منتدى يهتم بشؤون المصريين و العرب المهاجرين الى كندا


    إلّي نجحوا في مقابلات كيبيك يحكوا تفاصيل المقابلات ♥♥♥ مبروك مقدما

    شاطر

    jessika
    المشرف العام
    المشرف العام

    عدد المساهمات : 182
    تاريخ التسجيل : 02/09/2009
    العمر : 36
    الموقع : www.quebecimm.ahladalil.com

    رد: إلّي نجحوا في مقابلات كيبيك يحكوا تفاصيل المقابلات ♥♥♥ مبروك مقدما

    مُساهمة  jessika في الأربعاء 21 أكتوبر - 10:28

    المقابلات ماشيه بشكل مش بطال
    امبارح بنت نجحت عزباااء بتشتغل في مجال ال اي تي في بنك
    المقابله كانت مرحه وخصوصا لما ابتدت المستشاره بسؤال تحبي تتكلمي بالغه ايه فقالتلها انجليش بليييز
    طبعا هي كانت مشاء الله اساسا بتتكلم اانجليزي احسن منها هي خريجه مدارس اجنبيه ومعرفش عامله ايه فالجامعه الامريكيه المهم
    شافت الورق وغلستش او علقت على اي ورقه على عكس محصل مع حبيب الملاين ادور
    سألتها بالفرنساوي عايزة تروحي ليه طبعا البنت كانت حافظة كلمتين ناديه على كلمتين عصام فسمعتهم
    الست قالتلها انت بس عايزة تروحي عشان كده
    طبعا يا عيني اترعب من السؤال المباغت ده قالتلها لا كمان انا بقا قرفانه من البلد دي واي بنت هنا بتبقا مظلومه فالشغل انا ملتزمه وادائي احسن من اي ولد وهم بيترقو وانا محلك سر
    كمان الوسطه في كل مكان والبلد خلاص هيمسكها ابو دم تقيل
    المهم طبعا الاجابه دي كانت كافيه انها تقلها وانا هساعدك انتي عارفه سوق العمل هناك ومعرفش ايه قلتلها اه
    الست قالتلها احب اقولك انك نجحتي بس حولي تحسني فرنسيتك هي متوسطه على العموم (هي خدت فالمركز للمستوى ال 7)
    استغلي فتره السنه بتاعت الفيزا عشان تحسني لغتك
    سلمت عليها وشكرا

    jessika
    المشرف العام
    المشرف العام

    عدد المساهمات : 182
    تاريخ التسجيل : 02/09/2009
    العمر : 36
    الموقع : www.quebecimm.ahladalil.com

    مقابلة للمرة الثانية بعد رفضها العالم الماضى

    مُساهمة  jessika في الأربعاء 28 أكتوبر - 12:10

    الحالة: متزوج لدية طفل- خريج اداب صحافة- مندوب مبيعات فى احدى الشركات-28 سنة

    كورسات حتى المستوى 7- اعداد مع مسيو عصام

    مكان المقابلة : القاهرة

    .........الاسئلة اولا قالتلة انت طبعا دى تانى مرة ليك ........سالتة عن شهادة الكلية...........بيان الدرجات

    طبيعة شغلة .........ناوى يشتغل اية هناك؟؟؟؟؟؟؟؟؟؟ كان محضر شغل كاجول كتير من النت وورهولها

    هو ملوش معادلة وقالها ممكن ادرس تسويق لان دة مجال شغلة

    سالتة هاتعمل اية هناك قبل متشتغل ......كان فاهم السؤال بس مش فاهم القصد منة

    كررتة كم مرة وقلتلة يعنى بالنسبة لمكتب الهجرة هناك وهاتعمل اية فهم ان قصدها على تخليص اوراقة وكارت البى ار والخ

    وراها السى اس كيو بتاعتنا وان اخوة هايكون هناك قبلة ووراها عناوين صحاب مصريين لية هناك

    سالتة بتغيب عن بيتك كم يوم لما بتسافر لشغل ..........مفهموش ترجمتة انجلش فهمة وجاوب

    بالنسبة لزوجتة سالتها انتى نفس كلية جوزك قلتلها اة

    سالتها لون اللبس اللى انا لبساة اية فكرتها تقصدها هى فهمتها قصدها وجاوبت

    شافت شهادتها شكت فيها وقالتلها دى غير بتاع زوجك ازاى وانتوا كلية واحدة ومتخرجين نفس السنة؟

    قلها انها طلعتها متاخر عنى والخط بس مختلف شوية ...........شكت!!!

