رسالةالادارة - اعضاء و اخواتى و اصدقائى فى محاورات المصريين المهاجرين الى كيبك اهلا بكم فى بيتكم الخاص الجديد

الحلقة التانية
شكرا استاذ عماد
هناك اقتراحات جديدة
1- موضوع النت بين اديك
بمعنى لا يوضع فى هذا الموضوع الا مواقع النت الخاصة ب اللغة - السكن - السيارات-المدن-الجامعات-الوظائف وهكذا
2- موضوع ارفع راسك انت كيبيكاوى
هدف هذا الموضوع هو تنمية الولاء لكيبيك من خلال تقديم كل المزايا الموجودة فى كيبيك عن باقى الاقاليم
كذلك رد الجميل للناس اللى كانت السبب فى دخولك الجنة الكندية
3- موضوع الدليل
هدف الموضوع ان يكون مرجع لكل شيء بحيث يمكن للمهاجر طباعة هذا الدليل ليستفيد منه
مثلا الحلول لموضوع الشطافة او عند تأجير السكن نسال على السعر يشمل اية ولا يشمل اية وهكذا

تحياتى ل استاذ عماد واستاذ نصار
احنا ح نروح نفطروا بقى مع حمو ويجعله عامر
فاصل ونواصل

توضيح بناء على طل العميل :
موضوع النت بين اديك :
اولا اللغة
http://www.espacefrancais.com/conjugaison/temps_valeurs.html
http://french2000.blogspot.com
http://www.bramjnet.com/vb3/forumdisplay.php?f=128
ثانيا السكن
http://montreal.en.craigslist.ca/

وهكذا

انت تأمر

Nassarlink كتب:

Admin كتب:

منتدى الخونة الخاص بكندا و الى مقدمين فيدرال و دا موضوعات حاتشمل اجرائات الهجرة و الحياة ايضا[/b]

الحته دي كنت هموت من الضحك عليها

فينك يا د/ تهامي

حنعمل اية بس يا نصار ياخويا
دول كانو معقدنا هناك
هههههههههههههههه

الاخوة الافاضل

بالنسبة الفايل ان بروسس الخطوة التالية اية 000 لانى دخلت وكتبت ان بروسس فقط هل بعد شوية الملف ح ياخد حاجة جديدة؟؟

وبالنسبة للامنى حد سالوا علية فى الشغل ولا فى البيت فعلاولا كلة اجتهادات؟؟

هل حد اترفض امنى قبل كدة حد يعرفة؟؟

الجزء الاول من قصة الاستاذ زوهيرى
وان كان فى فانكوفر والعياذ بالله
المبدأالاول للكيبيكوا ( اللى يخرج من كيبيك يكون على مسئوليتة الشخصية ويمضى اقرار انه متحمل المسئولية لو تاه )
المبدأ الثانى ( اللى قرر يدخل فيدرال ممنوع يقول اى من الايلتس )
المبدأ التالت ( ممنوع استخدام اللغة الانجليزية فى المنتدى الفرنسية ماشى )

ونبدأ الفصل الاول من قصة الاستاذ زوهيرى
ملخص موضوع أ/ زوهيرى
وصلنا من دبي الى اثينا في 5 ساعات تقريبا و بعدها انتظرنا في المطار قرابة ال 3 ساعات

بعديها على طول خدنا طياره لتورونتو في قرابة ال 11 ساعه

عملنا اللاندينج هناك و خلصنا كل الاجراءات في قرابة ال 20 دقيقه

و قعدنا ليله في تورونتو و كانت برد حبتين تلاته اربعه خمسه و بتمطر جامد

و روحنا زياره لشلالات نياجرا على بعد 150 كيلو تقريبا

الظريف ان النص الامريكي من نياجرا موجود في بلد اسمها بافالو (يعني جاموسه) و افتكرت مطعم الجحش الله يمسيه بالخير بتاع الفول في السيده زينب و اطمئن قلبي الى ان الاسامي العره مش عندنا بس

تاني يوم الصبح ركبنا طياره من تورونتو لفانكوفر في 5 ساعات تقريبا

و على رأي المرحوم عبد الحليم حافظ في رائعته موعود

و ابتدا ابتدا ابتدا المشوار !!!

