انا أ ب هجرة ومحتاجة استشارتكوا ارجوكوا ساعدونى

انا عملت التست اللى على موقع الهجرة الى كيبك ومفروض اتقبلت
انا خريجة علوم 2003 اتعينت فى الحكومة 2005 ككميائية وبعد سنة اخدت اجازة رعاية طفل وطبعا متأمن عليا حتى الان
لكن انا اشتغلت اعمال ادارية فى القطاع الخاص وحتى الان واخدت كمان كورس اتش ار من الجامعة الامريكية وحاليا فى المستوى الاول فرنساوى فى معهد القوات المسلحة
انا عايزة ابدا اقدم طبعا انا مجوزة ومعى طفلين هل موضوع الشغل هيعملى مشكلة ومفروض اية الخطوات وفى ظل الظروف الحالية فى مصر ممكن الانترفيو يكون بعد اد اية؟؟؟؟؟؟؟؟؟؟ من فضلكوا ساعدونى لحسن انا تايهة

لية محدش رد عليا من فضلكوا منتظرة مساعدتكوا

مدام رانيا ربنا معاكى..ممكن تتعينى بالاجابات والموضوعات القديمة ..الظاهر محدش فاضى..انا كمان مش لاقية حد يرد عليا..المهم متزهقيش وربنا يوفقنا جميعا

اهلا يا جماعة
شوفى يا مدام رانيا انا هجاوبك على قدر معرفتى
بخصوص سؤالك عن الشغل، طبعا الشغل مهم و على حسب الفترة بتاعة شغلك اللى تقدرى تثبتيها بشهادات الخبرة و جواب التأمينات يعنى مثلا لو انتى اشتغلتى اقل من 24 شهر تحصلى على 4 نقاط و لو من 25 شهر الى 47 شهر تحصلى على 6 نقاط و لو اكثر من 48 شهر تحصلى على 8 نقاط
كمان الانترفيو بيكون من 9 شهور لسنة من تاريخ فتح الملف
ابدأى دلوقت فى تجهيز الورق بتاعك و بعدين افتحى الفيل و ربنا يوفقك انتى و الاسرة كلها
الموقع دة هيفيدك و فيه تقسيم الدرجات
http://www.canadavisa.com/quebec-skilled-worker-immigration.html

ميرسى بجد للاستاذة مها واستاذ ايهاب وبجد ربنا معانا كلنا ويسهل الامور
اسمحولى اشاركم اخر اخبارى السعيدة انا بدات فعلا فى استخراج الاوراق وكمان نجحت فى المستوى الاول فرنساوى وهابدأ التانى الاسبوع القادم
شكرا ليكم

الف مبرووووك عقبال ما تكتبى تعليقاتك من جوا كندا [/b][/b]

ربنا يوفقك يا مدام رانيا و يوفقنا كلنا يا رب... و ادعيلى انا كمان يا استاذة مها