الحياة و الهجرة الى كيبك و كندا

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى يهتم بشؤون المصريين و العرب المهاجرين الى كندا


+2
Admin
Hany Lewis
6 مشترك

    مونتريال كما رأيتها و بين ما يقال

    avatar
    Hany Lewis
    عضو جديد
    عضو جديد


    عدد المساهمات : 10
    تاريخ التسجيل : 01/11/2009

    مونتريال كما رأيتها و بين ما يقال Empty مونتريال كما رأيتها و بين ما يقال

    مُساهمة  Hany Lewis الإثنين 2 نوفمبر - 4:55

    أحبائي و أخواني أعضاء المنتدي الجميل ... أحب أقولكم انكم وحشتوني أولا ... و ألف شكر لكل اللي كان بيسأل علي و دائم الأتصال بي ..

    الحقيقيه انا كنت متردد اني أفتح موضوع جديد لسببين .. الأول انها مسئوليه كبيره و زي ما قلت قبل كده أنا بفضل اني أضيف شيء جديد لعل الأخرين ينتفعو بيه ... الثاني اني هبقي مشغول جدا الفتره اللي جايه اللي هتبقي فتره طويله حقيقي.. لكن علي أي حال أنا هحاول بقدر الأمكان اني ابقي متواجد و احط انطباعاتي و اللي شفته في مونتريال ..

    بدايه , انا اسمي هاني , مهندس اتصالات و اليكترونيات .. يعني و معايا شويه شهادات في مجال تأمين شبكات الكمبيوتر و شبكات الكمبيوتر نفسها ... ابتديت مشوار الهجره من 2005 و كنت مقدم كيبيك و عملت رحله اللاندينج يوم 19-9 اللي فات ... و قعدت 40 يوم في مونتريال...

    أسمحولي اني أكتب لكم عن اللي شفته في مونتريال و عشته فيها في الفتره اللي قعدتها هناك و ده طبعا يا جماعه انطباعاتي الشخصيه .. يعني مونتريال زي شفتها 

    يعني انا هعمل حلقات ... بمعني اني هبتدي قبل تاريخ رحله اللاندينج بشويه و اقولكم انا عملت ايه عشان السكن و برضه شويه بحث عن شغل مش بغرض الأستقرار لكن بغرض اني أخد فكره عن أسلوبهم في عمل الأنترفيو عشان انا شايف ان ده شيء مهم جدا..

    المهم اي مهاجر جديد بيبقي أول شيء يفكر فيه هو انه يلاقي سكن بسعر كويس ... و علي طول يبتدي يدور علي شغل .. و طبعا في البدايه يخلص أوراقه يعني بي أر, كارت الميديكال , SIN , كورسات فرنساوي للي عايز يروح لكيبيك و يستقر هناك... كده يعني

    الحلقه الأولي ......

    أول حلقه هتبقي عن حجز الطيران ... و ده شيء مهم

    طبعا انا كنت حاجز رايح جاي .. من خبرتي في القصه ده مش فارقه أبدا انك تروح تلف علي مكاتب الطيران فيه موقعين مهمين جدا جدا و الأسعار عليهم في منتهي الجمال و تقدر تلاقي كل اللي انت عايزه

    http://www.thomascookegypt.com

    http://www.easytrav.net

    ميزه الموقعين دول انك بتقدر تختار التاريخ لغايه أما تلاقي أرخص سعر .. و أصلا فيه خصم بيبقي علي e-ticket يعني التذكره المحجوزه علي الأنترنت.. انا كنت بدخل في اليوم بتاع ييجي 15 مره عشان بتبقي فيه اسعار لقطه بكل المقاييس يعني يبقي فيه عرض يظهر و بعدين يختفي ف 3 دقايق ..

    عرفت ان مصر للطيران بتعمل عرض في الصيف بتبقي رحله مباشره من غير توقف و ده بيبتدي من شهر 5 أعتقد لشهر 9 بس ... و طبعا ده أفضل كتير جدا للأسباب اللي هقولها لكم بعد كده .. و برضه علي فكره بتلاقي العروض ده موجوده علي الموقعين دول و ميزتهم انهم مصريين....