    وسابتهم ربع ساعة على اعصابهم

    وخرجت اتاكدت ورجعت قلتلهم اوكى مبروك

    وتوتة توتة خلصت المقابلة



    عدل سابقا من قبل jessika في الإثنين 16 نوفمبر - 9:22 عدل 1 مرات
    avatar
    Admin
    المدير
    المدير

    عدد المساهمات : 184
    تاريخ التسجيل : 27/08/2009
    العمر : 36
    الموقع : www.quebecimm.ahladalil.com

    رد: إلّي نجحوا في مقابلات كيبيك يحكوا تفاصيل المقابلات ♥♥♥ مبروك مقدما

    مُساهمة  Admin في الخميس 29 أكتوبر - 7:45

    الف مليون مبروك لاخو جوزك و يا رب عقبال الناس كلها تاخد السى اس كيو
    و عقبالك يا جيسكا لما تاخدى الفيزا و عقبالنا جميعا يا رب
    و يا ريت بقى الناس الى خدت السى اس كيو تحكى لنا اية الى حصل

    و شكرا

    avatar
    Admin
    المدير
    المدير

    عدد المساهمات : 184
    تاريخ التسجيل : 27/08/2009
    العمر : 36
    الموقع : www.quebecimm.ahladalil.com

    رد: إلّي نجحوا في مقابلات كيبيك يحكوا تفاصيل المقابلات ♥♥♥ مبروك مقدما

    مُساهمة  Admin في الخميس 29 أكتوبر - 7:47

    اخونا نصار المشرف العام مختفى كدة من المنتدى بقالة فترة كبيرة
    انا بعت لة رسالة و بردو مردش
    يا ريت يكون سبب غيبتة خي
    ر
    و يا رب يوفق الجميع

    alaafrench
    عضو جديد
    عضو جديد

    عدد المساهمات : 20
    تاريخ التسجيل : 11/09/2009

    رد: إلّي نجحوا في مقابلات كيبيك يحكوا تفاصيل المقابلات ♥♥♥ مبروك مقدما

    مُساهمة  alaafrench في الخميس 29 أكتوبر - 21:55

    انا كمان اشاركك النداء الى نصار الى العودة بفعالية الى منتدى الكيبكوا

    jessika
    المشرف العام
    المشرف العام

    عدد المساهمات : 182
    تاريخ التسجيل : 02/09/2009
    العمر : 36
    الموقع : www.quebecimm.ahladalil.com

    رد: إلّي نجحوا في مقابلات كيبيك يحكوا تفاصيل المقابلات ♥♥♥ مبروك مقدما

    مُساهمة  jessika في الجمعة 30 أكتوبر - 8:12

    استاذ نصار عندة زنقت شغل بس يا جماعة واكيد دة اللى مأخرة

    عوددددددددددد يا استاذ نصار المنتدى من غيرك ملوش مذاق

    jessika
    المشرف العام
    المشرف العام

    عدد المساهمات : 182
    تاريخ التسجيل : 02/09/2009
    العمر : 36
    الموقع : www.quebecimm.ahladalil.com

    مقابلة دكتور حسام يوسف

    مُساهمة  jessika في الجمعة 30 أكتوبر - 11:50

    الحالة:دكتور صيدلى اقل من 35 سنة متزوج ولدية طفل اعداد مقابلة مع السيد منير بدون محامى

