منتدى يهتم بشؤون المصريين و العرب المهاجرين الى كندا


    إلّي نجحوا في مقابلات كيبيك يحكوا تفاصيل المقابلات ♥♥♥ مبروك مقدما

    شاطر

    Nassarlink
    عضو
    عضو

    عدد المساهمات : 78
    تاريخ التسجيل : 29/08/2009
    العمر : 46

    إلّي نجحوا في مقابلات كيبيك يحكوا تفاصيل المقابلات ♥♥♥ مبروك مقدما

    مُساهمة  Nassarlink في الأربعاء 2 سبتمبر - 22:35

    يلا شباب

    يلا نحكي تفاصيل المقابلات الي مرينا بيها

    وأنا اول واحد يحكي مقابلته

    علشان الكل يستفيد

    يارب كل واحد مقدم لكيبيك ينجح في المقابله

    مبرووووووووووووووووووووووووووووووووك مقدما ان شاء
    الله
    cheers cheers cheers

    Nassarlink
    عضو
    عضو

    عدد المساهمات : 78
    تاريخ التسجيل : 29/08/2009
    العمر : 46

    رد: إلّي نجحوا في مقابلات كيبيك يحكوا تفاصيل المقابلات ♥♥♥ مبروك مقدما

    مُساهمة  Nassarlink في الخميس 3 سبتمبر - 8:51

    انتم سعداء انكم اتقبلتم
    ردينا بسرعه طبعا طبعا سعداء جدا
    ودي كانت نهاية المقابله .
    البدايه كانت بوم 1/3/2007 يوم كتابة الابلكيشن
    هل ياتري هنقدر نجتاز المقابله

    ومرت الايام لحد يوم ما رن الموبيل الو مسيو محمد مبروك الحمد لله جالك ميعاد الانتر فيو فى مصر الساعه 2 الظهر يوم 26/11
    ساعتها الكلام وقف فى زورى
    ومرت 3 شهور قلق وخوف وحفظ وسهر وإعداد وارتباك
    لحد يوم 25/ 11 مساء نمت الساعه 11 نوم عميق كان مفيش عندي اي حاجه الصبح خالص
    صليت الفجر جلست اقراء قرآن شويه وديت العيال المدرسه
    والساعه دلوقتي 8.45
    التاكسي الي هناخده وصل طبعا مكنتش اقدر اسوق العربيه بتاعتي بنفسي لان معنديش اعصاب اسوق وكمان العربيه بتاعتي معندهاش اعصاب تمشي لحد قاهرة المعز .
    ركبنا التاكسي وانا بفكر هو ده اليوم الي كنت عامل حسابه
    انطلقنا بالسياره تاكل الاسفلت اكلا
    كنت كل مره اروح فيها القاهره بتمني الطريق يخلص بسرعه
    لكن المره دي الي كنت اتمني ان الطريق مخلصش خالص خاص
    لكن لكل بدايه لابد من نهايه
    وابتدت المدام تسمعلي الي انا حافظه
    وانا زي الصاروخ بسمع رهوان – اللهم لاحسد-
    وبعد ربع ساعه
    قلتلها خلاص انتهي وقت المراجعه احنا دلوقتي وقت الدعاء
    وصلنا السفاره الساعه 11 بس احنا لسه بدري
    اقترح علي السائق ان نصلي الظهر في مسجد الباشا بالمنيل وفعلا صلينا هناك
    وشربنا فنجانين نسكافه - كنا واخدين معانا الميه السخنه والسكر برطمان النسكافيه متستغربوش اصل انا من عيله محافظه.
    وصلنا السفاره الساعه واحده بالضبط
    احنا معادنا الساعه اثنين يعني لسه ساعه قلت في سري نقضيها استغفار علشان ربنا يجعللنا من كل ضيق مخرجا ومن كل هم فرجا.
    وبعد ما سلمت الموبايل – الشنكوتي – بتاعي - معلش اقصد بتاع مراتي لان مكنش عندي موبيل لحد وقت المقابله وده مبدا
    سالت الامن هو مين الي سوف يقابلني
    قال مدام غس... وسكت
    بس انت عاوز تعرف ليه
    قلتله علشان لما اسلم عليها اقول لها بونجور مدام فلانه
    قالي المفروض انك متعرفش مين الي ها يقابلك
    قلتله شكرا انا متاسف
    بس كده انا عرفت ان حبيبه القلب الي انا مستنيها من شهر
    سالته كمان سؤال احنا معادنا الساعه اثنين ممكن تنزل لينا بدري شويه
    قال ايوه انا هعرفها انكم موجودين
    الصاله كانت فاضيه انا والمدام بس وكل الكراسي فاضيه
    جلست في الكرسي الي علي شمال الباب الي هتخرج منه( ست الكل ) علي فكره ده مش هزار ده فعلا انها ست محترمه جدا جدا

    Nassarlink
    عضو
    عضو

    عدد المساهمات : 78
    تاريخ التسجيل : 29/08/2009
    العمر : 46

    رد: إلّي نجحوا في مقابلات كيبيك يحكوا تفاصيل المقابلات ♥♥♥ مبروك مقدما

    مُساهمة  Nassarlink في الخميس 3 سبتمبر - 8:51

    المهم المدام علي اليمين وانا حاطط رجل علي رجل
    انتظر الساعه تيجي اثنين
    وفجاءه الساعه الواحده والثلث
    لقيت واحده علي وجهها الجديه والصرامه
    هتفتح الباب الزجاجي الي امامي
    وانا اكنّي مش شايفها
    فتحت الباب وقالت مسيو ال..
    وانا جالس حاطط رجل علي رجل اكن انا مستني واحد تاني
    Oui oui madam c’est moi
    Bon jour M
    Bonjour Madam
    ودخلنا من الباب الزجاجي المفروض ان في جهاز بتدخل منه الرقم السري بتاعها وطبعا انا عارف الجهاز لانه موصوفلي قبل كده لكن بتلقائيه لقي نفسي واقف امام الجهاز اكن انا الي هدخل الرقم السري
    استاذنت بذوق قلتلها آسف
    طبعا الحوار كله بالفرنساوي لانها مبتعرفش عربي بتاتا
    وصلنا الي المصعد واحنا قدام المصعد قالت انت منين
    قلتلها في ادب من المنصوره
    قالت لها المدام بتاعتي مرحبا بك في مصر – نورت مصر-
    ابتسمت في خجل واكملت سؤال تاني
    انت هنا من امتي
    قلتلها من ساعتين وبعدين افتكرت كلمه كنت سمعتها في قناة TV5 في فيلم كيبيكواه A Midi
    بس بتتنطق (ا ميدزي ) لانهم بيضيفولها حرف الزد بعد حرف الدي في العاده – طبعا فزلكه مني –
    بيني وبينكم انا خفت احسن تفتكرني مقطع السمكه وديلها او حتي تفتكرني بسخر منها
    لانها نظرت الي باستغراب شويه لكن معلقتش
    المهم ده كل الي حصل في المصعد
    خرجت من المصعد في خطي سريعه الي الغرفه وانا اجري وراها
    خايف احسن افقد اثرها لان المدام عندي كانت ماشيه علي مهلها اكننا بنتفسح علي شط النيل
    قلت في بالي لو مشيت مع مراتي وفقدنا اثرها هنتوه احنا الاثنين في السفاره ويمكن محدش يعرفلنا- طريق جره-
    لكن لو تاهت مراتي ممكن ابقي ادور عليها في السفاره بعد المقابله المهم واحد فينا يحضر معاها المقابله
    المهم دخلنا الغرفه
    وجلست انا وزوجتي امام السيده الفاضله
    قالت في ادب واحترام
    انتم هنا علشان نراجع المستندات الي قدمتوها في طلبكم
    ونعطيكم رد علي الطلب بعد تقييم مدي اجادتكم للغة الفرنسيه وجديتكم في الطلب المقدم منكم
    هنتاكد اولا من شخصياتكم
    لو سمحت الباسبور
    ثم سالت علي الاسم واسم العائله
    لقت الاسم طويل شويه راحت قايله – اوف – اول ما قالت كده انا قلبي وقع في رجلي ومراتي قالت دبتقول اوف علي الاسم امال لما نتكلم شويه هتقول ايه ربا يستر
    وعلي العكس ابتسمت لما قلتلها هي دي اسماءنا بالعربي صعبه شويه
    اتاكدت من اسماءنا واسماء الطفلتين
    وبعدين سالت علي المؤهل وبيان الدرجات لي وللمدام
    شافتهم انا كنت خايف احسن تقول لي اعاوزه الاصل الي انت ارسلت صورته لاني فقدت اصل المؤهل وكمان اصل شهاده الخبره الي انا كنت باعتها لكن طبعا طلعت غيرهم جديد
    قالت لي انت درسم مواد كتير جدا عن الاداره
    قلتلها طبعا بس انا تخصصي محاسبه
    علشان متحرمنيش من الخمس درجات بتوع المحاسبه
    قالت انا عارفه بس انا بشرحلك انك معاك ميزتين
    قالت طب فين شهادة الخبره
    بصت فيها نظره واحده بدون تفحص ولا حاجه لمجرد انها تتاكد من وجود ختم وتوقيع
    وركنها علي جنب
    رغم انها كانت بتعطيني الاصول الي بتاخدها مني
    وقالت لي اشرح لي انت بتعمل ايه في الشغل
    وصفتلها حاجات اساسيه من طبيعة الشغل
    قالت بس دي مش مهام المحاسب في كيبيك
    دي مهام مساعد محاسب
    قلت في بالي دي ناويه علي الشر ولا ايه
    لا انا باقوم باعمال محاسبيه اخري
    قالت يعني انت بتعمل حساب الارباح والخسائر للشركة كلها
    قلت لا لكن انا بساعد فيها
    قالت يعني انت مساعد محاسب مش محاسب
    قلت ربنا يستر ايه ياستي الي بتقوليه ده انا بشتغل محاسب حسب شهادة الخبره الي معايا
    بس انا عاوز اقول ان الحوار ده كان بيدور بصوره هادئه جدا بدون اي استفزاز ولا ضغط عصبي
    منها لدرجة اني كنت انا بقاطعها وهي بتتكلم فتسكت وتسمعني بمنتهي الادب
    راحت فاتحه كتاب من وراها بصت في وكتبت درجة علي جنب انا مشفتهاش بس متوقع انها الخمس درجات بنتوع المحاسب
    علي فكره الجواب الي وصل لكل واحد بفتح الملف مكتوب فيه اسم موقع علي النت فيه لسته باسماء الوظائف ودرجة كل وظيفه للمقدم الرئيسي وللزوجه حسب تقرير 10/2006 وان السته دي قابله للتغيير كل عام حسب الظروف الحاليه لكيبيك المهم ممكن الاسترشاد بيها
    نرجع لموضوعنا
    سالت بعدها المدام انت بتشتغلي قالت ايوه
    فين شهادة الخبره
    اتفضلي
    اوصفي شغلك بالضبط
    ردة المدام بكل ثقه وقاله المهام بتاعتها
    سالتني بعدها عندك كام سنه
    قلتلها دلوقتي عندي 36 سنه وخمس شهور
    اجابت بكل ادب لانها حست اني خايف افقد درجات السن وقالت لكن انت كان سنك وقت تقديم الطلب 34 سنه و8 شهور
    علشان تطمني اني هاخد الدرجه كامله
    كل ده وهي بتكلمني وتبتسم للمدام او تكلم المدام وتبتسم

    Nassarlink
    عضو
    عضو

    عدد المساهمات : 78
    تاريخ التسجيل : 29/08/2009
    العمر : 46

    رد: إلّي نجحوا في مقابلات كيبيك يحكوا تفاصيل المقابلات ♥♥♥ مبروك مقدما

    مُساهمة  Nassarlink في الخميس 3 سبتمبر - 8:52


    سالت بعدها المدام خطتك في العمل ايه في كيبيك
    السؤال ده كنت المفروض ان انا الي اجاوب عليه وكنت حافظه عن ظهر قلب

    لكن مراتي كانت من كثر ما هي سمعت الاجابه لي اجابت في ثبات بالنيابه عني
    لكن كانت المفاجاه قالت لنا مدام جستينا دي مش اجابة السوال الي انا سالته
    وكان في عينيها الاستغراب ازاي احنا مفهمناش السؤال
    و راحت سالت السؤال تاني بصيغه ثانيه
    احنا كنا فهمنا انها تقصد هنعمل ايه عموما في كيبيك
    لكن هي كانت تقصد ايه هي الخطوات العمليه للعمل في كيبيك
    اجابت زوجتي بثبات – مش بطوله وقوة اعصاب ولا حاجه ده انا زوجتي لمي بتكلمن انا بتكون خايفه مني لكن لان جو المقابله كان هادئ جدا جدا –
    سالتني نفس السؤال فاجبتها انن اعرف انني لا استطيع ان اعمل بوظيفة محاسب بدون احصل علي ترخيص مزاولة المهنه واقوم بعمل تقييم للمؤهل بتاعي وده هياخد مني وقت
    قالت طب انت عملت حاجه عمليه
    قلتلها ايوه – ربنا يخليه الي نصحني بالنصيحه طبعا انتم عارفينه اخونا الحبيب ابن سينا الي ليه الفضل علي في النقطه دي قالي راسل الاوردر بتاعك وهم هيبعتولك علي طول وفعلا حصل وطبعت الايميل الي هم ارسلوه لي
    قالت طب معاك الميل ده
    قلتلها ايوه معايا
    مدت ايدها وقرات فيه شويه وتاكدت من الاسم بتاعي علي مقدمة الايميل
    قالت طب انت اتعلمت الفرنساوي فين
    قلتلها في المركز الثقافي في المنصوره
    قالت معاك شهادات
    ايوه شافتها بسرعه وقالت درست كام ساعه
    قلتلها 6 مستويات في 40 ساعه ب240 ساعه
    حسبتها بسرعه وقالت طب ماخدتش اي امتحانات ثانيه
    قلتلها ايوه انا امتحنت ال A2 قالت فين
    اعطيت هولها
    شافت الدرجات بتاعتي لمده نصف دقيقه
    وبعدين قالت معاك صوره منه قلت ايوه واعطيت لها صوره من شهادة الدلف
    انا مش عارف هي اخدة الصوره ليه
    قالت لي انت درست فرنساوي قبل كده
    قلت لها لا في المركز فقط
    سالت بعدها المدام انتي درستي فرنساوي فين اجابت بنفس اجابتي
    طب معاكي دلف قالت لا
    قالت لي انت قلت انك دفعة كام قلتلها الاجابه بسرعه
    قالت انت عاوز تسيب بلدك ليه
    طبعا انا كنت حافظ اجابات كتير
    مكذبش عليكوا انا نسيت كل الي كنت مذاكره
    آه افتكرت انا عاوز اضمن مستقبل افضل لأولادي
    وقلت مصر فيها مشاكل كتير اقتصاديه واجتماعيه باختصار
    آلت بس كده
    قلت لا وكمان انا عاوز اشتغل محاسب في كيبيك لان وطيفة المحاسب في مصر دخلها ضعيف
    لان عدد المحاسين فيها كتير
    في الوقت ده فتحت شهادة الخبره تاني وقالتلي انت غيرت شغلك ليه قلت لان الدخل كمحاسب في مصر ضعيف لكن في كيبك وظيفة المحاسب من بين افضل الوظائف المطلوبه
    في الوقت ده كانت طبعت الاقرار المالي
    وقالت هتاخد معاك كام في كيبيك
    قلت لها انا هاخد 5000 دولار
    قالت مسيو الحياه في كيبيك دلوقتي غاليه
    قلت لها هاخد 6000 دولار
    قالت مسيو انتم اربع افراد مش كفايه 6000
    قلت لها هاخد 7000
    قالت مسيو اول ثلاث شهور مفيش تامين صحي مفيش معونه بطاله وممكن يكون مفيش شغل ليك
    قلت 7000 بس
    قالت انت مش معاك غير كده
    قلت لا انا معايا 10000 لكن انا محتاج مصاريف الفيدرال والطيران وو
    قالت فعلا انت لسه وراك مصاريف كتير زي الطيران
    كل الحوار ده بمنتهي الشياكه والهدوء
    طبعت بعد كده ورقه اقرار اني مش هشتغل في كيبيك في وظيفة محاسب الا اذا انهيت متطلبات المهنه
    لي وللزوجه كذلك
    وكمان ورقة ثانيه مش عارف بتاعت ايه كتبت فيها اسمي وافراد الاسره وتواريخ الميلاد
    وفي نفس الوقت كانت بتطبع ال CSQ
    انا شفتها من هنا
    وعرفت خلاص ان الموضوع كده انتهي
    رغم ان في اسئله كتير لسه انا كنت متوقعها لسه متسالتش
    وكانت طبعت ورقه فيها عناويين الاماكن الي لو احتجت مساعه ممكن اتصل بيها
    وشرحتها لينا
    وبعدين قال انتم اتقبلتم

