منتدى يهتم بشؤون المصريين و العرب المهاجرين الى كندا


    الخطوات الاساسيه للتقديم للهجره لكيبيك

    شاطر

    Nassarlink
    عضو
    عضو

    عدد المساهمات : 78
    تاريخ التسجيل : 29/08/2009
    العمر : 44

    الخطوات الاساسيه للتقديم للهجره لكيبيك

    مُساهمة  Nassarlink في الأربعاء 2 سبتمبر - 13:25

    الموضوع الاساسي لهذا المنتدي هو الهجره لكيبيك

    علشان كده احنا هنا علشان نجاوب علي كل استفسارات المتعلقه بالهجره لكيبيك
    ولكن في الاول سوف نقوم بشرح الخطوات الاساسيه

    وبعد كده الي عنده سؤال نجاوب عليه

    melhamy
    عضو جديد
    عضو جديد

    عدد المساهمات : 1
    تاريخ التسجيل : 02/09/2009
    العمر : 37

    رد: الخطوات الاساسيه للتقديم للهجره لكيبيك

    مُساهمة  melhamy في الأربعاء 2 سبتمبر - 22:09

    منور المنتدى ياعمي إلى الأمام دائماً pirat

    Nassarlink
    عضو
    عضو

    عدد المساهمات : 78
    تاريخ التسجيل : 29/08/2009
    العمر : 44

    رد: الخطوات الاساسيه للتقديم للهجره لكيبيك

    مُساهمة  Nassarlink في الخميس 3 سبتمبر - 21:36


    اذا كنت تريد ان تهاجر الي كيبيك وهي المقاطعه الفرنسيه بكندا

    فسوف تجد هنا ان شاء الله إجابه عن كل الاسئله التي تحتاج الي إجابه عليها

    فلا تتردد في ان تسأل عن كل ما يجول بخاطرك بشأن الهجره الي كيبيك

    كيف تحسب درجاتك

    ماهي الاوراق التي تحتاجها

    الي اين ترسل ملف الهجره

    نحن في انتظار اسئلتك واستفساراتك

    نصّار
    scratch study

    Nassarlink
    عضو
    عضو

    عدد المساهمات : 78
    تاريخ التسجيل : 29/08/2009
    العمر : 44

    رد: الخطوات الاساسيه للتقديم للهجره لكيبيك

    مُساهمة  Nassarlink في الخميس 3 سبتمبر - 21:37

    زي ما انتم واحنا وكل السامعين والمشاهدين والحبايب والقرايب عارفين
    ان مفيش حلاوه من غير نار
    ولو قلنا ان كندا هي الحلاوه يبقي ايه هو النار
    هنقول بإختصار
    اولا:
    اول نار هي الصبر حيث ان المشوار ده بيكلفك وقت من اول ما تأخد القرار وتبدأ عمليا في ارسال الابلكيشن
    لحد ما تأخذ الفيزا لا يقل عن 16 شهر علي الاقل وفي احسن الظروف
    اما في اسؤا الظروف الحاليه في حدود 24 شهر يعني سنتين
    ثانيا :
    مجهود دراسة اللغه
    وطبعا ده بيعتمد علي مهاراتك في سرعة التعلم
    بس خلي بالك ان المستوي الطلوب كحد ادني هو السادس
    بس ده بردو بيعتمد علي نقاط القوه والضعف في الملف بتاعك
    يعني لو سنك 36 فما فوق يبقي مطلوب منك المستوي الثامن او التاسع
    ولو سنك من 18 الي 35 يبقي المطلوب المستوي السادس
    ده كان مثال توضيحي للفكره
    لكن طبعا في ظروف ثانيه تتحكم في التقييم
    متقلقوش هنتعرض ليها بند بند
    يبقي زي ما اتفقنا النار الاولي
    الصبر
    والثانيه
    مجهود دراسة اللغه
    اما النار الثالثه هتبقي الفلوس
    ودي هنكلم عنها الحلقه القادمه