    مكان المقابلة : القاهرة
    lue]الحمدلله رب العالمين


    الحمدلله
    الحمدلله
    توفيق ربنا ودعواتكم الجميلة
    جعلت السي اس كو لي
    أشكر كل الأخوة والأخوات الأفاضل الزملاء بمنتدانا الجميل محاورات المصريين
    مش قصدي أعمل محمد لطيف
    بس دي الحقيقة
    لولا توفيق الله ما نجحت
    وأيضا الفضل لدعواتكم الرائعة
    ومجهودات كل من سبقونا الى كندا أو الكيبيك
    سأبدأ سرد المقابلة وظروفها
    يفترض انى مستوي سادس فرنسية فى الطلب
    ويفترض أيضا أن زوجتى ثالث
    وسننا دون ال35
    وانجليزيتى جيد جدا
    والعبد لله صيدلي بخبرة أكثر من الأربعة سنوات التى تضمن الحد الأقصي للدرجات التسع
    وزوجتى خريجة علوم الأزهر وعملت لمدة 3سنين ونصف فى مركز المعلومات التابع لمحافظة الدقهلية التى رفض مسئولوها اعطائنا شهادة خبرة بالفترة التى عملتها
    واكتفوا مشكورين بنصيحة تقترب من لهجة الأمر
    بلا هجرة بلا بتاع
    مصر أحسن
    دي الصورة قبل المقابلة
    مع لخبطة غير عادية في الشهر الأخير فى ظروف شخصية وعائلية من مرض حمايا الصعب
    الى مشاكل ومهاترات تفقد أى انسان أى تركيز
    واختتمت الظروف الصعبة فصولها بكسر فى ساعد ابنى الأيمن
    والتهاب حاد فى البلعوم للعبد لله قبل المقابلة بليلتين فقط
    ليست شكوى
    بل مجرد وصف
    والحمدلله على كل حال
    دخلت السفارة الكندية من الباب الخلفي الخاص بالكيبيك في الثامنة صباحا
    ومفيش دقيقة واحدة بعد ما قعدنا فى الهول
    اسمع صوت مسيو حسن حسام
    ماشي
    توكلنا على الله
    وجدت السيدة آن تنادينا وتصطحبنا الى السلم بدلا من المصعد
    وبعد أن لاحظت حمل زوجتى اعتذرت بشدة وهونت عليها الامر بأنه مجرد طابق واحد
    وفى الممر قبل الوصول للمكتب باغتت زوجتى بسؤال بالفرنسية
    واضح ان علاقتك محدودة باللغة الفرنسية
    وأفاجأ بأن زوجتى فهمت السؤال خطأ وأجابت بكل ثقة
    نعم
    يادي الصباح
    واحد صفر
    والجون جابه الباك فى نفسه بدون ضغط
    حاولت حين الوصول للمكتب أن أخفف من الوضع وأشرح بالفرنسية انها مبتدئة وليست صفرا
    فسألتها ثانية وكان الهدف الذاتي الثاني طبق الاصل من الأولانى
    قلت خلاص
    كمل بشرف ولا تنسحب
    بدأت تسألنى عن أوراقي
    في البداية كنت مرتبكا بعد الجونين اللى فاتوا
    لكن شوية شوية الأمور مشيت
    الحقيقة هية متعاونة جدا
    لهجتها ليست صعبة
    ثم سألتنى ما هذا
    فجاوبت أن هذة شهادة الخبرة
    قالتلى أمال دي ايه
    قلتلها دي شهادة الخبرة برضة يوم ما قدمت الملف بتاعي
    مسكت الشهادتين العربي وقالتلى
    مسيو
    هم ليسوا متطابقين
    وبعدين بقى
    حضرتك دول من وزارة الصحة المصرية
    والفرق في التواريخ بس
    بقيتها بتشاور على العنوانين وبتقول هنا الفرق
    الشهادتين مكتوب عليهم
    شهادة خبرة لصيدلي
    القديمة فيها نقطتين تحت الياء فى آخر كلمة صيدلي
    والجديدة مافيهاش
    وقالتلي
    أو ويسك لي دي بوا؟
    أين النقطتين يعنى؟
    ابتسمت وقلت ان دي طرق كتابة بالعربية
    ومفيش فرق بينهم
    وتقدري حضرتك تسألى أى مصري في السفارة
    بعدها أسئلة عادية لية عن هتعمل ايه فى الكيبيك
    جاوبت عن المعادلة
    والعمل
    وفردت بقى حبة الورق من ع النت اللى طابعهم
    وأنا بتكلم لقيتهم بتديني ورقتين أمضيهم بتوع قيم الكيبيك والفلوس
    يااااااااااااااااااااااااااااااااه
    الكورة خلاص أهي على الخط
    وفاضل ع الحلو دقة
    قالتلى اكتب الورق ده وسيبني أتكلم مع زوجتك
    ولا تتدخل
    اتكلمت أم محمد أحسن شوية
    وتوقفت عن الأهداف الذاتية والارتباك
    طبعت السي اس كو للعائلة الصغيرة
    وركزت على ضرورة تحسين اللغة لدينا
    وهنأتنا
    وأنا لا أصدق
    أخيرا
    هناااااااااااااااااااااااااااااااااااااااااااااااااااااااااااااااااااااااااااام
    كلمة أخيرة
    كل كلمات الشكر لاتكفي لكم
    وأستغرب ممن يسمونه بالافتراضي
    حقيقة لقد وجدت أخوة لي لو بحثت عنهم كل عمرى فلن أجدهم
    لن أجد كل هذة الدعوات
    والأمنيات
    والحب
    والاحترام
    حقيقة لم أكن أتصور كل هذة المشاعر الرائعة الجميلة
    ولم يكن مكسبي فقط النجاح فى المقابلة
    المكسب الحقيقي هو أنتم
    أتمنى أن نكون جالية قوية متعاونة فى أرض أحلامنا
    وأتمنى أن نستمر على دعائنا لمن سيدخلوا المقابلات فى القاهرة أو دمشق
    يوم الأحد لصديقي خالد الأسود
    والثلاثاء لعالم الفضاء فى المنتدي عم استروفي
    ومن سيليهم فى الانترفيوهات
    صدقونى
    الدعوات لها مفعول السحر
    وتحياتى لكم جميعا
    [/color]