    انتم سعداء انكم اتقبلتم
    ردينا بسرعه طبعا طبعا سعداء جدا
    ودي كانت نهاية المقابله
    بعدها قالت لينا بعض النصائح عن كيبيك وان للمجتمع الكيبيكي قيم قلتلها مقاطعا عارف ان في كتاب اسمه apprender le quebec وقريت فيه القيم قالت عارفها قلت ايوه المساةاه بين الرجل والمرءه راحت نظره الي زوجتي و ابتسمت
    قلت وكمان الدوله علمانيه وان النظام السياسي بيعتمد علي الحريه والمشاركة والمساواه ابتسمت وقالت خلاص كده وقمنا سلمنا عليها بحراره
    واخذتنا الي المصعد وهي بتشرح ان الجو في كيبيك هيكون برد علي الاولاد فلازم نروح في الصيف او الخريف

    ونزلنا الي الباب الزجاجي وودعتنا بشياكه وحراره
    عقبالكوا
    انشاء الله
    ربنا يوفق الجميع
    المهم الي عاوز اقوله اني
    ان هذه السيده حياديه تماما وبتعاملك علي اساس درجاتك الي انت المفروض عارفها من وانت بتكتب الابلكيشن وعارف ظروفك ومتطلباتك والتزاماتك
    وقبل اي حاجه توفيق ربنا ليك في الاجابه علي الاسئله

    Nassarlink
    عضو
    عضو

    عدد المساهمات : 78
    تاريخ التسجيل : 29/08/2009
    العمر : 46

    رد: إلّي نجحوا في مقابلات كيبيك يحكوا تفاصيل المقابلات ♥♥♥ مبروك مقدما

    مُساهمة  Nassarlink في الخميس 3 سبتمبر - 8:53

    لي صديق عزيز

    ورفيق في مشوار الهجره الي كندا

    كتب تفاصيل رحلته الي سوريا

    لعمل المقابله هناك

    استأذنته شخصيا بالتليفون في نقل وصف رحلته هنا

    الي ان يشرفنا بنفسه لانضمام الينا

    في منتدي الهجره الي كيبيك

    وسأتابع نشر رحلته الي سوريا

    Nassarlink
    عضو
    عضو

    عدد المساهمات : 78
    تاريخ التسجيل : 29/08/2009
    العمر : 46

    رد: إلّي نجحوا في مقابلات كيبيك يحكوا تفاصيل المقابلات ♥♥♥ مبروك مقدما

    مُساهمة  Nassarlink في الخميس 3 سبتمبر - 8:54


    حمودي في بلاد الشام


    النسخة الكاملة لمغامرات حمودي فى بلاد الشام الحقوا اطبعوها لانها هاتبقى بفلوس بعد كده



    ((نسخة مزيدة ومنقحة))





    اخواني رفقاء الهجرة



    اولا سامحوني على التأخير لان ده غصب عني

    ثانيا احب انوه ان كل حالة مستقلة بذاتها تعتمد على عدة عوامل

    اولا الملف ودرجات المتقدم

    ثلنيا طبيعة موظف الهجرة

    ثالثا الحالة المزاجية لموظف الهجرة يوم المقابلة

    رابعا طبيعة شخصيتك

    خامسا حالتك المزاجية يوم المقابلة

    كنت افضل انا لا اكتب مقابلتي لانني ارى انها اذ ربما تؤثر بالسلب علي البعض ولكن الزملاء وضعوا حلا بإبداء العهود والمواثيق انهم لان يتأثروا بالسلب برغم من انني من اكثر المشجعين لسرد التجارب فى موضوع المقابلات بالذات ولي توبيك بخصوص ذلك حتى لايذهب احد وهو مغمض العينين للتعامل مع المجهول حيث انها ليست 1 + 1 = 2 ولكن يتدخل فيها العامل الشخصي

    انا دائما احب المختصر المفيد وليس لي فى السرد ولكن لابد من السرد لانني اعتقد اذا اختصرت ساخل بالموضوع وفى نفس الوقت ارى ان هناك اشياء لن تفيد لكن لن استطبع ان احذفها من السياق ولكن سأحاول جاهدا ان لااطيل عليكم حتى لاتصابوا بالملل

    (سأحاول ان استخدم بعض التشبيهات لتقريب المعنى فى بعض الجمل )

    اسف لاطالتي فى المقدمة السابقة

    بدأت خطابات الانترفيو فى الوصول للمقدمين للهجرة لكيبك من اواخر شهر 8 وكنت سعيد جدا ( وقد وضعت فى بطني بطيخة صيفي)

    لاننى من اوائل المتقدمين وكان بالنسبة لي انها مسألة وقت ليس اكتر. ثم فوجئت بالمتقدمين من بعدي يأتي لهم خطابات الانترفيو قلت مش مشكلة بردة مسألة وقت الى ان فوجئت بأناس من المتقدمين فى 5/2008 جاء لهم جواب انترفيو برده قلت ( طنش خالص واعمل نفسك مش واخد بالك ) على طريقة محمد صبحي فى مسرحية تخاريف

    وكان عزائي الوحيد ان المتقدمين مؤخرا تأتي لهم المقابلات في سوريا اما انا لانى من القدماء فستأتي لي المقابلة فى القاهرة واهي فرصة اخد اطفالي القاهره قبل المقابلة بيومين وكمان بعدها بيومين للإحتفال بالنصر ولكننى بدأت بعمل خطوات جدية قبل مالجواب يجي ليا مثلا عند ذهابي للقاهره فى اى مأموريه من مأموريات العمل اقوم بدراسة منطقة السفارة وكنت ابحث عن حضانة وذلك لانه لي طفل رضيع وكنت اريد ان اجد له مكان يكون فيه في وقت المقابلة . وفي نفس الوقت قد قررت اى فندق انزل به

    الى ان جاء يوم 5/11 فوجئت ان المقابلة جائت لي فى سوريا طبعا انا كنت متضايق ولكن بدأت فى تعديل خطتى لتتناسب مع الموقف

    اولا قيل لي انا الذهاب الى سوريا يضيف الى درجاتي درجتين فى الدافعيه (مش متأكد من المعلومه دي ولكن اكثر من شخص اكد عليها) فقلت امري لله ابص للجانب المشرق للموضوع

    ثانيا قررت ان اخذ اجازة من عملي قبل المقابلة ب2 اسبوع علشان ابدع فى اللغة الفرنسية التى لو حد جاب لي سيرتها حتى الان اصاب بجالة تشنجا ت وهذيان وبعض الاحيان هستريا

    ثالثا اتصل بمعارفى فى سوريا لمحاولة الوصول الى فندق ذو سعر معقول وفى منطقة حيوية

    وكان معارفي محصورين فى الاخ the Syrian الاخ الخدوم وزميلنا فى المنتدى وبشار الاسد وفاروق الشرع

    ونظرا لعلاقتى المقطوعة من فترة بالاخيرين لاسباب شخصية فضلت ان اتصل بالاخ the Syrian عن طريق الميل وبصراحة عمل الى عليه اكثر من مره ولكنني قررت انى الجأ للحل السهل واتصل بحبيب السواق فاثصلت بيه وقلت له على ميعاد الطائرة ولكن قال لي اننى تأخرت وانها فترة اعياد وصعب وجود حجز قلت له حاول واعطيته ميعاد وصول طائرتي ثم عصرت على نفسي ليمونه وبدأت مذاكرة الفرنساوي

    مابين الاعداد والفرنساوي التعليمي حتى استطيع ان اقيم حوار وكان تحصيلي عالى جدا فى اول يوم

    ثاني يوم جيت اذاكر لقيت ماليش نفس ولقيت نفسي بهرب من المذاكرة زي اى تلميذ بيدور على سبب علشان يسيب المذاكرة ثم عرفت السبب الذي لم ادركة من اول النهار ان درجة حررتي عالية وان اطفالي مصابين هم الاخرين بتشكيلة من اللوز والتهاب الزور الخ ....

    طبعا الى عندهم اطفال عارفين اللعبة بس زادت المرة دي بالاب تحاملت على نفسي وذهبت بيهم جميعا للكشف الطبي وعدت وانا فى غاية الارهاق وظللت ملازم الفراش ل4 ايام ثم بعد ذلك بداء الدور ينقشع ولكن بشكل بطيء وتحاملت على نفسي ولكن كنت بأذاكر بقرف نظرا لالتهاب زوري وصعوبة القراءة بصوت عالي .وظللت كذلك حتى يوم سفري الى سوريا

    Nassarlink
    عضو
    عضو

    عدد المساهمات : 78
    تاريخ التسجيل : 29/08/2009
    العمر : 46

    رد: إلّي نجحوا في مقابلات كيبيك يحكوا تفاصيل المقابلات ♥♥♥ مبروك مقدما

    مُساهمة  Nassarlink في الخميس 3 سبتمبر - 8:54


    عندما حطت الطائرة على ارض مطار دمشق وعرفنا ان درجة الحرارة 1 درجة مئوية كانت مشكلة لنا لان معنا طفل رضيع

    ولكن الحمد لله زوجتى كانت عاملة حسابها كان بيرتدي 12 فانلة داخلية و 6 قميص على تي شرت و12 جاكت وتحتهم 5 بلوفر بالاضافة الى 14 بنطلون و3 شربات وكولون اخواته البنات بالاضافة الى بطانية الاطفال التى اصررت انها تبقى معانا فى الهاند باج

    وعند نزولنا الى مطار دمشق وهو اشبه بمطاراتنا الداخلية بإستثناء منطقة الاسواق الحره وهو حاليا فى طور التجديد ولكن اعتقد بعد التجديد سيظل مطار ملخبط برده

    ذهبت الى ظابط الجوازات لانهي الاجراءات فقام بختم جواز زوجتى وطفلي ثم سئلني سؤالين عن معنى مهنتي لم يعرف يقراءها فى الباسبور فشرحته له بس مااعتقدش انه فهم ثم ذهب على حجرة فى الجنب ثم قال لي المدام ممكن تتفضل بس انت هاتستني شوية فقلت له قد ايه قال لي 10 دقائق عندئذ قالت زوجتي (معتقده انها تنقذ الموقف) وانا من داخلي اتذكر الذكرى السوداء للاخ عمر وال22 ساعه بتوع المطار واخرين وقالت مااعرفش حاجه فى سوريا قلت فى عقل بالي يعني انا الى اعرف المهم قعد يروح ويجي ويكتب على الكي بورد الى نصف مفاتيخها طايره وزوجتى معتقده فى داخلها ان العملية 10 دقائق وانا عارف الى ممكن يبقى فيها لانهم رجعو ا ناس من المطار قبلا وشبح ال22 ساعه بتوع المطار بتوع الاخ عمر امامي وفجأه قال لي تفضل ذهبت للسير واخذت شنطي واستوقفنى اخر للتفتيش وعندما راي ان معي زوجتى قال تفضل ( طبعا احسست زوجتي بالاشقلبلاب لانها كان سبب فى مروري السريع )

    رجال الامن فى سوريا ترى فى وجههم شيئا لاتراه الا فى وجه الظابط المصري (بدون تفسير اكثر)

    وتحسبا لاى ظرف كنت قد اخذت معي تليفونات الفنادق المتوسطة فى الاسعار والتى جربها البعض وشكر فى خدمتها ونظافتها من السابقين على اعتبار لو حدث اى ظرف ولم يأتي حبيب السواق اجيب كارت واتصل من اى كابينة في سوريا ( مش بقول لكم سوريا دي بتاعتنا ) وفعلا عند ذهابي الى هناك لم اجد حبيب السائق

    فذهبت الى الموقف خارج المطار ووجدت اتوبيسات لنقل الركاب الى قلب دمشق فسألت الاخ الذي يقوم بقطع التذاكر عن تليفونات

    وذلك للاتصال بالفنادق ورؤية المناسب منها والذهاب اليه فى المطار فاستعلم عن موقفي وقال لي لايوجد فى المطار اى تليفونات ولكننى استطيع ان اخدمك قلت له كيف قال لي لي صديق سائق تاكسي يعرف الفنادق واسعارها وستذهب معه الى الافضل فى الجودة والسعر ستركب اتوبيس المدينة وسينتظرك بنهاية الخط وقام بالاتصال به ورفض مشكورا انه يأخذ ثمن المكالمة كذلك عند سؤاله عن اى تليفون للتحدث فيه قال لي لايوجد تليفونات فى المطار ولكن يمكن ان تجد فى قلب العاصمة فقررت انى اخوض المغامره وانزل دمشق وكلنت المشكلة تكمن فى اني معي زوجتي واخرابنائي وسبب اننى اخذته معي انه طفل رضيع