    Nassarlink
    عضو
    عضو

    عدد المساهمات : 78
    تاريخ التسجيل : 29/08/2009
    العمر : 44

    رد: الخطوات الاساسيه للتقديم للهجره لكيبيك

    مُساهمة  Nassarlink في الخميس 3 سبتمبر - 21:38

    ندخل علي التكالف الماليه المباشره
    اولا: مصاريف تقديم الملف لحكومه كيبيك للمقدم الرئيسي 390 دولار كندي
    وللزوجه وعن كل طفل 150 دولار كندي
    يعني لو ام واب وطفلين
    390+150+150+150= 840 دولار كندي
    ويرسل بحواله او شيك عن طريق البنك بإسم السيد وزير ماليه كيبيك
    ثم ترسل صوره الحواله مع الابلكيشن والمستندات المطلوبه الي السفاره الكنديه بسوريا- متستغربوش ليه سوريا هنقول بعدين في وقته
    وده الرابط الي بيوضح المبالغ المطلوبه
    http://www.immigration-quebec.gouv.qc.ca/fr/biq/damas/dcs-travailleurs/frais.html
    ثانيا :مصاريف تقديم الملف لحكومة كندا
    بعد النجاح انشاء الله
    لمقدم الرئيسي و الزوجه كل منهما 550 دولار كندي
    وعن كل طفل 150 دولار كندي
    يعني للاسره السابقه
    550+550+150+150 =1400 دولار كندي
    تسدد نقدا للسفاره بالقاهره ش محمد فهمي السيد جاردن سيتي او بحواله من سيتي بنك بالقاهره
    وده الرابط الي بيوضح المبالغ المطلوبه
    https://services3.cic.gc.ca/efee/efee.do
    ثالثا مصاريف بعد الكشف الطبي انشاء الله
    490 لكل من الاب والام
    اما الاطفال لا يدفع عنهم شيء
    لنفس الاسره 490+490 = 980 دولار كندي
    تسدد نقدا للسفاره بالقاهره ش محمد فهمي السيد جاردن سيتي او بحواله من سيتي بنك بالقاهره
    اذا الاجمالي المدفوع للاسره من ام واب وطفلين
    840+1400+490= 3220 دولار كندي
    والدولار الكندي يتراوح بين 4.50 و 5.30 جنيه مصري
    يعني اقل من الامريكي ب 80 قرش
    شايفين السفاره اخذت كام
    لو تحب تقدم من خلال محامي عارف تدفعله كام في الحاله دي
    4000 دولار امريكي كحد ادني وممكن يزيد
    وياسلام لو هتضيف طفل ب 500 دولار امريكي
    يعني اكتر من الي بتاخده السفاره منك علشان بس يملئ الابلكيشن مكانك
    او ممكن تستغني عن خدماته الجليليه وتستعين بصديق
    عارف مين منتدي الهجره الي كيبيك
    خلي بالك ان التكاليف بتاعت السفاره تدفع علي ثلاث دفعات خلال السنتين
    يعني انت مش محتاج الفلوس دفعه واحده بل علي ثلاث اقساط شبه متساويه
    الحلقه الجايه التكاليف غير الباشره


    عدل سابقا من قبل Nassarlink في الخميس 3 سبتمبر - 21:40 عدل 1 مرات

    Nassarlink
    عضو
    عضو

    عدد المساهمات : 78
    تاريخ التسجيل : 29/08/2009
    العمر : 44

    رد: الخطوات الاساسيه للتقديم للهجره لكيبيك

    مُساهمة  Nassarlink في الخميس 3 سبتمبر - 21:39


    احب اوضح ان ال 4000 دولار امريكي دول بياخدهم المحامي نظير اتعابه الجباره

    بخلاف كمان 3220 دولار كندي
    يعني لو استغنيت عنه توفر 4000 دولار امريكي
    مش الفرق بين المبلغين 4000-3220=780 XXXX
    ارجوا اني اكون وضحت الصوره

    Nassarlink
    عضو
    عضو

    عدد المساهمات : 78
    تاريخ التسجيل : 29/08/2009
    العمر : 44

    رد: الخطوات الاساسيه للتقديم للهجره لكيبيك

    مُساهمة  Nassarlink في الخميس 3 سبتمبر - 21:40

    ازاي تحسب درجاتك قبل ما تقدم ملفك

    علشان تكون وتطمن انك في الطريق الصحيح


    اولا علشان تحصل علي الموافقه باختيارك CSQ لابد اذا كنت متزوج تحصل علي 68 درجه
    اما اذاكنت عازب فانت محتاج 59 درجه
    ازاي تحسب درجاتك
    لو انت مؤهلك بكالوريوس او ليسانس تحصل علي 11 نقطه
    وولو معاك دبلومه بعد المؤهل تحصل علي 2 نقطه
    ولو انت معاك ماجستير او دكتوراه تكون نقطك 13
    ولو انت درست في كيبيك او حصلت قبل كده علي معادله لشهادتك في كيبيك يكون ليك درجات من 0 الي 6
    لو التخصص بتاعك من ضمن اللسته الي كيبيك بتعطي عليها درجات اضافيه يكون ليك من 0 الي 12 نقطه

