منتدى يهتم بشؤون المصريين و العرب المهاجرين الى كندا


    الملخص المفيد للهجره

    شاطر

    alfotouh
    عضو جديد
    عضو جديد

    عدد المساهمات : 1
    تاريخ التسجيل : 05/09/2009

    الملخص المفيد للهجره

    مُساهمة  alfotouh في الجمعة 18 يونيو - 16:37

    [center]حجز تذكره الطيران
    الحجز / الترنزيت / في المطار / كرسي الطياره / في الطياره / خلاصه المقال
    احجز تذكرتك من النت لانها بتكون اسهل واسرع وبمجرد ما تحجز انت بتدخل علي طول علي التشيك وكمان الحجز من النت يجعلك تحجز الكرسي بتاعك وده مش بيحصل لما تحجز من شركه طيران الا لما توصل المطار بعد ما تدخل علي الموقع بتاع الحجز ادخل شوف المطار اللي انت رايح عليه ايه هي شركات الطيران الي شغاله عليه في اليوم ده ولما تعرفها استني متتسرعش وتحجز الاول ادخل علي موقع الشركات ديه واعرف يمكن يكون في عروض مؤقته مش نازله في الموقع اللي انت دخلت منه
    احجز قبلها بفتره عشان تاخد اسعار حلوه وكراسي كويسه ده بيديك فكره عن اهميه الحجز بدري عشان تعرف تاخد سعر كويس وكمان كرسي كويس من ارخص اشهر السفر لكندا هي شهر سبعه
    وانت بتحجز ابعد عن الايام الزحمه مثلا زي يوم الاربعاء قبل عيد الشكر اللي بيكون يوم الاحد اللي بعده لان ده زحمه اوي ومثلا كمان التواريخ اللي بتكون حوالين عيد الكريسماس خصوصا اننا هنا بنتكلم عن كندا تفادي الايام ديه لان الزحمه الكتير ممكن تؤدي لضياع الشنط طبعا غير طوابير الانتظارعامه تبعا لاحصائيات النت اقل ايام حجز هي الثلاثاء والاربعاء والاربع بالذات ممكن تلاقي فيه اسعار كويسه واقل ساعات فيها ضغط هي اخر النهار ووسط الصبح يعني 9 مثلا
    احسب هتوصل الساعه كام وحاول توصل في معاد معقول عشان تعرف تلاقي مواصلا ت لاحظ انك غريب ومتعرفش حاجه والافضل توصل في وقت فيه ناس ومواصلات متاحه عامه مده السفر بتعرفها وانت بتحجز وهي حوالي 21 ساعه في المتوسط بس بتفرق انت رايح فين في كندا وكمان حسب الشركه وعدد الترانزيت
    احجز وجبات حلال علي الطياره خاصه لو شركه اجنبيه وتاكد لو شركه عربيه ان فيها وجبات حلال
    (CAI) -¬¬¬ مطار القاهره يرمز له بألرمز (YYZ) يرمز له بألرمز مطار تورنتو
    البحث عن اسعار مناسبة للطيران و يمكن تحديد متوسط الاسعار بالبحث فى هذه المواقع
    طبعا الاشهر هو
    http://www.expedia.com/
    وارخص موقعين حجز طيران هم :
    http://www.cheapoair.com/
    http://www.onetravel.com/
    مواقع جامد لمقارنه الاسعار بتاعه المواقع يعني بتلاقيه حاطط اسعار من Expedia و cheapoair وبيقارنلك بينهم
    http://www.travel-ticker.com/index.jsp
    http://www.vayama.com/?s=172462703
    وده برضو حلو
    http://ca.travelzoo.com/supersearch/?catid=99
    وفي واحد كمان مش بطاله
    http://www.sidestep.com/flights
    www.cheapflights.com
    www.skyscanner.net
    www.fly.com
    http://www.flightnetwork.com/
    http://www.kayak.com/
    http://www.flights.com/
    http://www.cheapinternationalflights.net/
    http://www.fareline.com/
    http://www.bargaintravel.com/
    من خلال البحث الكتير وجدت ان الطيران التركى ارخص الاسعار لكندا مثلا افضل الاسعار فى الشتا التركى
    2- الترنزيت
    حاول تقلل عدد مرات الترانزيت قدر المستطاع وخاصه لو فرق السعر بسيط لان كل ما الترانزيت يزيد يزود احتمال ضياع حجاتك او التاخير علي الطياره اللي وانت بتحجز اوعي تختار فرق الترانزيت بين الوصول والمغادره اقل من ساعه او اتنين لان لو طياره سعادتك اتاخرت شويه انت كده هتروح عليك تاني طياره
    نقطه مهمه اوي في الترانزيت لازم تاخد بالك منها والا وهي ان في حاجه جديده في المطارات اتركبت وهي عباره عن جهاز ماسح او اسكانر لتصوير اي مواد متفجره خوفا من الارهاب والاجهزه ديه الكارثه فيها انها بتبين الانسان كانه من غير اي ملابس خد بالك الجهاز ده مستخدم وموجود في كل مطارات امريكا وفي مطار هيثروفي لندن بتاع انجلترا
    لذلك وانت بتحجز خط سير الطياره تحاشي اي ترانزيت في هيثرو او في امريكا خاصه لو معاك اسرتك
    ولك ان تعلم ان لو حضرتك رفضت توقيع الكشف عليك بالجهاز ممكن تعرض نفسك للاعتقال و للمساءله مده قد تصل ل حوالي 8 ساعات من الاخر ريح دماغك من الصداع ده وابعد عن المطارات ديه
    3- في المطار