    وكنت اتمنى ان اجد مكان سريعا لان درجة الحرارة كانت واحد مئوية وعند نهاية الخط كان السائق بانتظارنا وحدثت مناوشات على اولوية الدور مثلما يحدث عندنا بينه وبين سائقين اخرين لولا انى ذكرت اسمة وهو فهمهم ان منتظرني بناء على معرفة سابقة ذهبنا الى 3 او 4 فنادق من الفنادق الى انا كنت كاتب اسمها وعناوينها والميزة انهم فى مكان واحد لكننى اكتشفت اننا فى العيد والحز كامل واذا كان هناك اماكن فب3 اضعاف المبلغ الى انا كنت اعرفه سابقا وهنا تفتق ذهن السائق عن خطة عبقرية شقه مفروشة ووافقت على مضض لانه كان يدفعنى دفعا لها مما كان يثير ريبتي قليلا المهم اخذنى الى مكتب سماسره يعرفهم هو مسبقا وحبيبي من مصر وعايزين له شقه والحاجات دي وعند سؤالهم عن السعر قالوا لي سعر عالى ولكن اقل قليلا من الفنادق فبعد السمسره يكون الرقم ازيد بحوالي 2.3 من اى فندق (ماتستعجلوش هابقى اسيب ليكم الاسعار فى الاخر)

    وتحت ارهاق الافراد اللذين اتوا من القبيلة معي وخوفا على صحة طفلي الرضيع قررت ان اكف عن البحث والقبول بالامر الواقع نظرا لاننا فى عيد والطفل الذي معنا وتعب زوجتي وذهبت معه لارى الشقه (بصراحه كانت مقرفة) الميزة الوحيدة وجود تكييف ونحن كنا بحاجة اليه حتى لايتعب طفلي .وقام السيد السمسار بعرض مميزات الشقة الى كلها حجرة 3 متر فى 3 متر وحمام بلدي ( بلاطة) ومطبخ تحت السلم طبعا هو ماعرضش الكلام ده هو كان كل الى يهمه انه يوريني ( الديشيتال ) الى فى الشقة الرسيفر يعني وشوف الديشيتال والى بيعملة الديشيتال ياعم سيبني فى حالى انت والدشيتال ده خلاص ادبسنا والى كان كان لاننا دفعنا 5 ايام مقدم وهى فترة اقامتنا لانى خايف انى احجز يوم ابص الاقى نفسي تاني يوم فى الشارع

    استيقظت اليوم التالي لاحاول اكتشاف معالم دمشق ولاحضر فطار ووجدت فى طريقي فنادق فسألت من باب الفضول فوجدت اسعار مقاربة لما كنت اعرفه قبلا ولكن حدث ذلك فى وقت لاينفع الندم وكان لي صديق لم يأتي بعد اتصلت به مره قبل ايجادي للفنادق لاعلمة الوضع الخطر وانه يجي للسمسار العظيم بتاع (الديشيتال) وفى اثناء كلامي معه انتهى الرصيد وبعد ان صعدت الى الفنادق قررت الاتصال به لابشره بشرة الخير تلك وبما انه لم يكن معي رصيد قلت اكلمه من اى كابينة فى الشارع مثل رينجو السوري او ميناتل السوري او النيل السورى مالقيتش قلت طيب اشوف اى حد قاعد على جنب وعنده اتكلم براحتك والدقيقة ب 50 قرش مالقيتش وعرفت بعد ذلك ان لايوجد تليفونات لاسباب امنية وقلت فى عقل بالي بقى هو ونصيبه اعمل ايه اكتر من كده مافيش معايا رصيد الرصيد خلص بسرعه وانا كان فى دماغي ان معي رصيد يكفيني 10 سنين فى سوريا ومافيش تليفونات فى الشارع طيب اعمل ايه عدت الى المنزل اقصد البتاع الى كنت ساكن فيه وذلك بعد استكشافى لجزء من دمشق وكانت لي بعد ذلك طقوس يومية من الذهاب الى احضار الفطار والخروج ليلا الى سوق الحميدية

    ولكن قبل يوم المقابلة عاد البرد لمهاجمتى مره اخرى مصحوبا بالتهاب الزور اياه فقبعت فى المنزل ولكن!!!!!!!!

    Nassarlink
    عضو
    عضو

    عدد المساهمات : 78
    تاريخ التسجيل : 29/08/2009
    العمر : 46

    رد: إلّي نجحوا في مقابلات كيبيك يحكوا تفاصيل المقابلات ♥♥♥ مبروك مقدما

    مُساهمة  Nassarlink في الخميس 3 سبتمبر - 8:55


    ولكن قبل يوم المقابلة عاد البرد لمهاجمتى مره اخرى مصحوبا بالتهاب الزور اياه فقبعت فى المنزل ولكن!!!!!!!!



    اين سنترك طفلي فى وقت المقابلة هل نتركة وحيدا؟؟ ماذا لو استيقظ ولم يجد احدا او زحف وسقط من على السرير او وضعنا المراتب على الارض وزحف ونام على البلاط او اتزنق تحت دولاب او سرير وظل يبكي ساعات او شرق كما يحدث للاطفال

    هل اعطية لاحد يجلس به افرض الى جلست بيه عملت شيء معدوم الضمير مثل سرقته او كما نسمع تجارة اعضاء . علمنا ( بكسر اللام)ان هناك تاكسي يؤجر بالساعة ويفعل ماتطلبه اى يجلس بطفلك فاتصلنا بيه فوجدناه مرحب وموافق الى ان علم سن الطفل فقال تكرم سيدي هذا صغير الى اللقاء

    وهنا قررنا العودة مرةاخرى الى السمسار فبحث عن مربيه من الخادمات الذين يقمن بالتنظيف وكانوا كلما يعرفوا سنة يعتذروا الىان وجد اخيرا مربية وقال لي سعر حوالي 7 اضعاف المتوقع واعتقد ان المبلغ الذى تكلفناه فى ساعتين لو كنا فى امريكا كان من الممكن ان يتكلف اقل ولكننا كنا نعامل كسياح فى بعض الاحيان وكانوا يرون فى وجهنا علامة الدولار واحيان اخرى نعامل كخليجين ولكن كان يهمنى ان انهى هذا الموضوع سريعا وقد انهيته بعد عناء البحث فى حدود الحادية عشر مساء ودرجة الحرارة فى حدود ال1 درجة مثوية

    بالنسبة لي بدأ يوم المقابلة من قبلها بيوم عندما بدأت الاستعداد للنوم وانا من النوع الذي يصعب نومه وعند مرور قطة فى الشارع استيقظ او اذا داعبت نسمات الهواء شجرة فىالشارع الذي اقطن به فلكي انام اعزل نفسي عن الدنيا كلها واضع مخدة فوق رأسي واغلق الانوار والابواب والشبابيك الخ........

    والحمد لله نظرت فى الساعة فوجدتها ال12:32 ووجدت النوم يداعبني ونمت وانا مبتسم لان النوم غلبني ولم يطول ونمت قرير العين فجأه عند ال12:56 رن الموبيل الخاص بي وكان والدي يرن فقط للاطمئنان وانا طبعا ليس معي رصيد للرد عليه طبعا لم استطع النوم مره اخرى بسلاسة الا بعد الثانيه والنصف صباحا فى تمام ال3:30 استيقظت على ارق زوجتي ولم انم الا فى ال5 او بعدها بقليل واخيرا استيقظت الساعه 7 انا جسمي مدغدغ فطرنا وجهزنا انفسنا وتركت الاولاد فى طور الاستعداد وخرجت لالحق بالسمسار الى لسه هايوديني للمربية الذهبية وما ان خرجت من المنزل حتى وجدت ؟!؟!؟؟!؟!؟!؟؟!مشكلة اخرى



    كانت تمطر ومطر شديد وعندنا فى مصر فى مثل هذه الاحوال غالبا نجعل اطفالنا لايذهبون الى المدرسة فكيف اخرج برضيع فى مثل هذا الجو ذهبت لاحضار تاكسي واخذنا يمين فى شمال للبيت ثم للسمسار ثم للمربية واخير انطلقنا على السفارة

    زوجتى كانت تجلس بجانبي فىالتاكسي وهى فى شبهه غيبوبة ( بالبلدي مسخسخه)

    طبعا كل الى فات مايهمكمش بس انتم الى قلتوا احكى بالتفصيل الممل على فكره ده كان المختصر



    السبب ان مقابلات العدد الزائد تتم فى سوريا هو ان كيبك لها سفارة فى سوريا وهو المبني التالي لسفارة كندا دخلت السفارة والمنطقة التى دخلتها عبارة عن قبو اقل من مستوى سطح الارض بحوالى 1.5 متر واكثر وكانت المساحة الى جلسنا فيها تقريبا 3.5 * 3.5 متر ويوجد 3 ابواب باب للمجهول ( لايدخل منه الا العاملين بالداخل ) وبابان واحد مكتوب عليه واحد والاخر مكتوب عليه 2 عرفنا بعد ذلك ماوراء هذانالبابان وهى حجرات صغيرة مقسمة لجزئين جزء نجلس فيه وجزء يجلس فيه الموظف يفصل بيننا زجاج 8 ملم

    وجــلـسـنـا

    جلست زوجتي بجانبي وسخسخت اكتر وانا انشغلت فى البحث عن كاميرا للمراقبة حيث انه قد قيل لي انه يوجد كاميرا مستخبية وقد شغلني الهاجس الامني ( طبعا كنت عايز اقول بصوت عالي بطريقة عادل امام فى النمر والانثي لزوجتى) الناس دول طيبين قوي ياسلام على الكيبكواز ياسلام ناس ماحصلوش ناس محترمة صحيح وياسلام على كيبك بلد رجالة وبتطلع رجالة طول عمرها كل ذلك ونحن فى انتظار باولو الشهير لانني لم ارى احد فى السفارة الا وكانت مقابلته مع هذا الباولو وقد كونت له صورة فى رأسي بأنه نحيف طول حوالي 180 سم مقارب لل60 له هيئة رجال البحر الابيض المتوسط وذلك نتيجة لاسمه خرج هذا الباولو ونادى على شخص اخر وقال له بورد ان ووجدت انه ذو هيئة مختلفة ذو وجهه انجليزي صافي

    وفى اثناء البحث عن الكاميرا المزعومة .......

    هل يوجد منكم من دخل قسم شرطة قبل ذلك؟!؟!؟!؟؟ عفوا طبعا لااقصد كزبون مستديم ولكن مثلا محضر فقد بطاقة او اصدار وثيقة مش عارف ايه الحاجات دي يعني ساذكركم بمشهد شبه متكرر ااااه والله يبيه مانا اااااااااااااه بصوت ترج له القلوب مش انا ( طبعا فاكرني ببالغ )

    بعد 5 دقائق من جلوسي انا وزوجتي سمعت باولو يقول بصوت ظابط شرطة فى قسم شرطة فى منطقة شعبية

    نو اراب

    نو انجليز

    سولمون فرانسية

    دي روايتي

    زوجتي سمعته يقول

    نو اراب

    نو انجليز

    نو فرانسية

    طبعا مش محل خلاف وقتها ولكن بعد المقابلة كنت مختلفين مين فينا الى صح

    اخترق صوته الزجاج ال8 ملم ومن قبله نصف متر التى بينه وبين الزجاج وتقريبا متر او متر ونصف مابين الزجاج والباب الذى اعتقد انه من المفروض ان يكتم الصوت وهو باب الحجرة و3.5 متر ليصل الينا

    فوجدت زوجتى قد سخسخت اكثر ثم قالت لي ماتيجي نمشي بكرامتنا احسن

    انتظرنا بعد ميعادنا بربع ساعه ووجدنا فتاة ظريفة في بداية الثلاثينات تخرج الينا مبتسمة ونادت علي اسمي نطقته خطأ قلت ( بطريقة محمد صبحي فى تخاريف ) طنش خالص واعمل نفسك مش واخد بالك خوفا من ان يظهر احد ينازعنى ويقول ده اسمي ويظهر الفرنساوي المنيل بتاعي فقالته مره اخرى باسلوب تاني طنشت برده قالته مره تالته فقالت زوجتى لها اهو الشخص الى قاعد جنبي ده فصححت لها الاسم بإبتسامة مفتعلة ورخمة فى نفس الوقت

    فقالت انشنتيه ( بس انشنتيه بجد مش زي بتاعة المسلسلات بتاعتنا انشانطييييه) بورد ان

    وفى هذه الاثناء خرج صديقي الذي كنت ابحث له على سكن واعتقدت انه تاه وكان اوفر حظا مني فى السكن وكذلك كان لسه مقبول فكانت بشرى سعيده وكان خارج فى منتهى السعادة

    Nassarlink
    عضو
    عضو

    عدد المساهمات : 78
    تاريخ التسجيل : 29/08/2009
    العمر : 46

    رد: إلّي نجحوا في مقابلات كيبيك يحكوا تفاصيل المقابلات ♥♥♥ مبروك مقدما

    مُساهمة  Nassarlink في الخميس 3 سبتمبر - 8:56


    الــمـقـابـلـة



    دخلت بورد ان وجلست ورأيت فى الزجاج الى امامي انعكاس صورتي فى الزجاج ايه ده ؟؟؟؟؟؟؟؟؟؟؟ايه الى انا شايفه ده ايه الى بيحصل ده

    مش كفاية هدومي الى اتبلت من الشتاء كمان !!! ياترى انا شفت ايه

    طبعا كلكم تعرفوا فيدو ديدو نتيجة للشتاء اصبح شعري مثل فيدو ديدو اذا هدوم مبلله وشعر فيدو ديدو وكمان نسيت احط كالونيا (بفتح الكاف والألف) خلاص المقابلة بازت

    جاءت الموظقة وجلست تتحدث معنا وقالت الشويتين الى فى الاول الى انا مش عارف معناهم ايه بالفرنساوي بس كل المقدمين عارفين معناهم بالعربي انى انا هنا لتقييم ملقك الخ....