طبعا المواضيع اللي بتسألي فيها دي عايزه حد خبره بقاله سنه او سنتين على الاقل
انما ححاول على قد ماقدر

بالنسبه للشقق فطبعا فيه في فانكوفر شورت تيرم لييس يعني ممكن 3 شهور او 6 شهور
و انا في رأيي تكون مفروشه عشان دي تعتبر مؤقته لغاية ما تستقري في مكان تاني دائم
و بالتالي يبقى مفيش داعي لتضييع الوقت و التعب في شراء العفش و تظبيطه و بعدين ترجعي تفكيه تاني و تنقليه بعد شهر او شهرين او تلاته

بالنسبه للعفش فيوجد اختيارات عدييييده من عفش جديد من افخم المحلات مرورا بإيكيا مرورا بأقل منها و وصولا للجراج سيل و ده بيبقى لشراء العفش المستعمل و لكي الاختيار

الاكل الحلال موجود طبعا لكن لسه معرفش مدى توافر المحلات في كل الاحياء

الاولاد طبعا طايرين بالجو و المناظر و الطبيعه و ربنا يكملها على خير

طبعا شركات التوظيف و الاعلانات ماليه الدنيا بس مقدرش لسه افيد حضرتك في جدواها

بالنسبه لاقامة مشروع صغير فده شيئ طبيعي جدا بس المهم اللي بيعمل مشروع يكون فاهمه عشان ميخسرش فيه

الله يبارك فيكي يا بنت مصر
فعلا مشواري اخد 8 سنوات الا 3 شهور بالضبط
اما فانكوفر فوالله كلامي مهما اجدت لن يعبر عن روعة و جمال هذه البلد
انا عشت في هامبورج في المانيا و عشت في امستردام و لندن و باريس و نيويورك و مشفتش جمال زي اللي شفته في هذه البلد حتى الآن
مزيج غريب من الطبيعه و التحضر لسه مش عارف اوصفه

رحنا النهارده طلعنا السوشيال انشورانس نمبر SIN و معرفش ايه اللي يعادله في مصر (يمكن الرقم القومي؟)
معرفش هو عموما مينفعش تشتغل او تفتح حساب في البنك او تأجر شقه من غيره

المهم استقبلونا في المكتب و عملولنا الخمس ارقام بتاعة العائله كلها (5 افراد ) في حوالي 10 دقائق!!

الخطوه القادمه هي التقديم على الميديكال انشورنس


و على الجانب الآخر افيدكم بأني رحت للحلاق احلق شعري و طلع الحلاق من دولة شيلي الشقيقه
و استعرضنا سويا جوانب التعاون و العلاقات المشتركه بين البلدين و اللي كان فاضلها شعره و تنقطع
لذا استغليت الفرشه في تمشيط العلاقات و قلت موس لازم نتكلم في الماضي و خلينا نبتدي بدايه جديده من بودره الصبح
و خد مني 25 دولار كندي يعني 75 درهم اماراتي يعني حوالي 110 جنيه مصري


والله يا ايناس انا معتقدش انها غاليه ولا حاجه

يعني انا قارنت اسعار ايجارات السكن في معظم الولايات و ملاحظتش وجود اي فوارق جوهريه

بالنسبه للأكل و الشرب فدول كمان مفيهومش فوارق بين فانكوفر و باقي الولايات

يمكن التأمين الطبي الاجباري للأسره في فانكوفر مثلا بيكلف 108 دولار شهريا في حين البيرتا مثلا ببلاش

بس لما تييجي تشوفي الجليد المرعب و الطقس المتجمد حتعرفي انهم كانوا لازم يعملوه ببلاش

و ياريت حد من القدامى الكنديين يقولنا ممكن فانكوفر تكون اغلى في ايه بالضبط

احنا يا فندم في استضافه عند احد الاصدقاء لغاية ما نلاقي شقه
و ربنا اكرمنا امبارح و لقينا شقه جميله قوي الحمدلله في حي اسمه بيرنبي محاطه بالخضره من كل مكان و زمان
و حننقل بكره باذن الله

اما متوسط الايجارات من الاستوديو لثلاثة غرف نوم من حوالي 700 دولار وصولا الى 2000 دولار و اكثر طبعا حسب المنطقه و المساحه و عدد الغرف