    * عند السفر على الرحلات الدولية يجب أن يكون المسافر في المطار قبل موعد الاقلاع بثلاث ساعات وخصوصا في المواسم.
    * إذا كنت من الناس الذين يذهبون مبكراً للمطار فلا تستغرب أن تتأخر أمتعتك على السير الخاص بالأمتعة لأن الأمتعة التي تقدم أولاً غالباً ماتكون آخر من يخرج من السير.
    *اول ماتعدي بوابه الامن في المطار ادخل جري واعرف مكان بوابه الاقلاع بتاع طيارتك واعرف اذا كان في اي تاخير للطياره او ممكن الرحله تتلغي بعد ما تتاكد كله تمام روح بقي لف زي مانت عاوز في المطار
    4- كرسي الطياره
    نيجي بقي لاهم حاجه كرسي الطياره اللي هتختاره ده هتكون قاعد عليه حوالي 20 ساعه في سفرك لكندا يعني لو مش ولا بد هتكون بدايه مؤلمه
    معظم شركات الطيران انت بتحجز مكان كرسيك من النت وانت بتحجز تذكرتك ماعدا شركه southwest اللي بيجي الاول بيقعد مكان ما هو عاوز
    اوعي تنسي تححد مكان كرسيك وانت بتحجز تذكرتك من النت ولكن من شركه بتحجز وانت ي المطار
    بالنسبه للكرسي اللي تحجزه عشان تحجز كرسي كويس لازم تحجز بدري
    المواصفات
    *جنب الشباك لو عاوز تنام وتستمتع بالمنظر
    *وجنب الشباك افضل للام اللي معاها طفل عشان في مساحه اكبر وخصوصيه اكتر *خليك جنب الممر لو انت من النوع اللي بيدخل الحمام كتير او سيده حامل او راجل مسن وهوضح ليه بعد كده
    *خد اول صف في اطيار لو ناوي تستخدم الاب توب عشان لو قدامك حد ممكن يرجع لورا بضهر الكورسي وبكده مش هتعرف تفتح الاب توب
    *ابتعد عن اخر صف في الطياره او كرسي يكون في وراه غرفه زي غرفه المضيفه لانك هتتعزب عشان الكرسي ضهره مش بيرجع لورا وطبعا في سفر طويل ده ممكن يعزبك ويوجع ضهرك وبجد في سفر طويل 20 ساعه هتكره نفسك وده عن تجربه
    *الكراسي المجاورة لأبواب السلامة فهي الأماكن الأوسع و الأفضل في درجة الضيافة . وكمان عشان تنزل بسرعه متقف طابور وتكون اول ناس في طيارتك وتخلص اسرع
    5- في الطياره
    *بالنسبه للاكل بعض خطوط الطيران مش بتقدم وجبات عشان كده لازم تتاكد وانت بتحجز من الموضوع ده ولو مفيش وجبه خد حاجه علي زوقك انت وكمان وانت بتحجز تاكد من توفير وجبات حلاااااااال (مفيهاش ميته او خنزير او كحول ) اللهم بلغت
    *بالنسبه للميه ممكن تشتريها من جوه المطار
    *بعض الناس بتشعر بشعور غير مريح في ودنها في الطياره وهنا بينصح يكون في لبان يمضغ عشان يضيع الشعور ده
    حاول تنام بقدر الامكان و يفضل ان تقضى الليله التى قبل السفر بدون نوم لكى تنام فى الطائرة و تتغلب فى فرق التوقيت بين القاهرة و تورنتو 7 ساعات
    بعض الناس بتشعر بشعور غير مريح في ودنها في الطياره وهنا بينصح يكون في لبان يمضغ عشان يضيع الشعور ده
    *في الطائرة : لا تنسى اقفال هاتفك الجوال ، ابقى حزام مقعدك مربوطا
    *البس لبس مريح وخد في اعتبارك درجات الحراره في مكان الترانزيت يعني ممكن لو هتقابل جو بارد تعمل حسابك في جاكت في الشنطه علي الطياره
    *الجزمه وبحذرك منها اوعي تلبس واحده ضيقه او مش مستريح فيها او ممكن تعمل حسابك في سنيكر خفيف في الشنطه علي الطياره او ما تدخل الطياره تلبسه عشان تكون مستريح وخد بالك ان القعده الطويله بتورم القدم نتيجه ان الدم بيتراكم فيها
    *وانت في الطياره بيوزعوا عليكوا ورقه تتعهد فيها انك مش معاك حاجه ممنوعه او اكتر من 10 الاف دولار او اكتر من 200 سيجاره
    *كمان ياريت تكون مجهز معاك ورقه مطبوعه فيها محتويات الشنطه بتاعتك وقيمه تقريبيه لكل حاجه فيها بالدولار عشان تديها للجمارك
    *وورقه تانيه فيها الحجات اللي انت ناوي تبقي تجيبها من مصر بحيث تكتب اسمها وسعر تقريبي ليها بالدولار الكندي عشان بعد كده ميتاخدش عليها جمارك
    *ولو زوجتك معاها مجوهرات ياريت لو تكوت مصورها وطابع ليها صوره الوان بحيث تديهالهم في المطار
    6- الخلاصه
    1- احجز بدري قدر المستطاع
    2- احجز بالنت
    3- ابعد معاد طيارتك عن الايام الزحمه وخليك في الايام الفاضيه
    4- اوصل المطار بدري
    5- اقل عدد ترانزيت ممكن وفرق الترانزيت مش اقل من ساعه
    6- اختار كرسي طيارتك
    7- اتاكد من الاكل في الطياره متوفر وحلاااااااااال ولا لا
    8- حرك قدمك واتمشي من وقت للتاني وياريت لو معاك سنيكر تبدله بالجزمه
    9- واعمل حسابك انك ممكن تحتاج لبان علي الطياره
    10- تكون مجهز شويه الورق اللي قلنا عليها