    قلنا ماشي قالت ممكن شهادات التخرج قلت اتفضلي واديتها قالت نو ببص لقيتنا بطلع شهادة الميلاد يادي النيله من اولها كده اول القصيدة كفر قلت لها اتفضلي وبصت فيهم وقمت قايل الكلمتين الى انا حافظهم عن تاريخي الدراسي وقلت ياواد ريح دماغك وقبل مالموضوع يهرب قول لها على الدلف فقلت لها وكمان انا معايا الدلف فطلبتة ونظرت فيه واحتفظت بيه مع الشهادات

    ثم سألت رحت فين فى سوريا

    كان العزيز جادوللي قبل ذلك قال انه برغم وجوده فى كيبك من فترة الى انه عندما يسمع الفرنساوي يبرق ويحدث تأثير ات فى جهه لااتذكر قوله بالظبط ولكن انا دائما مايحدث معي العكس عندما اتحدث الفرنسية اجد من هو امامي يفتح فاه ويبرق ووجهه يحمر وتحمر اوداجه وتحدث بوادر عصبية لو كان لسانه الام الفرنساوي ( اعتقد ذلك ناتج عن عدم فهمه الفرنساوي الحديث وتعليمهم الخاطيء في بلادهم) فى الاخرماحدش بيفهم الفرنساوي الحديث بتاعي

    وفجأه لقيتها تحولت للانجليزيه بعكس ماهو متوقع بعد حوالي 5 دقائق من اللقاء لانه دائما ( تبعا لتجارب الزملاء السابقة ) الانجليزي غالبا فى التلت الاخير من المقابلة والربع الاخير كمان ( من داخلي احسست انها بشرة خير )

    وهات ياانجليزي وانا سعيد من داخلي ثم سألت عن فرنساوي المدام وبعدين قالت لي انا هاقيم الفرنساوي بتاع المدام واشارت لي بالسكوت بحركة ظريفة سألتها عن الدراسة والاطفال ومراتي ذات المستوى الاول اجابت بفرنسية سليمة وطلاقة ( على فكره ماكانتش تعرف فى الفرنساوي الا الكام جمله دول حتى الالوان حفظتها 4 بالعافية قبل المقابلة تحسبا لاي سؤال مفاجيء)

    قالت لى مره اخرى بالفرنسية لماذا كيبك اخوكم كان حافظ حوالي 16 جملة مكلكعين وكنت حافظهم ميه ( بتشديد الياء) قلت لها اول جمله فقالت لى انتظر لانني كنت اسرع من يدها فى الكتابة فتظاهرت بالتعاون ونطقت ببطىء ثم الثانية وال يعني بستنى لما تكتب كل كلمة لحد ماهي زهقت وانا زهقت فى الجملة الرابعه هى كانت سريعه فى الكتابه بس لما انا دخلت فى الاول كنت اسرع من المطلوب بس بصراحه ماجاليش نفس اكمل مش عارف ليه مع ان ده اهم سؤال وكمان الى بيتحدد عليه الدافعية والحافز ولكن لااعرف لماذا رفضت من داخلي انى اكمل وهى فضلت منتظره وانا مطنش وعامل نفسي مش واخد بالي ومستنيها لما تنقل على الى بعده وبعدين الحمد لله انتصرت ونقلت على الى بعده ( بس ماحدش يعمل كده انت المفروض تتكلم وتتكلم لحد مالموظف يزهق فى السؤال ده بالذات ويقول لك كفاية زي ماحصل مع معظم الزملاء او على الاقل تقول 10 جمل بدوافع مقنعة ) لكن انا مش عارف ايه الى حصل ليا يمكن جت ليا نعرة فرعونية ( ايه الكيبكاوية دي الى عمالة تستجوبني انا المصري كريم العنصرين )

    ثم استدارت لي وقالت لي تعرف ايه عن كيبك السؤال الالزامي ولكن وهيهات هل تعرفون لماذا هيهات ؟!؟!؟!؟؟؟!

    Nassarlink
    عضو
    عضو

    عدد المساهمات : 78
    تاريخ التسجيل : 29/08/2009
    العمر : 46

    رد: إلّي نجحوا في مقابلات كيبيك يحكوا تفاصيل المقابلات ♥♥♥ مبروك مقدما

    مُساهمة  Nassarlink في الخميس 3 سبتمبر - 8:57


    ثم استدارت لي وقالت لي تعرف ايه عن كيبك السؤال الالزامي ولكن وهيهات هل تعرفون لماذا هيهات ؟!؟!؟!؟؟؟!

    لاننى اعتقد اننى اول شخص يسئل هذا السؤال بالانجليزية يادي النيله عمال احفظ تاريخ كيبك بالفرنساوي الى مش طايقه ولافاهمه (مش تاريخ ولا حاجه هما 3 جمل بضم الجيم )

    ورئيس الوزراء مش عارف مين وشوية الحبشتكنات الى انتم عارفينها بتاع 20 جملة بس خفاف مش مكلكعين حفظهم سهل

    من اول الهجرة وده حلم مش ليا بس للجميع ان احنا تكون المقابلة بالانجليزي ولكننى وجدت نفسي فجأه عاجز عن التعبير لانني عند الرد لم استطع الرد التلقائي بالانجليزي ولا بالفرنساوي كمان كنت حافظ و وجدت نفسي اقوم بترجمة الجملة من الفرنساوي إلي مش فاهمه وعمرى مافهمته الى الانجليزي وبدأت التهته قلت لها البريمير ( بكسر الياء الثانية) منستر جون شاريه لا مش بتنطق كده لا انا لازم اقولها انجليزي اقصد البريمير (بتسكين الياء الثانية ) وحتة انجليزي على حتة فرنساوي حتى التواريخ لاول مره اجد نفسي احاول انطق ارقام انجليزيه بصعوبة لاننى كنت اولا اتذكر التاريخ بالفرنساوي ثم اطبع صورة ضوئيه فى ذهني ثم اقوله بالانجليزي فلم استطع الكلام بتلقائية فمثلا طول عمري اقول التواريخ 1972 اقولها نينتي سفنتي تو ولكننى وجدتا نفسي اجيبها من اول زرع وحصد باللغه الانجليزية ( وان زاوزند ناين هاندرد سفنتي تو) المهم زهقنا من بعض ووقفنا عند المعلومه الى قلتها لها ان برلمان كيبك من اقدم البرلمانات كانت غير مقتنعه ( ويصراحه ولا انا كمان ) قلت لها ياستي من اقدم البرلمانات انا هاضحك عليكي دا انا جايبها من على النت دي حاجات ديجيتال ( اقصد ديشيتال ) لسه ماوصلتش كيبك المهم وصلنا لتسوية وترضية مقنعه لنا نحن الاثنان قبل مانمسك فى بعض وتستناني بره السفاره بعد المقابلة الا وهي ان برلمان كيبك يعد فعلا من البرلمانات القديمة لانه قبل برلمانات افريقيا والشرق الاوسط

    قالت لي ماذا ستعمل فى كيبك قلت لها مهنتي وانا اعلم انها تحتاج الى تصريح وساحاول الحصول عليه فقالت لي ان لم تحصل عليه ماذا ستفعل (قبل المقابلة كنت متوقع هذا السؤال وكنت ناوي افحمها الى كنت مجهزة انى اقول لها انى هاشتغل عملى ولكن بوضع مؤقت ولفترة محدودة هاشتغل مساعد ثم بعد ذلك وبعد الحصول على تصريح او عمل معادلة سأعود الى وضعي الطبيعي وخبرتي تؤهلني الى ذلك فأنا اعمل منذ مايقرب من 15 عاما فى هذه المهنة وانا اعتقد ان رخصة المزاولة التى معي يحملها اعداد قليلة (طبعا ولاقليلة ولاحاجه ) ده الى كنت ناوية

    ولكنني بعد ان قلت لها تحتاج الى تصريح وانني سابحث عن اى وظيفه اخرى قالت لي مثل ماذا قلت لها مثل صراف او بائع ثم لقيت نفسي عمال اكر ( بضم الكاف ) الاعمال المتواضعه اشي عامل فى بنزينه واشي سوبر ماركت ايه الى انا بهببه ده ( مع احترامى لكل الاعمال) او سائق ( يمكن دي جوايا رغبات دفينة وطلعت نتيجة للمقابلة ) لكن احسست فى وجهه بلحظة تفكير وتمعن ثم سكتت

    فقالت لي بهدوء الافعى قبل ان تنقض على فريستها وتقريبا فعلت مثلها بان ارجعت جزعها للوراء قليللا هل انت الذي قمت بمليء الابليكيشن الخاص بك قلت لها لا مكتب من المكاتب لان عند بدء مشروع الهجرة كان الفرنساوي ضعيف وخفت انى الخبط الدنيا

    قالت لي وقد انقلب وجهها الطفولي البشوش المتفهم الطيب الحنون الوديع الى كان شغال معانا طول المقابله بطيابة وقالت وهى تقلب الورقة مثل الفطاطري لما يقلب العجينة بتاعة الفطير وهي تكاد تلزق الابليكيشن فى الزجاج وهى مغمضة عين ومفتحة عين وتتعامل معي باسلوب شرلوك هولموز بولاق الدكرور تفسر بايه المستوى العاشر الى انت كنت حاطة ليك ولمراتك فى الفرنساوي ( كان المكتب الى انا كنت متعاقد معاه من باب تعزيز فرصتنا فى القبول كاتب ان انا ومراتي مستوى عاشر ) فقلت لها كنت متخيل اننى ساصل الى ذلك المستوى ولكن نظرا لظروف عملي واطفالي وظروف زوجتي فقد انتهيت عند المستوى الخامس بشكل مؤقت

    فتنفست الصعداء ورجعت لطيبتها المعهودة

    خلاص كده مر حوالي ساعة و20 دقيقة كفاية بقى ياستي

    ثم استدارت مره اخرى وسألتني اغبى سؤال ممكن ان يسئل فى المقابلة ؟!؟!؟!؟!؟؟!؟!؟!؟!؟؟!؟!؟!

    لدرجة اننى لم افهمه فقالت لي بالفرنساوي ماهو الفرق بين اللغة العربية واللغة الفرنسية استغرابا للسؤال قلت لها عيدي

    قالته مره اخرى بشكل ابطيء لم اصدق انه هذا هو المقصود قلت لم افهم فقالته بالانجليزية ووجهها ولسان حالها وطريقتها توحي بانها ناقص عليها تقول ( اعمل له ايه ده يااختي )

    قال عيدي عدنا قال مافهمتش قلنا بالانجليزي ولسه مافهمش

    فأعدت عليها السؤال باللغة الانجليزية باسلوب مختلف فقالت هذا مااقصدة فقلت لها الفرنسي بها كثيرا من القواعد كذلك لايوجد ادوات نكرة فى اللغة العربية فاقتنعت واحسست انها انتهت مني ثم مره اخرى قلت لها ولكن محدثا نفسي كثيرا من القواعد ولو ان لها ملكة قرأة الافكار واعتقد انها قرأت مافي وجهي وقتها وهو (كثيرا من القواعد الغبية)وبنفس الطريقة المباغتة وبنفس الاسلوب استدارت الى زوجتى وقالت لها كيف قضيتي الويك اند الى فات طبعا انا قلت عليه العوض هاتجيب كلام منين دا انا زوجتي لسه مستوى اول وبالعافية

    لقيت ربنا كرم زوجتى بكلمتين بساط واجابات بطلاقة وسرعة لم اتوقعها ولكن كافيين انه تقفل المواضيع

    قالت لها قضيته فى البيت

    اتفرج على التلفزيون ( من سنة اول ثانوي) ومع اولادي

    كنت عايز اقول ايه الجمال ده ايه الحلاوة دي بطريقة الاخوه الهتيفة ايام الانتخابات بتاعة مجلس الشعب

    عند ئذا تنفسنا نحن وهى الصعداء حسينا ان احنا خلصنا من بعض هي حست انها عملت الى عليها وانا حسيت انه كفاية خنقة بقى

    هووووووووووووووووووووووووووووف واستدارت لنا وتركت اللاب توب وقالت



    انتم مستواكم فى اللغة الفرنسية لايؤهلكم لدخول كيبك؟؟؟!؟!؟!؟؟!؟!؟!
    [b]

    Nassarlink
    عضو
    عضو

    عدد المساهمات : 78
    تاريخ التسجيل : 29/08/2009
    العمر : 46

    رد: إلّي نجحوا في مقابلات كيبيك يحكوا تفاصيل المقابلات ♥♥♥ مبروك مقدما

    مُساهمة  Nassarlink في الخميس 3 سبتمبر - 8:57


    ولكن درجاتكم تبعا للقانون مش عارف كام تؤهلكم لدخول كيبك مش عارف القانون القديم والا الجديد واننا ذا طبقا عليكم القانون كذا فانكم لن تقبلوا ولكن الابلكيشن بتاعكم مطبق عليه القانون رقم كذا او قانون سنة كذا وبناء عليه فانتم مقبولون فقلت لها مداعبا لاننى كنت احس انها ستقول ولكن بعد ان قبلتنا ارجوك لاتقولى ولكن وانا اضع يدي تحت ذقني مثل الهنود

    فقالت مبتسمة باسلوب ظريف وهي تطنطط على الكرسي لا لازم اقول لك ولكن وقالتها مره اخرى مبتسمة بشدة لازم اقول لك ولكن

    لازم تقوا الفرنساوي بتاعكم لان مهنتك تحتاج الى لغة وقالت لزوجتى حتى لو لم تعملي فانتى تحتاجين اللغه لمتابعة الاطفال فى المدرسة

    ثم قالت لي انت تعتقد انك جيد فى مهنتك ومع ذلك قبلت بوظائف بعيدة تمام الاولى لك ان تعمل مساعد في مهنتك ثم تدخل مهنتك بعد عمل المعادلة او اخذ التصريح قلت لها فى عقل بالي ( يبنتي والله ده الى انا ناوية ولكن اعمل ايه وبطريقة محمد هنيدي فى فيلم بخيت وعديلة الجزء الاول ( دا انتى عليكي هيبة ياست انتى نستيني كل حاجة ))

    ثم لم تتم الفرحة عندما قالت ولكنى ااسفه لان الكمبيوتر عطلان وبالتالي سابعث لكم السي اس كيو على البريد شكرناها وخرجنا وعنئذ رأيت فى وجه زوجتي شيئا رأيته قبل ذلك فى وجهه نصار لينك وسمعته فى صوت ابن سيناء

    وفى صوت محمود الامبابي بعد المقابلة وفي صوت احمد يحي بعد المقابلة واخرون ممن انا على علاقة مباشرة بهم او علاقة عبر النت او علاقة تليفونات