    الحلقه الثانيه ......................

    تاني حلقه هتبقي عن البحث عن سكن في مونتريال ..

    تبدأ وقائع القصه .. ايه رأيكم في اللغه العربيه الفصحي ده ... هاهاها ... بعد حصولي علي الفيزا في شهر 4 اللي فات

    فيه أكتر من موقع الحقيقه انا كنت بدور فيهم علي شقق ..

    http://www.craigslist.org/about/sites

    http://montreal.kijiji.ca

    الموقع الأول هو اللي حجزت من عليه ستوديو و بشوف انه افضل من kijiji .. كانت مواصافات المكان اللي عايزه كالتالي

    - فيه انترنت
    - فيه مطبخ كامل يعني تلاجه و بوتاجاز و أدوات مطبخ
    - لو فيه cable TV بس ماكانش مهم أوي
    - Hot water
    - Electricity (Hydro), water, internet, cable TV.. all inclusive
    - انه يبقي في مكان امان و قريب من وسط البلد عشان اعرف اتحرك بسهوله
    - انه مايبقاش معاي حد بيعيش في الأستوديو يعني مش مشترك
    - انه يبقي فيه دفايه كويسه و شغاله زي الناس أو نظام تدفئه مركزي.. عشان الزمهارير...
    - أهم شيء انه يكون بحمام خاص

    كنت بدور تقريبا كل يوم و في اليوم بدخل 5 أو 6 مرات عشان ألاقي احسن سعر و أحسن مكان..

    أغلب الناس كانت عايزاني أدفع مقدما و ده بالنسبه لي كان شيء فيه مخاطره لأنه ممكن يطلع نصاب لو هي مجرد شقه أو ستوديو بتاع جد يعني مش فندق أو موتيل .. هنا لابد من وقفه كندا مش سهل انك تلاقي فيها شقه أو ستوديو بمده صغيره بسعر كويس short term لأنه لازم يبقي فيه lease و ده بيبقي لمد كويله مش اقل من 6 شهور عشان سبقي السعر لقطه يعني و ده للي رايح يستقر .. أغلب اللي بيأجرو بياخدو ايجار أول و اخر شهر و لازم يبقي فيه ضامن في كندا و يكون شغال عشان او انت خسعت في الأيجار هو يدفع .. طبعا الحياه مش ضلمه كده .. لأنه برضه فيه أماكن زي المكان اللي كنت أنا عايش فيه مفيش مشكله خالص في المواضيع ده
    بس برضه كان غالي مش رخيص أنا كنت ساكن ب 900 دولار في الشهر في قلب وسط البلد , المكان نضيف و محترم جدا مفيهوش أي مشاكل من أي نوع

    http://www.berrisuites.ca

    اللينك اللي فوق هي المكان اللي كنت ساكن فيه ... البنت المسئوله عن المكان اسمها ENA روسيه هي..

    علي فكره فيه ستديوهات في المكان ده ب 850 بس أصغر و فيه برضه 750 بس ده basement انا بصراحه كنت رافض قصه ال basement ده لا لشيء الا اني كنت رايح اقعد فتره قصيره فماكنتش يعني طالبه اني اقعد فيه .. و لو انه نضيف و كويس مش الفكره اللي احنا واخدنها عن البدروم في مصر يعني ..

    المهم .. اتصلت بالمكان و بعت أكتر من ايميل عشان اظبط الدنيا .. هنا فيه شيء مهم لازم يا جماعه تاخدو بالكم منه انكم لما تاخدو سعر تعرف ان كان شامل الضرايب و لا لأ عشان ما تلاقوش نفسكم بتدفعو ييجي 70 دولار تاني ضرايب .. قلت للبنت ده انا مش هقدر أدفع قبل ما أجي أنا هدفع بعد ما أجي قالت لي مش مكشله بس أكد وصولك قبلها ب 48 ساعه .. ربنا كريم معايا جدا و أحمده و اشكر فضله اني قدرت أحجز المكان من غير ما أدفع مقدما ازاي بس مش عارف بس هي تعاملات الله مفيش شيء مستحيل و لو ان ده مستحيل  انك تحجز من غير ما تدفع شيء مقدما ..