    ندخل علي السن
    لو سنك من 18 الي 35 سنه يكون ليك 18 نقطه
    ولو 36 تكون 14 نقطه
    ولو 37 تكون 10 نقاط
    ولو 38 تكون 6 نقاط
    ولو 39 تكون 4 نقطه
    ولو 40 تكون 2 نقطه

    Nassarlink
    عضو
    عضو

    عدد المساهمات : 78
    تاريخ التسجيل : 29/08/2009
    العمر : 44

    رد: الخطوات الاساسيه للتقديم للهجره لكيبيك

    مُساهمة  Nassarlink في الخميس 3 سبتمبر - 21:41


    بعد كده الخبره
    لو انت خبرتك في عملك اقل من 6 شهور تكون نقاطك صفر
    و لو كانت من 6 شهور حتي 11 نقاطك تكون 2
    ولو كانت من 12 شهر حتي 23 شهر نقاطك تكون 4
    ولو كانت من 24 شهر حتي 35 شهر نقاطك تكون 6
    ولو كانت من 36 شهر الي 47 شهر تقاطك تكون 7
    ولو كانت من 48 شهر فاكثر نقاطك تكون 9 نقاط
    يعني تاخد الحد الاقصي من الدرجات لو كملت اربع سنين خبره
    لو ليك اقارب في كيبيك ام او اب اخت او اخ جد اوجده بتحصل علي من 0 ال 3 نقاط
    ولو سبق ليك الاقامه في كيبيك للدراسه او للعمل لاي سبب ليك من 1 الي 6 نقاط
    اما اللغه
    فاللغه الفرنسيه ليها 16 نقطه
    والانجليزيه ليها 6 نقاط
    وطبعا انت وشطارتك في اللغه
    ده غير انك مش ملزم بتقديم شهادات دراسه اللغه مع ملفك
    لو انت متزوج الزوجه كمان تعطيك نقاط
    لو مؤهلها ثانويه عامه او معهد سنتين بعد الثانويه تعطيك نقطتين
    ولو مؤهل جامعي او ماجستير او اكثر ثلاث نقاط
    ولو حاصله علي دبلومه من كيبيك نقطه
    ولو المؤهل من ضمن الليسته الي بتعطي كيبيك ليها درجات اضافيه من نقطه الي ثلاث
    لو انت او زوجتك معاكم مؤهل تاني يعن بعد انهاء بكالوريوس تجاره شعبة محاسبه كملت ودخلت شعبه اداره اعمال بتاخد من صفر الي نقطتين حسب المؤهل باعكم
    اما بالنسبه لخبره الزوجه
    فسته شهور خبره فما فوق تعطيك درجه واحده
    اما سن الزوجه لو من 18 الي 35 سنه ثلاث نقاط
    و36 و 37 و 38 نقطتين
    39 و40 نقطه واحده
    اما اللغه الفرنسيه للزوجه ف من صفر الي 6 نقاط حسب المستوي بتاعها
    ولو عندك عرض عمل او عقد من شركه في كيبيك تحصل علي من 5 ال 10 نقاط وده صعب جدا لكن ممن يحصل
    اما بالنسبه للاولاد لو عندك اطفال اقل من 12 سنه تاخد 4 نقاط علي كل طفل بحد اقصي 8 نقاط
    ولو سنهم من 12 الي 18 سنه بتاخد لكل طفل نقطتين
    في كمان نقطه بتاخدها علي مقدرتك الماليه