يعني ممكن ب 1000 او 1200 تلاقي 3 غرف نوم كويسه

اشكرك كثيرا يا نصار و ربنا يباركلك

لاحظت حاجه مهمه جدا في فانكوفر

مفيش دبان في اي حته

مفيش ناموس في اي حته

مفيش ذرة تراب في اي حته

ريحة الهواء مختلفه و زي ما تكون مشبعه و مكتظه بالاكسجين النقي من حجم الخضار المهول في الشوارع

و الى ملاحظات اخرى قريبا

و بقى ان اتقدم بخالص الشكر و العرفان للأخت مصريه و النعم على ما قدمته لنا من عون جبار هنا في فانكوفر و اللي من غيرها كنا اكيد اتبهدلنا كتير على ما نلاقي شقه في مثل هذا المكان

بقالي 6 ايام لغاية دلوقتي مشفتش ولا دبانه الصبح و لا ناموسه بالليل في فانكوفر

و اظرف حاجه بقى في الدنيا وانا بفتح حساب في البنك الراجل قاللي ده رقمي تتصل بيا في اي وقت عشان اخدمك

و لو حسيت اني مبخدمكش كما ينبغي ...خد الرقم ده عشان تقدم فيا شكوى للاداره العليا !!!!!!!!!!

والله يا كويين انا لسه مش خبير طبعا في اسماء المناطق في فانكوفر

بس اللي شفته ان الداون تاون مكان رائع جدا بس يمكن اغلى شويه
في حين ان في حي اسمه ريتشموند ده اروع و اروع
و كوكيتلون ده كويس بس بعيد و متطرف شويه
و بيرنابي اللي احنا ساكنين فيها حي جميل قوي و اكسيسابل من كل حته و فيه كمية خضره غير اخلاقيه
قالولي ان حته اسمها سيري مش كويسه مثلا و الله اعلم
بالنسبه للأكل الحلال فهو متوافر في حتت كتير و لو سألتي حتلاقي ناس كتير توجهك
برضه اماكن الاثاث الجديد منتشره في كل حته
بس اعتقد ان الجراج سيل ممكن يكون حل مثالي للكثيرين بحيث انه يقدر يفرش شقته كلها من 1000 الى 2000 دولار كندي
و ممكن ارخص لو عرف يدور على كذا جاراج سيل يستلقط منهم حاجات
انا اشتريت ديفيدي توشيبا شبه جديد ب 10 دولار مثلا!!!

ححكيلكوا بقى على المدارس
و ارجوا الا تعتقدوا ان كلمة مدارس تعني ما وجدناه في بلادنا من مدارس حكوميه او خاصه

لا
البته

ولا المدرسين هما المدرسين

ولا الاداريين هما الاداريين

ابدا
و كلا

رحنا الساعه 9 و نص و خلصنا الساعه 10 تقريبا و كان الولاد اتقيدوا و خلص الموضوع

استقبلنا مدير المدرسه بابتسامه المحب العاشق
و شرحناله موقفنا
راح ماليلنا الابليكيشنز بتاعة الاتنين الكبار و قالنا تقدروا تجيبوا الصغير يقعد في الكيندرجارتن مع مدرسين مخصوصين لغاية الساعه 12
و حيبتدوا يوم الاتنين الجاي لغاية نهاية السنه بس عشان ياخدوا على الجو و النظام
و حيدخلوا امتحان تحديد مستواهم في اللغات اول يونيه و على ضوءه يتحدد مستواهم
و خلص الموضوع
بس
الحاجات الظريفه بقى
قالنا ياريت الاولاد ميلبسوش حاجه تراديشينال فيها خطوره على زمايلهم زي الخنجر و السيوف و الحاجات دي
قالنا لو عايزين الاولاد يفطروا و يتغدوا في المدرسه خدوا الظرف ده و حطوا فيه اي مبلغ تقدروا عليه لغاية 45 دولار شهريا مقابل اكلهم
يعني ممكن دولار و ممكن 10 و ممكن 45 زي ما تقدر
ححطلكم شوية صور قريبا
طبعا كل ده مجانا
اللي فهمته هنا في مدارس فانكوفر ان مفيش حي مفيهوش اكتر من مدرسه
و بالتالي مفيش لزوم للباصات لأنها مشي لن تتعدى 5 دقائق بالكتير
و في حالة بعدها عن السكن بيكون في باصات حسب كلام و شرح المدير بشكل عام
طلبوا مننا الباسبور و اللاندنج و شهادة التطعيمات
مفيش يونيفورم و اللبس عادي بس بشرط ميكونش فيه حاجات خطر زي الخناجر و خلافه
ابني الصغير عمره سنتين و نص تقريبا و بيستقبلوا الاطفال من سن سنتين تقريبا بس الشرط الوحيد ان الأم تكون موجوده اثناء النشاطات التعليميه و الترفيهيه (المجانيه)
الحاجه الظريفه الاخيره في تعليمات المدير ان ممنوع التلميذ يجيب معاه مخدرات للمدرسه
و ممنوع ايضا يستعمل الانترنت في الكمبيوتر بتاعه لغير الاغراض التعليميه