    كده انا سكنت .. الحلقه اللي جايه هتبقي عن البحث عن عمل قبل الوصول و ازاي تقدر يجي لك انترفيو و تكمل ان شاء الله . هسيبكم دلوقتي أحسن مش عارف أظبط نومي لسه 
    Admin
    Admin
    المدير
    المدير


    عدد المساهمات : 184
    تاريخ التسجيل : 27/08/2009
    العمر : 43
    الموقع : www.quebecimm.ahladalil.com

    مونتريال كما رأيتها و بين ما يقال Empty رد: مونتريال كما رأيتها و بين ما يقال

    مُساهمة  Admin الثلاثاء 3 نوفمبر - 10:14

    اللة ينور عليك يا هانى
    بس الحقيقة كنت سمعت ان كنائس المهجر بتقدم الخدمة دى...بمعنى ممكن تكلمهم انهم يدورا لك على شقة بسعر مناسب لحد لما تروح و تمضى العقد و كدة

    يا ترى الكلام دة حقيقى و لا متعرفش و لا اية ؟؟؟؟؟

    avatar
    jessika
    المشرف العام
    المشرف العام


    عدد المساهمات : 182
    تاريخ التسجيل : 02/09/2009
    العمر : 42
    الموقع : www.quebecimm.ahladalil.com

    مونتريال كما رأيتها و بين ما يقال Empty رد: مونتريال كما رأيتها و بين ما يقال

    مُساهمة  jessika الثلاثاء 3 نوفمبر - 13:33

    Admin كتب:اللة ينور عليك يا هانى
    بس الحقيقة كنت سمعت ان كنائس المهجر بتقدم الخدمة دى...بمعنى ممكن تكلمهم انهم يدورا لك على شقة بسعر مناسب لحد لما تروح و تمضى العقد و كدة

    يا ترى الكلام دة حقيقى و لا متعرفش و لا اية ؟؟؟؟؟


    الكنيسة بتستقبلك من المطار وبتقعدك فى شقة لمدة اسبوع وفى الفترة دى بتدور معاك على شقق او انت بتدور وبعدها بتتنقل متقلقش

    بس لازم تكون معرفهم انك مسافر امتى علشان يبعتوا حد يستناك فى المطار ويجهزولك المكان

    لو محتاج نمرة التلفون قول وممكن ابعتهالك على الخاص

    بالتوفيق


    اة صحيح للعلم بس هانى مش هايفيدك قوى فى النقطة دى لانة راح شهر بس وحجز بنفسة من النت

    لكن كلامى بناءا على ناس راحت بالفعل اعرفهم وحصل معاهم كدة
    Admin
    Admin
    المدير
    المدير


    عدد المساهمات : 184
    تاريخ التسجيل : 27/08/2009
    العمر : 43
    الموقع : www.quebecimm.ahladalil.com

    مونتريال كما رأيتها و بين ما يقال Empty رد: مونتريال كما رأيتها و بين ما يقال

    مُساهمة  Admin الثلاثاء 3 نوفمبر - 13:50

    jessika كتب:
    Admin كتب:اللة ينور عليك يا هانى
    بس الحقيقة كنت سمعت ان كنائس المهجر بتقدم الخدمة دى...بمعنى ممكن تكلمهم انهم يدورا لك على شقة بسعر مناسب لحد لما تروح و تمضى العقد و كدة

    يا ترى الكلام دة حقيقى و لا متعرفش و لا اية ؟؟؟؟؟


    الكنيسة بتستقبلك من المطار وبتقعدك فى شقة لمدة اسبوع وفى الفترة دى بتدور معاك على شقق او انت بتدور وبعدها بتتنقل متقلقش

