jessika في الثلاثاء 10 نوفمبر - 10:10
مدينه مونتريال عباره عن جزيره متحوطه بالنهر
ممكن حضرتك تشوفها على الخريطه دى
http://www.mapquest.com/maps
ضواحى مونتريال على الشط التانى من النهر يعنى مش بعيد عنها لكن لازم تعدى كوبرى عشان توصلهم والكبارى طبعا بتبقى زحمه ولكن ميزه الضواحى ان اسعار البيوت اقل شويه من مونتريال وكل ما تبعد كل ما التمن يقل وطبعا فيه مساحات خضرا وجناين واقل زحمه فى الضواحى عن مونتريال
فيه كذا حى ( او بلد) فى شمال وفى جنوب مونتريال وفيهم المناطق الراقيه وفيهم النص نص
يعنى فى الشمال فيه Laval, Ste-Dorothée, Terrebonne وغيرهم
والجنوب فيه Longueuil, Brossard, St-Lambert, Laprairie, Boucherville و غيرهم
فيه مناطق المواصلات منها لمونتريال سهله (مترو او اتوبيس) زى Laval, Brossard, Longueuil والباقى بيبقى بعربيه او باتوبيسات
عموما موضوع المواصلات ده نسبى لان لو بتشتغل فى الضواحى يبقى مش محتاج تدخل مونتريال
او لو ساكن فى الضواحى قريب من دخله كوبرى من الكبارى ممكن توصل مونتريال بعربيه او باتوبيس اسرع من واحد ساكن فى شرق مونتريال مثلا وبيشتغل فى غربها
فى كل بلد من دول فيه احياء راقيه واحياء مش اوى او قديمه
اكتر مكان فيه عرب هو Laval و بعدها Longueuil, Brossard
اتمنى اكون قدرت ارد شويه على اسءله حضرتك ولو فيه استفسارات تانيه اتفضل اكتبها
عموما انا دايما نصيحتى للمهاجراللى لسه واصل انه ياجر شقه لمده صغيره فقط ( يعنى مش عقد سنوى) لغايه ما يوصل وينزل يشوف بنفسه الاماكن وبعدين يقدر يختار
تحياتى
دخول
مُعاينة البيانات الشخصية
صور من مونتريال