    وفي كمان 8 نقاط خاصين بالتأقلم
    ود درجات في يد مسؤل السفاره الي بيقابلك علشان يعطيك الموافقه بمنحك شهاده اختيار كيبيك والشهيره ب CSQ
    بيحسبها بناء علي قدرتك علي التكيف وعن معلوماتك عن كيبيك وعن كندا عموما
    وعن ظروف العمل هناك وانت ناوي تعمل ايه في كندا

    samady
    عضو جديد
    عضو جديد

    عدد المساهمات : 6
    تاريخ التسجيل : 02/09/2009

    رد: الخطوات الاساسيه للتقديم للهجره لكيبيك

    مُساهمة  samady في الجمعة 4 سبتمبر - 10:46

    الله ينور عليك باأستاذ نصار إي بس الحلاوة دي إنت كده على أخر حلقة هتقفل موقع CIC نفسه Very Happy

    اسمحلي إني أساعدك بحاجة بسيطة وكمان علشان نقرب الموضوع أكتر للأخوة هضرب مثال على أسرة(أسرتي) قررت تقدم للهجرة ونشوف مع بعض حساب الدرجات.
    المقدم الأساسي (اللي هو أنا)
    المهنة: صيدلي
    الخبرة: 8 سنوات ( 4 في صيدلية و 4 في شركة أدوية)
    السن:30 سنة
    الحالة الأجتماعية: متزوج من
    الفرنساوي: صفر (معنديش أي فكرة عن الفرنساوي)
    الأنجليزي: ممتاز

    الزوجة: بكالوريوس تجارة
    الأولاد: طفل واحد عمره سنة
    الفرنساوي: يعني بتفك الخط
    الأنجليزي: ممتاز

    نيجي بقه لحساب الدرجات
    السن 18
    الخبره 9
    المؤهل 11
    اللغه الفرنسيه 7 من16
    اللغه الانجليزي 4 من 6

    ثانيا الزوجه
    السن 3
    الخبره 1
    المؤهل 3
    اللغه الفرنسيه 3 من 6

    يبقي المجموع المبدئي لفتح الملف 59 والمطلوب 57

    الاولاد 4
    الاندماج 5 من 8
    العقد المالي 1

    يبقي المجموع 69
    والمطلوب 68
    (طبعا درجة الأندماج تقديرية واللغة على حسب المستوى)
    بس في كام حاجة ناخد بالنا منها 1) لازم وحتما ولا بد أوصل في الفرنساوي للمستوى السابع والمدام الرابع قبل ميعاد المقابلة
    2) لازم وحتما ولابد يكون عندي معلومات كافية عن كيبيك والحياة فيها (وده موجود هنا في المنتدى برضه) قبل المقابلة وده علشان درجة الأندماج

    طيب هيجي واحد يسأل ليه متقدمش باسم المدام طالما هي أحسن مني في الفرنساوي وبالتالي موضوع الكورسات هيبقى أسهل وأسرع ليها هرد عله وأقوله إن خبة المدام سنة واحدة يعني اللي هتزيده في الفرنساوي هتنقصه في الخبرة. يعني هي مجموعة عوامل لازم تكون حاسبها كويس قبل ماتقدم وبعدين تجمع كل المعلومات (ودي هتلاقيها هنا في المنتدى) وتكلى الأبليكاشنز (ودي كمان عندنا) وتتوكل على الله

    Nassarlink
    عضو
    عضو

    عدد المساهمات : 78
    تاريخ التسجيل : 29/08/2009
    العمر : 44

    رد: الخطوات الاساسيه للتقديم للهجره لكيبيك

    مُساهمة  Nassarlink في الجمعة 4 سبتمبر - 12:26

    samady كتب:
    بس في كام حاجة ناخد بالنا منها

    1) لازم وحتما ولا بد أوصل في الفرنساوي للمستوى السابع والمدام الرابع قبل ميعاد المقابلة

    2) لازم وحتما ولابد يكون عندي معلومات كافية عن كيبيك والحياة فيها (وده موجود هنا في المنتدى برضه) قبل المقابلة وده علشان درجة الأندماج