    • حجز فندق
    هناك العديد من مواقع الحجز من على الانترنت منها
    http://www.hotwire.com/hotel/search-...noOfChildren=0
    http://www.fendeq.com/results_w.php?city_id=-574890
    http://www.booking.com/hotel/ca/metr...oronto.ar.html
    http://www.booked.net/ar/City-Toronto-30558/
    http://book.asiatravel.com/HotelList...&sid=1000&trck=
    اسم الفندق clarion فى الداون تاون فى تورنتو
    http://www.choicehotels.ca/toronto-h...4-en?cid=32007
    حجزت الطيران والفندق بالفيزا - الطيران كان تكلفته اجمالى تذكرتين ب 2300 دولار- الفندق كانت الليلة ب 80 دولار تقريبا
    لما بتحجز الطيران بيسحب كامل المبلغ من حسابك وبيجى لك رساله على الايميل بالبوردنج والمفروض انك قبل السفر ب72 ساعة بتتصل عليهم تأكد حجزك وهم بيرسلو لك ايميل بالتأكيد بتطبع الايميل وهو ده التذكرة
    الفندق بيحجز فقط 100 دولار ولك الحق انك تلغى الحجز قبلها تقريبا ب48 ساعة وتسترد فلوسك ولما بتصل الفندق بيتم سحب باقى المبلغ من حسابك
    شنط السفر ومحتوياتها والممنوعات
    اولا : شنط السفر اللي هتسافر بيها
    2 شنطه كبيره / شنطه لاب توب / شنطه صغيره معاك في الطياره
    1- الشنط الكبيره
    المسموح للفرد في معظم شركات الطيران هو شنطتين (زي شركه اير كندا ) كل واحده بحد اقصي 23 كيلو (كل واحده مش مجموع الاتنين اقل من 46 ) حجم الشطنه الواحده بقياس كل الابعاد الطول والعرض والعمق هو 157 سم بعض شركات الطيران بتسمح بشنطه واحد مجانا والتانيه بفلوس الموقع ده فيه المسموح في معظم شركات الطيران واسعار تاني شنطه
    http://www.expedia.com/daily/flights/airli...ees.asp#airline
    الشنطه الزياده بيدفع عليها 100 دولار الشنطه اللي وزنها زياده بمعني اكتر من 23 لحد 32 يدفع عليها 50 او 100 دولار حسب الشركه الوزن اكتر من 32 كيلو ممنوع دخولها الحجم اكبر للشنطه من 157 لحد 292 يدفع عليها 100 دولارالحجم اكبر من 292 غير مقبول لو الشنطه وزنها وحجمها زياده بتدفع 225 دولارالدفع بيكون للوزن او الحجم الزائد للوصول لوجهه السفر المححده عند الدفع لاول مره بمعني لو انت عملت ترانزيت في بروكسل وانت اصلا حاجز القاهره مونتريال يبقي مش هتدفع تاني علي الشنط
    عربيه البيبي سواء الستولير او كرسي السياره والكرسي المتحرك للمعاقين لا يدفع عليهم اي مبلغ مالي
    2- شنطه اللاب توب
    ولاتحتوي غير اللاب توب والاكسيسوريز بتاعته فقط
    3- الشنطه علي الطياره
    23*40*55 سم الحجم ده شامل العجل واليد بتاعه الشنطه وزنها لايزيد عن 10 كيلو ممكن تحتوي (الفلوس / الادويه / الاشياء القيمه زي المجوهرات / لاب توب / شنطه حريمي صغيره او محفظه / اشياء تخص الاطفال زي كيس حفاضات / واكل الاطفال )
    لو انت مسافر من مطار انجلترا او امريكا او دلهي في شويه احترازات زياده مهمه
    http://www.continental.com/***/en-US/conte...y.aspx#offshore
    بخاخه زي مثبت شعر او عطر او جيل او اي سائل يجب ان يوضع في زجاجه اقل من 100 ملل في كيس ويتم تفتيشها لوحدها غير الشنطه ا علي الطياره ولو اكبر من 100 ملل لازم تخطر بيها لو اكل الطفل او الادويه في زجاجه اكبر من 100 ملل لازم تخطر بيها
    باقي المطارات موضوع البخاجه والجيل والسوائل مش محدد حجم بس يكون في حدود الاستخدام الشخصي بس الافضل تريح دماغك تخليها في اضيق الحدود اوتسيبها في الشنطه الكبيره عشان لو واحد غلس طلبت معاه
    المسموحات في الشنطه الصغيره معاك علي الطياره
    ادويه / عصير / كاميرا تصوير/ اله موسيقيه / شنطه دبلوماسيه / كتب للقراءه / مظله مطر / كمبوتر صغير / جاكت او اي ملابس / عربيه الاطفال بشرط انها بعد الطي لاتتعدي 25 سم عرض وارتفاع اقل من 92 سم
    كرسي للطفل لو انتي حاجزه له كرسي اصلا في الطياره / فيديو جيمز او ام بي ثري / راديو استقبال / مستقبل قمر صناعي زي الجي بي اس /اله حاسبه بدون طابعه مرفقه / كمبيوتر بدون اي زوائد ماعدا الماوس بسلك و الفلاش ميموري / ماكينه حلاقه اليه / موبايل / حيوان اليف في علبه حمل
    http://www.aircanada.com/en/travelinfo/air...s-in-cabin.html
    الممنوعات علي الطياره (ممنوعه في غرفه الركاب) والتي من الممكن وضعها في الشنطه الكبيره (التي توضع في مخزن الحقائب الخاص بالطياره)
    http://www.tsa.gov/travelers/airtravel/pro...ited-items.shtm
    الممنوعات للشنطه الصغيره اللي معاك (غير الشنطه الكبيره اللي في مخزن حقائب الطياره)هي
    اي حاجه ليها سن مدبب (مفك او سكينه او مقص او شاكوش او سنون سناره الصيد او كاتر) ماعدا السرنجات بسبب طبي واضح مع روشته العلاج الاجهزه الكهربائيه او الاسلكيه زي الماوس الواير ليس
    البلوتوث / راديو جهاز اتصال / طابعه الكمبيوتر او اي اجهزه زائده علي الكمبيوتر / اقلام الليزر

