووووووووووة دى
    مجهود فوق الفظيع و تحت الرهيب
    مشكووووووووووووووووووورة جدا على مجهودك الرائع

    تمنياتى بالتوفيق


    Nassarlink
    عضو
    عضو

    عدد المساهمات : 78
    تاريخ التسجيل : 29/08/2009
    العمر : 45

    رد: التعليم فى كيبــــــــــــــــــــــك

    مُساهمة  Nassarlink في الأحد 1 نوفمبر - 7:17

    كده يا جيسكا يا بنتي

    اقدر اموت وانا متطمن علي المنتدي
    ورايا رجاله

    jessika
    المشرف العام
    المشرف العام

    عدد المساهمات : 182
    تاريخ التسجيل : 02/09/2009
    العمر : 35
    الموقع : www.quebecimm.ahladalil.com

    رد: التعليم فى كيبــــــــــــــــــــــك

    مُساهمة  jessika في الأحد 1 نوفمبر - 7:25

    Nassarlink كتب:كده يا جيسكا يا بنتي

    اقدر اموت وانا متطمن علي المنتدي
    ورايا رجاله


    يا لهووووووووووووووووووى الف بعد الشر عليك اية بس الكلام اللى مش ولابد دة على الصبح

    الكبير كبير انت الزعيم واحنا تلامذتك

    ربنا يخليك لينا وللمنتدى ولبيتك وولادك وزوجتك

    دعوة ولية ساعة فجرية ............هههههههههههههه
    avatar
    Admin
    المدير
    المدير

    عدد المساهمات : 184
    تاريخ التسجيل : 27/08/2009
    العمر : 36
    الموقع : www.quebecimm.ahladalil.com

    رد: التعليم فى كيبــــــــــــــــــــــك

    مُساهمة  Admin في الأحد 1 نوفمبر - 12:23


    اللة يا جماعة
    اللة عليكى يا جيسكا و خاصتا بيت الشعر الجميل و المعبر "دعوة ولية ساعة الفجرية" فعلا شعر عباسى جميل
    بجد بموت من الضحك يا جيسكا حرام عليكى


    Laughing Laughing

    jessika
    المشرف العام
    المشرف العام

    عدد المساهمات : 182
    تاريخ التسجيل : 02/09/2009
    العمر : 35
    الموقع : www.quebecimm.ahladalil.com

    رد: التعليم فى كيبــــــــــــــــــــــك

    مُساهمة  jessika في الأحد 1 نوفمبر - 12:37

    Admin كتب:
    اللة يا جماعة
    اللة عليكى يا جيسكا و خاصتا بيت الشعر الجميل و المعبر "دعوة ولية ساعة الفجرية" فعلا شعر عباسى جميل
    بجد بموت من الضحك يا جيسكا حرام عليكى


    Laughing Laughing

    شعر عباسى ؟؟؟ طيب قول شعر امبابى نسبة الى ولاية امبابة

    شعر بولاقى نسبة لمدينة بولاق الدكرور ونواحيها

    دة حاجة بيئة يا راجل .....بس هى طلبت كدة مع استاذ نصار كنا لسة الصبح بقى وساعة اصتباحة وهو قلبها غم

    شفت ساعة اصطباحة دى خدمت الموضوع بردو

    اةة يانى هم يضحك وهم يبكى .......يلا ما علينا
    avatar
    Admin
    المدير
    المدير

    عدد المساهمات : 184
    تاريخ التسجيل : 27/08/2009
    العمر : 36
    الموقع : www.quebecimm.ahladalil.com

    رد: التعليم فى كيبــــــــــــــــــــــك

    مُساهمة  Admin في الأحد 1 نوفمبر - 12:41

    ههههههههههههههههههههههههههه
    شربات و اللة يا جيسكا... ربنا يخليكى للمملكة المصرية الكيبكواية المتحدة
    و روقى كدة و فرفشى و زقططى و روقى


    عدل سابقا من قبل Admin في الأحد 1 نوفمبر - 13:05 عدل 1 مرات

    jessika
    المشرف العام
    المشرف العام

    عدد المساهمات : 182
    تاريخ التسجيل : 02/09/2009
    العمر : 35
    الموقع : www.quebecimm.ahladalil.com