    بس لازم تكون معرفهم انك مسافر امتى علشان يبعتوا حد يستناك فى المطار ويجهزولك المكان

    لو محتاج نمرة التلفون قول وممكن ابعتهالك على الخاص

    بالتوفيق


    اة صحيح للعلم بس هانى مش هايفيدك قوى فى النقطة دى لانة راح شهر بس وحجز بنفسة من النت

    لكن كلامى بناءا على ناس راحت بالفعل اعرفهم وحصل معاهم كدة

    متشكر جدا يا جيسكا
    لكن انا حاعمل اية بانمرة مش لما الطبى دا ينتهى
    ع العموم انا بس حبيت اعرف الكلام دة صح و لا لاء
    و متشكرين جدا جدا و ربنا يوفق الجميع
    avatar
    jessika
    المشرف العام
    المشرف العام


    عدد المساهمات : 182
    تاريخ التسجيل : 02/09/2009
    العمر : 42
    الموقع : www.quebecimm.ahladalil.com

    مونتريال كما رأيتها و بين ما يقال Empty رد: مونتريال كما رأيتها و بين ما يقال

    مُساهمة  jessika الثلاثاء 3 نوفمبر - 14:14

    متشكر جدا يا جيسكا
    لكن انا حاعمل اية بانمرة مش لما الطبى دا ينتهى
    ع العموم انا بس حبيت اعرف الكلام دة صح و لا لاء
    و متشكرين جدا جدا و ربنا يوفق الجميع
    [/quote]

    العفو تحت امرك
    avatar
    Hany Lewis
    عضو جديد
    عضو جديد


    عدد المساهمات : 10
    تاريخ التسجيل : 01/11/2009

    مونتريال كما رأيتها و بين ما يقال Empty رد: مونتريال كما رأيتها و بين ما يقال

    مُساهمة  Hany Lewis الثلاثاء 3 نوفمبر - 18:15

    jessika كتب:
    Admin كتب:اللة ينور عليك يا هانى
    بس الحقيقة كنت سمعت ان كنائس المهجر بتقدم الخدمة دى...بمعنى ممكن تكلمهم انهم يدورا لك على شقة بسعر مناسب لحد لما تروح و تمضى العقد و كدة

    يا ترى الكلام دة حقيقى و لا متعرفش و لا اية ؟؟؟؟؟


    الكنيسة بتستقبلك من المطار وبتقعدك فى شقة لمدة اسبوع وفى الفترة دى بتدور معاك على شقق او انت بتدور وبعدها بتتنقل متقلقش

    بس لازم تكون معرفهم انك مسافر امتى علشان يبعتوا حد يستناك فى المطار ويجهزولك المكان

    لو محتاج نمرة التلفون قول وممكن ابعتهالك على الخاص

    بالتوفيق


    اة صحيح للعلم بس هانى مش هايفيدك قوى فى النقطة دى لانة راح شهر بس وحجز بنفسة من النت

    لكن كلامى بناءا على ناس راحت بالفعل اعرفهم وحصل معاهم كدة

    عماد باشا انا هرد علي سؤالك ده علي الخاص Smile
    avatar
    Hany Lewis
    عضو جديد
    عضو جديد


    عدد المساهمات : 10
    تاريخ التسجيل : 01/11/2009

    مونتريال كما رأيتها و بين ما يقال Empty رد: مونتريال كما رأيتها و بين ما يقال

    مُساهمة  Hany Lewis الثلاثاء 3 نوفمبر - 18:15

    قبل ما أبتدي حلقه البحث عن عمل , حابب أكلمكم عن أول ساعه لي في مونتريال...

