Hany Lewis الأحد 1 نوفمبر - 8:48
أصدقاء الكفاح.. أخواتي و حبايبي اعضاء المنتدي الجديد الجميل .. أولا ألف مليون شكر لأختي جيسيكا علي كل المحبه ده .. اشكر أخويا الفاضل عماد علي حبه و تقديره الكبير لي و اعتذر عشان انا اتأخرت في الأنضمام لأني كنت مشغول جدا جدا .. و اخيرا تحياتي لكل الناس الرائعه اللي هنا .. ربنا يوفقكم جميعا لكل ما هو خير.
نزولا علي رغبه أختي جيسيكا هحكي من ساعه ما توصل مطار القاهره لغايه أما توصل مطار مونتريال
أول شيء أغلب شركات الطيران بتسمح بشطنتين لكل مواطن (ايه رأيكم في كل مواطن ده) كل شنطه بتبقي 23 كيلو دول بينزلو الطياره و بتسمح بشنطه تاني وزنها 8 كيلو تتطلع الطياره و شنطه اللابتوب مش بتتحسب و ده بقه ليها قصه تانيه معايا عشان استغليتها أسوأ أستغلال .. مصري بقه هاهاهاهاهاها...
يبقي لازم توزنو الشنط عشان ماحدش يقول وزن زياده و مش عارف ايه و تدفعو فلوس مالهاش لازمه فيه ميزان كنت عايز اشتريه ده تشتروه و توزنو في البيت و تظبطو حالكم ..
المهم واحد صاحبي خدني من البيت للمطار .. الورق اللي لازم يبقي معاكم
-CPR و ده تحطها في عينيك
- الباسبورت طبعا .. علي اساس يعني ان ممكن حد يسافر من غير الباسبور
- CSQ يعني هتستخدموها في كيبيك بس لما تيجو تقدمو علي كورسات الفرنساوي و ....كل ما يتعلق بكيبيك
- اطبعو شهاده السيره الذاتيه
-شهادات الميلاد و شهادات الخبره للي ناوي يستقر
- شهاده تطعيم الأولاد و العهده علي اللي قال كده في منتيات تانيه
طبعا بتوصل مطار القاهره بتلاقي شاشات كده مكتوب عليها فين ال gate اللي هتسافر من عليه .. المفروض طبعا انك توصل المطار قل ميعاد السفر ب ساعتين و نص ده طبعا للي ما سافرش قبل كده و مش عارف المعلومه ده .. لو عايز تقعد جنب الشباك بتقول انك عايز window seat و بصراحه بيبقي أفضل لأنك بتبقي علي الجنب و بيبقو كرسيين جنب بعض أما اللي في النص بيبقي 4 أو 5 كراسي فتبقي مزنوقه
بعد ما وصلت المطار بتعدي من بوابه الأمن طبعا و بتدخل علي مكاتب شركه الطيران اللي انت مسافر عليها في حالتي كانت مصر للطيران .. بتعمل ال boarding و بتاخد رقم الكرسي اللي هتقعد عليه في الطياره و ممكن تحدد الكرسي من الأول و انت بتحجز من علي الأنترنت بس ده بيبقي علي أول رحله يعني مثلا في حالتي من مصر للندن علي Egyptair لكن الرحله من لندن علي aircanada ده كانت في مطار القاهره ... طبعا بتوزن الشنط ..
يا ريت يا جماعه الورق كله يبقي في الشنطه اللي هتطلعو بيها الطياره عشان لو شنطكم اللي في الطياره ما وصلتش و لا حاجه لأنه شنطي ضاعت في مطار لندن .. دلوقتي بقه تفاصيل اللي حصل
ركبت طياره مصر للطيران اللي متجهه للندن و كان الترازيت هيبقي ساعتين في مطار هيثرو .. طبعا و لأنها شركه مصر للطيران اللي يا ريت ماحدش يسافر عليها نهائي , الطياره اتأخرت ساعه و عشرين دقيقه في الأقلاع .. ركزو اني بس عندي ساعتين بس في مطار لندن و ده معناه اني ممكن أوصل و ال gate هناك في لندن بيقفل و ما ألحقش الطياره .. أخير طلعت الطياره و الراجل قرص بنزين و وفر 20 دقيقه .. نزت طبعا جري من طياره مصر للطيران بدور علي ال gate اللي هركب من عليه طياره مونتريال .. و طيعا نتيجه لوصولنا متأخرين مالحقوش ينقلو الشنط و الحمد لله انا وصلت مونتريال و شنطي لسه في لندن ... علي ال gate في لندن الراجل قاللي انت مسافر مونتريال ليه و فضل يتكلم معايا كأننا اصحاب و انا عايز أجري ألحق الطياره لأنه كان مكتوب gate closing و عمال أقول في سري يا عم أخلص الليه يخرب بيتك .. شاف ال CPR و الباسبورت طبعا و قعد يقولي انت شغال ايه و زفت ايه و عمال بقي يحكي معايا و مبسوط بروحه قوي و اخيرا قال لي good luck دخلت اخيرا و بسأل علي الشنط قالي لي الراجل سوري سير الشنط هتفضل في لندن و هنبعتها علي موتريال .. المهم دخلت مونتريال و كنت أخر واحد أدخل طبعا ... هوب و الباب اتقفل
طبعا فرق السما من الأرض بين الخدمه علي egyptair and aircanada طبعا مصرر للطيران تحس انك شغال مع موظفين حكومه ده حتي الراجل الطيار كان واقف علي الباب بتاع مصر للطيران بيبتسم و يضحك لأي جنسيه تاني غير مصريه و يقلب سحنته لما يلاقي مصري مع انه مصري .. بتوع ايركندا محترمين جدا و ودودين .. وصلت مطار مونتريال الحمد لله
مطار مونتريال ..