    رد: التعليم فى كيبــــــــــــــــــــــك

    مُساهمة  jessika في الأحد 1 نوفمبر - 12:54

    Admin كتب:ههههههههههههههههههههههههههه
    شربات و اللة يا جيسكا... ربنا يخليكى للمملكة المصرية الكيبكواية المتحدة
    و روقى كدة و فرشفشى و زقططى

    [b]وفرشفشى ازاى يعنى؟ ههههههههههههههه

    انا تمام جدا بس القلق يقى بعيد عنك كل يوم الواحد يسمع كلام يقلق ربنا يهون فترة الميديكال دى بقى [/b]

    jessika
    المشرف العام
    المشرف العام

    عدد المساهمات : 182
    تاريخ التسجيل : 02/09/2009
    العمر : 35
    الموقع : www.quebecimm.ahladalil.com

    رد: التعليم فى كيبــــــــــــــــــــــك

    مُساهمة  jessika في السبت 14 نوفمبر - 11:47

    السنه الدراسيه هنا بتبدا للاولاد دايما فى اخر اسبوع فى اغسطس وبتخلص بين 20 و23 يونيه (قبل عيد St-Jean) اللى يوم 24 يونيو
    طبعا المدرسين بيشتغلوا ايام اكتر من ايام الدراسه للاولاد
    اجازه الولاد بتبقى حوالى 9 اسابيع وشويه
    معظم الوقت بيبقى اول ايام واخر ايام فى السنه الدراسيه اجازه للطلبه عشان يدوا فرصه للمدرسين يخلصوا اللى وراهم

    فى السنه الدراسيه فيه كذا نوع اجازات
    -jours de congé ايام اجازات رسميه واعياد(زى مثلا عيد العمل و كريسماس وشم النسيم Pâques)
    journée pédagoqiue دى بتبقى غالبا اجازه للاولاد لكن شغل للمدرسين(تصحيح والذى منه)
    congé mobile ودى بتبقى عدد من الايام الاجازه اللى المدرسه بتحطها للطوارئ زى عواصف ثلجيه جامده ولذلك الايام دى مابيبقاش محدد معادها وبيستعملوها وقت الحاجه ولو مافيش لها استخدام بيدوها برضه للولاد
    avatar
    Admin
    المدير
    المدير

    عدد المساهمات : 184
    تاريخ التسجيل : 27/08/2009
    العمر : 36
    الموقع : www.quebecimm.ahladalil.com

    رد: التعليم فى كيبــــــــــــــــــــــك

    مُساهمة  Admin في الأحد 15 نوفمبر - 9:21

    شكرا يا جيسكا على المجهود فوق الرائع دة
    و ربنا معاكى

    jessika
    المشرف العام
    المشرف العام

    عدد المساهمات : 182
    تاريخ التسجيل : 02/09/2009
    العمر : 35
    الموقع : www.quebecimm.ahladalil.com

    رد: التعليم فى كيبــــــــــــــــــــــك

    مُساهمة  jessika في الأربعاء 25 نوفمبر - 17:15

    فى المدرسه بيطلبوا من الاولاد زى مصر كراسات معينه لكل ماده وبجلاد معين
    لما الولاد بيروحوا المدرسه يستلموا الكتب بيدوهم ورقه فيها لكل ماده الكراسات بالوانها والاقلام الخ الخ

    jessika
    المشرف العام
    المشرف العام

    عدد المساهمات : 182
    تاريخ التسجيل : 02/09/2009
    العمر : 35
    الموقع : www.quebecimm.ahladalil.com

    رد: التعليم فى كيبــــــــــــــــــــــك

    مُساهمة  jessika في الخميس 21 يناير - 18:54

    هنا التعليم بيقى 6 سنين ابتداءى و5 سنين ثانوى و سنتين cegep وبعدين 3 او 4 سنين كليه
    فى اخر سنتين ثانوى الولاد بيختاروا مواد معينه حسب اتجاهم (مثلا كورس رياضه math قوى للى عايز يدرس مجال علمى) وبيقدموا للدخول فى cegep فى التخصص اللى عايزينه
    فيه تخصصات عليها طلب كتير و ال cegep بيختاروا الطلبه حسب نتيجتهم فى سنه 4 و 5 ثانوى
    فى اخر سنتين ال cegep كل طالب بيبقى له تقييم )cote R) وكل كليه حسب تخصصها بيقى لها حد ادنى cote R للقبول