    بعد ما وصلت مطار مونتريال و خرجت للشارع قررت اني أتصرف كأني من أهل البلد يعني مثلا ماخدش تاكسي للمكان اللي انا هسكن فيه بالأخص انه كان هياخد ييجي 50 دولار .. سالت الناس بره ايه المواصلات اللي أقدر أخدها لغايه أما أوصل وسط البلد قالو لي ده بعيد من هنا انت هتاخد 3 أتوبيسات .. لكن واحد قالي اني أروح أسأل كشك كده .. المهم رحت سألت قالت لي الست ان فيه shuttle bus بيروح وسط البلد و ده تمنه 16 دولار .. فعلا أخدته و نزلت أخر الخط .. الشيء اللي استوقفني هنا اني مالاقيتش أي حاجز بالنسبه للغه لأني كنت بتكلم انجليزي و مفيش اي مشاكل مش زي ما كنت بسمع أو زي ما تقالي انهم متعصبين جدا للغتهم لكن انا بكرر ده انطباعي الشخصي و اللي حصل معايا ..

    نزلت أخر الخط طبعا بعد ما سألت السواق .. الشيء برضه اللي لفت نظري ان الشوارع مكسره .. و ده استغربت له جدا .. لكن مش معطل أي شيء كله تمام .. نزلت من الأتوبيس خرجت لاقيت واحد من أطفال الشوارع اقصد رجال الشوارع هاهاهاهاها ... المهم سألته فين يا عم شارع بيري قالي انت في شارع بيري ..
    مشيت و طبعا نظام الترقيم كان غريب شويه بالنسبه لي .. كانت الساعه حوالي 10 بالليل . لاقيت واحد ماشي في الشارع سألته فين يا عم رقم 1085 قالي مش عارف بس تخيلو يا جماعه قرر انه يمشي معايا لغايه أما ألاقي الرقم .. واضح ان دعوات أمي كانت ملاحقاني و كرم ربنا الكبير اللي مالهوش حدود انه موقف لي ولاد الحلال .لاقيت الرقم راح الولد قالي عايز حاجه تاني قلت كتر خيرك و مشي ..

    لاقيت باب الفندق مقفول .. قلت يادي الليله الكوبيه و طبعا لأني ماكنتش شايف قدامي ما شفتش ورقه متكوب عليها اني أدوس علي زرار 5 أو 6 عشان حد يفتح لي .. و انا ماشي في الشارع لاحظت ان فيه تليفونات بتشتغل بالعمله أو بكارت مدفوع مقدما .. بس بتعوز 50 سنت يعني عملتين كل واحد ب 25 سنت أنا كان معايا باقي 4 دولار كل عمله ب 2 دولار من باقي التذكره .. وقفت واحد سألته اذا كان معاه فكه هو كان بيتكلم فرنساوي و مش قوي في الأنجليزي راح الراجل اداني ال 50 سنت من غير أي مقابل .. قلت يا عم انا عايز فكه يعني خد ال 2 دولار فكهم قالي لا لا لا و الله بالحرف قالي it's my pleasure و اصر انه ما ياخدش ال 2 دولار عشان هو مش معاه يكمل فكه و قالي ده لو خدت منك ال 2 دولار ده هيبقي 4 اضعاف اللي اديتهولك و كان سعيد جدا انه ساعدني هنا يا جماعه استوقفني شيء مهم هو ان الكنديين شعب طيب و خدوم .. قلت يا بركه دعواتك يا أما .. رحت كلمت البنت و فتحت لي الباب و بعدين جالي واحد صاحبي مصري و خرجت معاه .. هقف بيكم عند النقطه ده و أرجع بعدين اقولكم انا عملت ايه

    الحلقه التالته

    البحث عن عمل قبل السفر مباشره و انت في مصر

    صاحبي اللي في كندا شغال في نفس مجالي information security engineer قدم علي شغل كتير و لقي شغل في شركه محترمه بمرتب مش قليل و مركز محترم هو صحيح مشي منها بس جاله الشغل ده بعد مرور 4 شهور من وصوله .. يعني يا جماعه موضوع الخبره الكندي و الهوس ده ما حصلش معاه .. طبعا مش كتير بيحصل معاهم كده لكن هو كان محظوظ و ربنا كارمه ... المهم صاحبي ده قالي انه من ضمن الأنترفيو اللي اتعمل معاه مان منهم مرتين مره فيها كان بيعمل معاه 7 اشخاص انترفيو في نفس الوقت و مره تانيه كان 9 رقم خرافي و خزعبلي .. لذلك قررت اني أدورعلي شغل عشان أعمل انترفيو هناك حتي لو مش هتسقر هناك بس عشان أخد خبره الأنترفيو ..