    عدل سابقا من قبل jessika في الإثنين 16 نوفمبر - 9:08 عدل 2 مرات

    jessika
    المشرف العام
    المشرف العام

    عدد المساهمات : 182
    تاريخ التسجيل : 02/09/2009
    العمر : 36
    الموقع : www.quebecimm.ahladalil.com

    مقابلة اختنا المصرية بسوريا بالفندق بتاريخ 8112009

    مُساهمة  jessika في الأربعاء 11 نوفمبر - 8:04

    الحالة : المتقدمة متزوجة ولديها طفلين خريجة فنون تطبيقية -تعمل سكرتارية فى احد شركات الادوية - لم تاخذ كورسات نهائى للغة -الاعداد مع مسيو عصام
    مكان المقابلة : سوريا - الفندق

    [size=12]اولا انا هحكى المقابلة بس اعزرونى لو اسلوبى ضعيف فى سرد الاحداث

    اصول الورق وهقيم مستواكو فى الفرنسيه والانجليه

    ياما اقبلكو ياما ارفضكوا وممكن تقدموا تظلم فى خلال 90 يوم تقريبا مش فاكرة قالت كم يوم بالظبط

    ابتديت طبعا بالورق دخلنا الفندق وانتظرنا حوالى ساعة الا ربع
    وبعدين اتت مستشارة الهجرة وكانت بنوتة ظريفة ورقيقة جدا وصغيرة فى السن
    ونديت على اسمى وبعدين طلعنا الاسناسير مع بعض واثناء هذا الوقت
    سألتنا جيتوا امتى لسوريا ؟
    رحتوا فين؟
    هل دمشق حلوة؟

    بعد كدة دخلنا الغرفة غرفة من غرف الفندق غرفة بسيطة ورقيقة

    وبعدين قدمت نفسها وقالت انا دلوقتى هشوف

    اول ورقة سالت على شهادة الجامعة

    وبعدين بيان الدرجات

    شهادة الخبرة

    وبعدين سالت بتشتغلى ايه ؟

    فين؟
    حجم الشركة؟
    وعنوان الشركة؟
    وعدد الموظفين؟
    شركة صغيرة ولا كبيرة
    بتعملى ايه بالظبط فى عملك؟

    عايزة تهاجرى ليه
    اشمعنى اخترتى كيبك
    لما تروحى كيبك هتشتغلى ايه
    وايه الى هتشتغليه اول ماتروحى فى الاول
    تعرفى ايه عن كيبك
    وعندك اطفال وايه عمرهم
    ودرستى اد ايه وقت فرنساوى
    وبعد كدة سألت زوجى

    اسمك؟
    بتشتغل ايه وفين وحجم الشركة وعدد الموظفين
    وايه مهامك الوظيفية
    وهل لما تروح هتحب تشتغل فى مجالك
    وهتعمل معادلتك ازاى
    وهتقعد اد ايه وقت تدرس المعادلة لحد ماتشتغل فى مجالك
    وشافت ورق المعادلة بتاعه وعروض الوظايف
    وعايز تهاجر كيبك ليه
    وشافت شهادة السنتر بتاعته


    واستمرت المقابلة حوالى ساعة وربع
    وبعدين قالت انتو اتقبلتوا وابتدت البرنتر تشتغل
    وبعدين سلمت علينا ووصلتنا لحد الباب وخرجنامش مصدقين نفسنا

    لو افتكرت اى حاجة تانى هكتبها

    بس عايزة اقول حاجة

    اهم اهم شىء وقت المقابلة عدم التوتر ودى اهم حاجة والابتسامة والثقة بالنفس

    على فكرة انا ماخدش فى السنتر فرنساوى نهائى ومعيش اى شهادة تثبت انى درست لغة
    انا خدت مع مسيو عصام من حوالى شهر 2
    كنت باخد حصة كل اسبوع
    وبصراحة هو انسان ممتاز ممتاز ومش مادى نهائ وكمان زوجى كان اخد مستويين فى السنتر من حوالى سنتين

