جدول المهاجرين الى كيبك فى الفترة من 2006 حتى الان

astrophy كتب:بالنسبه ليا التقديم فعليا الملف فى 19 يناير2009

فتح الملف 13 فبراير 2009

المقابله ان شاء الله 3 نوفمبر 2009

enoureldine كتب:

astrophy كتب:بالنسبه ليا التقديم فعليا الملف فى 19 يناير2009

فتح الملف 13 فبراير 2009

المقابله ان شاء الله 3 نوفمبر 2009

بالتوفيق ان شاء الله سبحان الله التواريخ بتاعتك تقريبا زى التواريخ بتاعتى بس ان كنت السنة اللى فاتت الملف اتفتح 13 فبراير وكنت فى سوريا يوم 3 نوفمبر ، ربنا يوفقك وترجع بال csq

bat man كتب:الاخوة الافاضل

بالنسبة الفايل ان بروسس الخطوة التالية اية 000 لانى دخلت وكتبت ان بروسس فقط هل بعد شوية الملف ح ياخد حاجة جديدة؟؟

وبالنسبة للامنى حد سالوا علية فى الشغل ولا فى البيت فعلاولا كلة اجتهادات؟؟

هل حد اترفض امنى قبل كدة حد يعرفة؟؟

bat man كتب:الاخت الفاضلة
اسرة قدم فيدرال31-12ومش عارف ان بروسس امتى
الطبى 1-9
والزوج كان اكل وجبة شديد وطلع سكر
والطبيب قالة نعيد تانى
ومشى دايت ولسة نتيجة الطبى
وربنا معاة0000

الرحالة باشا كتب:السلام عليكم يا جماعة :.
تاريخ فتح الملف بتاعي يوم 21/7/2009
والغريب إن جواب المقابلة أرسل علي الإيميل يوم 10/9/2009 والأغرب المقابلة في 29/9/2009 يعني بعد19 يوم من إرسال الإيميل ودي بصراحة ورطة كبيرة لأن أنا لسة بذاكر فرنساوي وفي الأول وطبعاً لازم ألغي المقابلة لأني مش جاهز خالص
تحياتي

Princesse كتب:

الرحالة باشا كتب:السلام عليكم يا جماعة :.
تاريخ فتح الملف بتاعي يوم 21/7/2009
والغريب إن جواب المقابلة أرسل علي الإيميل يوم 10/9/2009 والأغرب المقابلة في 29/9/2009 يعني بعد19 يوم من إرسال الإيميل ودي بصراحة ورطة كبيرة لأن أنا لسة بذاكر فرنساوي وفي الأول وطبعاً لازم ألغي المقابلة لأني مش جاهز خالص
تحياتي

يااااه بسرعة كدة؟ يعني بعد اقل من شهرين حددوا ميعاد المقابلة؟
بس خسارة كبيرة اوي يا رحالة انك تأجلها
على العموم قدر الله و ما شاء فعل

كان عندي سوال هي المقابلة ينفع تكون في مصر؟ ولا الواحد لازم يسافر سوريا؟
طيب والي مش هينفع يسافر سوريا يعمل ايه؟؟

gboutros كتب:أخوتي و احبائي،
عاوز احكي حكايتي و استفسر عن حاجة، يهمني رأيكم كلكم.
لو الموضوع مش مكانه هنا ، ارجو ان يقوم الادمن بنقله كما يشاء.

انا عندي 37 سنة ، متزوج و عندي طفلين.
لغتي الفرنسية كويسة لاني كنت في مدارس فرنساوي و دلوقتي بشتغل باللغة الفرنسية.
انا متخرج من كلية تجارة و اشتغلت محاسب تقريباً 11 سنة و بعدين حولت شغلي لمجال الاتصالات في اخر 4 سنين و حتى الان.

زوجتي لديها لغة انجليزية فقط ، متخرجة من كلية تجارة قسم انجليزي و تعمل في مجال المحاسبة حتى الان.

ابني 8 سنين في مدرسة فرنسية و ابنتي لم تذهب المدرسة بعد.

للاسف و بكل اسف اخذت قرار السفر و الهجرة متأخر كثير.