    فيه نقطه حطوها في اعتباركم انه بيبص في السي في بتاعتك لو مالاقاش رقم كندي مش بيتكلم أصلا .. طيب ايه الحال انا في مصر و مش لي رقم يكلموني عليه ..يبقي لازم يبقي لي رقم كندي .. طيب أجيبه منين ده .. فيه يا جماعه برنامج اسمه gizmo و ده هتلاقوه علي الموقع ده http://gizmo5.com/pc البرنامج ده بيدلكم الفرصه انكم تشترو رقم في أي دوله في الليسته بتاعته منها طبعا كندا و أمريكا .. الرقم ده ممكن فعلا يكلموك عليه و تعمل منه مكالمات و حاجه زي الفل طبعا ده بيبقي سوفتوير نازل علي الكمبيوتر و لازم يبقي فيه انترنت عشان تقدر تستقبل و ترسل مكالمات .. المهم حطيت الرقم ده في الس في بتاعي و كتبت عنوان علي كندا كده أصبحت كأني عايش في كندا .. بالفعل حصلت علي انترفيو قبل سفري بالأسلوب ده .. انا كنت بدور علي شغل من المواقع ده

    www.monster.com

    http://www.workopolis.com

    http://www.craigslist.org/about/sites

    http://www.kijiji.com

    الأنترفيو كان بعد يومين مباشره من وصولي.. طبعا رحت و الراجل كان متكيف بس كان فيه مشكله اني كان ناقص لي شويه حاجات مش معايا بس هو قالي انت المفروض تدخل علي مستوي senior لكن عشان الحاجات مش معاك مش هقدر أخدك junior و انتهي الأمر .. و انا هناك جال برضه انترفيو تاني.... لما الواحد يبقي معاه خبره بجد و مجهز نفسه بجد ,في الغالب بيفوت ... يمكن ده ما يحصلش تاني في رحله الأستقرار لكن انا واثق جدا انا الله الذي ابتدأ عمل صالح هو الذي يكمل ...

    الي هنا تنتهي الحلقه التالته و الحلقه الرابعه هتبقي عن الأنترفيو بتاع كيبيك عشان تتكامل في المجتمع الكندي
    avatar
    Hany Lewis
    عضو جديد
    عضو جديد


    عدد المساهمات : 10
    تاريخ التسجيل : 01/11/2009

    مونتريال كما رأيتها و بين ما يقال Empty رد: مونتريال كما رأيتها و بين ما يقال

    مُساهمة  Hany Lewis الثلاثاء 17 نوفمبر - 9:49

    الحلقه الرابعه ... الأنترفيو اللي بتحدد لك من كيبيك عشان تتكامل في المجتمع الكيبيكاوي