    يعنى فيه اختيار من ناحيه الطالب ولكن الكليات مابتاخدش اى حد حتى لو درجاته مش كفايه
    بس ده مالوش علاقه خاااااالص بجنون الثانويه العامه بتاعه مصر وخصوصا ان مافيش تقريبا دروس خصوصيه ومافيش طلبه بيجيبوا 110% ومافيش فته فى القبول فى الكليات

    الطالب اللى مااتقبلش فى الكليه اللى عايزها بسبب درجاته ممكن يلاقى طرق يدخل بيها ولكن بتبقى اطول ومحتاجه شغل
    مثلا لو طالب عايز يدخل هندسه عشان ياخد بكالريوس ومااتقبلش عشان درجاته مش عاليه كفايه ممكن يقدم فى جامعه فى بلد تانيه ويتقبل او ممكن يقدم على بروجرام تانى زى majeur بدل البكلريوس وبعد ما ياخد الشهاده (سنتين مثلا) وتكون درجات كويسه يقدم لدخول بكالريوس ويتقبل
    او ممكن ياخد شهاده فى مجال قريب من اللى كان عايزه وبعدين يقدم للبكالريوس اللى عايزه

    التعليم الجامعى هنا مدعم جزءيا من الحكومه وبيكلف تقريبا بين 3000 و6000 فى معظم الكليات فى السنه (ده يعتبر قليل جدا فى امريكا الشماليه)
    طبعا فيه مساعدات حكوميهprêts et bourses
    للى ماعندوش قدره يدفع

    jessika
    المشرف العام
    المشرف العام

    عدد المساهمات : 182
    تاريخ التسجيل : 02/09/2009
    العمر : 35
    الموقع : www.quebecimm.ahladalil.com

    رد: التعليم فى كيبــــــــــــــــــــــك

    مُساهمة  jessika في الخميس 21 يناير - 18:55

    لما حضرتك بتعمل التقرير الضريبى السنوى بتحط فيه مرتبك كدخل و بتحط بعض البنود اللى بتديك اعفاء جزءى من الضرايب او بتنطرح من دخلك وبالتالى ممكن تنزلك فى شريحه عليها ضرايب اقل
    من ضمن الحاجات دى بيبقى فيه بند للدراسه post secondaire للاولاد (cégep et université)
    الاعفاء اللى لك حق فيه بيتوقف على كذا عامل زى مرتبك وهل ابنك او بنتك اشتغل مثلا شويه فى السنه دى
    وبعد حسابات ضريبيه ملخبطه ممكن تطلع انك تدفع ضرايب اقل بسبب مصاريف كليه الابن او البنت لكن مش بيوصل لدرجه 75% الا يمكن فى حاله اسره دخلها محدود جدا
    (على فكره احنا بندفع هنا ضرايب بين 20% 50% من الدخل السنوى حسب شريحه الدخل يعنى كل ما تعمل فلوس اكتر كل ما تدفع نسبه ضرايب اكبر)

    Son of the king
    عضو جديد
    عضو جديد

    عدد المساهمات : 9
    تاريخ التسجيل : 12/03/2010

    رد: التعليم فى كيبــــــــــــــــــــــك

    مُساهمة  Son of the king في الأحد 14 مارس - 20:26

    يا تري انا لما اوصل هناك استغل ب 15 دولار مثلا هدفع منهم كام ضرايب
    و هل في قانون واصح للموضوع دة
    شكرا

    jessika
    المشرف العام
    المشرف العام

    عدد المساهمات : 182
    تاريخ التسجيل : 02/09/2009
    العمر : 35
    الموقع : www.quebecimm.ahladalil.com

    رد: التعليم فى كيبــــــــــــــــــــــك

    مُساهمة  jessika في الثلاثاء 16 مارس - 17:56

    كورسات الفرنساوى للمهاجرين الجدد هدفها انها تخلى المهاجر الجديد لما يخلصها يقدر يعيش فى المجتمع ويشتغل
    الدراسه فى راييئ محتاجه معرفه باللغه اكتر من مستوى الكورسات دى لوحدها
    والمعرفه الزياده دى ممكن تيجى من استعدادك لتعلم اللغه و تمرنك عليها و بالاحتكاك بالمجتمع