    ملحوظات هامه عن شنطه السفر نفسها وازاي تحميها من السرقه والضياع
    1- لاتضع حجات مهمه زي المجوهرات او اوراق مهمه في شنطه السفر الكبيره
    2- شيل اي علامات قديمه او تكيت من سفر سابق علي الشنطه
    3- التيكيت علي الشنطه من بره في مكان واضح وفي اكتر من مكان يحتوي علي اسمك وتليفونك واميلك وكمان اسم شركه الطيران ومكان السفر ومكان الوجهه بتاعه السفر كمان حط تيكت جوه الشنطه
    4- حط شريط فسفوري علي ايد وكمان علي جسم الشنطه بحيث انك تشوفها بسهوله
    5- والافضل طبعا انك لما تشتري الشنطه تكون لونها مميز زي احمر فاقع مثلا
    6- حاول تصور شنطتك بالموبايل وتحفظ الصوره علي الموبايل او الكاميرا
    7- اوعي تقفل الشنطه بتاعتك بقفل عشان ممكن يكسروا القفل للتفتيش
    7- نصيحه عامه انك تحط طقم غيار في الشنطه اللي معاك علي الطياره بحيث لاقدر الله لو الشنطه اتاخرت او ضاعت تعرف علي الاقل تبات ليله وتلاقي لبس
    الافضل حجات المكياج والكريمات والجيل والشامبو والعطور عامه خليها في شنطه السفر الكبيره عشان متوجعش دماغك بالامن علي الطياره
    8- وعلي فكره لو حصل تاخير في الطياره واضطر انك تبات المفروض ان شركه الطيران بتوفرلك اودوات استعمال خاصه عشان الليله ديه وكمان حجز غرفه نوم
    9- لو انت من النوع كثر التنقل اوعي تستخسر الفلوس في الشنطه لانها لما تكون نوع كويس هتعيش معاك واوفر علي المددي الطويل وكمان الشنط لازم تكون علي عجل عشان تجرها مش تشيلها
    محتويات شنطه السفر
    لازم تعمل ليسته بمحتويات شنطه السفر عشان تكون قدامك وانت بتملاها عشان متنساش حاجه
    1- أوراق ووثائق ضرورية (جواز السفر/ نقود دولار كندي او امريكي في حدود 1000 دولار لو انت لوحدك او 4000 دولار لو معاك اسره)
    تذكرة السفر – واكثر من اصل لوثائق أخرى ستحتاجها مثل 2 شهاده ميلاد عربي ويفضل لو كمان مترجمه للانجليزيه و شهاده التخرج عربي ومترجمه وشهاده خبره
    2- رخصه القياده ورخصه القياده الدوليه وشهاده المخالفات وشهاده خبره بتاعه القياده - - شهاده الخبره باللغه العربيه والانجليزيه ويفضل طبعا لو موثقه من الخارجيه وحتي ولوشهاده خبره بعمل تطوعي
    - شهاده الثانويه العامه ممكن تحتاجها لو هتدرس كليه تاني هناك
    - للاولاد اخر ريبورت او تقرير من المدرسه بتاعتهم
    و للاولاد ايضا شهاده التطعيم وشهاده الميلاد المترجمه من قسم الترجمه في وزاره الصحه بالقاهره
    وطبعا قلم جاف في جيبك لانك هتحتاجه اوعي يسيح في جيبك وتبقي فضيحه
    وكمان لسته مبسطه بمحتويات الشنطه عشان الجمارك
    ولسته بالحجات اللي ممكن تبعت عليها من مصر بعد كده عشان متتجمركش وهتسلمها وانت نازل في مكتب الهجره
    ولو حضرتك معاك دهب او مجوهرات تصورها وتكتب في ورقه قيمتها التقريبيه
    اوعي تنسي الورقه اللي انت طبعتها فيها ادعيه السفر وفتاوي السفر عشان تقرا الادعيه في الطياره
    وطبعا كلها هتكون معاك في الشنطه الصغيره في غرفه الركاب
    3- ملابس(غيارات داخلية - ملابس للبيت – ملابس للخروج - شبشب- حذاء عادى وحذاء رياضى _ شرابات – شماعات – حزام - ملابس شتوية أو صيفية– بدلة أو أكثر حسب الحاجة)
    نصيحه عامه متشتريش جديد بتاتا الا الملابس الداخليه وخد اللي عندك لان كندا فيها ارخص واجود ولو رايح في الصيف متخدش حجات الشتاء لانك كده هتشتري من هناك ارخص والجاكتات وكله ولا زم تعمل حساب الحجات اللي هتشتريها من هنا في الميزانيه
    4- ما تحتاجه للعبادة (القرأن الكريم– عدد اتنين سجادة صلاة _كتاب اذكار الصباح والمساء_كتاب احاديث صغير– بوصلة صغيرة لمعرفة القبله مهم عشان تعرفها في الشغل أواي حته مفيش فيها مسجد ) بعض انواع السجاد للصلاه بيكون معاه بوصله وكتيب صغير منه تعرف القبله _لبس للصلاه في المنزل للسيدات _ورقه مطبوع بها موقع اقرب المساجد من مكان اقامتك -ورقه مطبوع فيها مواقيت الصلاه الخاص بالمقاطعه اللي انت رايحها
    من الموقع ده تعرف المواقيت لكل مقاطعه
    http://www.islamicfinder.org/cityPra...da&lang=arabic
    5- أدوات النظافة (صابونة – 2فوطة - مشط – كريم للشعر- قصافة اظافر – مقص - فرشة أسنان - معجون أسنان – شامبو - فرشة حلاقة - كريم حلاقة - ماكينة حلاقة - ماكينة حلاقة كهربائية لو بتستخدمها بس تاكد من الفولت اللي بتشتغل عليه لو 220 بس يبقي لازم محول - مراية صغيرة – ملقاط – عطر – مناديل كافية)
    6- أدوات متنوعة مثل (دبابيس - كزا لون بكرة خيط وإبرة)
    7- ادوات شخصية ( نظارة شمس - نظارة نظر)
    8- ادوات كتابية وترفيهية (مجلات و كتب - اوراق و أقلام - أرقام وعناوين مهمة تحتاجها هناك –ام بي ثري - قاموس للترجمة - خريطة للمدينة المسافر إليها- شطرنج )
    9- إسعافات أولية (ترمومتر- خافض للحرارة - قطن طبى - بلاستر طبي– مطهر ولصق للجروح – أى أدوية أخرى يحتاجها المسافر)
    10- أدوات إلكترونية(تليفون محمول - شاحن المحمول-مشترك كهربائي - فيشه كهرباء تتناسب مع مخارج الكهرباء في كندا– محول كهربائي من 110 الي 220 وده للي جايب اجهزه من مصر (علي فكره الاب توب بيشتغل علي 110 و 220 وبكده مش هيحتاج محول بس هيحتاج فيشه مناسبه لمخارج كهرباء كندا ) _ كاميرا وبطارية ,وشاحن الكاميرا وكروت ذاكرة إضافية معها - لاب توب وملحقاته - اسطونات صيانة وبرامج – أسطوانات قران )
    11- مستلزمات مطبخ (ملعقه- شوكه- سكينه - كوب – طبق- طاسه قلي - كاتل او غلايه كهربائيه للمياه بس برضو لازم محول كهربي لو هيه فولت220 بس وبلاش الصيني والحجات القابله للكسر)
    12- توابل ( قرفه- لبان دكر - قرنفل - مستكه - حبهان - جوزه الطيب – سحلب - عناب - قهوه محوجهه للي غاوي) الحجات ديه ممكن متلاقيهاش هناك
    13- عدد خمسه زبده كاكاو عشان تشقق الشفايف لانها غاليه في كندا وكمان تضمن انها حلال
    14- ملايه وكيس مخده
    15- شطاف حمام عشان ده مش موجود في كندا
    16- لاب توب - كاميرا لاب توب للي معندهوش كام في الاب - كاميرا تصوير عادي - كي بورد عربي- عدد اتنين استيكر عربي للكي بورد عشان لو الكي بورد اللي معاك باظ وماوس احتياطي يفضل يكون اصلي مستعمل بيعمل حوالي 25 جنيه نوعيه dell or microsoft لانه بيستحمل عشر مرات اكتر من العادي
    17- الادويه اللي هتحتاجها في السفر
    ملحوظات هامه لشنطه السفر
    1- ليسته بمحتويات شنطه السفر
    2- تحضير وتعبئه شنطه السفر علي الاقل يومين او تلاته قبل السفر وتظبيط وزن كل شنطه والاستعداد بتحضير المحتويات قبلها باسبوعين علي الاقل وافتكر كل شنطه 23 كيلو بحد اقصي شنطتين وليس من الممكن شنطه واحد 40 كيلو بدل الاثنين
    3- ادوات العناية الشخصية كذلك علبة المكياج والعطور وأدوات الاستحمام أوالحلاقة••فتتوضع في كيس محكم الغلق علشان لو اتكسرت او اتفتحت ماتتكبش علي الهدوم
    4- توضع الشرابات في داخل الاحذيه وذلك لتوفير مكان وتوضع الاحذيه في اكياس محكمه حتي لا تتسخ الملابس ويراعي عدم وضع اي شئ معدني (معدن الحزام او كيس شوك او سكاكين)قريب من الاحذيه علشان الخدوش
    5- يجب التنبه إلى ضرورة لف (لفها وليس ثنيها لتوفير مساحه)الثياب الداخلية وقمصان وبيجامات النوم داخل أكياس وأن يكون مكانها في وسط الحقيبة، لئلا تظهر للأعين أثناء تفتيش الحقائب في جمارك المطارات
    6- بالنسبه للملابس الطويله مثل البالطو او بليزر طويل او عبايه يخشي عليهم من انها تتطبق وتتبهدل دول يتم وضعهم وفرشهم في اسفل الشنطه بمعني اول شئ يوضع في الشنطه ويترك طرف الملابس متدلي خارج الشنطه لانها ملابس طويله وبعد ذلك تضع الملابس الاخري فوقها وبعد ان تنتهي تقوم بثني الجزء خارج الشنطه من العبايه فوق الملابس وتغلق الشنطه
    7- يراعي وضع الاشياء القابله للكسر في اقرب جزء لمقبض الشنطه علشان لما تشيل الشنطه مينزلش عليها وزن محتويات الشنطه لو معاك حاجه حاده او قابله للكسر ممكن تحطها في كوب بلاستيك
    8- بالنسبه للملابس اللتي لا تخاف انها تتكرمش اتبع اسلوب اللف بدلا من التطبيق العادي ويفضل انك تلف كزا تي شيرت (تبرم)مع بعض هياخدوا مساحه اقل من انك تلف كل واحد لوحده وكمان ممكن توفر مساحه لو ربطت كل لفه بشريط صغير وشكل الهدوم بيكون عامل بعد اللف زي الاسطوانه وده بيوفر مكان كبير
    7- الادويه اللي هتحتاجها في السفر