    زي ما قولت قبل كده انه ساعه وصولك مصار مونتريال بتخلص مع المكتب الفيدرالي و بعدين بتدخل علي مكتب كيبيك و طبعا انت مش مجبر انك تعمل كده .. لكن يعني المهم .. دخلت و كلمت الست بالفرنساوي سألتني اذا كنت خلصت اجراءاتي في المكتب الفيدرالي قولت لها أيوه .. قالت لي عايز الأنترفيو بتاعك يبقي امتي قولت لها اي وقت مش مشكله و سألتني انا ساكن فين قلت في وسط البلد حددت لي ميعاد الأنترفيو بعد وصولي ب 3 أيام في شارع اسمه bleury و اديتني خريطه لكيبيك و الكتاب بتاع apprendre le quebec و ورقه فيها عنوانين المكاتب اللي اقدر فيها ال SIN card و الـتأمين الصحي و زي ما ذكرت قبل كده انك اول ما بتروح و تقدم علي كارت التأمين الصحي مش بتبقي متغطي لمده 3 شهور و علي حد ما أعرف بيبقي 6 شهور في المقاطاعات الفيدرال و برضه الورقه ده كان فيها عنواين شركات خاصه عشان أأمن في أول 3 شهور لغايه لما الكارت يجي لي .. انا بصراحه ما قدمتش علي كارت التأمين الصحي عشان هو بينتهي لو قعدت بره كندا أكتر من 6 شهور فماكانش له لازمه.... بالمناسبه ال guide بتاع apprendre le quebec اللي اديتهولي كان عليه ticket كده عليه اسمي و عليه رقم السي اس كيو و رقك تليفون أكلمه لو حبيت أغير الميعاد.. المهم رحت كان انترفيو مجمع يعني مش فردي و الست كانت بتتكلم فرنساوي ففهمت حوالي 60% من اللي اتقال... و الست اديتنا ورق كتير أوي بقه .. يعني فين نتعلم فرنساوي , ازاي نعرف ندور علي شقه, ايه حقوقنا لما نيجي نأجر, و اديتنا ورقه نختار منها 2 انترفيو تانيين و الأختيار كان بين كيف تجد عمل في كيبيك و كيف تتكامل في مجتمع العمل الكندي و كيف تؤجر سكن .. طبعا انا اختارت أي شيء له علاقه بالشغل ...


    طبعا يا جماعه زي ما قلت الأنترفيو ده مهم جدا و انت لو ما فهمتش ليك الحق انك تطلب انترفيو فردي و بالأنجليزي ..شوفتو أد ايه ناس محترمه .. المهم انا عملت كده بصراحه اتصلت بالرقم اللي قولت لكم انهم كتبوه علي ال ticket و قررت اني أحضر الأنترفيو ده بس لوحدي و بالأنجليزي .. حددو لي ميعاد و رحت .. هنا لازم نعمل وقفه الأنترفيو اللي انت يتختارها عشان الشغل و التكامل و الكلام ده بتبقي برضه مجمعه و لو انت عايز انترفيو لوحدك لازم تتطلب سواء في الأنترفيو الأول بتاع أول مره أو الأنترفيو الفردي اللي انت ممكن تتطلبه .. بس الأنترفيو بتاع ازاي تلاقي شغل و الكلام ده المفروض بيبقي بالفرنساوي بس بصراحه يا جماعه انا طلبت انه يكون بالأنجليزي لكن الراجل اللي رد علي في التليفون كان aggressive جدا لما قلت اني عايزه بالأنجليزي .. عشان كده لما تطلبو الأنترفيو بتاع البحث عن عمل و مش عارف ايه ما تقولش انك عايزه بالأنجليزي قول انك عايزه لوحدك و لما تبقي تروح ابقي اتكلم انجليزي مع الشخص اللي هيعمل لك الأنترفيو ..... رحت الأنترفيو الفردي اللي كان مجمع بتاع التكامل في المجتمع الكندي .. كانت نفس الست اللي في الأنترفيو المجمع الأنجليزي بتاعها مش قوي بس ست عسل جدا و خدومه جدا كلمتني في عجاله عن نفس الحاجات و كلمتني عن كورسات الفرنساوي فيه منها الحكومه بتديك فلوس 115 دولار في الأسبوع و كل مستوي بيبقي 6 أسابيع و هم 3 مستويات لكن عشان تحجز في ده ممكن تقعد مده لغايه لما تلاقي مكان فاضي و بيبقي full time لكن لو لاقيت شغل part time بعد الكورس ممكن تشتغل طبعا ... و لأني لغيت الأنترفيو بتاع البحث عن عمل عشان هو بالفرنساوي و لما قررت اني أحجز تاني كانت الأنترفيو التاني بعدي جدا في الوقت .. لذلك قلت للست اللي عملت معايا الأترفيو الفردي اذا فيه مكان قريب .. صدقوني يا جماعه قامت و كلمت واحده و قالت لها هو عايز ينجز فحددت لي انترفيو في لحظتها لأن حظي كان كويس و يبدو ان حد اعتذر و دخلت انا بداله .. لازم و انت رايح الأنترفيو بتاع البحث عن عمل يبقي معاك السي في مطبوعه أو علي flash memory و يبقي معاك السي اس كيو و الباسبورت طبعا ...

