منتدى يهتم بشؤون المصريين و العرب المهاجرين الى كندا


    احترت وعايزة مساعدة بس بسرعة

    شاطر
    avatar
    viky
    عضو جديد
    عضو جديد

    عدد المساهمات : 10
    تاريخ التسجيل : 30/06/2010

    احترت وعايزة مساعدة بس بسرعة

    مُساهمة  viky في الأربعاء 30 يونيو - 23:38

    أنا ملأت الأبلكيشن وبأترجم الأوراق في المركز الثقافي الفرنسى ولى أكثر من سؤال
    أولا: هل الترجمة معتمده ولا لأ فى المركز الثقافى الفرنسى
    ثانيا:هل لازم تتوثق بعد الترجمه من المركز الفرنسى فى وزارة الخارجيه ولا مش لازم لأنهم قالوا لى فى المركز ان بعد الترجمه ش لازم أى ختم بعدهم هل الكلام ده صح ولاأيه أصلى نفسى أخلص الورق بصراحه بس عايزاه يكون صح
    ثالثا : هل فيه ترشيح لأسماء بنوك معينه ابعت منها الحواله وابعتها ازاى .


    معلهش انا طولت عليكم بس بصراحه أنا عارفه انكم أكثر ناس هاتساعدونى وشكرا جدا على تعبكم وربنا يعوضكم على المساعده دى

    jessika
    المشرف العام
    المشرف العام

    عدد المساهمات : 182
    تاريخ التسجيل : 02/09/2009
    العمر : 36
    الموقع : www.quebecimm.ahladalil.com

    رد: احترت وعايزة مساعدة بس بسرعة

    مُساهمة  jessika في الجمعة 2 يوليو - 2:45

    ترجمى ف مكتب معتمد افضل

    ومتوثقيش ف الخارجية ولا حاجة

    بنك نوفا اسكوتشا

    بالتوفيق
    avatar
    viky
    عضو جديد
    عضو جديد

    عدد المساهمات : 10
    تاريخ التسجيل : 30/06/2010

    رد: احترت وعايزة مساعدة بس بسرعة

    مُساهمة  viky في الجمعة 2 يوليو - 5:55

    أشكركم jessika على الأهتمام هما قالوا لى فى المركز الثقافى الفرنسى انهم معتمدين والأوراق بعد لما تترجم نرسلها على طول للسفاره ومش محتاجه اي ختم ثانى ولا انتى لكى رأى ثانى فى المركز ده علشان أنا كده قلقت معلهش انا هأتعبك معايا
    وصلوا لى علشان ربنا يوفقنى
    avatar
    viky
    عضو جديد
    عضو جديد

    عدد المساهمات : 10
    تاريخ التسجيل : 30/06/2010

    رد: احترت وعايزة مساعدة بس بسرعة

    مُساهمة  viky في الجمعة 2 يوليو - 14:00

    أزيك jessika هو البنك ده موجود فين بالضبط أنا مسمعتش عنه قبل كده وعلى فكره أنا عايزه بنك يكون موجود فى مصر مش فى مكان ثانى

    francois
    عضو
    عضو

    عدد المساهمات : 87
    تاريخ التسجيل : 06/11/2009

    رد: احترت وعايزة مساعدة بس بسرعة

    مُساهمة  francois في السبت 3 يوليو - 0:44

    viky كتب:أزيك jessika هو البنك ده موجود فين بالضبط أنا مسمعتش عنه قبل كده وعلى فكره أنا عايزه بنك يكون موجود فى مصر مش فى مكان ثانى
    البنك موجود فى Cairo Branch
    3 Ahmed Nessim St.
    P. O. Box 656
    Giza, Cairo, Egypt 11511
    Phone: +20 (2) 3336-5731/34/35
    SWIFT: NOSCEGCA
    Fax: +20 (2) 3336-5730
    E-mail: bns.cairo@scotiabank.com
    avatar
    viky
    عضو جديد
    عضو جديد

    عدد المساهمات : 10
    تاريخ التسجيل : 30/06/2010

    رد: احترت وعايزة مساعدة بس بسرعة

    مُساهمة  viky في السبت 3 يوليو - 5:40

    thank you francois على الأهتمام بس فى سؤال لسه مفيش حد جاوبنى عليه هل المركز الثقافى الفرنسى معتمد ترجمه ولا لأ