    المضادات الحيويه
    اهم ادويه تاخدها معاك وانت مسافر لان فرق السعر بين مصر وكندا مرعب لان كندا قرص الاوجمتين 1 جرام ب 3.5 دولار طبعا سعر مرعب يعني كورس اسبوع ب اتنين قرص في اليوم ب 49 دولار او 270 مصري في مصر العلبه تكفي اسبوع ب 55 جنيه تقريبا
    وطبعا المضادات انواع عشن كده هنشتري كزا نوع منها بحيث تغطي كزا نوع من العدوي
    فيناكسان 500 مجم venaxan قرص كل 24 ساعه (ممنوع في الحوامل او الرضاعه او السن اقل من 18 سنه ) الكورس لمده 5 ايام في حالات التهاب الشعب والبلغم الشديد وقد يمتد العلاج لمده 10 ايام حسب شده المرض
    اوجمنتين مجم 625 .1000 augmentine قرص كل 12 ساعه لو واحد جرام لمده خمس ايام او اسبوع حسب شده المرض وكل 8 ساعات لو 625 جرام (امن في الحوامل وممنوع في من يعاني حساسيه من البنسلين )
    اموكسللين 500 (امن في الحوامل ) وممنوع في الحساسيه من البنسلين ومشتقاته ويستخدم في التهاب الحلق قرص كل 6 ساعات لمده خمس ايام
    مضاد للتقلصات
    تستخدم في المغص المعوي او الكلوي او الام الدوره الشهريه
    بوسكامول اقراص buscamol tab قرص 3 مرات يفضل لانه لا يؤذي جدار المعده علي المدي الطويل
    خافض درجه الحراره ومسكنات
    يصوره عامه تشتريها من كندا ارخص واجود وبأكد ان كندا ارخص من مصر الاسبرين الشريط في كندا ب 50 قرش مصري
    (بارامول ) سعره في كندا للشريط 650 مجم للقرص حوالي 230 قرش يعني ارخص من مصر القرص 500 ملم وطبعا انضف الف مره (250 قرص ب 10.5 دولار)
    لذلك أرخص كتير في كندا عشان كده انت هتاخد شريط كفايه او علبه من كل نوع يادوب تكفي علي ما تستقر ,وبعدين تجيبلك برطمان بارامول وبرطمان اسبرين كخوافض حراره ومسكنات في البيت
    اكسدرين للصداع ده هتاخده معاك في الطياره عشان لو حسيت بصداع
    فيتامينات
    اقوي نوع فيتامينات في العالم هو السنترم العلبه 220 كبسوله ب 20 دولار او القرص ب 50 قرش طبعا الفيتامينات في مصر اغلي بكتييييييييير
    مطهر معوي للاسهال او الامساك
    سيبروفار 500 اقراصciprpfar 500 mg tab. قرص كل 12 ساعه لمده خمس ايام
    الاسهال
    سميكتا اكياس بعض الاطباء لا يفضلها ولكنها تحسن من الاعراض نسبيا يوضع كيس علي نصف كوب ماء ويؤخد ثلاث مرات
    ادويه البرد والرشح
    (في كندا ضعف السعر في مصر مرتين الي ثلاثه تقريبا )
    سيتافيد اقراص CETAPHED tab. قرص 3 مرات ويفضل لمفعول ضد البرد افضل يؤخز معه 2 قرص اناليرج
    لوراتين دي او موسيدين بلس اقراص LORATIN D repetabs or MOSEDIN PLUS S.R.caps
    دواء برد اغلي من التركيبه السابقه الخاصه بالسيتافيد (دواء للبرد غير منوم ) قرص مرتين يوميا ولتاثير اقوي يؤخذ معه بارامول ثلاث مرات
    ادويه البرد بصوره عامه ممنوعه في الضغط او البروستاتا او المياه الزرقاء كما ان بعضها يسبب النعاس مثل الكونجستال