    انا ماكانش معايا السي في أضطريت اني اجري لغايه البيت أروح أجيبها و أجي و ده أخرني لكن المهم عملت مع التس التانيه الأنترفيو .. و كانت متعاونه جدا .. قالت لي ازاي أكتب السي في بشكل أفضل و بالشكل اللي بيحبه ال employer الكندي و اديتني نماذج أعمل زيها ... يا جماعه معلومه جدا , 20% بس من الوظايف في كندا بتبقي معلنه و الباقي علي مواقع يمكن ماحدش يعرفها أو شركات توظيف .. هي بقه اديتني كل المواقع أو أغلبها اللي عليها ال 80% الباقي فخلو بالكم من القصه ده .....

    الي هنا خلصت الحلقه ده

    الحلقه هتبقي عن أرخص أمكان عشان تشترو الخضار و الأكل و ايه أماكن التجمع العربي هناك
    avatar
    jessika
    المشرف العام
    المشرف العام


    عدد المساهمات : 182
    تاريخ التسجيل : 02/09/2009
    العمر : 42
    الموقع : www.quebecimm.ahladalil.com

    مونتريال كما رأيتها و بين ما يقال Empty رد: مونتريال كما رأيتها و بين ما يقال

    مُساهمة  jessika الثلاثاء 17 نوفمبر - 12:00

    ممتاز يا هانى ...........منتظرين الحلقة الجاية بسرعة علشان دى مهمة قوى للستات انت فاهم طبعا

    متتاخرش علينا
    avatar
    PePo
    عضو جديد
    عضو جديد


    عدد المساهمات : 5
    تاريخ التسجيل : 20/01/2010
    العمر : 51

    مونتريال كما رأيتها و بين ما يقال Empty رد: مونتريال كما رأيتها و بين ما يقال

    مُساهمة  PePo الجمعة 22 يناير - 22:39

    فى ايه يا عم هانى
    عمال تقول كلام زى العسل و فى الاخر و عند النقطة المهمة خلعت
    احزنتنى
    avatar
    Son of the king
    عضو جديد
    عضو جديد


    عدد المساهمات : 9
    تاريخ التسجيل : 12/03/2010

    مونتريال كما رأيتها و بين ما يقال Empty رد: مونتريال كما رأيتها و بين ما يقال

    مُساهمة  Son of the king الخميس 25 مارس - 23:54

    الله ينور يا عم هاني
    انا انشكحت من الكلام اللي انت حاكيتة كله
    و يا ريت كل اللي يحكي يحكي بالتفصيل ذي حضرتك
    و يا ريت ماتتاخرش علينا بالحلقات اللاحقة
    وربنا يباركك
    احنا في انتظارك
    avatar
    hany talaat azemy
    عضو جديد
    عضو جديد


    عدد المساهمات : 1
    تاريخ التسجيل : 12/10/2010

    مونتريال كما رأيتها و بين ما يقال Empty رد: مونتريال كما رأيتها و بين ما يقال

    مُساهمة  hany talaat azemy الثلاثاء 12 أكتوبر - 22:04

    [b] هى فترة الاندنج بتبقى متحددة من قبل السفر ولا بتبقى حسب ظروفك هناك

      الوقت/التاريخ الآن هو الخميس 28 مارس - 19:17