انا قدمت فيدرال من 2007 بطريقة ال simplified ، و بعدين خال مراتي هاجر كيبك و شجعنا نروحله علشان البلد هناك فيها مميزات كثيرة، قلنا احنا قدمنا فيدرال خلاص و ربنا يسهل و ناخد الفيدرال و بعد كده نقعد في كيبك لو طلعت حلوة فعلاً، بس بعد ما اكتشفنا ان لسه قدامنا كثير و انه ال CSQ أسهل و اسرع بالنسبة لحالتنا، قررنا نقدم لكيبك.

اتصلنا بناس كثير و محاميين كثير علشان نفهم الدنيا ماشية ازاي، قررت اعمل الفايل لوحدي ، بس من خوفي يكون فيه حاجة غلط قررت استعين باي شخص ذو خبرة زي عصام علشان يظبطلي الموضوع و اخليه يكتب الابليكيشن بالفرنساوي باحتراف و اقدمها باسمي مش باسم محامي، ما هو انا برضه الفرنساوي بتاعي مش 100 % ، نقدر نقول 80 % .

انا لسه في بداية المشوار من تجميع ورق و خلافه و لسه ما اتفقتش مع حد.

( انا اسف على الاطالة )

دلوقتي استفساراتي:

1- الغي الابليكيشين بتاعة الفيدرال و لا لأ ( اختلف المحامون في ذلك )و انا خايف الغيها و بعدين ماخدش الCSQ يبقى خسرت الاثنين.

2- يا ترى فرصي في ال CSQ ايه مع العلم ان سني (37) مش مساعدني و مخسرني 8 نقط؟

3- اقدم لوحدي و لا اشوف حد يساعدني زي عصام و برضه اقدم باسمي ، مع العلم ان عصام غالي جداً و في ناس ثانية اوفر شوية

4- عاوز اعرف ايه الاوراق المطلوبة بالضبط لانه دي كمان اختلف عليه الفقهاء ( بعني الثانوية العامة و القيد العائلي مثلاً في ناس تقول عليهم اه و ناس تقول لا)، هل كل ما كترت في الورق يبقى احسن و لا خير الكلام ما قل و دل؟

5- اترجم كله انجليزي علشان ال CSQ و بعده الفيدرال و لا اترجم مرة فرنسي و مرة انجليزي؟

انا اسف مرة ثانية على الاطالة و انا حاسس ان المنتدى ده هيبقى وشه حلو عليا

لو محتاجين اي مساعدة في الفرنساوي او اي حاجة ثانية قولولي على طول.

ربنا يوفقنا كلنا.

ترجم كل الورق بالانجليزية فقط

jessika كتب:اهلا بيك يا جورج منور المنتدى

انا رايى ان حالتك كويسة جدا جدا بالنسبة لكيبك

طبعا الاجراءات سريعة جدا بمجرد انك تقدم ممكن تجيلك المقابلة بعد 3 شهور او اربعة

زى ما حصل مع كتير..........كون الفرنساوى عند حضرتك 80% انا شايفة انة ممتاز جدا

...........خبرتك طويلة وخاصتا مجال المحاسبة مطلوب

عندك طفلين وكمان زوجتك بتشتغل وخبرة وكمان محاسبة والانجلش بتاعها كويس

انا بصراحة حاسة انى عايزة اديك السى اس كيو اصلا ن دلوقتى

ههههههههههه............

يتبقى السن رايى انك ممكن تعوض فرق درجات السن فى اللغة واجادتك فيها وباقى العناصر التانية من خبرة واطفال والخ........بالنسبة للفايل ممكن تعملة لوحدك وتوفر فلوسك وفى ناس هنا محترمين جدا ويساعدوك كمان زى استاذ نصار والسيد منير

وبالنسبة للفرنساوى انت بس خلص اوراقك واكيد ليك دور وهتشارك فى المنتدى بالفرنساوى ونتعلم منك متقلقش هههههههههه

وعوما نحب نسمع باقى الاراء

وربنا يوفقك يارب

اشكرك جداً يا Jessica على الترحيب الحار ده و كمان على التعليق
و يا ترى هتبعتي ال CSQ امتى؟

انا حاسس ان روح التعاون و المشاركة عالية قوي في المنتدى ده و الفضل يرجع ليكي و لكل المشتركين المتحمسين.
يا ريت تبلغي نصار و منير اني في انتظار ردودهم علشان مش عارف اوصل ليهم لاني في انتظار الرد على اسئلتي كلها.

و يا ترى انتي وصلتي لاي مرحلة يا Jessica ؟

مرة ثانية اشكرك و يارب بالتوفيق ليكي و للجميع.