    تمام كده

    والنقطتين دول اهم ما في الموضوع

    والله وولادك كبروا يا نصار وبيدوا دروس كمان

    الواحد كبر في السن ولازم ولاده يرحوه بردو
    Very Happy


    عدل سابقا من قبل Nassarlink في الجمعة 4 سبتمبر - 12:28 عدل 1 مرات (السبب : الاضافه)

    samady
    عضو جديد
    عضو جديد

    عدد المساهمات : 6
    تاريخ التسجيل : 02/09/2009

    رد: الخطوات الاساسيه للتقديم للهجره لكيبيك

    مُساهمة  samady في الجمعة 4 سبتمبر - 18:42

    Nassarlink كتب:
    samady كتب:
    بس في كام حاجة ناخد بالنا منها

    1) لازم وحتما ولا بد أوصل في الفرنساوي للمستوى السابع والمدام الرابع قبل ميعاد المقابلة

    2) لازم وحتما ولابد يكون عندي معلومات كافية عن كيبيك والحياة فيها (وده موجود هنا في المنتدى برضه) قبل المقابلة وده علشان درجة الأندماج


    تمام كده

    والنقطتين دول اهم ما في الموضوع

    والله وولادك كبروا يا نصار وبيدوا دروس كمان

    الواحد كبر في السن ولازم ولاده يرحوه بردو
    Very Happy

    طبعا ياكبير بس إنت كبير بالمقام مش كبير في السن وربنا يجازيك خير على مجهودك Like a Star @ heaven Like a Star @ heaven

    Muhammad Zidan
    عضو جديد
    عضو جديد

    عدد المساهمات : 16
    تاريخ التسجيل : 02/09/2009
    العمر : 47

    رد: الخطوات الاساسيه للتقديم للهجره لكيبيك

    مُساهمة  Muhammad Zidan في الإثنين 7 سبتمبر - 17:15


    مجهود رائع .. أحييك عليه جداً

    واستكمالاً للمجهود

    بالنسبة لشهادات الخبرة :

    عاوزين نوضح شكلها والصيغة المناسبة والأختام المطلوب وضعها عليها وهل مطلوب توثيقها من أي جهة أو اعتمادها من أي مصلحة ..

    عشان نبقى متميزين عن أمثال السايت .. نوضح كل صغيرة وكبير عن كل ورقة تتحط في الفايل

    إتكل على الله يا Nassarlink

    the world
    عضو جديد
    عضو جديد

    عدد المساهمات : 3
    تاريخ التسجيل : 10/09/2009

    رد: الخطوات الاساسيه للتقديم للهجره لكيبيك

    مُساهمة  the world في الخميس 10 سبتمبر - 12:23

    السلام عليكم بالنسبة للتقديم يا استاذ نصار انا قدمت كيبيك فى 8/2009 ولسة ماخدتش الفايل نمبر اقدر ابعث للسفارةولا استنى لامتى وهيعرفوا ملفى ازاى و شكرا

    Nassarlink
    عضو
    عضو

    عدد المساهمات : 78
    تاريخ التسجيل : 29/08/2009
    العمر : 44

    رد: الخطوات الاساسيه للتقديم للهجره لكيبيك

    مُساهمة  Nassarlink في الخميس 24 سبتمبر - 22:26

    التحذير ده وجدته علي الموقع الرسمي للهجره
    ورأيت ان من الواجب نشره في اكثر من مكان
    حتي نرفع درجة الوعي عند الاخوه الراغبين في الهجره
    وتحذيرهم من النصابين تحت اسم محامي الهجره