    هذا الشيء مزيج من الراحة النفسية وازاحة حجر ثقيل من على الصدر على مزيج من الثقه والافتخار هذا الشيء لم اجد له اسم الا السي اس كيو ولكن بالنسبة لي فأنا ارى اننا نجونا من مقصلة ولكن لازال هناك مقصلتان الفيدرال ثم الطبي
    خرجنا ووجدنا شاب مصري قاعد فى البهو فقال لنا الاخبار ايه قلت له الحمد لله فقال المقابلة سهلة قالت زوجتى والتى فجأه اصبحت خبيرة فى شئون الهجرة (كان كل علاقتها بالهجرة انى عرفتها بالقرار في اوائل عام 2006 ثم بالعافية ذهبت تأخذ كورس فرنساوي فى شهر اغسطس الى فات بعد الحاح مني ومساومات مين الى هايقعد بالاطفال بالاضافة الى اعرابها فى اول كل اسبوع عن رغبتها في ترك الكورس وان نصرف نظر عن موضوع الهجرة ده ) فقالت للشاب الحمد لله كلها بالانجليزي فتهللت اسارير الشاب
    قلت لها وانا اجز على اسناني اشكوتي انتى هاتضيعي الولد قلت له وانا يلاحقنى الهاجس الامنى بتاع الكاميرا الى مش عارف مكانها وقربت منه حتى لاتراني الكاميرا ولا الست دومينيك وقلت وانا اجز على اشناني اوعى تتكلم غير فرنشاوي انا ومراتي لنا ظروف خاصة واستكمالا لمظهرنا الحضاري قمت فتحت الباب لها بطريقة راقية مثل رشدي اباظة فى افلامة وانا اكاد اقول باسلوب مسرحي فلتتفضل الهانم وخرجنا من السفارة ونحنا نحافظ على مظهرنا الحضاري عند الباب افتح لها الباب وهى تتقدمني لحد ماخرجنا منطلقين وفى نفس الوقت بدأنا نعود الى مصريتنا شيئا فشيئا واختلفنا عن سبب النجاح فانا ارى ان سبب نجاحنا جاذبية الرجل المصري على فتيات الكيبكواز وزوجتي تقول ان السبب هو مجموع الدرجات وذهبنا لنحضر طفلنا من عند المربية الذهبية ونعود الى الشقة الديشيتال





    وطني وان جار علي عزيزا واهلي وان ضنوا على كراما

    عدنا الى القاهره وطبعا السائقين فى المطار بيلقحوا جتتهم بس كل ماتبعد طبعا السعر بيقل يعني الى بيقابلك اول ماتخرج تبقى التوصيلة ب9000 جنيه لاي مكان داخل مصر وتفضل تقل كل ماتبعد لحد ماتبقى 35 جنيه لاي مكان داخل القاهرة وطبعا لازم ينصب مثلا وهو بيحكي ليا هو بياخد 35 جنيه قال 5 كارتة المطار و30 للتوصيلة وهو واقف اصلا على او خارج حدود المطار بس قلت لزوجتي وحشني النصب المصري زهقت من النصب السوري وقبل ان اصل الى المنصورة بربع ساهة اتصل بي والدي فقلت له باقى ربع ساعة انا على بعد 20 كم الان فقال سأنتظرك قلت له ماشي بس ماتتأخرش قال ليا انا نازل اصلا ثم رجعنا الى المنصورة والحمد لله طفلي الرضيع اصبح خالي من البرد نتيجة للحاجات الى كان لابسها وقلت ليكم عليها قبل كده والتكييف السخن الى كان فوق دماغنا لكن لم اجد والدى قلت زمانة جاي اتأخر شوية كل ده والتاكسيات تكاد انهم ينزلوا يركبونا بالعافية معهم لقلة الزبائن كل تاكسي يعمل فرامل ويرجع بظهره ويقول على فين واحنا نقول مستنين ناس وانا عمال ارن على والدى ماهو التليفون اشتغل وال 7 جنيه الى كانوا باقيين فيه بقوا ثروة الوقتى وممكن يتصلوا بتاع 25 دقيقة

    وانا عمال ارن والوالد مطنش وابني بداء يتململ ويوقع البطانية من علية ونحطها عليه طبعا الى عنده اطفال عارف لما الطفل يرمي جزعه لورا وكنا واقفين عند الاسناد مافيش عمارات ولاحاجه حولنا تيارات هوائيه من كل ناحية وابني مش عاجبة وعمال يشيل البطانية والوالد ماجاش وخايف امشي يجي وخايف استناه طفلي يتعب تاني واخيرا جاء

    كان الوالد لقى وهو جاي سوبر ماركت فاتح وكان فى ضيوف جايين فقال اجيب الحاجة بالمرة لحد ماابقى ارن له واتاريه عامل موبيله سيلنت وعادت الينا التهابات اللوز مره اخرى وبدأت العدوى من جديد لي ولزوجتي ولاولادي (طبعا ماالشمل اجتمه تانى ) يعني فى كل الاجواء دي تجنبنا البرد ورجع تانى البرد والانفلونزا والتهابات اللوز وتوابعهم علشان النص ساعة الى وقفناه من 6:25 صباحا حتى 6:55 صباحا ثم رجوت والدي الايقول لاطفالي بعودتنا حتى نكمل نومنا لاننا لم ننم من امس وعند دخلوي الى منزلي كانت سباكة اسفل الحوض ضربت قلت مش مهم يعني هاتيجي على دي ونمنا بعمق ولم تمر الا ساعة الا وجدت دماغ تدخل على (كما ذكرت لكم سابقا اى شيء يجعلنى اصحو ( كان ولي عهدنا) )يريد الاطمئنان علينا ولكن لايريد ايقاظنا طبعا صحيت وجاءت من عبده ابنتي الصغيرة والتى تجرى فى المنزل مثل مدام شجرة الدر فى مسرحية سيدتي الجميله ثم من بعدها ابنتي المفكرة وبعد ان ايقظونا ( لم يدم بقائهم معنا الا دقائق ) انسحبوا ليذهبوا ليكملوا لعبهم كأن دورهم كان ايقاضي فقط ونحن لم ننم بعد ذلك الا فى الواحدة من صباح اليوم التالي تعب مع ارهاق مع جميع انواع البرد والانفلونزا خدوا عندكم ( انفلونزا والتهابات اللوز و رشح وزكام وحاجات تانية انا مش عارفها ....) نتيجية للتغيرات الجوية الكثيرة التى تعرضنا اليها

    Nassarlink
    عضو
    عضو

    عدد المساهمات : 78
    تاريخ التسجيل : 29/08/2009
    العمر : 46

    رد: إلّي نجحوا في مقابلات كيبيك يحكوا تفاصيل المقابلات ♥♥♥ مبروك مقدما

    مُساهمة  Nassarlink في الخميس 3 سبتمبر - 8:58


    ســـوريـــا



    بالنسبة للاسعار فى سوريا

    وذلك حتى يقوم القادم بعمل ميزانية

    سعر الفرخة ( الفروج ) ومعها بطاطس ( بطاطا) 300 ليرة سوريه ذات حجم كبير ومحمرة او مشوية بعناية

    سعر سندوتش الشاورما 50 ليرة سوريه (سندوتش فينو 25 سم او فى عيش لبناني كبير)

    طبق شاورما 100 ليرة

    متوسط اسعار السندوتشات فاهيتا مكسيكان كبدة فليهات الخ ( سندوتشات ذات مستوى جيد واتقان ) من 50 ليرة سورية الى 65 ليرة سورية

    علبة فول متبلة 50 ليرة سورية تكفي شخصان

    قرص الطعمية ( الفلافل) 5 ليرة سورية

    فتة ( جربوها مش هاتندموا) دى عند بتوع الفول اقل شيء 75 ليرة سوري وفى المناطق الشعبية يمكن ان تأخذ طبق من البيت وتذهب لاحضارها فيه مكونة من ( حمص شام عيش محمر وعيش مش محمر وطحينه وزيت ومش عارف ايه كمان)

    كيلو موز فاخر 40 ليرة سورية

    تفاح 75 : 80 ليرة سورية

    برتقال بصرة 25 : 30 ليرة سورية

    كيس عيش ( لبنانى 1 كجم ) 35 ليرة سوري

    زبادي 200 جم 15 ليرة سوري

    زجاةج مياة غازية 2.25 لتر 40 ليرة

    زجاجة مياة معدنية 15 ليرة

    لبن 1 لتر 40 : 45 ليرة

    معجنات 15 ليرة وفى ب10 و20 ولكنها جيدة (بيتزا عليهالحم مفروم او سبانخ او فراخ اقصد فروج بكمية كويسة وليس قشرة طماطمية او قشرة زيتونة)

    الملبوسات اقل من مصر ب 20% : 30%

    السكن

    الفنادق للفرد من 500 ليرة الى 2000 ( ده الى اعرفه ممكن يكون فى اكتر واقل ) فى الايام العادية

    الشقق ابتداء من 1200 ليرة

    الحل الامثل فى السعر الدير 600 ليرة للفرد ( مستوى خدمة جيد نظافة ممتازة) ولكن يعيبة البعد كنيسة مقام القديس بولس باب شرقي طريق جومانة مفرق دويلعة طبالة تليفون 00963114723377

    mstpaul@mail.sy



    وسأكتب الفنادق التى ارى ان سعرها مناسب

    فندق الديوان دمشق بحصة مدخل ساروجة 2318567 - 2318567

    فندق الخيام ش 29 ايار خلف سينما السفراء2323301-2323300-2323302

    فندق القصر الفرنسي دمشق شارع 29 ايار جانب مطعم الكمال 2314015 - 2321950

    فندق الحرمين سوق ساروجة البحصة 00963112319489

    alharamain_hotel@yahoo.com

    فندق ش خالد بن الوليد جانب المطبعة الرسمية 00963112226737

    فندق الثورة خلف القصر العدلي 00963112228558

    فندق البرج الفرنسي ش 29 ايار 009633112314000

    لو عايزين شقق ممكن تنزلوا ش المزرعة عند جامع الايمان او خلف السفارة الروسية يوجد سماسرة كتير او جرنان الوسيط بتاع دمشق من على النت تقدر تدخل عليه زي بتاع مصر

    الادوية اغلى من مثيلاتها فى مصر

    المواصلات

    التاكسي بالعداد ولكن عندما يعرف انك اجنبي بيطنش فيجب انك تقول له شغل العداد بداية البنديرة 5 ليرة بس فى حالة عدم التشغيل ومعاملتك على انك اجنبي من 100 الى 150 ليرة

    الميكروباص اسمه السرفيس 10 ليرة سورية

    الليموزين من المطار من 1100 ليرة الى 2000 حسب حجم السيارة

    ولكن الاتوبيس من المطار الى البرامكة 45 ليرة والشنطة 25 ليرة ويمكن اخذ اى سيارة اجرة ب100 ليرة الى اى مكان او ميكروباص ب10 ليرة وذلك بدلا من 1100 ليرة الليموزين

    ولكن سائق التاكسي برغم انه ممكن انه يكون سمسار ويبيعك زي السائق الى عمل معايا فى اول رحلتي الا انه الطف من السائق المصري واكثر طاعة ممكن استنى هنا انتظرني هنا يعنى السائق بتاع ميلودي مش موجود هناك بالاضافة الى انهم هناك سجن على طول للمخالف



    الاتصالات

    لايوجد سنترالات ولاتليفونات فى الشارع ولا اتكلم براحتك الدقيقة ب 50 قرش ولاكبائن

    الحل البديل شراء خط ب 350 ليرة وشراء رصيد ب300 ليرة ويمكن بيع الخط عند العودة

    والحل الامثل الذهاب بخط اتصالات من مصر وتقوم بالبحث عن الشبكة عندما تصل لسوريا لفتح خدمة التجوال يوجد شبكتان نفس الجودة فى دمشق اختار اى منهما سعر الدقيقة لمصر ب7.8 ودقية الاستقبال ب 3.4 والرسالة 1.8 واستقبال الرسالة ولله الحمد مجانا

    يوجد تجوال لفودافون ولكن يزيد السعر قليلا عن اتصالات مثلا دقيقة لمصر ب10 جنية وتقريبا دقيقة الاستقبال 4 جنيه الاتصال داخل سوريا 6 جنيهات

    موبينيل لايوجد به خدمة تجوال فى سوريا



    الشعب السوري ارى انه ودود ولكن بحرص لان سوريا دولة بوليسية ممنوع الكلام فى السياسة ورأي هذا بعكس رأي زوجتى التى ترى انهم شعب مستغل ولم تدرك انها مخطئه الا فى النهاية وسبب ذلك اننا معظم تعاملتنا كانت مع سائقي التاكسيات والسماسره واعتقد ان هذه الطبقة اسلوبها واحد فى مصر وسوريا ولكن سائقي التاكسي اقل حدة نظرا للقانون واعتقد انك بركويك التاكسي تكون قد اجرت السائق مثلا ممكن ترسله الى مشوار او تجعلة ينتظر وسينتظر بدون ملل مادمت ستدفع او تجعله يقف فى انتظار انك تجيب حاجه من مكان ما

    ولكنها تأثرت بما تم من استغلال لنا فى السكن ومع بعض سائقي التاكسي بالاضافة الى المربية الذهبية اتذكرون الاخ الذى قابلته فى مطار دمشق وقام بالاتصال بصديقة سائق التاكسي لمساعدتى

    احسست انه فعل معي جميل شديد حتى اننى ذهبت لاشكره عند مغادرتي ولكنى لم اجده فتركت له رسالة شكر وبعد الدخول الى المطار من الجهة الاخرى وجدت قرب صالة المغادرة فى المطار شركة الاتصالات الوحيدة التى وجدتها فى سوريا فهو لو لم يبخل علي وقام بإعطائي مكان السنترال بدلا من إدعائه بعدم وجود سنترال وإعطائي الى زميلة (سائق التاكسي السمسار)كان من الممكن وضع اقامتى يختلف فى سوريا

    Nassarlink
    عضو
    عضو

    عدد المساهمات : 78
    تاريخ التسجيل : 29/08/2009
    العمر : 46

    رد: إلّي نجحوا في مقابلات كيبيك يحكوا تفاصيل المقابلات ♥♥♥ مبروك مقدما

    مُساهمة  Nassarlink في الخميس 3 سبتمبر - 8:59


    ولكن فى المقابل كان هناك اناس متعاونون وفي غاية الطيبة سأذكر اخر موقفين تعرضنا لهم كنا نجلس فى المسجد الاموي قبل السفر ب12 ساعة وجلت الى جوارنا اسرة سورية ودردشنا معهم وقاموا بقول ذكرياتهم عن مصر ونحن قلنا ماتعرضنا له فى سوريا وهم يقطنون بضاحية شعبية هناك وبعد انتهاء التعارف وحلول موعد مغادرتهم وذهابهم وجد السيدة والتى تمشي بصعوبة تأتى من اخر الدنيا لتعطي لزوجتى تليفون منزلها وتقول انها على استعداد لفعل اى شيء او اذا احتجنا اى شيء من السفارة يمكننا الاتصال بهم من مصر وسيقومون بإنهاء الاجراءات او اى مساعدة يستطيعون تقديمها لنا وقالت لنا نحن شعب طيب جدا ولكن توجد عدة انفجارات حدثت الايام الفائتة جعلت الجميع حذربن ويقبعون فى بيوتهم وكذلك ممنوع التحدث فى هذا الموضوع وعادت وهى تمشي بصعوبة بطول المسجد الاموى على الاقل 100 متر رايح جاي