    وأدعوا لى أقدم الملف وأفيد أنا كمان أصدقاء المنتدى

    francois
    عضو
    عضو

    عدد المساهمات : 87
    تاريخ التسجيل : 06/11/2009

    رد: احترت وعايزة مساعدة بس بسرعة

    مُساهمة  francois في السبت 3 يوليو - 16:28

    viky كتب: thank you francois على الأهتمام بس فى سؤال لسه مفيش حد جاوبنى عليه هل المركز الثقافى الفرنسى معتمد ترجمه ولا لأ

    وأدعوا لى أقدم الملف وأفيد أنا كمان أصدقاء المنتدى
    المركذ المعتمد للترجمة لازم يكون فيه ختم ترجمة للاعتماد الترجمة
    اسئليهم عندكم ختم ترجمة معتمدة للترجمة؟؟؟؟ ولا لأ

    sergy
    عضو جديد
    عضو جديد

    عدد المساهمات : 12
    تاريخ التسجيل : 27/01/2010

    رد: احترت وعايزة مساعدة بس بسرعة

    مُساهمة  sergy في الأحد 4 يوليو - 9:29

    بصى يا فيكى انا بردو لسة فى مرحلة ترجمة الاوراق بتاعتى و طلع عينى فى اللف فى واحد اسم فؤاد نعمة قدام الحرية مول بس غالى شوية الورقة ب 50 لحد 80 جنية و فى واحد تانى اسمة الناسخ السريع دة بردو فى مصر الجديدة اسم الشارع اية مش عارفة بس هوصفهولك عند كنيسة مارمورقس كليوباترا امشى كانك رايحة ناحية المستشفى و امشى علطول لحد نهاية الشارع هتلقية الناحية التانية بعد لما تعدى المترو بس بصى لفوق فى العمارة اللى قدامك هتلقية و اسمة الناسخ السريع و دة رخيص شوية بس فى حاجة تانية و بيتهيئلى هى الاقوى انك تترجمى ورقك فى الاماكن الحكومية التابعة ليها يعنى مثلا شهادة الميلاد تطلعيها من الورارة عند مجلس الشغب الواحدة باربعين جنية شهادة الثانوية العامة من الادارة التعلمية جنبها فى حدود 12 جنية شهادة الكلية من الكلية انا ترجمتها ب 20 جنية شهادة الدرجات و الساعات تطلعيها بالعربى ب 20 جنية و ترجميها ب 50 جنية فى الكلية باردو شهادة الجواز مش عارف الكنيسة ممكن تطلعها بالانجليزى و لا لا دى مش عارفها بس ممكن اسئللك

    sergy
    عضو جديد
    عضو جديد

    عدد المساهمات : 12
    تاريخ التسجيل : 27/01/2010

    رد: احترت وعايزة مساعدة بس بسرعة

    مُساهمة  sergy في الأحد 4 يوليو - 9:33

    بنك نوفاسكوتيا دة قدام جنينة الحيوانات فى الجيزة بنك صغير لكن لو حد تبع العنوان هيتوة هيتوة لانة مش معروف اوى كل واحد لما هتسئلة على البنك هيدللك على CIB فى النايل تاور اتئكدو ابقل ما تروحو علشان مش راكنة هناك و هتتعذبو فى اللف