    والمتاجرين باحلام الناس من اجل حفنه دولارات



    تحذير بشأن الغش والاحتيال في إعلانات الهجرة!
    هل استلمت عروضاً أو إعلانات بخصوص الهجرة مثل هذه؟
    تأشيرات وفرص عمل مضمونة في كندا!
    رخص عمل مضمونة! منح دراسية مجانية! وظائف وأعمال ذات رواتب عالية في كندا دون الحاجة إلى خبرة أو لا
    تتطلب سوى خبرة بسيطة! تذاكر سفر بالطائرة وإقامة مجانية! وظائف وأعمال مضمونة! برامج خاصة! اكسب 4
    آلاف دولار في الشهر كعامل نظافة في الفندق!
    لا تكن ضحية الغش والاحتيال. إذا كان الإعلان يبدو جذاباً ومغرياً لدرجة أنه من الصعب تصديقه، فهناك احتمال
    قوي بأن ذلك الإعلان كاذب.
    أمور يجب أن تكونوا على علم بها:
    • ليس من الضروري أن تستحدم خبيراً أو مستشاراً في شؤون الهجرة لطلب تأشيرة أو تقديم طلب
    الحصول على الجنسية الكندية.
    • ليس للمستشارين في شؤون الهجرة أية علاقات خاصة مع المسؤولين الحكوميين الكنديين ولا يمكنهم أن
    يضمنوا لكم تأشيرة الدخول إلى كندا.
    • الموظفون المسؤولون في السفارات الكندية والمفوضيات العليا والقنصليات هم وحدهم الذين يقررون منحك
    أو عدم منحك تأشيرة الدخول إلى كندا.
    • إياك و استعمال وثائق وأوراق مزورة فإن ذلك سيؤدي إلى رفض طلبك.
    • احذروا العروض الكاذبة والمحتالة المنشورة على الإنترنت واحذروا مواقع الإنترنت المزيفة والمزورة. إن
    الموقع الإلكتروني الرسمي لوزارة الجنسية والهجرة الكندية هو:
    ca.gc.cic.www .
    • تجدون في الموقع الإلكتروني الرسمي لوزارة الجنسية والهجرة الكندية طلبات مجانية ودليل توضيحي نوع
    من أنواع التأشيرات
    • إن رسوم دراسة الطلبات هي واحده في جميع مكاتب التأشيرة الكندية المنتشرة في أنحاء العالم.
    تُحسب الرسوم بالعملة المحلية على أساس سعر الصرف الرسمي المعمول به وتكون مطابقة لمبلغ الرسوم
    بالدولار الكندي.
    • لن تطلب منكم أبداً مكاتب الهجرة الكندية أن تودعوا مبلغاً من المال في حساب بنكي خاص تابع لشخص ما
    أو أن تحولوا ذلك المبلغ من خلال شركة خاصة لتحويل الأموال.
    • إذا كانت لديكم أسئلة أو استفسارات، الرجاء الاتصال بوزارة الجنسية والهجرة الكندية أو مكتب التأشيرة
    المسؤول عن منطقتكم.
    للحصول على المزيد من المعلومات، بما فيها من المعلومات المتعلقة بمن يمكنكهم تمثيلكم بصورة قانونية ،
    في حالة اختيار من يمثلكم في شؤون الهجرة، الرجاء زيارة موقع الإنترنت لوزارة الجنسية والهجرة الكندية على
    العنوان الإلكتروني التالي: http://www.cic.gc.ca/francais/information/...tants/index.asp.]
    اضغط هنا

    بيتر
    عضو جديد
    عضو جديد

    عدد المساهمات : 10
    تاريخ التسجيل : 09/02/2010

    عقد العمل الموثق

    مُساهمة  بيتر في السبت 13 فبراير - 14:38

    في البداية اود ان اشكركم واشكر القائمين على المنتدى الرائع والقيم في المحتوى وفي الاعضاء , انا من مصر حيث نويت وقررت الهجرة بالعمالة الماهرة لكيبك في كندا لظروف والطموح بنفس الوقت كل ماتمناه ان تتاملون بوضعي في حال قدمت الاوراق والرسوم للهجرة الرجاء من سيادتكم افاتنا بالسْال الاتى :هل عقد العمل الموثق مطلوب مع طلب فتح الملف او مع ميعاد المقابله للحصول على النقاط ولكم جزيل الشكر للرد على اسالتنا .......................

    jessika
    المشرف العام
    المشرف العام

    عدد المساهمات : 182
    تاريخ التسجيل : 02/09/2009
    العمر : 34
    الموقع : www.quebecimm.ahladalil.com

    رد: الخطوات الاساسيه للتقديم للهجره لكيبيك

    مُساهمة  jessika في السبت 13 فبراير - 15:00

    مطلوب ترسل شهادة خبرة بشغلك ولو فى تامينات يبقى كويس تدعم موقفك مفيش ترسل بس شهادة الخبرة

    موضوع عقد العمل الموثق دة لو موجود معاك وجاهز ابعتة اكيد هايدعم موقفك اكتر واكتر مش موجود ابعت شهادت التامينات مع شهادة الخبرة