    وبعد كدة من قبل المقابلة بشهر او شهر ونص ابتدى ياخد مع مسيو عصام بردة

    بصراحة الفضل بعد ربنا وتوفيقه طبعا هو

    انا مش داخلة بصراحة اقول فولان احسن وفولان اوحش بس انا بقول تجربتى بصدق وهو دة الى حصل معانا

    وبالتوفيق لكل المقدمين على المقابلة

    انا بقول عدم التوتر لانى انا كنت متوترة جدا ودا بصراحة كان ممكن يضيعنى لولا كان ربنا جنبى








    [/size]


    عدل سابقا من قبل jessika في الإثنين 16 نوفمبر - 9:09 عدل 2 مرات
    avatar
    Admin
    المدير
    المدير

    عدد المساهمات : 184
    تاريخ التسجيل : 27/08/2009
    العمر : 36
    الموقع : www.quebecimm.ahladalil.com

    رد: إلّي نجحوا في مقابلات كيبيك يحكوا تفاصيل المقابلات ♥♥♥ مبروك مقدما

    مُساهمة  Admin في الأربعاء 11 نوفمبر - 10:47

    مجهود رائع يا جيسكا بس ليا تعليق صغير
    يا ريت قبل سرد كل مقابلة تكتبى لينا نبذة عن الشخص صاحب المقابلة و هذة النبذة تشمل على ما يلى :
    الاسم
    موعد المقابلة
    مكان المقابلة
    تاريخ التقديم
    مستوى اللغة الفرنسية
    المؤهل
    متزوج ام لا

    و طبعا لو قدرتى تجيبى كل البيانات دى حيكون كويس
    و متشكرين لمجهودك


    jessika
    المشرف العام
    المشرف العام

    عدد المساهمات : 182
    تاريخ التسجيل : 02/09/2009
    العمر : 36
    الموقع : www.quebecimm.ahladalil.com

    رد: إلّي نجحوا في مقابلات كيبيك يحكوا تفاصيل المقابلات ♥♥♥ مبروك مقدما

    مُساهمة  jessika في الأربعاء 11 نوفمبر - 17:02

    Admin كتب:مجهود رائع يا جيسكا بس ليا تعليق صغير
    يا ريت قبل سرد كل مقابلة تكتبى لينا نبذة عن الشخص صاحب المقابلة و هذة النبذة تشمل على ما يلى :
    الاسم
    موعد المقابلة
    مكان المقابلة
    تاريخ التقديم
    مستوى اللغة الفرنسية
    المؤهل
    متزوج ام لا

    و طبعا لو قدرتى تجيبى كل البيانات دى حيكون كويس
    و متشكرين لمجهودك


    عندك حق يا عماد انا بردو بقول فى حاجة ناقصة وانت بتكتشفها بسرعة cyclops Wink

    هحاول اعدل المشاركات بأذن ربنا

    والجديد اكيد هيبقى وافى المعلومات كلها

    جارى وينفذ يا فندم
    avatar
    Admin
    المدير
    المدير

    عدد المساهمات : 184
    تاريخ التسجيل : 27/08/2009
    العمر : 36
    الموقع : www.quebecimm.ahladalil.com

    رد: إلّي نجحوا في مقابلات كيبيك يحكوا تفاصيل المقابلات ♥♥♥ مبروك مقدما

    مُساهمة  Admin في الأربعاء 11 نوفمبر - 17:05

    jessika كتب:
    Admin كتب:مجهود رائع يا جيسكا بس ليا تعليق صغير
    يا ريت قبل سرد كل مقابلة تكتبى لينا نبذة عن الشخص صاحب المقابلة و هذة النبذة تشمل على ما يلى :
    الاسم
    موعد المقابلة
    مكان المقابلة
    تاريخ التقديم
    مستوى اللغة الفرنسية
    المؤهل
    متزوج ام لا

    و طبعا لو قدرتى تجيبى كل البيانات دى حيكون كويس
    و متشكرين لمجهودك

    عندك حق يا عماد انا بردو بقول فى حاجة ناقصة وانت بتكتشفها بسرعة cyclops Wink

    هحاول اعدل المشاركات بأذن ربنا

    والجديد اكيد هيبقى وافى المعلومات كلها

    جارى وينفذ يا فندم

    متشكرين يا جيسكا و تاعبينك معانا
    ربنا معاكى



    jessika
    المشرف العام
    المشرف العام

    عدد المساهمات : 182
    تاريخ التسجيل : 02/09/2009
    العمر : 36
    الموقع : www.quebecimm.ahladalil.com