    francois
    عضو
    عضو

    عدد المساهمات : 87
    تاريخ التسجيل : 06/11/2009

    رد: احترت وعايزة مساعدة بس بسرعة

    مُساهمة  francois في الأحد 4 يوليو - 11:12

    sergy كتب:بصى يا فيكى انا بردو لسة فى مرحلة ترجمة الاوراق بتاعتى و طلع عينى فى اللف فى واحد اسم فؤاد نعمة قدام الحرية مول بس غالى شوية الورقة ب 50 لحد 80 جنية و فى واحد تانى اسمة الناسخ السريع دة بردو فى مصر الجديدة اسم الشارع اية مش عارفة بس هوصفهولك عند كنيسة مارمورقس كليوباترا امشى كانك رايحة ناحية المستشفى و امشى علطول لحد نهاية الشارع هتلقية الناحية التانية بعد لما تعدى المترو بس بصى لفوق فى العمارة اللى قدامك هتلقية و اسمة الناسخ السريع و دة رخيص شوية بس فى حاجة تانية و بيتهيئلى هى الاقوى انك تترجمى ورقك فى الاماكن الحكومية التابعة ليها يعنى مثلا شهادة الميلاد تطلعيها من الورارة عند مجلس الشغب الواحدة باربعين جنية شهادة الثانوية العامة من الادارة التعلمية جنبها فى حدود 12 جنية شهادة الكلية من الكلية انا ترجمتها ب 20 جنية شهادة الدرجات و الساعات تطلعيها بالعربى ب 20 جنية و ترجميها ب 50 جنية فى الكلية باردو شهادة الجواز مش عارف الكنيسة ممكن تطلعها بالانجليزى و لا لا دى مش عارفها بس ممكن اسئللك
    عقد الجواز بتأشر عليه من وكيل نيابة محكمة الاسرة التابع ليها ثم من وزارة العدل الكنيسة مالهاش دعوه
    البنك كام عند حديقة الحيوان فى نفس الشارع اللى فية السفارة السعودية بس تم نقله وانا معرفش العنوان الجديد ممكن تروحى لحد هناك وتسألى عن مكانه الجديد هيوصفه لك
    او اتصل بالتليفونات الخاصة بالبنك واسأل عن العنوان بالضبط
    avatar
    viky
    عضو جديد
    عضو جديد

    عدد المساهمات : 10
    تاريخ التسجيل : 30/06/2010

    رد: احترت وعايزة مساعدة بس بسرعة

    مُساهمة  viky في الأحد 4 يوليو - 20:21

    hi sergy أشكرك جدا على الأهتمام وأيضا بأشكر francois جدا جدا
    أنا ترجمت كله فرنساوى مش أنجليزى فى المركز الثقافى الفرنسى وهو معتمد الفرع اللى فى الدقهليه أصلى من المنصوره
    وبالنسبه لعقد الزواج أنا ترجمته فى وزارة العدل فعلا
    لكن بالنسبه لشهادات الميلاد مفيش فى وزارة الصحه غير أنجليزى فقط فترجمت فى المركز الثقافى فرنساوى
    أما بالنسبه للبنك أنا هاسأل وأبقى أقول لكم ان شاء الله وصلوا لى يارب يوفقنى

    sergy
    عضو جديد
    عضو جديد

    عدد المساهمات : 12
    تاريخ التسجيل : 27/01/2010

    رد: احترت وعايزة مساعدة بس بسرعة

    مُساهمة  sergy في الإثنين 5 يوليو - 5:54

    البنك هيطلعلك الورق انجليش و دة أكيد
    انا ليا سؤال هتفرق لو انا ترجمت الورق اجليش كلة مش فرنيش
    avatar
    viky
    عضو جديد
    عضو جديد

    عدد المساهمات : 10
    تاريخ التسجيل : 30/06/2010

    رد: احترت وعايزة مساعدة بس بسرعة

    مُساهمة  viky في الإثنين 5 يوليو - 5:59

    بصراحه مش عارفه بس فيه ناس قالوا لى مدام أنت مفدمه كيبيك يفضل الترجمه فرنساوى بس لو فيه ورقه من وجهة نظرى مش هاينفع تترجم غير أنجليزى ليه نعقدها

    bisho_besh_besh
    عضو جديد
    عضو جديد

    عدد المساهمات : 13
    تاريخ التسجيل : 20/06/2010

    رد: احترت وعايزة مساعدة بس بسرعة

    مُساهمة  bisho_besh_besh في الثلاثاء 6 يوليو - 20:09

    معني كده انه لا يفضل انك تبقي باعت ورق مترجم english و الافضل انه يكون francais
    في نقطة تانية و هي موضوع البنك انا قريت علي منتدي تاني انه ممكن الشيك ادفعه من خلال البنك الاهلي المصري فهل الكلام ده صحي
    ح

    sergy
    عضو جديد
    عضو جديد

    عدد المساهمات : 12
    تاريخ التسجيل : 27/01/2010

    رد: احترت وعايزة مساعدة بس بسرعة

    مُساهمة  sergy في الأربعاء 7 يوليو - 13:48

    بس يا بيشو الكلام دة انا سمعتة و اتمنى بصراحة لانة قريب جدا ليا
    بس يفضل انك تعملة فى بنك نوفا سكوتيا علشان هما فاهمين و صرفة من نظر السفارة سهل لانة بنك كندى
    avatar
    viky
    عضو جديد
    عضو جديد