    مش معاك تامينات ابعت بس شهادة الخبرة بس تكون صحيحة وحقيقية ومفهاش اى كدب بس

    ربنا يوفقك

    بيتر
    عضو جديد
    عضو جديد

    عدد المساهمات : 10
    تاريخ التسجيل : 09/02/2010

    بالنبسه للصيادله

    مُساهمة  بيتر في الأحد 21 فبراير - 22:46

    اولا نشكلر الاستاز نصار على مجهوده الكبير على الرد على اسئلتنا فقد قررت فتح ملف باسم زوجتى حيث انها اقوى منى فى دراسه الفرنساوى ووصلت تقريبا المستوى الثانى وبلنسبه للانجليزى فيه جيده وهى صيدلانيه تعمل بالصحه لها 3 سنوات+ 9 شهور خبره من صىدليه كانت تعمل فيها قبل استلام العمل الحكومى وجبنا شهاده من الاداره المركزيه للصيادله باكلام ده وتملك من العمر 27 سنه ولديها خال حامل الجنسيه الفرنسيه ومتزوج من فرنسيه ايضا ولهم اطفال حاصلين على الجنسيه الفرنسيه وانا ايضا صيدلى عندى 31 سنه واملك صيدليه وخبره اكثر من 5 سنوات واجيد اللغه الانجليزى ولدينا طفله عمرها اقل من عام فالرجاء من سيادتكم توضيح الامور لى بالنسبه لشيأن: الاول حساب الدرجات حسب لائحه 14 اكتوبر 2009 وهل الصيدلى داخل تبع الوظائف المطلوبه ودى حتديها دراجات اكتر ولا لا ثانيا: المستوى المطلوب للغه الفرنسيه ليها لتقديمه فى طلب الهجره لكبك لها والزوج المرافق الى هو انا

    Omar
    عضو جديد
    عضو جديد

    عدد المساهمات : 1
    تاريخ التسجيل : 08/04/2010

    رد: الخطوات الاساسيه للتقديم للهجره لكيبيك

    مُساهمة  Omar في الأحد 11 أبريل - 8:35

    شكرا جزيلا علي هذه المعلومات المفيدة بس انا محتاج مساعدة في التقييم

    السن 30 ----الزوجة25
    المؤهل بكالوريوس هندسة ميكانيكا ---الزوجة بكالوريوس تربية
    المهنة مهندس بشركة بترول ---الزوجة مدرسة أطفال
    الخبرة 6 سنوات ----الزوجة 2 سنة الزوجة(بدون تأمينات)
    الشهادات شهادة دولية في ادرة المشروعات---الزوجة شهادة دولية في تدريس الاطفال
    اللغة الانجليزي جيد جدا---الزوجة جيد
    الفرنسية لسه بادئ اتعلم

    كنت عايز اعرف انا موهل للتقديم و لا لأ و بالنسبة للغة تنصح اقدم فى الهجرة دلوقتي و لا بعد ما اتعلم شوية

    mohammed yahya
    عضو جديد
    عضو جديد

    عدد المساهمات : 1
    تاريخ التسجيل : 11/04/2010

    حساب درجاتي

    مُساهمة  mohammed yahya في الأحد 11 أبريل - 12:52

    انا محمد يحيي
    خريج اكاديميه السادات بكالوريوس علوم اداريه
    عمري 28 سنه ( ثمانيه وعشرون عاما )
    بشتغل مدير تصدير خبره 6 سنوات
    معايا ماجستبير ادراه اعمال MBA
    درست فرنسي ف المركز الثقافي الفرنسي حتي المستوي 9 التاسع ثم اخذت محادثات حتي المستوي الثالث اخر مستوي محادثات ومعايا
    الشهادات .وبشتغل بالفرنسي مع دول غرب افريقيا ( بس متفتكرونيش واد من فرنسا يعني )
    معايا شهاده روسي من المركز الثقافي الروسي بنهايه كل المستويات .
    [ * الحمد لله مستوايا جيد جدا في الانجليزي لان كل دراستي انجليزي
    والحمد لله باجيد الاسبانيه لحد كبير ولكن من غير شهادات

    الان بعمل دكتوراه ف مجال اداره الاعمال .
    متزوج ولدي طفل .
    زوجتي بكالوريوس علوم اداريه و اعلمها الفرنسيه حيث انها كنت شطره ف فرنساوي الثانويه العامه

    عندي اعفاء جيش .