طبعا طلبور طويل عريض ناس مهاجره و ناس عاديه .. دخلت علي الشباك بنت عسوله قالت لي أول مره في مونتريال قلت لها أه انا مهاجر قالت طيب ممكن ال CPR اديتهولها و قالت لي روح بقه علي المكتب ده و المكتب ده يا جماعه المكتب الفيدرال اللي أي بيدخل عليه أي حد مهاجر جديد لما يدخل كندا و ده موجود في كل مقاطعه .. فيه ورقه بنملاها كده و احنا داخلين علي الشباك و ممكن تملاها و انت في الطياره .. دخلت مكتب ازازا كده و برضه فيه طابور .. يبدو ان الطوابير ده هتفضل معانا طول عمرنا .. طابور العيش و طابور الجمعيه و طابور موظف الحكومه و طابورال ..... المهم وصلت لدوري الراجل ادان ورقها أملاها .. الورقه ده بتكتب فيها عنوانك اللي عايز البي أر يتبعت عليه و ممكن تسيبه فاضي و هم بيدولك رقم تكلمه من كندا تضيف عنوانك بعد كده .... و برضه في الورقه بتكتب انت داخل كندا بأيه يعني هدوم كمبيوتر و كده و تكتب قيمه تقديريه للحاجات ده .. و بتدي للراجل ده أعتقد ال CPR عشان تاخد دور و يندهو عليك .. المهم بتقعد لغايه أما يندهو علي أسمك .... المهم جنهو دخلت علي الست اللي قاعده كانت ودوده جدا زي البنت الأولانيه و قالت لي انت ايه عنوانك اديهولها تاني و رقم تليفون الأوتيل و قالت لي معاك فلوس كام قلت لها و طبعا و لا بصت و علي فكره انا خدت معايا أقل من اللي مضيت عليه ... عادي جدا يعني .. خلصت شغلها و قالت أدخل بقه مكتب كيبيك .. علي فكره انا طول الوقت ده بتكلم انجليزي عادي جدا .. دخلت مكتب كيبيك عشان يتحدد لي ميعاد انترفيو عشان يعرفوني علي كيبيك و يقولو لي ادرس فرنساوي ازاي و الاقي شغل ازاي و كل الكلام ده .. المهم الست اديتني كتيب pourquoi le qeuebc زي الموجود علي الموقع ... و حددت لي ميعاد الأنترفيو اللي هروحه و سألتني علي الس اس كيو طبعا و اديتني عنواين المكاتب اللي هعمل فيها ال SIN و برضه العناوين اللي ممكن اروحها و اعمل الميدكال كارد .. الميديكال في كيبيك مش بيطلع قبل 3 شهور عشان كده اديتني هنوان شركات تأمين خاصه عشان أستخدمها في الوقت اللي لسه فيه انا مش متغطي طبيا .... و اديتني خريطه ليكيبك و خريطه لشبكه مترو الأنفاق و ده كانت مفيده جدا جدا جدا ..
نزلت تحت عشان ابلغ عن فقدان شنطي ما aircanada و الي هنا تنتهي القصه من مطار القاهره لمطار مونتريال
معادي معاكم في الموضوع الجديد مونتريال بين ما رايته و بين ما يقال .. هيبقي فيه كل التفاصيل ان شاء الله بس أعذوروني اذا أتأخرت نتيجه لمشغوليتي الشديده جدا
الرئيسية
دخول
كل سنة وانت طيب وعقبول مليون سنة 