    فرش اسنان
    الفرشه بحوالي 2 دولار او 12 جنيه لو جبت كام واحده من مصر مش هتخسر
    زبده كاكاو
    لتشقق الشفتين نتيجه البروده (هام جدا )
    مراهم للحروق
    ميبو مرهم mebo cream ب 17 جنيه في مصر و ب 20 دولار بره مصر ممتاز ولكن غالي للحروق والجروح يسرع من الالتئام
    مضاد حيوي مرهم للجروح
    فاركوسين مرهم farcosin oint. يوضع مع الغيار علي الجرح
    مرهم للتسلخات
    كيناكومب كريمkinacomb cream (وليس كيناكومب مرهم ) مرتين يدهن فوق اماكن التسلخ
    مطهر للجروح
    بيتادين betadine solution (مش هتحتاج تشتريه من مصر لان علبه 500 ملم ب 11 دولار وفي مصر العلبه 100 ملم ب حوالي 10 جنيه علي ما اذكر ) بس اوعي تنسي تشتريه اول ما توصل عشان ده مهم لتطهير الجروح عشان متتلوثش وتحتاج ادويه تانيه ومكلفه يعني لما تتجرح تستخدمه علي طول
    شامبو الشعر
    رخيص جدا في كندا 750 ملم دوف شامبو 4.5 دولار تقريبا
    ثالثا :المستلزمات الطبيه
    كيس قطن طبي حجم كبير / بكره بلاستر طبي حجم كبير 10 سم / مقص صغير نظيف / خمس بكرات شاش حجم كبير / ترمومتر طبي زئبقي مهم جدا خاصه لو في اطفال
    ادوية الاطفال من اهمهم المضادات الحيويه ومخفضات الحراره
    ممكن AUGMENTIN-ERYTHROMYCIN -CEFPROZIL -BACTREIM
    خوافض الحرارهFEVADOL –VOLTAREN ودول ناخد منهم كل الاشكال يعنى شراب اقراص لبوسوبتركيزات مختلفه كل واحد فينا على حسب وزن اطفاله واعمارهم
    الكحه ونزلات البرد ACTIFED- HISTOP
    BISOLVON لو الكحه فيها بلغم
    بالنسبه للنزلات المعويه محلول الجفاف اللى على شكل POWDER
    MOTELIUM ده كويس لو الطفل بيرجع قىء يعنى
    ما يجب اخذة معنا من الاوراق و الشهادات
    شهادات الثانوية العامة مترجمة (ممكن تحتاجها فى بعض الاوقات(
    شهادات الكلية مترجمة مع بيان بالتقديرات لل 4 سنوات
    شهادات الميلاد مترجمة
    شهادة بالتطعيمات للاولاد و ترجمتها
    قسيمة الزواج مترجمة
    بيان قيد للاولاد من المدارس (مش مفيد قوى بس ما يضرش(
    رخصة القيادة مع شهادة خبرة من المرور مترجمة ( شهادة بينات )
    • ما يجب اخذه من عفش البيت
    الحاجات الخفيفة فقط و التى لا تتعب فى السفر (ملاعق / شوك / سكاين / مقص / اطباق/ ....)
    • ما يجب اخذة من المتعلقات الشخصية
    اللاب توب – مصاحف – سجاد صلاه _ادوات الكمبيوتر الصغيرة(كى بورد عربى او اتنين –ماوسات –هيد فون –كابلات انترنت كابلات USP –اخرى)
    *بعض الناس بتشعر بشعور غير مريح في ودنها في الطياره وهنا بينصح يكون في لبان يمضغ عشان يضيع الشعور ده
    الوصول الى مطار تورنتو
    اتبع التعليمات الموجودة فى الاشارات على كل جانب حتى تصل الى مكان استخراح كارت ال PR
    • التقديم على كارت الاقامة الكند PR CARD
    الموضوع سهل و بسيط و لا يستغرق اكثر من 20 دقيقة كل المطلوب الفيزا من جواز السفر
    اللاندنج بيبر عنوان تستقبل عليه الكروت و يكون حقيقى و ليس صندوق بريد و سؤال على الماشى معاك كام دولار
    و مبروووووووووووووووووووووووووووووووك
    و يصلك بعد حوالى شهر الى 45 يوم
    • استلام الشنط
    ستحتاج الى 2 دولار لكل عربة داخل المطارفى الغالب ستحتاج الى عربيتين
    • الذهاب الى الفندق
    اذا لم يكن احد بانتظارك احجز سيارة لاستقبالك و يفضل ان تكون كبيره (فان) لكى تستوعب الشنط
    • البحث عن سكن دائم
    اشهر المواقع للبحث عن سكن
    http://toronto.en.craigslist.ca/
    http://toronto.kijiji.ca/
    http://viewit.ca/
    و يوجد مجلات مجانية فى صناديق بجوار محطات الاتوبيس
    البحث عن سكن
    http://www.torontorentals.net/
    البحث عن سكن
    http://www.torontorentals.net/
    http://www.hometrader.ca/