    ممكن حد يتفضل يحسبلي ايه الدرجات ان شاء الله
    وربنا هوه الكريم بيده كل الخير

    ahmed_fatthy
    عضو جديد
    عضو جديد

    عدد المساهمات : 2
    تاريخ التسجيل : 20/08/2010

    يا أستاذ نصار

    مُساهمة  ahmed_fatthy في الجمعة 20 أغسطس - 12:47

    حضرتك كتبت الموضوع ولم يكتمل فين هي الأوراق التي سيتم ارسالها ومن أين يتم استخراجها

    dora vero
    عضو جديد
    عضو جديد

    عدد المساهمات : 1
    تاريخ التسجيل : 30/08/2010

    quebec interview

    مُساهمة  dora vero في الإثنين 6 سبتمبر - 14:34

    sorry to write english but my computer doesn't write arabic and i still can't explain in french
    i'm very happy that i've found this montada as i have sent an application to immigrate to quebec 12\2009 and i have some questions i would be gratefull if someone could answer me
    1-at the time that they received our application my husband(main applicant)was 35 but now he is going to be 36 soon and we still didn't receive an interview date so if at the time of the interview he was 36 or more how are they going to count the points?????????
    2-we have heard from one of our friends that some of the applications accepted without interview specially if they have 2 kids....is that right or not????
    3-do we have to prove our level in french by studying in the french council or not cause we live in upper egypt and it will be very dificult to study in cairo while we work in bani suif

    at last thanks very much for your efforts and sorry for this long message

    BEBOMIMO
    عضو جديد
    عضو جديد

    عدد المساهمات : 6
    تاريخ التسجيل : 29/09/2010

    [b]ضيف جديد[/b]

    مُساهمة  BEBOMIMO في الأربعاء 29 سبتمبر - 8:55

    انا ضيف جديدة لسة داخل النهاردة و احيكم على كمية المعلومات اللى انا استفدتها منكم كتير

    mohy-eldin
    عضو جديد
    عضو جديد

    عدد المساهمات : 3
    تاريخ التسجيل : 20/08/2010

    رد: الخطوات الاساسيه للتقديم للهجره لكيبيك

    مُساهمة  mohy-eldin في الإثنين 4 أكتوبر - 18:02

    يا جماعة، أنا عندي استفسار مهم جدا،
    ياريت حد من أهل الخبرة يساعدني فيه، أنا خريج مدرسة فرنساوي من حضانة حتي الثانوي و حصلت علي شهادة الAlliance francaise diplome de langueبتقدير جيد عام 2000، كما أن نطقي للغة الفرنسية ممتاز،و ذهبت إلي المركز الثقافي الفرنسي بالاسكندرية أعمل امتحان تحديد مستوي بدون شهادة ب80جنية وطلعت في المستوي ال10 من 11مستوي ، و قريت علي ال موقع بتاع الهجرة إني من الافضل إني أدخل امتحان TEFأوT(TCFQ)TCF adapte pour le quebecعشان أثبت مستوايا، فرحت أحجز في الامتحان دة في الCentre قالولي مش لازم تعمل TCFQ ،ممكن تعمل امتحان ب 350 جنية و تاخد شهادة بمستواك من المركز ، فما رأيكم حيث أن الاختيارين متاحين و لكني مش واثق في كلامهم و عاوز أبعت شهادة قوية في اللغة و مش عارف أكتب مستوايا في الابليكشن كام و عاوز ابعت، ياريت حد يدلني علي الشهادة اللي تضمنلي درجات اللغة و ينصحني بما يجب فعله في موضوع اللغة من حيث المستوي في الابليكيشن.


    BEBOMIMO
    عضو جديد
    عضو جديد

    عدد المساهمات : 6
    تاريخ التسجيل : 29/09/2010

    استفسار

    مُساهمة  BEBOMIMO في الخميس 7 أكتوبر - 13:06

    لو سمحتم حد يرد عليا كشف حساب البن من اى بنك و الحساب حساب جارى ولا شخصى و حوالى كام المبلغ [b]

    KIKOO
    عضو جديد
    عضو جديد

    عدد المساهمات : 5
    تاريخ التسجيل : 11/07/2010

    الدرجات من كام

    مُساهمة  KIKOO في الإثنين 11 أكتوبر - 1:39

    عاوز اعرف لو سمحتم حاليا الدرجات 68 و لا 63 ..
    و شكرا ..

      الوقت/التاريخ الآن هو الإثنين 27 يونيو - 5:46