الاخ الفاضل
الف مبروك الاخبار الحلوة دى
بس على فكرة كيبك - مونتريال على وجة الخصوص لسة جاى واحد صاحبى كان بيمتحن الجزء الاول فى المعادلة 00

واخبرنى الاتى
1-

الاستاذ بات مان ملحوظة
هذه هى الجزء الاول من ملخص موضوع الاستاذ زوهيرى على المحاورات وليس موضوع جديد
ثانيا كمل ولا اجيبلك سبايدر مان

فعلا انا حاولت ادخل عليه اكنر من مره ومفيش فايده

معرفش فيه ايه!!!!!!!!!!!!!!!!!!!!!!!!!

لو موضوع الهاكينج كمل بنفس النتائج المعهودة ,يبقي هانفقد واحد من اهم المواقع للاسف
و الشيء اللي يجن انهم سعوديين
لية ,مش فاهم
احنا امة سلطت علي نفسها و بعدين دة احنا في رمضان
هل هو دة الخير اللي بيعملوة
اسف علي الازعاج

لاخوة الافاضل
انا لى صديق شخصى كان يبيمتحن المعادلة فى شهر يوليووقالى الاتى على موريال زى ما بيسموها وليس مونتريال
1-الحياة هناك اكتر من رائعة الدنيا هادية وطبعا الشوارع تقريبا فاضية ومنتهى الجمال
2- السكن فى موريال شقة كويسة مفروشة حوالى 120 متر من 650- 750 دولار حسب بعدها وقربها من المترو والاسواق وخلافة
3- بالنسبة لكال اللى عايزيين يدرسوا فرنساوى همة مرحبيين وبيدوا 460 دولار شهريا غير المواصلات عليهم
4- ىبدل البطالة والليعوز باللة500دولار شهريل للى اقل من 12 سنةو450 دولار للى اكبر من 12 سنةبما فيهم احنا الكبار
5-يوجد قرض من كيبك للى عايز يدرس وبعد ما يشتغل يسدد منة حسب 50-65%
6- تحزير ما حدش يعمل لاندنج اول مرة فى الشتاء لان واحد عملها ماعرفش يدخل البيت من التلج
7-درجة حرارة الصيف هناك 18-21
8- مريال بتقدم يعنى كيبك تسهيلات ضخمة عشان الناس يقعدوا فيها
9- يعنى التامين الصحى هناك قالى ببلاش
10- الحياة رخيصة يعنى ب 400 دولار تاكل انت واسرتك كويس
11- ما حدش يشترى لبس من هناعشان لبس هناك مختلف نهائيا

ربنا يوفق الجميع وفاصل ونواصل00000

تحياتى للاخ نصااار لانة وحشنى جداااولكل الاخوةالافاضل

كلام الاستاذ بات مان صحيح بس
120 متر دى واسعة شوية معتقدش ان المساحات تصل لهذا وبذلك السعر
المساعدات الاجتماعية تعتبر هناك نقطة سوداء عند العمل لانهم بيعتقدوا انك شخص متواكل على الاخرين
وبالباقى كلام 100 100
شكرا استاذ بات مان

ألف مبروك على المنتدى الجديد يا عماد
وإن شاء الله يكون إضافة قوية لكل المصريين المهاجرين
بالتوفيق

اهلا بيك يا اهلاوى يا اصيل نورتنا بجد

بس مش عايزين تهنئة وبس لازم مشاركاتك القوية معانا

منتظرينك

وانا كمان معاك يا عماد اناشد عمدة كيبك الاستاذ نصار بالعودة النشطة للمنتدى
وميرسى للاخت جيسكا على مجهوداتها فى المنتدى