    عدد المساهمات : 10
    تاريخ التسجيل : 30/06/2010

    رد: احترت وعايزة مساعدة بس بسرعة

    مُساهمة  viky في الخميس 8 يوليو - 13:52

    HI SERGY AND BISHO أنا رحت على فكرة بنك نوفا سكوتيا وهو فعلا فى الجيزه أمام حديقة الحيوان مباشرة فى شارع أرحب وهم فاهمين على فكره موضوع الشيك هما هايدولك ورقه تملأها بأسم طبعا وزير مالية كيبيك Minister des finances du Quebec وعلى فكره لو هاتنسى الأسم أكتبه معاك وتكتبى أسمك ورقم البطاقه والعنوان وهما بيأخذوا عموله 20 دولار أمريكى ولو هاتستلموا الشيك فى نفس اليوم العموله هاتبقى 30 دولار

    يارب أكون أفدتكم في الموضوع ده وعلى فكره يا sergy الشيك طلع بالفرنساوى مش انجليش ولو فيه سؤال تانى عن مكان البنك أنا تحت أمركم
    بس أدعوا لى ربنا يقف معايا

    sergy
    عضو جديد
    عضو جديد

    عدد المساهمات : 12
    تاريخ التسجيل : 27/01/2010

    رد: احترت وعايزة مساعدة بس بسرعة

    مُساهمة  sergy في الأحد 11 يوليو - 6:09

    انا متشكر جدا يا فيكى انا بتكلم على ان كشف الحساب او شهادة البنك هى اللى بالانجلش و ربنا معاكى و يكرمك و تعدى من الانرفيو و نبقى نتقابل فى كيبك
    avatar
    viky
    عضو جديد
    عضو جديد

    عدد المساهمات : 10
    تاريخ التسجيل : 30/06/2010

    رد: احترت وعايزة مساعدة بس بسرعة

    مُساهمة  viky في الخميس 26 أغسطس - 7:34

    هاى ياجماعة انا بقالى زمان مش موجودة وانا بأسلم على كل اللى فى المنتدى ويارب تكونوا كلكم كويسين .
    انا عايزة اسأل سؤال هو الفايل نمبر لو أتأخر قوى يعنى ممكن يوصل بعد أد ايه وازاى بيتبعت عن طريق البريد ولا الاميل .
    انا محتاجة بجد أعرف . وسلامى لكم جميعا وربنا يكون معانا كلنا .

    alaafrench
    عضو جديد
    عضو جديد

    عدد المساهمات : 20
    تاريخ التسجيل : 11/09/2009

    رد: احترت وعايزة مساعدة بس بسرعة

    مُساهمة  alaafrench في الخميس 26 أغسطس - 22:55

    اخبارك ايه يا اخت viky
    لو الفايل نمر اتاخر ممكن تبعتى فاكساو تكلميهم فى التليفون
    لان ممكن يكون التاخير من البريد المصرى
    avatar
    viky
    عضو جديد
    عضو جديد

    عدد المساهمات : 10
    تاريخ التسجيل : 30/06/2010

    رد: احترت وعايزة مساعدة بس بسرعة

    مُساهمة  viky في السبت 28 أغسطس - 6:38

    الحمد للة على كل شىء أنا لسه باعته الورق بتاعى من شهر بالضبط ومش قلقانه لأنى بجد سايبه الأمور على ربنا هو الى يدبرها
    بس أنا سؤالى كان لو قلنا ان الفايل نمبر أتأخر خالص يعنى يقعد اد ايه وبعد اد ايه ابتدى اسأل
    تانى حاجه هو بيجى عن طريق ( البريد ) أو (الأميل ) يارب اكون وصلت سؤالى صح لأن تعباكم معايا
    بس بجد عايزه أقول ان المنتدى كان له دور كبير جدا معايا وأنا بأجهز الورق بتاعى وربنا يحافظ عليكم ويعوض تعبكم

      الوقت/التاريخ الآن هو الأحد 17 ديسمبر - 15:45