    طبعا McGill من الكليات الممتازه على المستوى العالمى يعنى تعتبر احسن من مونتريال ولافال لكن عيبها انها بالانجليزى وده ممكن يخليك تكسل على الفرنساوى اللى محتاجه عشان تشتغل هنا فى كيبيك

    jessika
    المشرف العام
    المشرف العام

    عدد المساهمات : 182
    تاريخ التسجيل : 02/09/2009
    العمر : 35
    الموقع : www.quebecimm.ahladalil.com

    رد: التعليم فى كيبــــــــــــــــــــــك

    مُساهمة  jessika في الثلاثاء 16 مارس - 17:59

    كلية العلوم قسم الكيمياء ومعادلتها


    اولا بماان هنا فيه شركات ادويه ومصانع ومعامل ابحاث فان شغل الكيماءيين مطلوب نسبيا
    فيه نقابه لازم تبقى عضو فيها عشان تقدر تشتغل وادى الرابط
    http://www.ocq.qc.ca/

    فيه كذا جامعه بتدرس كيمياء منهم انجليزى وفرنساوى ودول رابطين كمثل
    http://www.chimie.umontreal.ca/
    http://www.chemistry.mcgill.ca/research/chemphys.php
    طبعا الدراسه بالفرنساوى احسن عشان تسهلك انك تلاقى شغل
    ولكن طبعا اول حاجه لازم تفكر فيها هى انك تقدم طلب المعادله وتشوف حيقولوك ايه وادى الرابط
    http://www.cicic.ca/

    jessika
    المشرف العام
    المشرف العام

    عدد المساهمات : 182
    تاريخ التسجيل : 02/09/2009
    العمر : 35
    الموقع : www.quebecimm.ahladalil.com

    رد: التعليم فى كيبــــــــــــــــــــــك

    مُساهمة  jessika في الثلاثاء 16 مارس - 18:03

    المهن اللى لها مزاولتها بتخضع لقوانين ومقاييس معينه لان الغلط فيها ممكن يشكل خطرعلى حياه او ممتلكات او حقوق الناس زى الطب والصيدله والمحاماه والهندسه والمحاسبه وغيرهم بيبقى لهم وضع خاص ولهم نقابه او ordre Professionel
    وده رابط بالمهن دى
    http://www.immigration-quebec.gouv.q...essionnel.html

    اما باقى المهن ومن ضمنها الرسم والطبع فبيكون لها associations عشان ترعى شؤن الاعضاء فقط ولكن ملهاش سلطه حقيقيه وفى الغالب بتبقى زى رابطه للمهنه فى منطقه او مدينه معينه زى الامثله دى

    http://www.uniondesartistes.com/

    http://www.lakeshoreartistsassociation.ca/laasitee.htm

    http://www.dorvalartistes.org/loisir...ult.asp?lang=1

    jessika
    المشرف العام
    المشرف العام

    عدد المساهمات : 182
    تاريخ التسجيل : 02/09/2009
    العمر : 35
    الموقع : www.quebecimm.ahladalil.com

    رد: التعليم فى كيبــــــــــــــــــــــك

    مُساهمة  jessika في الثلاثاء 16 مارس - 18:12

    المعماريين


    موقع نقابة المعماريين فى كيبيك هى (طبعاً مالناش دعوه بنقابة المهندسين ):
    http://www.oaq.com/fr/accueil/index.jsp

    موقع مدرسة العماره بجامعه ميجيل ( الدراسة بالانجيزية ) :
    http://www.mcgill.ca/architecture/
    موقع مدرسة المعارة بكلية موريال ( الدراسة بالفرنسية ):
    http://www.arc.umontreal.ca/
    موقع مدرسة العماره بكلية لافال ( الدراسة بالفرنسية ):
    http://arc.ulaval.ca/

    وطبعاً فى جامعه ميجيل موجود فى اسطف التدريس واحد من اقوى معماريين العالم وهو رقم 3 على العالم فى التصنيف المعماري وهو موشى الصفدي بس الجامعات التانية متقلش عنها فى حاجة من حيث قوه الكلية

      الوقت/التاريخ الآن هو الثلاثاء 26 سبتمبر - 14:34