    موقف اخر

    وكذلك الاخ the Syrian ومحاولة المساعدة مع انه بقطن فى حلب

    ذهبنا الى المطار قبل موعدنا ب6 ساعات وقد هلكنا من كثرة المشي كذلك لاننا فى اخر اليوم وغير مسموح لما بالدخول الى صالة المغادرة لان ميزان رحلتنا لم يفتح وكما ذكرنا سابقا ان مطار دمشق فقير فى الخدمات وقد مر علينا شاب عدة مرات وفى الاخر سألنا عن طائرتنا وقلنا له باقي 6 ساعات وعلامات الارهاق تبدو علينا فما كان منه الى ان ادخلنا فى منطقة محظورة فى المطار ربما تكون طائرة او صالة كبار الزوار او مكان خاص اخر او سيارة خاصة المهم شيء ممنوع دخولة الا الى فئة محدودة ولكن لااستطيع تحديدة خوفا من يتعرض لاذى هذا الشخص الكريم ( وانتم تعرفون ان من يقوم بفعل كهذا يعدم في ميدان عام فى دولة بوليسية ) لم يفعل هذا الشخص ذلك بالرغم مما سيتعرض له ولن ينال منى الا شكرا بل ربما يتعرض لاذى شديد بمعنى الكلمة



    الشعب السوري من (وجهة نظري) من اقرب الشعوب الى المصريين ولكن بإختلاف قليل هو اكثر حلاوة فى اللسان واقل اندفاعا ناحية الغرباء

    بإختلاف اللكنة لن تحس بغربة فى سوريا الشوارع الى حدا ما متشابهه

    مثلا العسكري هو هو بالبدلة الكاكي الى ممكن تكون مأذعرة علية وبغلبة

    رأيت كونستبل سورى احسست اننى ارى كونستبل مصري بنفس كل حاجة نفس الموتوسيكل نفس الخوذة نفس البدلة والبوت والغباء

    شوارع منطقة المزرعة و هي المنطقة التى اقمت بها وشارع 29 ايار خليط بين شوارع وسط البلد فى القاهره ومصر الجديدة ولكنها تعد من المناطق الراقية فى دمشق

    نتحدث الان عن الفسح الغير مكلفة وبردة مش هاتحس بغربة

    اذا ذهبت الى سوق الحميدية فقبلة سوق بالظبط كأنك ماشي فى العتبة اشياء مفروشة على الارض وبعض الملابس البالة وملابس بأسعار معقولة ثم واحد واقف باربع صفائح سمنة مليئة بالبسكوت السائب وبيع ياجدع ويوجد اطفال فى عمر 12 سنة بيبيعوا بعد ذلك يبدء سوق الحميديه على ايدك الشمال بس تنزل من نفق

    تدخلة بالظبط كأنك ماشي فى شارع فرنسا بتاع اسكندرية بس مافيش بتوع دهب الا عدد محدود لو هو فاضي تمشية فى 10 دقايق بالخطوة السريعه زحمة يبقى 3 ساعات

    فى نهايتة يوجد المسجد الاموي والذي يذكرك بساحة المسجد الحسين على اضيق قليلا يوجد بالمسجد الاموي قبر (بس مش متأكد من المعلومة انا بنقل مشاهدتى فقط) مكتوب علية رأس سيدنا يحي

    بعد ذلك يوجد باحة خلفية به قبة جميلة بس اوعوا تمشوا عليها فى الصقعة لان رجلكم مش هاتستحمل المهم هي زلقة (وبصراحة اخوكم برغم ان عندي 37 سنة الى انه عندما اجد ارض زلقة وياسلام لو عليها شوية رمل اتلفت حولي وعندما اتأكد من عدم وجود احد من حولي ...... ثم زووووو) (يعني اسكيتينج)

    يوجد باب تخرج منه على قبر صلاح الدين

    ومن الناحية الاخرى وبعد المشى اقل من 5 دقائق يوجد مبنى يسمى بيت عظم بيت اريخي وظريفوفى اثناء ذهابك الى بيت عظم تمر على شارع يشبهه الى حد كبير خان الخليلي

    وبه سوق يسمى سوق الحب (بهارات وحبوب) ومنه شارع يسمى خان النسوان ( مثل زنقة الستات فى الاسكندرية) لبيع الملابس الحريمي فقط

    مش قلت ليكم مش هاتحسوا بغربة

    بس بشرط تبعدوا عن السماسره والمرتزقة والمربية الذهبية لان دول بيعاملونا على اانا خليجين والبعض بيعاملنا على اننا اجانب وكانوا بيشوفوا علامة الدولار ويلكوم ويلكوم

    فى وشنا والبعض

    الاخر كان بيناغشنا لما يسمعنا بنتكلم علشان حابب اللهجة المصرية والبعض بيرحب بدون مقابل

    ولكن لاكلام فى السياسة اوعى ثم انت مالك انت رايح تجيب تأشيرة والا تتكلم فى السياسة اتشطر هنا لو انت جدع اهو نتعذب من امن الدولة الى عارفينهم احسن من الى مانعرفهومش

    ستجد صورة السيد الرئيس القائد الملهم فى كل مكان ومن الممكن ان تجد حكمة ومواعظة ايضا وكلمات مش غريبة على ودانا سمعناها بس بشكل مختلف مثل لاعزة للعرب الابسوريا إن عزت عزوا وكما قلنا ستجد صورته فى كل مكان عند الحلاق وعند الترزى وعند بتاع الفول والفلافل وصورته وهو لابس لواء وهو لابس بدلة وهو مع اسرته وهو بنضارة شمسية وهو من غير نضارة شمسية وهو فى الحمام ( طبعا انا لاانقد واتكلم فى السياسة ولكني اوصف حالة)

    دي سوريا من وجهة نظري وارحب بأي تعديل او اى رأي مخالف



    مطار سوريا كما قلنا سيء والحمامات الى فيه عاملة زي المراحيض وفيه الى بيشيل لك الشنط علشان يحطها فى الكاشف التليفزيوني يودعك بحرارة ( طبعا ده كان موجود فى مطار القاهره لحد سنة 2000 بس ماشفتهاش المرة دي)

    jessika
    المشرف العام
    المشرف العام

    عدد المساهمات : 182
    تاريخ التسجيل : 02/09/2009
    العمر : 36
    الموقع : www.quebecimm.ahladalil.com

    رد: إلّي نجحوا في مقابلات كيبيك يحكوا تفاصيل المقابلات ♥♥♥ مبروك مقدما

    مُساهمة  jessika في الخميس 3 سبتمبر - 10:26

    بلاش حمودى.....فى حد يعمل عملتك دى يا استاذ نصار ويحكى مقابلة حمودى دى محتاجة دراسة
    علشان نفهمها

    كان اللة فى عون اللى هايقراها afro
    avatar
    Admin
    المدير
    المدير

    عدد المساهمات : 184
    تاريخ التسجيل : 27/08/2009
    العمر : 37
    الموقع : www.quebecimm.ahladalil.com

    رد: إلّي نجحوا في مقابلات كيبيك يحكوا تفاصيل المقابلات ♥♥♥ مبروك مقدما

    مُساهمة  Admin في الخميس 3 سبتمبر - 12:51

    فعلا يا جماعة
    مقابلة حمودى كانت غريبة حبتين
    بس بردو لازم كل الظروف تتحكى علشان كلة يبقى عارف اية المشاكل الى ممكن تقابلة و غالبا كل المشاكل مش حتخرج من رحلة حمودى
    بالاضافة بس الى مشكلة اخرى و هى ضباط المطار هناك فى دمشق
    بصراحة فية ناس مش قلقلة رجعوها من المطار هناك...لية مشعارف ؟
    و انا بصراحة دخلونى عند ضابط كبير فى المطار انا و المدام و سالنا انتو حاتقعدو كام يوم و كدة يعنى حوالى 10 دقائق و سالنى على قسيمة الزواج كمان
    و بعدها قال للعساكر ...دخلوهم دة طبعا على اساس انى داخل جنة عدن
    المهم دخلنا بس سمعت فعلا انهم رحلو ناس كتير من المطار و كلهم مصريين
    خدو بالكو بردو يا جماعة
    و ربنا يسترها

    Nassarlink
    عضو
    عضو

    عدد المساهمات : 78
    تاريخ التسجيل : 29/08/2009
    العمر : 46

    رد: إلّي نجحوا في مقابلات كيبيك يحكوا تفاصيل المقابلات ♥♥♥ مبروك مقدما

    مُساهمة  Nassarlink في الخميس 3 سبتمبر - 14:56

    Admin كتب:
    فعلا يا جماعة
    مقابلة حمودى كانت غريبة حبتين
    بس بردو لازم كل الظروف تتحكى علشان كلة يبقى عارف اية المشاكل الى ممكن تقابلة و غالبا كل المشاكل مش حتخرج من رحلة حمودى
    بالاضافة بس الى مشكلة اخرى و هى ضباط المطار هناك فى دمشق
    بصراحة فية ناس مش قلقلة رجعوها من المطار هناك...لية مشعارف ؟
    و انا بصراحة دخلونى عند ضابط كبير فى المطار انا و المدام و سالنا انتو حاتقعدو كام يوم و كدة يعنى حوالى 10 دقائق و سالنى على قسيمة الزواج كمان
    و بعدها قال للعساكر ...دخلوهم دة طبعا على اساس انى داخل جنة عدن
    المهم دخلنا بس سمعت فعلا انهم رحلو ناس كتير من المطار و كلهم مصريين
    خدو بالكو بردو يا جماعة
    و ربنا يسترها

    ايه ده

    احنا عاوزينك تحكي بالتفصيل مقابلتك كانت عامله ازاي

    متسبش ولا كبيره ولا صغيره

    نصّار


    Razz
    avatar
    Admin
    المدير
    المدير

    عدد المساهمات : 184
    تاريخ التسجيل : 27/08/2009
    العمر : 37
    الموقع : www.quebecimm.ahladalil.com

    مقابلة عماد فى بلاد العجايب

    مُساهمة  Admin في الخميس 3 سبتمبر - 16:44

    قبل ما احكى مقابلتى الحقيقة محتاج اقول شوية معلومات اساسية:

    الحقيقة انا مقدم و ماشى مع المستشار المشهور رهيب يونس و انت طبعا عارفينة و واخد منى 3500 دولار امريكى عمولة ايدة مع انة بصراحة معملش اى حاجة بل بالعكس دى عطلنى حوالى 3 شهور على الفيدرال بالاضافة الى الكسل و انتظار طوابير العملاء الى عندة .
    المهم المكتب فرعة الاساسى فى موريال و هما بصراحة ناس محترمين جدا جدا على عكس مكتب المستشار الى انتو عارفينة تماما . يوم 26-8-2008 لاقيت مكتب كندا باعت لى جواب المقابلة و قالى لازم تدينا كونفريميشن خلال شهر سواء بالقبول او التاجيل و رديت عليهم بالموافقة و كان ميعاد المقابلة يوم 30-11-2008 فى البلد العربية الشقيقة العقيقة سوريا . و فعلا ابتديت ساعتها اسال على مدرسين الفرنساوى الفراودة عشان اجهز نفسى انا و المدام ... و للعلم انا الحقيقة كان المكتب كاتب لى المستوى السادس فى الابليكشن و للمدام عندى السابع او التامن ...مش فاكر بالضبط ... لكن المشكلة ان مراتى مابتعرفش كلمة فرنساوى مع انها كانت مدارس لغات و مخدتش اى كورسات فرنساوى قبل المقابلة

    واضطريت طبعا انى امشى مع اتنين مدرسين هما عصام و نادية .... و نادية دى كانت تدرس لمراتى بس لانها طبعا على قدها و انا مع مسيو عصام و هو بصراحة فرود فرنساوى لانة تونسى و دراستة كلها فرنساوى

    المهم ماطولش عليكو سافرنا و عملنا معسكر بسيط كدة و جة يوم المقابلة.... طبعا ليلة المقابلة دى استحالة يجى لك نوم و فعلا قمنا الساعة سبعة الصبح لان ميعادنا كان التاسعة و النصف فى السفارة نفسها فى اوتوستراد المزة و رحنا المقابلة و استنينا فى الاستراحة لحد لما دورنا جة و لاقيت راجل بصراحة شكلة مش خواجة خالص بينادى علينا و منكرش انى اتخضيت بصراحة لان فكرتنا كلها يا اما ست حلوة مبتسمة او رجل بشوش و لكنى ماشفتش الحاجات دى .... المهم اتكلت على اللة و دخلنا
    س: انتو عارفين انتو لية هنا انهاردة ؟
    ج: ايوة عشان كذا كذا كذا
    س:طيب احنا حنقسم المقابلة الى اربع اجزاء و هى التعرف على الشهادات والمعلومات العامة و الخطط للتاقلم فى كيبك و بعدها يسال المدام...على ما اتذكر
    ج:طيب
    و ابتدى الراجل يكلمنى بالفرنساوى على طبيعة شغلى و شهاداتى و الكلام الى انتو عارفينة و فى نص الكلام كدة سالنى سؤال غريب جدا بيقولى تعرف اية اكبر شركة برمجيات كيبكواة الاصل.... طبعا حداقة المصريين اشتغلت و قلت لة مايكروسوفت او اوراكل كيبك .... رد قالى لا لا شركة اصلها من كيبك.... طبعا استسلمت و قلت لة معرفش
    الراجل يشكر الحقيقة قالى اسم الشركة بس طبعا نسيتها و بعدها قالى انت شايف ان الفرنساوى بتاعك كفاية عشان تتكلم هناك ....قلت لة لاء بس انا بتعلم اهو و ادينى خلصت المستوى السابع ووريتة الشهادة بالمستوى السابع من المركز و قلت لة اكيد هناك حانكمل دراسة و كدة

    المهم بعدها قالى نسال بقى سؤال انجليزى و فعلا سالنى قالى : اية اهم الصعوبات الى ممكن تواجهها هناك ؟؟ و نفس السؤال دة كان سالة قبلها بالفرنساوى و يظهر كان عاوز يتاكد انى مش حافظ و الحمد للة جاوبت بس كنت متلخبط حبتين فى الفرنساوى و الانجلش

    و بعدها ابتدى يسال مراتى و قالها :بتشتغلى اية و فين ومن امتى ؟ و اية الصعوبات الى ممكن تقابلك هناك انتى و عيالك ؟ و الحقيقة مراتى جاوبت السؤال الاول بالعافية و التانى ماقدرتش تجاوبة و قالت للراجل : ممكن اجاوب بالانجلش..... قالها بكل حزم لآلآلآلآ ... وسال مراتى عن الشهادات و شهادة الكلية كان الختم فيها مش واضح شوية قعد يركز فية شوية و بعدها سابنا و دخل جوة و رجع تانى ؟؟؟؟؟ و غالبا سال حد تانى عن الاختام المصرية و اشكالها المتعددة.

