rere كتب:ترجم كل الورق بالانجليزية فقطgboutros كتب:أخوتي و احبائي،
عاوز احكي حكايتي و استفسر عن حاجة، يهمني رأيكم كلكم.
لو الموضوع مش مكانه هنا ، ارجو ان يقوم الادمن بنقله كما يشاء.
انا عندي 37 سنة ، متزوج و عندي طفلين.
لغتي الفرنسية كويسة لاني كنت في مدارس فرنساوي و دلوقتي بشتغل باللغة الفرنسية.
انا متخرج من كلية تجارة و اشتغلت محاسب تقريباً 11 سنة و بعدين حولت شغلي لمجال الاتصالات في اخر 4 سنين و حتى الان.
زوجتي لديها لغة انجليزية فقط ، متخرجة من كلية تجارة قسم انجليزي و تعمل في مجال المحاسبة حتى الان.
ابني 8 سنين في مدرسة فرنسية و ابنتي لم تذهب المدرسة بعد.
للاسف و بكل اسف اخذت قرار السفر و الهجرة متأخر كثير.
انا قدمت فيدرال من 2007 بطريقة ال simplified ، و بعدين خال مراتي هاجر كيبك و شجعنا نروحله علشان البلد هناك فيها مميزات كثيرة، قلنا احنا قدمنا فيدرال خلاص و ربنا يسهل و ناخد الفيدرال و بعد كده نقعد في كيبك لو طلعت حلوة فعلاً، بس بعد ما اكتشفنا ان لسه قدامنا كثير و انه ال CSQ أسهل و اسرع بالنسبة لحالتنا، قررنا نقدم لكيبك.
اتصلنا بناس كثير و محاميين كثير علشان نفهم الدنيا ماشية ازاي، قررت اعمل الفايل لوحدي ، بس من خوفي يكون فيه حاجة غلط قررت استعين باي شخص ذو خبرة زي عصام علشان يظبطلي الموضوع و اخليه يكتب الابليكيشن بالفرنساوي باحتراف و اقدمها باسمي مش باسم محامي، ما هو انا برضه الفرنساوي بتاعي مش 100 % ، نقدر نقول 80 % .
انا لسه في بداية المشوار من تجميع ورق و خلافه و لسه ما اتفقتش مع حد.
( انا اسف على الاطالة )
دلوقتي استفساراتي:
1- الغي الابليكيشين بتاعة الفيدرال و لا لأ ( اختلف المحامون في ذلك )و انا خايف الغيها و بعدين ماخدش الCSQ يبقى خسرت الاثنين.
2- يا ترى فرصي في ال CSQ ايه مع العلم ان سني (37) مش مساعدني و مخسرني 8 نقط؟
3- اقدم لوحدي و لا اشوف حد يساعدني زي عصام و برضه اقدم باسمي ، مع العلم ان عصام غالي جداً و في ناس ثانية اوفر شوية
4- عاوز اعرف ايه الاوراق المطلوبة بالضبط لانه دي كمان اختلف عليه الفقهاء ( بعني الثانوية العامة و القيد العائلي مثلاً في ناس تقول عليهم اه و ناس تقول لا)، هل كل ما كترت في الورق يبقى احسن و لا خير الكلام ما قل و دل؟
5- اترجم كله انجليزي علشان ال CSQ و بعده الفيدرال و لا اترجم مرة فرنسي و مرة انجليزي؟
انا اسف مرة ثانية على الاطالة و انا حاسس ان المنتدى ده هيبقى وشه حلو عليا
لو محتاجين اي مساعدة في الفرنساوي او اي حاجة ثانية قولولي على طول.
ربنا يوفقنا كلنا.
وعلى فكرةانت مواصفاتك مناسبة اوى اوى لكيبك خصوصا انك عندك فكرة عن الفرنساوى يعنى لما يجيلك معاد الانترفيو مش هتتعب كتير بس لازم تدخل السنتر الفرنساوى علشان تأخذ شهادة معتمدة
وممكن تروح السنتر تحدد مستوى وتاخذ بيها شهادة تبعتها مع الفايل وممكن يبعتولك الس اس كيو لو مستواك كويس انا اعرف ناس عملو كدة بعد ما قدمو الفايل ارسلو شهادة السنتر هو والمدام وبعتلهم السى اس كيو على طول
وربنا معاك
على فكرة لازم تجيب شهادة خبرة من الشغل الاولانى والثانى علشان ترفع درجاتك
انا متشكر جداً يا Rere على تعليقك و على المعلومات المهمة.
سؤال صغير: هو السنتر بيدي شهادة معتمدة بعد امتحان تحديد المستوى؟ و لا هي مجرد ورقة عادية؟
اما عن شهادات الخبرة كلها موجودة و الحمد لله.
انت وصلتي لفبن يا Rere؟
ربنا يوفقك و يوفق الجميع.