    ثانيا السكن :
    من خلال البحث وجدت منطقة سكاربرو و فكتوريا بارك الافضل لقربهما من الداون تاون من 20 الى 45 دقيقة و مواصلاتها الكويسة و ياريت تختار شارع يكون فيه اتوبيس بيروح الداون تاون زى شارع لورنس مثلا الاسعار كما رايتها
    بسمنت (بدروم ) من 550 الى 750 و فى العادة بيكون حجرتين بمدخل مستقل
    ون بدروم من 750 الى 900
    تو بدروم من 850 الى 1000
    ثرى بدروم من 900 الى 1200
    عفش البيت
    اما عفش مستعمل و افضل الاماكن و ارخصها http://valuevillage.com/
    اول ماتصل اهم حاجة المراتب و لو حد هيعرف ميعاد وصولك ممكن يرتب لك كل شىء
    انا فرشت الشقة من محل اسمة فاليو فيلاج المحل عبارة عن مكان يستقبل تبرعات الناس من كل حاجة فى البيت حتى الملابس ويظبطها و يعرضها بسعر اكثر من رائع
    المرتبه بالبوكس بحوالى 60 دولار و التليفزيون من 25 الى 70 دولار
    ترابيزة السفرة ل 4 افراج بالكراسى 80 الى 120 دولار- الانتريه من 100 الى 200 دولار
    كمبيوتر من 15 الى 30 دولار - شاشاة الكمبيوتر حوالى 10 دولار
    مكاتب / ادوات مطبخ كلها / مكاوى / ستاير / مراوح
    فيديوهات ودى فى دى
    يعنى ممكن تفرش الشقة كلها من 500 الى 1000 دولار
    عفش جديد و معظم المحلات هنا متخصصة يعنى مثلا محل للمراتب و اخر للسراير و ثالث للسجاد و هكذا و ممكن تجهد كلهم تحت سقف واحد
    1- استخراج SIN CARD
    يجب معرفة اقرب مكان لاستخراجه من هنا
    http://www.settlement.org/topics.asp?section=EM:SIN
    و ستستلم ورقة لكل فرد فى الاسرة بها رقم الكارت لاستخدامها وقت الحاجة لحين وصوله لك بعد 10 ايام الى اسبوعين
    2- فتح حساب بنكى
    اذهب الى البنك ومعك عقد الايجار و الباسبور و اللاندنج بيبر وال SIN كارت او الورقة الداله على الرقم و افتح الحساب فى ثوانى
    3- طلب فيزا
    اطلب كارت فيزا لكى يبدا تاريخك الائتمانى فى كندا و سيصلك على البيت بعد حوال اسبوعين
    4- الحصول على كارت التامين الصحى OHIP
    على كارت التامين الصحى OHIP يصبح سارى المفعول بعد 3 شهور من وصولك لكندا فمثلا لو كان وصولك 15/3/2010 فالكارت صالح للاستخدام من 15/6/2010 و ممكن التقديم عليه فى اى وقت من وصولك و ستستلم ورقة مثل كارت الSIN لكل فرد فى الاسرة بها رقم الكارت لاستخدامها وقت الحاجة لحين وصوله لك بعد حوالى شهر الى 45 يوم بها تاريخ بداية استخدامة
    5- التقديم على مدارس الاولاد
    اذهب الى المدرسة و معك عقد الايجار و الباسبور و اللاندنج بيبرو شهادات الميلاد و اهم حاجة التطعيم
    6- عمل ال VC على الطريقة الكندية
    هنا مراكز كتير تقوم بهذه المهمة اشهررهم ACCESS / PCPC
    7- البحث عن مراكزخدمة المهاجرين الجدد
    8- البحث عن عمل تطوعى
    الافضل البحث فى هذا الموقع على حسب مكان لاقامة
    http://www.settlement.org/index.asp
    التعرف على اماكن المساجد
    http://www.torontomuslims.com/Direct...icCenters.aspx
    9- اماكن اللحم الحلال
    فى موقع زبيحة
    http://www.zabihah.com/
    10- الحصول على رخصة قيادة
    11- شراء سيارة
    اما من المعارض المنتشرة فى تورنت او من على الانترنت
    http://toronto.en.craigslist.ca/
    http://toronto.kijiji.ca/
    12- الحصول على خط تليفون ارضى
    13- الحصول على محمول
    تركيب الانترنت فى البيت يوجد مجموعة شركات تقم كل هذه الخدمات اختار م بينا
    BELL / ROGERS / IRISTEL / COMWAVE / FIDO / ACANAC
    و شركات اخرى
    16- شراء مستلزمات الكمبيوتر
    اما من المولات الكبيرة مثل
    FUTURE SHOP / SOURSE / TECHCANADA
    17- شراء الملابس
    شراء ادوات المطبخ من محلات
    WALLMART / SEARS / ZELLRS / WAYS
    18- المواصلات و الاتصالات
    المواصلات :التاكسى هنا غالى و محبش استخدمة الاتوبيس هو الوسيله المفضله عندى
    تذكرة الاتوبيس: اسمها ( توكن ) وهى اما تدفع التذكرة داخل الاتوبيس و سعرها 3 دولار و تضعم فى صندوق زجاج صغير للسائق و يكونو فكة لانه ماينفعش يفتح الصندوق و يديلك الباقى
    و اما تشتريهم مسبقا من بعض محطات السب واى او محلات السوبرماركت وسعرها هنا
    حوالى 2.5 الى 2.75 دولار انا يوم اشتريتهم كدا ويم كدا من نفس المحل
    الافضل لوكان السعر ب 2.5 دولار تشترى كمية .............مش هاتخسر
    الاشتراكات : يوجد كارت اشتراك شهرى بحوالى110 دولاراسبوعى بحوالى 32 دولار
    و نظام المواصلات هنا عجيب ساشرحه هنا
    المواصلات :قبل ان اشرح يجب ان يكون لديك خريطة مواصلات تورنتو
    و بمكن تنزلها من هنا
    http://www3.ttc.ca/images/fixedImages/TTCRideGuide.pdf
    تنقسم وسائل المواصلات الى مجموعة وسائل
    الاتوبيس : وهو هنا له ارقام مثل القاهرة مع اختلاف ان الاتوبيس فى العادى له خط مستقيم يسير فيه و يعود على نفس الخط اما افقى او راسى
    المترو (السب واى): و يوجد منه ثلاث خطوط
    الاول : يبدا من mccowan الى kennedy و يمر ب 4 محطات بينهما
    الثانى: من kennedy الى kipling و هو بقطع تورنتو افقيا
    الثالث: على شكل حرف U ويبدا من finch و ينتهى الى downsview و يمر من اعلى تورنتو الى اسفلها و يعود
    الترام : و يوجد فى الداون تاون وهو مثل الاتوبيس بس له قضبان فى الشارع و ممكن التنقل بي ال3 وسائل بنفس التذكرة