    و خلصنا على كدة و جة وقت النتيجة ؟؟؟؟؟ طبعا انا قلت فشلنا لانى لخبط شوية فى الفرنساوى من التوتر و مراتى جاوبت سوال واحد من الاتنين

    و لقيت الراجل بيقولى مبرووووووووووك و راح رافع علم كيبك صغير كدة و ابتدى يشاور بية و بيضحك
    طبعا ساعتها عرفت ان الناس دى بجد حقانيين جدا بالرغم من الظروف الى حطنا فيها ... وغالبا الظروف دى كانت عشان يشوف رد فعلنا
    و قلتلة شكرا ........الخ راح قايل لى ماتشكرنيش انا ... اشكر مراتك
    و لاقيتة بيطلع حاجات كدة غير السى اس كيو و بيقول كل واحد يكتب اسمة و مهنتة و يمضى انة حايشتغل فى نفس مجالة فى كيبك ؟؟؟؟ و طبعا ماضيت انا و المدام و سلمنا السى اس كيو و خرجنا رتبنا اوراقنا برة و مشينا على الدير فرحانين جدا
    المقابلة دى استمرت ساعة و شوية الحقيقة و الراجل دة كان جزائرى الاصل و الى عرفتة انة سقط 2 او 3 لما روحت الدير و كان واحدة من الى سقطهم الراجل دة حوالى 38 سنة و تخينة موت و ضعيفة فى الفرنساوى و جوزها زيها تقريبا و التانى مشعارفة

    بس الحق يتقال ان ربنا هو الى رايد و ان الناس دى بتدى كل واحد حقة تماما و بتتعامل بصراحة مطلقة .... وعرفت من صديق ليا فى سفارة ما ان الناس الى بتدى التاشيرة فى امريكا و كندا بياخدوا دورات خطيرة فى الكشف عن الكدب ووضع الشخص الى قدامهم فى موقف معين حتى يكتشفو الحقيقة .
    اسف على الاطالة


    و فى النهاية ربنا يوفق الجميع و يا رب نكمل كلنا على خير



    abdelhalim
    عضو جديد
    عضو جديد

    عدد المساهمات : 23
    تاريخ التسجيل : 01/09/2009
    العمر : 39

    مقابلتي في دمشق سوريا فندق رويال سويت يوم الجمعة 21 نوفمبر 2008

    مُساهمة  abdelhalim في الإثنين 7 سبتمبر - 18:56

    ze=1السلام عليكم ورحمة الله وبركاته يابشوات ياللي منورين المنتدي الجميل ده
    طبعا انا عملت مقابلتي يوم الجمعة 21 نوفمبر الساعة 2ظهرا في فندق رويال سويت في دمشق
    المهم علشان مطولش عليكم هناك في الفندق يوجد 3 ممتحنين منهم شارل شاب ظريف جدااااااااااااااااااا
    عنده حوالي 29 سنة وكمان بنت ظريفة عندها حوالي 28 سنة و ست كبيرة حوالي 40سنةاو 45سنة في الحدود دي المهم كان معاي في نفس الوقت شاب مصري وزوجته وكمان راجل لبناني وزوجته
    وفي حوالي الساعة 1و40 دقيقة نزل شارل فقلت اكيد هينده علي ومن ثم نده علي الشاب المصري وزوجته بعدها بخمس دقائق نزلت البنت الصغيرة فكررت نفس الكلمة ولكن ظني ماكانش في محله فندهت علي الرجل البناني وزوجته الهم بعدها بخمس دقايق حوالي الساعة 1و 50 نزلت لي الست الكبيرة فانا قلت في نفسي جالك الموت ياتارك الصلاة زي ما المثل بيقولوه المهم ندهت علي فقمت واخذتني في الأسينسور والمهم عرفتني باسمها ايف راي المهم دا ماخدش 1دقيقة في الأسنسير وعلي طول قمت سألاني قبل مانخش مكتبها انت جيت سوريا من امتي ؟ قولت لها من يوم 18 علي طول قالت لي انت ليه جيت سوريا قبل الميعاد ب 3 ايام ؟قولت لها علشان أزور الأماكن السياحية طيب انت زرت ايه في سوريا؟ قلت ليها سوق الحميدية والمسجد الأموي وشوارع دمشق القديمة . طيب انت عجبك الأكل السوري؟ نعم طيب ايه اللي انت أكلته في سوريا ؟ قلت ليها الفول بالحمص فقلت لها وبالنسبه لحضرتك قالت لي انا باكل تيك اواي ومبحبش الأكل السوري دا كله اللي حصل قبل اي حاجة دا كله حصل علي باب الأوضة وقبل ماندخل المكتب وبعد كده دخلنا الأوضة قلت في نفسي ان شاء الله ربنا هيسهل شكل الموضوع سهل مفهوش حاجة
    دخلنا لمكتب وبدأت بالكلام معاي
    المهم قالت لي ممكن اشوف الباسبور وبدات تكتب علي اللاب توب ثم الشهادات بتعتي شافتها ودا اللي شافته وبس المهم قالت لي ان انت مدرس فرنساوي وكمان واخد دبلومة في تعليم الصم والبكم قلت ليها نعم طيب ايه المشاكل اللي بتواجهك في مصر ؟ قلت ليها التعليم وخصوصا تعليم اللغة الفرنسية وكذلك التلوث اللي مسبب لي مشاكل في العين تصوري اني بشتري قطرة لعيني بجزأ كبير من مرتبي وطبعا سيادتكم عارفين المشاكل بتاعتنا كلها فلا داعي لأن اذكرها لانك عارفاها بالتفصيل فانا مش هقول جديد
    قمت انا مبادرها قبل ماتسالني وقلت ليها تهاني علي العيد 400 لتأسيس كيبك وكذلك نجاح القمة الفرانكفونية المقامة في كيبك في اكتوبر 2008 وتهاني لكل مدرسي اللغة الفرنسية علي انعقاد المنتدي ال 12 للأتحاد العالمي لمدرسي اللغة الفرنسية المقام ايضا في كيبلك اكتوبر 2008 كيبك مهد الحضارة الفرانكوفونية في أمريكا ورمز لكل الفرانكوفونين في أمريكا والعالم فالمهم بصت لي وضحكت فقمت ضاحك قالت لي انت عرفت الكلام ده منين قلت لها أني متابع جيد لقناة ال تي في 5 الفرنسية قالت لي مين هم أهم المذيعين قلت ليها فاليري تيبيه اللي بتقدم برامج علي طول عن كيبك فقامت ضاحكة وقالت لي وووووwooo فقمت ضاحك المهم انا مضيت علي الأمضاء المالي بعدها بعشر دقايق واعطتني قلم هدية من موريال وفهمتني هعمل ايه بالضبط وكذلك بالنسبة للفيدرال وإيه الللي مفروض علي أعمله لما اروح كيبك المهم شكرتها وسلمت عليها واعطتني كتيب صغير عن كيبك
    المهم رجعت با لسي اس كيو و مقابلة مابعدها مقابلة وأفضل واسهل مقابلة عملتها في حياتي
    والله يابشوات الموضوع سهل جدا بس المهم الفرنساوي ي ي
    وياريت يبقي عندك ثقة في نفسك الموضوع اسهل مما تتصور وربنا يكرم الجميع وبالتوفيق من
    اخوكم عبدالحليم

    مازن الحلبي
    عضو جديد
    عضو جديد

    عدد المساهمات : 18
    تاريخ التسجيل : 03/09/2009

    مقابلتي في سفارة كيبك دمشق..كمان

    مُساهمة  مازن الحلبي في الإثنين 7 سبتمبر - 19:15

    اخوتي المصريين ..وكافة الأخوة العرب المشتركين بهذا المنتدى الرائع ..أنا قدمت مقابلتي عشان كيبيك الخميس 18/6/2009 ..يعني من كم يوم ...ونجحت ..الحمد لله..عقبال عند كل اللي ناوي الهجرة ..اولا اعرفكم بنفسي انا عمري 38 سنة ..ولغتي الفرنسية ..ماشي حالها ..بس بظن بالنسبة للكنديين الكويبيكين ..مش ولا بد ..متزوج وعندي طفلان ..أحمل إجازة بالحقوق ..وزوجتي كمان معها إجازة بالحقوق..وعندي خبرة عملية بالعمل الوظيفي (ياسلام على دي خبرة )..المهم المقابلة كانت الساعة تسعة ونصف صباح الخميس ..طبعا كنا انا ومراتي مزروعين بالسفارة قبل ربع ساعة من الموعد .. بس هم حضروا ..حوالي الساعة عشرة إلا ربع ..( تأخرو ربع ساعة ..أنا كنت حبطل ..معقول ده ..ايه المسخرة دي )....اجى راجل كبير..كهين ..وسألني مسيو مازن طبعا قلتلو ..وي .. دخلنا على غرفة الانترفيو ..اللي كنت فاكرها..غرفة كبيرة ..طلعت اتنين متر ب اتنين متر والراجل قاعد وراء حاجز زجاجي ..ونحنه والمترجمة قاعدين على تلت كراسي زي غرفة زيارة المساجين عند الأجانب ..المهم الراجل بدي يسألني عن شهادتي عن عملي ..مسؤوليات عملي وفجأة انتفض ..ورقعني بهدلة (دوش ساخن بهل الصيف خلاني ولعت ) الزلمة قال انت كاتب انو مستواك بالفرنسي متقدم ..قلت وي ..قلي بس انت مش متقدم ولا حصلت حتى ...بالفرنسي طبعا قلتلو انا كنت فاكر انو المقابلة مطولة بس تفاجأت أنها أتت بس بعد ست اشهر ..وانا بعدي بدرس قام قلي انت راجل قانون (يا سلام ) وانت عارف مجتمع كيبيك مجتمع قانون ..قلتلو بيان سوغ قلي انت كاتب الكلام قبل ست اشهر وانت المفروض بهدالك الوقت تكون متقدم..المهم خلاني بنص هدومي ..وتلبكت ..وصار يسالني وأنا أجاوب بس مرتبك (أنا قلت خلاص بقا ..راحت علينا ..) الزلمة الظاهر قلبو رق شوية قام قلي انا ح روح شوية عشاان تهدي أعصابك ..و..روح شوي..عمتك المترجمة عاوزة تحلل قرشيناتها ..قام قالتلي اجاوب انا بعد ما يجي ..قلتلها لأبتنقص علاماتي ..قالت خلاص الزلمة عرف مستواك خلاص (يعني انكشفنا واللي كان كان ) بس انا ركبت راسي وانا راسي جزمة قديمة ..وأصريت اتابع الإجابة بدون ترجمة (مع اني اللي طالب مترجم )..المهم أجا الزلمة وكمل سؤالات ..مثلا سألني انت عارف طبيعة الشغل بكيبيك انت عارف ايه عن كيبيك صرت احكيلو شوية قام سألني في نهر بموريال انتا عارفو ..قلتلو امال نهر سان لورنس يا باشا ..قلي ساويت بحث عن الانترنت عن كيبيك قلتلو طبعا قلي معاك حاجة (حاجة زي ايه ..حشيش مثلا ) لأ الراجل قصدو انا جايب أوراق عن كيبيك ..فقلتلو ..نو..المهم خلص مني وصار يسأل مراتي .مراتي تخربطت شوي صرت اغششها ..قال قلي انت يا استاذ خلصت مقابلتلك ..نقطنا بسكاتك ..بس بالفرنسي طبعا ..طبعا اخوكم عاقل ورزين و بيسمع الكلام (حكم القوي) سأل مرتي انت عاوزة تهاجري ليش فجاوبتو بالفرنساوي عشان نؤمن مستقبل كويس للعيال..(وهي دي الجملة الوحيدة اللي قالتها مراتي بالفرنساوي ..سألها انتي انتي شخصيا رايحة ليه ..قام كررت نفس الكلام بس بالعربي وقالت أصل الواحد لما بيتزوج وبيصير عندو ولاد ..بتصير حياتو كلها للولاد ..قلها يعني مش رايحة تشتغلي ..قالتلو لآ طبعا انا عاوزة أشتغل ..قام سألها بتعرفي ايه عن فرص العمل بالنسبة للمرأة بكيبيك ..قالتلو أنا اعرف ان فرص العمل واحدة بكيبيك للرجالة والستات ..صحيح نسيت أقلكم ..هو سألني عن الانكليزي فصرت أجاوبو بلغة انكليزية ركيكة وأخليه يعيد السؤال اللي عبيقولو بالانكليزي ..مع اني محسوبكم عقر بالانكليزي ..بس عملت كده عشان ما يشكش للحظة .أني ممكن أسيب كيبيك واروح للفيدرال ..الزلمة قعد يحسب بالعلامات ..ومحسوبكم قلبو واقع ..بس عطاني تصريح انو أنا رايح على مجتمع ديمقراطي علماني متحرر..تسوده العدالة والمساواة والحرية وأني اقبل بهذا القيم طبعا وقعت التصريح على طول (وهون صار عندي أمل) الزلمة خلص .وقلي انت بالعمر علامتك مش كويسة ..بخبرة العمل اديتك علامة تامة ..باللغة صنفتك متوسط ..مع انك ...بالتاقلم مع كيبيك عطيتك علامة تامة ..بالمحصلة ..انت مقبول..لولولولييييششششششش..وعطانا أوراق csq...وشوية وراق وصار يحكي ويحكي عن كيبيك ..ومحسوبكم خلاص فرحان ومش فاهم حاجة بس بيهز براسو وبيقول وي وي ..
    المهم يا جماعة اللي قدم الملف للفيدرال بس يقلي ايه الأوراق المطلوبة بالظبط ..وايه اللي عاوز ترجمة أصلية ..انا جمعت شوية معلومات ..بس المتل بيقول أسال مجرب ولا تسأل حكيم ..وأنا بسأل المجربين ..وهاد اللي متذكرو من المقابلة باختصار..