    رد: إلّي نجحوا في مقابلات كيبيك يحكوا تفاصيل المقابلات ♥♥♥ مبروك مقدما

    مُساهمة  jessika في الإثنين 16 نوفمبر - 9:26

    كدة كل المقابلات تم تعديها ومكتوب اعلى كل مقابلة حالتها

    بالتوفيق
    avatar
    rere
    عضو قديم
    عضو قديم

    عدد المساهمات : 42
    تاريخ التسجيل : 03/09/2009
    العمر : 40

    رد: إلّي نجحوا في مقابلات كيبيك يحكوا تفاصيل المقابلات ♥♥♥ مبروك مقدما

    مُساهمة  rere في الثلاثاء 17 نوفمبر - 10:34

    ياريت يا جماعة لو حد يجمع اسئلة الزوجة ويحطها هنا علشان فى ستات كتير خايفين من الاسئلة الغير متوقعة ونكون شاكرين جدا لمجهوداتكم

    maic
    عضو جديد
    عضو جديد

    عدد المساهمات : 6
    تاريخ التسجيل : 26/10/2009

    entervue au syrie

    مُساهمة  maic في السبت 28 نوفمبر - 10:29

    عايزة فى نقط سريعة اعرض المقابلة و ملاحاظاتى عليها بعد اذنكم:

    Date de reception du Dossier: 1 juin 2009
    Date de l'enterviue que etait recu par moi après un mois: 24 nov
    Place: syrie, l' hotel

    Le preparation:

    - انا حضرت فايل كامل بكل الاوراق المطلوبة والغير مطلوبة و اللى ممكن تعمللى support لو اتزنقت بالكلام فى اى نقطة من اللى هاتسئل فيها …………. معلش اسمحوللى انا شفت ناس معاها فايل الأستعداد للمقابلة شكله الخارجى بيدى انطباع عن محتواه و اكيد عن صحبه …….. حاجات صغيرة بس اكيد مهمة على اى الاحوال ………
    - مهم تحضير صورة من كل الاصول

    L'entrevue:

    - المقابلة كانت مع محاور …… بعد bonjour ما سالش على حاجة لمدة 7- 10 دقايق غير la langue francaise……… و طلب اول حاجة شهادة السنتر…..
    - بعد كدة كل الاسئلة الروتينية……..
    - بعد ان عدينا سؤال الشغل هناك هاعمل ايه………….بدون تقديم الأثبات من ناحيتى- باوراق يعنى… لانى فى كل مرة بساله اذا حابب يشوف ال document اللى يثبت كلامى …..رجع طلب انه يشوف الايميلات اللى بعتها ….لاماكن مختلفة فى تواريخ مختلفة … على فكرة دى حاجه مهمة


    Notes:

    - بداية المقابلة تعتمد على المحاور و الجروب الى شافه قبللك …….عرفت انه اليوم اللى قبللى كان كل التعليق على اللغة الفرنسية ……فى حالة اصبحت متعلقة الى ان يتاكدوا من صحة ال certificat لانه تقيمها فى الشهادة فى رايهم اعلى من الحوار معها
    - الموضوع package ده انطباعى يعنى شخصيتك , الانطباع الاول , مدى تحضيرك , خبرتك
    طريقة تفكيرك لتحسين مستقبللك…….
    - يعنى بالنسبة لى nivoux de francais 5, لكن ركزت معاه على ال conversation ……
    وكانت مهمة جدا يا جماعه لانة بيقيس le nivoux d'expression en general

    - الموضوع ا ولا و اخيرا بيكون بتاع ربنا …..

    maic
    عضو جديد
    عضو جديد

    عدد المساهمات : 6
    تاريخ التسجيل : 26/10/2009

    رد: إلّي نجحوا في مقابلات كيبيك يحكوا تفاصيل المقابلات ♥♥♥ مبروك مقدما

    مُساهمة  maic في السبت 28 نوفمبر - 10:32

    3ayza ashkor el admin we kaman jessikaaaaaaa

    bon chance ya shabab

    rabena yekamel 3ala 7'eir

      الوقت/التاريخ الآن هو الجمعة 24 نوفمبر - 18:28