    مثال: انا فى سكاربرو و عاوز اروح جامعة يورك اركب اتوبيس 54 من لورنس فى اتجاة اجلنتون وانزل محظة السب واى اخد السب واى من اجلنتون الى محطة يونج بلور جنوبا اخد السب واى من يونج بلور الى محطة سان جورج غربا اخد السب واى من سان جورج الى داونزفيو شمالا ثم الاتوبيس من داونزفيو الى جامعة يورك و العودة بنفس الطريق تاخد حوالى من ساعة وربع الى ساعتين ذهابا وزيهم فى العودة
    الاتصال بمصر بعدة طرق من تليفون البيت و بيكون على حسب تعريفة المكالمات الكروت و الكارت ال 2.5 دولار بيعطيك اقصى حد حوالى 40 دقيقة و معظمهم نصابين ول استخدمت كارتو الخط انقطع و حبيت تتصل تانى ممكن ما تلاقيش رصيد
    الاشتراك مع شركة تقدم خدمة 011
    مثل NOBELTALK
    http://www.nobeltalk.com/indexBody.do
    اه نسيت اقول على حاجة فى شركة الاتصالات الشركه اسمها نوبل توك ممكن من الموقع تعرف اسعار المكالمات لاى مكان اول مرة بتشنرك ب 25 دولار ولو قلت لهم ان انا اللى معرفك عليهم هيدولى رصيد مجانى ب 10 دولار ياللا اشترك وماتنسانيش
    NUERATEL
    https://www.nueratel.com/nueratel/Fo...l_CA_Home.aspx
    و اسعارها تصل الى 9.5 سنت للدقيق لمصر ودى اسمها العهد الجديد
    و عندهم عروض كويسة و لو قلت لهم ان انا اللى معرفك هيبعتول 5 دولار رصيد
    او عن طريق الانترنت مثل برنامج
    VOIPZOON و دا فيه كذا نظام ممكن تشترك فيه ب 2.5 يورو شهريا و تستقبل المكالمات من اى مكان فى العالم مجانا لان الاتصال بكندا واكيكا و 40 دوله مجانا
    يعنى ايه ؟
    يعنى تعمل حسابب 2.5 يورو فى الشهر و تدى اهلك فى مصر الحساب و الباس وورد وهما يكموك ببلاش طول الشهرو التفاصيل هنا
    http://www.voipzoom.com/en/index.html
    يطلب منك عند مجيئك إلى كندا رقم الهاتف الجوالCellulaire ، سواء للوثائق الادراية أو الدراسة أو العمل. ففي كيبك يطلق مصطلح الخلوي Cellulaire على الهاتف المحمول. فمثلا يقال في كيبك courriel للبريد الالكتروني ومن المهم أن نعرف أن تكاليف الاتصالات وتحسب وفقا لعدد الدقائق المستعملة للاتصال و استقبال المكالمات.. !!. لأن حتى استقبال المكالمات في كندا تدفع عليه..
    و لتفادي أداء تكلفة استقبال المكالمات أن تعمل اشتراك شهري, و معدل الاشتراك الشهري في كندا ما بين 25 دولار و 50 دولار, و يمكنك إضافات خدمات أخري مثلا الاشتراك في خدمات الاتصالات الدولية.
    أهم شركات الاتصال في كندا:
    Bell Mobilité -1
    Rogers -2
    Fido-3
    Telus -4
    Virgin mobile-5
    لمعرفة أن محامي أو مستشار معترف به في كندا , ادخل لهذا الموقع – الموقع الرسمي الكندي لمستشاري الهجرة- و ستجد الائحة الرسمية بأسماء مستشاري الهجرة إلى كندا.
    http://www.csic-scci.ca/find
    ودي الوسائل الا حضرتك ممكن تستخدموهـا من مطار مونتريال مرتبة من الارخص للاغلي Greyhound أتوبيسات ... حتكلف حوالي 50 دولار للشخص
    VIA Rail Train ... قطر.. حياخدكم لحد down town Ottawa...
    airport Shuttle ... من المطار لحد مكان ماعايزين ...حوالي 300 دولار العربية لوحدكم ..العربية بتشيل حوالي 5 شنط...لو اجرتوها لوحدكم ممكن تستخدموا الاماكن الفاضيه للشونط الباقية
    flight ... من المطار طيران داخلي زي westjet لحد أتوا ..بس حيكون مكلف شوية بس اريح
    ـــــــــــــــــــــــــــــــــــــــــــــــــــــــــــــــــــــــــ
    الضرائب فى كندا
    اول حاجه لازم نعرفها ان اخر موعد لتقديم الاقرار الضريبي 30 ابريل من كل سنه
    انا كده قدمت الاقرار بتاع سنه 2009 بالرغم اني ما قعدتش في كندا غير نوفمبر وديسمبر بس
    اعتقد ممكن تقدم الاقرار الضريبي income tax return بنفسك بتملى الفورم وتبعته REVENUE CANADA
    أو ممكن مكتب TAX يملأ الاستماره ويبعثها فى مقابل 80 $ المفروض يوصل شيك TAX REFUND خلال 6 اسابيع
    بعد ما تبعت income tax return تقدر تطلب حاجه اسمها GST/HST credit
    واظن اقل حاجه بتكون 200 دولار في الشهر وتقدر تطلب Canada Child Benefits
    وكل الفورمات موجوده هنا
    http://www.cra-arc.gc.ca/tx/nnrsdnts...nwcmr-eng.html
    اولا INCOME TAX RETURN
    1- وصولات ايجار السكن
    2- كروت الترام شهري او اسبوعي
    3- T5 فورم من مكتب المساعده الاجتماعيه لو كنت واخد WELFARE
    4- اي PAY STUBS يعني وصولات بأجور اخدتها
    5- لو كنت تدرس فورم T2022 الكليه تديهولك
    ثانيا GST CREDIT
    GST يا اخوانا انت بتقدم عليها في نفس الفورم بتاع INCOME TAX RETURN
    بس الناس اللي بتعملها اول مره لازم تملى الطلب ده وتبعته بالبريد
    http://www.cra-arc.gc.ca/E/pbg/gf/rc151/rc151-09e.pdf
    دي عناوين مكاتب الضرايب
    http://www.cra-arc.gc.ca/cntct/tso-bsf-eng.html
    ودي نمرة تلفون للي يحب يستفسر18009591953
    دي عناوين جمعيات تطوعيه بتساعد في تقديم التاكس ريفند ببلاش
    http://www.cra-arc.gc.ca/tx/ndvdls/v.../menu-eng.html
    cheers cheers cheers cheers cheers

    airbus380
    عضو جديد
    عضو جديد

    عدد المساهمات : 1
    تاريخ التسجيل : 18/06/2010

    شكرا

    مُساهمة  airbus380 في الجمعة 18 يونيو - 23:07

    شكرا على كل هذه المعلومات يا جدع و عي ايميلي ياريت نتواصل
    redairbus380@yahoo.com

      الوقت/التاريخ الآن هو الثلاثاء 22 أغسطس - 14:37