    مازن الحلبي
    عضو جديد
    عضو جديد

    عدد المساهمات : 18
    تاريخ التسجيل : 03/09/2009

    رد: إلّي نجحوا في مقابلات كيبيك يحكوا تفاصيل المقابلات ♥♥♥ مبروك مقدما

    مُساهمة  مازن الحلبي في الإثنين 7 سبتمبر - 19:19

    عفوا ..يا جماعة أنا قدمت ملفي للفيدرال وهلق أنا أن بروسس بتاريخ 6/7/2009 علما اني قدمت ملفي بنفس التاريخ ..يعين دخلوني ان بروسس بنفس يوم تاريخ تقديمي للملف ..نصيحة لكل شخص انو يشتغل كل حاجة بنفسو وما يعتمدش على محامي ..لأنو حيتكلف فلوس وكمان مش حيشتغل بنفس النشاط والاهتمام فيم لو الواحد اشتغل بنفسو..
    كتزن

    jessika
    المشرف العام
    المشرف العام

    عدد المساهمات : 182
    تاريخ التسجيل : 02/09/2009
    العمر : 36
    الموقع : www.quebecimm.ahladalil.com

    رد: إلّي نجحوا في مقابلات كيبيك يحكوا تفاصيل المقابلات ♥♥♥ مبروك مقدما

    مُساهمة  jessika في الإثنين 12 أكتوبر - 13:15

    الحالة : اعزب خريج تجارة - 29 سنة -لم ياخذ كورسات لغة بالمركز الثقافى - فقط كورسات لغة بالكنيسة- محاسب ببنك

    المقابلة : القاهرة


    [size=18]الشاب بتاع النهاردة نجححححححححححححححححححححححححححححححححححححححح

    ويسلى فيزر دكتور حسام استروفى وكل المنتظر اطمنوااااااااااااااااااااااااااااااااا جدااااااااااااااااااااااااااااااااااااااااا

    حالة النهاردة انا مكنتش متخيلة انة ينجح نهائى وحزرتة يدخل المقابلة ولكن..............هذة هى ارادة اللة

    هو كان مقدم معايا من شهر 12 ولكن لوحدة

    مجلوش فايل نمبر وبالتانى مخدش غير المستوى الاول فقط فى السنتر

    واذ فجاتا الشهر اللى فات يجيلة الفايل نمبر والمقابلة سواااااااااااااااااااااااا

    قلتلة اجل قلى لا هذاكر مع اى مدرس وهادخل

    وفعلا دخل ونجح والاسئلة كانت على الشغل والخبرة ولية كيبك وكلة بالفرنساوى ولما مكنش بيفهم كانت بتسالة انجليزى

    وقالتلة انت بتتكلم حلو ولكن.............مش بتسمع حلو بس مستقبلك حلو هناك علشان جايب جيد جدا فى كليتك اللى هى تجارة

    وكمان محاسب فى بنك
    وهو اعزب

    للعلم انا امبارح قلتلة جملة وقالهالها واقتنعت بالنسبة للشهادات لان الناس دول بيحبوا الصراحة مش شهادات وبس

    قلتلة يقلها انة مكملش فى السنتر علشان غالى وهو محتاج يوفر للسفر..........وانة اخد كورسات مدعمة فى الكنيسة وممكن تقولوا انكم اخدتوا مع اى مدرس يعنى مش لازم السنتر

    انا فرحانة بجد ومتفائلة

    ربنا معاكم النهاردة يومممممممممممممممممم جميل وكلة اخبار حلوة ودة طبعا لان عيد ميلاد جوزى ههههههههههههههه

    ووشةو حلو

    يلا بقى فرحونا .............انا زغرط مرتين يارب ازغرط للباقيين
    [/size]


    عدل سابقا من قبل jessika في الإثنين 16 نوفمبر - 9:12 عدل 1 مرات

    Nassarlink
    عضو
    عضو

    عدد المساهمات : 78
    تاريخ التسجيل : 29/08/2009
    العمر : 46

    رد: إلّي نجحوا في مقابلات كيبيك يحكوا تفاصيل المقابلات ♥♥♥ مبروك مقدما

    مُساهمة  Nassarlink في الإثنين 12 أكتوبر - 13:25


    الحمد لله يا جيسكا

    والواحد بدأ يفرح شويه من تاني

    عقبال يارب الكل ينجح

    و الكل يرجع مجبور الخاطر
    avatar
    Admin
    المدير
    المدير

    عدد المساهمات : 184
    تاريخ التسجيل : 27/08/2009
    العمر : 37
    الموقع : www.quebecimm.ahladalil.com

    رد: إلّي نجحوا في مقابلات كيبيك يحكوا تفاصيل المقابلات ♥♥♥ مبروك مقدما

    مُساهمة  Admin في الإثنين 12 أكتوبر - 14:30

    ايوة كدة يا نصار انت و جيسكا
    حمدللة على السلامة
    و ايوة كدة يا جيسكا انتى الى حاتلمينا تانى باخبارك الحلوة دى
    يالا احنا مستنين اخبارك الحلوة

    jessika
    المشرف العام
    المشرف العام

    عدد المساهمات : 182
    تاريخ التسجيل : 02/09/2009
    العمر : 36
    الموقع : www.quebecimm.ahladalil.com

    دة اخونا فايززززززززززززززززر جبتلكم المقابلة قبل ما تنزل سبق صحفى محصلش

    مُساهمة  jessika في الخميس 15 أكتوبر - 9:19

    الحالة: اعزب - صيدلة - 24 سنة - مندوب ادوية -كورسات حتى المستوى العاشر- اعداد مع العديد من مدرسى اللغة - اللغة الانجليزية ممتاز ايلتس

    مكان المقابلة : القاهرة

    انا اول مادخلت السفاره لقيت واحد طالع وبقله عملت ايه عملي بايديه اشاره فهمت منها انه وقع قلت الله يطمنك وخصوصا بعد كمان واسيلي قلت كده شكلها حصلها التحور الطبيعي لاي ممتحنه في مصر
    المهم نزلتلي الست بعد حوالي ساعه ونص من المعاد الاصلي بتعتزر عن التاخير وطلعنا على السلالم سوا لحد غرفه ضيقه ومش ولا بد كده تحس انها مرميه منسيه المهم
    بأدنت معاها بالاوراق وانا طبعا في حاله مش عارف عرفت اوصلها ازاي هدوئ ئ ئ ئ ئ ئ وثقه فربنا بشكل مكنتش اتخيله انا فعلا كان نصي التحتاني بيترعش والنص الفوقاني ثاااابت ومركز بفضل من ربنا
    المهم بعد ما اتفرجت على الورق لقيتها بتسأل سؤال عجيب هيا فين الشهاده العربي الاصلي؟؟؟
    عربي ايه يا ستي مهي دي اصلي ومختومه اهه وانجليزي عشان تفهميها طيب
    كل ورقه تمسكها تقولي دي صوره!!! المهم كنت برد بلطف واقلها لا دي اصل وفالاخر لما زودتها قلتلها ان وجود ختم النسر هوا الضمان لاي ورقه مستخرجه من جهه حكوميه لقيتها هزت دماغها وكانها اول مره تسمع الكلام ده
    المهم بعد ال 20 دقيقه الاولانيه بتاعت الاوراق قالتلي انت عايز تروح ليه؟
    قلتلها الكلمتين الي فقلبي والله لا من عند عصام ولا ناديه ولا اللام الفارغ ده
    المهم لقتها بتقول طب وانت لحقت تحكم عن سوء الوضع هنا وبعدين عشان تشتغل في كيبك لازم يبقا معاك خبره جيده عشان الناس هناك تثق فيك وانت عارف ان الصيدله دي مهنه من اساسيتها انك تكون مؤهل وحاصل على خبر جيده
    طبعا انا فاللحظه دي حسيت الدنيا بتبووظ فكنت انا برضه عامل حسابي ان ممكن اتزنق فالحته دي
    انا رديت ببساطه وقلتلها طبعا معاكي حق بس انا اتوقع ان افضل حاجا فيها تساعدني على الهجره هي نقطة العمر دي
    يعني لما ابقا 27 سنه ومخلص معادلتي وبخدم الناس هناك افضل ام ان اصل 37 واخلص المعادله 40 وميفضلش الا 10 سنين واطلع معاش
    حاجا ثانيه مهنتنا وضها سئ في مصر والخبره الي هخدها هنا مش هتفدني هناك لاني انا بصراحه اتصدمت بعد تخرجي بمدى سوء المجال الصيدلي واني اعمل كبائع للدواء ليس اكثر
    كمان المرتب منيل انا باخد 700 جنيه والحياه غاليه جدا هنا انا شاري البدله دي بي 1000 جنيه(دي كذب الحقيقه) هل برقم زي ده ممكن اكون اسره واشتري شقه!!
    اخيرا انا متأكد اني بمجرد ان احصل على رخصه الصيادله في كيبك مش هواجه اي صعوبات فالعثور على عمل
    وده لان لي صديق صيدلي مصري في مريال اكد لي شده احتياج سوق العمل هنااك
    وكمان اهه انا في ناس بعتتلي وعايزين يشغلوني اهه ده كان ايميل وجواب بوسطه كنت واخدهم معايا
    الست الحقيقه حسيت انها اتأثرت بالحوار جدا وقالتلي معاك حق انا فهماك والوجه تغير والدنيا مشيت زي الفل بقا بعد كده
    طب وانت عارف معادلتك ازاي؟
    قلتلها طبعا انا اساسا ارسلت ورقي للاوردر وهم وافقو على الاورق وبعت الشيك كمان لفتح دوسيه عندهم عجبتها بقا الحته دي جدا
    ولما طلعتلها ورق من جامعة منتريال حاجا خاصه بدراسة الصيادله هناك قالتلي انت دي جبتها منين قلتلها صاحبي هناك هوا الي بعتهالي
    قالتلي طب هتمضيلي على بتاعت الفالور دي قمت قايلها انا قاريها وماضيها من اول قالتلي انت عامل بريباراسيو ممتاز طيب واتعرف ايه عن كيبك؟
    قلتها بخصوص الاقتصاد ولا السياسه ولا التاريخ
    قالتلي يعني وانت عارف كل ده قلتلها اه انا بقالي سنتين مبقراش غير عن كيبك
    فقلتلي وتاريخ كيبك تعرفه كويس قلتلها كمان والناشيد الوطني انا حافظه
    غنتلها حته كده وفالتاريخ قلتلها معرفش جاك كارتيا هوا الي اكتشفها ومعرفش الانجليز عملو ايه وكلمتين فالسريع كده

    قالتلي يا ترى بتتكلم انجليزي حلو كده قلتلها عنيا انا عامل الايلتس يا حجه وبعدين انا كنت في مدارس اجنبيه لاكثر من 11 سنه
    وبعدين لو بتكلم كويس فرنش يبقا انا حوت الانجليزي خدي ايلتس اهه
    وكلمتها كلمتين حلوين ربنا كرمني وقلتهم من غير تفكير والله
    بس بقا قالتلي فالاخر احب اقلك ان جكومه كيبك توافق على طلبك عارف ليه؟
    قلتلها ده لزوقك وتعاونك وكل سنه وانتي طيبه قلتلي لا انت فعلا بتتكلم فرنساوي وانجليزي بصوره جيده جدا
    اتشرفت بيك
    انا طبعا شكرتها زكلميتين حلوين عن كيبك كنت قاريهم وغنيتلها النشيد الوطني بتاع كيبك ووريتها شويه تصميمات كنت عاملها بالفوتوشوب عجبتها اوي
    وفالاخر صعب عليا كميه الورق الي مشفتهمش قلتها كمان يا مدام اهه ده بتاع معرفش ايه وانا كمان كلمت معرفش مين بتاعبع على طول ال تيلي جورنار دو راديو كندا الي بتيجي الساعه 6 ونص
    قالتلي بجد؟
    قلتها اه في تي في سنكك موند قالتلي انا مكنتش عارفه معادها بالظبط
    كمان بسمع راديو كندا من على النت

    وريتها صور صحبي كمان وبس على كده




    عدل سابقا من قبل jessika في الإثنين 16 نوفمبر - 9:17 عدل 1 مرات
    avatar
    Admin
    المدير
    المدير

    عدد المساهمات : 184
    تاريخ التسجيل : 27/08/2009
    العمر : 37
    الموقع : www.quebecimm.ahladalil.com

    رد: إلّي نجحوا في مقابلات كيبيك يحكوا تفاصيل المقابلات ♥♥♥ مبروك مقدما

    مُساهمة  Admin في السبت 17 أكتوبر - 8:49

    طبعا يا جماعة موضوع المقابلة دة توفيق من عند ربنا فى الاول و الاخر
    و لكن من وجهة نظرى البسيطة احب ان اقول رايى بناء على الحاجات الى الواحد شافها:
    1- ان الفرنساوى مش هو الاساس خالص ...يعنى ممكن بتكون تقول اسمك بالعافية فى الفرنساوى و تنجح و الدليل هو ان فية ناس نجحت و هى فى المستوى الاول و ناس تانية اترفضت و هى فى التاسع و العاشر و الدليل الاقوى ان فية ناس خدت السى اس كيو من غير مقابلة (دا توفيق من عند ربنا ) فطبعا دا كلة يدل على ان الفرنسى مش مقياس خالص.

    2-السن يا جماعة و الوظيفة و الخبرة اهم كمان من الشهادات الجامعية .... و دا طبعا واضح جدا فى المقابلاات
    3-الحالة الاجتماعية ليها عامل مهم طبعا و خبرة الزوجة و عدد الاطفال
    4-صحة و دقة الاوراق نفسها ....كلها اصول و التامينات موجودة و الشركة نفسها ليها اسم كبير....كل دة لية عامل
    5-الشكل نفسة و الطريقة فى المقابلة ليها عامل مهم
    6-اللغة بقى دى اخر حاجة سواء انجلش او فرنش و دى فعلا اخر حاجة

    و انا شايف ان الناس الى اجلت المقابلة عشان الفرنساوى دول اتصرفو غلط ...لان السن يا جماعة بيجرى و دة مش فى الصالح خالص و كانوا لازم يدخلو المقابلة لان صدقونى يا جماعة كدة كدة نتيجك فى المقابلة متحددة من غير مقابلة

    و دى وجهة نظرى انا فقط

      الوقت/التاريخ الآن هو الإثنين 16 يوليو - 6:55